บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

                                            กุสลกถา
     [๑๗๘๘]   นิพฺพานธาตุ   กุสลาติ   ฯ  อามนฺตา  ฯ  สารมฺมณา
อตฺถิ   ตาย  อาวชฺชนา  ฯเปฯ  ปณิธีติ  ฯ  น  เหวํ  วตฺตพฺเพ  ฯเปฯ
นนุ    อนารมฺมณา    นตฺถิ   ตาย   อาวชฺชนา   ฯเปฯ   ปณิธีติ   ฯ
อามนฺตา   ฯ   หญฺจิ   อนารมฺมณา   นตฺถิ   ตาย   อาวชฺชนา  ฯเปฯ
ปณิธิ โน วต เร วตฺตพฺเพ นิพฺพานธาตุ กุสลาติ ฯ
     [๑๗๘๙]   อโลโภ   กุสโล  สารมฺมโณ  อตฺถิ  ตสฺส  อาวชฺชนา
ฯเปฯ   ปณิธีติ   ฯ   อามนฺตา   ฯ   นิพฺพานธาตุ   กุสลา  สารมฺมณา
อตฺถิ   ตาย  อาวชฺชนา  ฯเปฯ  ปณิธีติ  ฯ  น  เหวํ  วตฺตพฺเพ  ฯเปฯ
@เชิงอรรถ: ๑. ม. รูปา.
อโทโส   กุสโล   ฯเปฯ   อโมโห   กุสโล  ฯเปฯ  สทฺธา  วิริยํ  สติ
สมาธิ   ฯเปฯ   ปญฺญา   กุสลา   สารมฺมณา   อตฺถิ  ตาย  อาวชฺชนา
ฯเปฯ   ปณิธีติ   ฯ   อามนฺตา   ฯ   นิพฺพานธาตุ   กุสลา  สารมฺมณา
อตฺถิ ตาย อาวชฺชนา ฯเปฯ ปณิธีติ ฯ น เหวํ วตฺตพฺเพ ฯเปฯ
     [๑๗๙๐]   นิพฺพานธาตุ  กุสลา  อนารมฺมณา  นตฺถิ ตาย อาวชฺชนา
ฯเปฯ   ปณิธีติ   ฯ   อามนฺตา  ฯ  อโลโภ  กุสโล  อนารมฺมโณ  นตฺถิ
ตสฺส  อาวชฺชนา  ฯเปฯ  ปณิธีติ  ฯ  น เหวํ วตฺตพฺเพ ฯเปฯ นิพฺพานธาตุ
กุสลา   อนารมฺมณา   นตฺถิ   ตาย   อาวชฺชนา   ฯเปฯ   ปณิธีติ   ฯ
อามนฺตา   ฯ   อโทโส  กุสโล  ฯเปฯ  อโมโห  กุสโล  ฯเปฯ  สทฺธา
วิริยํ   สติ   สมาธิ   ฯเปฯ   ปญฺญา  กุสลา  อนารมฺมณา  นตฺถิ  ตาย
อาวชฺชนา ฯเปฯ ปณิธีติ ฯ น เหวํ วตฺตพฺเพ ฯเปฯ
     [๑๗๙๑]   น  วตฺตพฺพํ  นิพฺพานธาตุ  กุสลาติ  ฯ  อามนฺตา ฯ นนุ
นิพฺพานธาตุ   อนวชฺชาติ  ฯ  อามนฺตา  ฯ  หญฺจิ  นิพฺพานธาตุ  อนวชฺชา
เตน วต เร วตฺตพฺเพ นิพฺพานธาตุ กุสลาติ ฯ
                                          กุสลกถา ฯ
                                            --------

เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๖๑๗-๖๑๘. https://84000.org/tipitaka/read/pali_read.php?B=37&A=12230&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=12230&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1788&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=209 ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1788 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=6910 The Pali Atthakatha in Roman :- https://84000.org/tipitaka/atthapali/read_rm.php?B=55&A=6910 สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37