บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

                                          กรุณากถา
     [๑๗๔๐]   นตฺถิ   พุทฺธสฺส   ภควโต   กรุณาติ   ฯ  อามนฺตา  ฯ
นตฺถิ   พุทฺธสฺส   ภควโต   เมตฺตาติ   ฯ   น  เหวํ  วตฺตพฺเพ  ฯเปฯ
นตฺถิ   พุทฺธสฺส   ภควโต   กรุณาติ   ฯ   อามนฺตา  ฯ  นตฺถิ  พุทฺธสฺส
ภควโต มุทิตา ฯเปฯ อุเปกฺขาติ ฯ น เหวํ วตฺตพฺเพ ฯเปฯ
     [๑๗๔๑]   อตฺถิ   พุทฺธสฺส   ภควโต  เมตฺตาติ  ฯ  อามนฺตา  ฯ
อตฺถิ   พุทฺธสฺส  ภควโต  กรุณาติ  ฯ  น  เหวํ  วตฺตพฺเพ  ฯเปฯ  อตฺถิ
@เชิงอรรถ: ๑. ม. ยุ. ยญฺจสฺส. ๒. ม. ยุ. สฺวาขฺยาโต. ^๓ องฺ. ติก. ๓๖๑ ฯ
พุทฺธสฺส   ภควโต   มุทิตา   ฯเปฯ  อุเปกฺขาติ  ฯ  อามนฺตา  ฯ  อตฺถิ
พุทฺธสฺส ภควโต กรุณาติ ฯ น เหวํ วตฺตพฺเพ ฯเปฯ
     [๑๗๔๒]   นตฺถิ  พุทฺธสฺส  ภควโต  กรุณาติ  ฯ  อามนฺตา ฯ ภควา
อการุณิโกติ   ฯ   น   เหวํ   วตฺตพฺเพ  ฯเปฯ  นนุ  ภควา  การุณิโก
โลกหิโต   โลกานุกมฺปโก  โลกตฺถจโรติ  ฯ  อามนฺตา  ฯ  หญฺจิ  ภควา
การุณิโก  โลกหิโต  โลกานุกมฺปโก  โลกตฺถจโร  โน  วต  เร วตฺตพฺเพ
นตฺถิ พุทฺธสฺส ภควโต กรุณาติ ฯ
     [๑๗๔๓]   นตฺถิ  พุทฺธสฺส  ภควโต  กรุณาติ  ฯ  อามนฺตา  ฯ  นนุ
ภควา   มหากรุณาสมาปตฺตึ   สมาปชฺชีติ  ฯ  อามนฺตา  ฯ  หญฺจิ  ภควา
มหากรุณาสมาปตฺตึ   สมาปชฺชิ   โน  วต  เร  วตฺตพฺเพ  นตฺถิ  พุทฺธสฺส
ภควโต กรุณาติ ฯ
     [๑๗๔๔]   อตฺถิ   พุทฺธสฺส   ภควโต   กรุณาติ  ฯ  อามนฺตา  ฯ
ภควา  สราโคติ  ฯ  น  เหวํ  วตฺตพฺเพ  ฯเปฯ  เตน  หิ นตฺถิ พุทฺธสฺส
ภควโต กรุณาติ ฯ
                                         กรุณากถา ฯ
                                            ---------

เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๕๙๕-๕๙๖. https://84000.org/tipitaka/read/pali_read.php?B=37&A=11798&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=11798&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1740&items=5 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=197 ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1740 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=6723 The Pali Atthakatha in Roman :- https://84000.org/tipitaka/atthapali/read_rm.php?B=55&A=6723 สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37