ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๗ ภาษาบาลี อักษรไทย พระอภิธรรมปิฎกเล่มที่ ๔ อภิ. กถาวตฺถุ

                                         อินฺทฺริยกถา
     [๑๘๐๑]   นตฺถิ  โลกิยํ  สทฺธินฺทฺริยนฺติ ฯ อามนฺตา ฯ นตฺถิ โลกิยา
สทฺธาติ  ฯ  น  เหวํ  วตฺตพฺเพ  ฯเปฯ  นตฺถิ  โลกิยํ  วิริยินฺทฺริยํ ฯเปฯ
สตินฺทฺริยํ   ฯเปฯ   สมาธินฺทฺริยํ  ฯเปฯ  ปญฺญินฺทฺริยนฺติ  ฯ  อามนฺตา  ฯ
นตฺถิ โลกิยา ปญฺญาติ ฯ น เหวํ วตฺตพฺเพ ฯเปฯ
     [๑๘๐๒]   อตฺถิ  โลกิยา  สทฺธาติ  ฯ  อามนฺตา  ฯ  อตฺถิ โลกิยํ
สทฺธินฺทฺริยนฺติ  ฯ  น  เหวํ  วตฺตพฺเพ  ฯเปฯ  อตฺถิ  โลกิยํ  วิริยํ ฯเปฯ
สติ   ฯเปฯ   สมาธิ   ฯเปฯ  ปญฺญาติ  ฯ  อามนฺตา  ฯ  อตฺถิ  โลกิยํ
ปญฺญินฺทฺริยนฺติ ฯ น เหวํ วตฺตพฺเพ ฯเปฯ
     [๑๘๐๓]   อตฺถิ   โลกิโย  มโน  อตฺถิ  โลกิยํ  มนินฺทฺริยนฺติ  ฯ
อามนฺตา   ฯ   อตฺถิ   โลกิยา  สทฺธา  อตฺถิ  โลกิยํ  สทฺธินฺทฺริยนฺติ  ฯ
น  เหวํ  วตฺตพฺเพ  ฯเปฯ  อตฺถิ โลกิโย มโน อตฺถิ โลกิยํ มนินฺทฺริยนฺติ ฯ
อามนฺตา   ฯ   อตฺถิ   โลกิยา  ปญฺญา  อตฺถิ  โลกิยํ  ปญฺญินฺทฺริยนฺติ  ฯ
น เหวํ วตฺตพฺเพ ฯเปฯ
     [๑๘๐๔]   อตฺถิ  โลกิยํ  โสมนสฺสํ  อตฺถิ  โลกิยํ  โสมนสฺสินฺทฺริยํ
ฯเปฯ    อตฺถิ    โลกิยํ    ชีวิตํ   อตฺถิ   โลกิยํ   ชีวิตินฺทฺริยนฺติ   ฯ
อามนฺตา   ฯ   อตฺถิ   โลกิยา  สทฺธา  อตฺถิ  โลกิยํ  สทฺธินฺทฺริยนฺติ  ฯ
น   เหวํ   วตฺตพฺเพ   ฯเปฯ   อตฺถิ   โลกิยํ   ชีวิตํ   อตฺถิ   โลกิยํ
ชีวิตินฺทฺริยนฺติ    ฯ    อามนฺตา   ฯ   อตฺถิ   โลกิยา   ปญฺญา   อตฺถิ
โลกิยํ ปญฺญินฺทฺริยนฺติ ฯ น เหวํ วตฺตพฺเพ ฯเปฯ
     [๑๘๐๕]   อตฺถิ  โลกิยา  สทฺธา  นตฺถิ  โลกิยํ  สทฺธินฺทฺริยนฺติ  ฯ
อามนฺตา   ฯ   อตฺถิ   โลกิโย   มโน   นตฺถิ  โลกิยํ  มนินฺทฺริยนฺติ  ฯ
น   เหวํ   วตฺตพฺเพ   ฯเปฯ   อตฺถิ   โลกิยา   ปญฺญา  นตฺถิ  โลกิยํ
ปญฺญินฺทฺริยนฺติ    ฯ    อามนฺตา    ฯ   อตฺถิ   โลกิโย   มโน   นตฺถิ
โลกิยํ   มนินฺทฺริยนฺติ   ฯ   น   เหวํ  วตฺตพฺเพ  ฯเปฯ  อตฺถิ  โลกิยา
สทฺธา   นตฺถิ   โลกิยํ   สทฺธินฺทฺริยนฺติ   ฯ  อามนฺตา  ฯ  อตฺถิ  โลกิยํ
โสมนสฺสํ    นตฺถิ   โลกิยํ   โสมนสฺสินฺทฺริยนฺติ   ฯเปฯ   อตฺถิ   โลกิยํ
ชีวิตํ  นตฺถิ  โลกิยํ  ชีวิตินฺทฺริยนฺติ  ฯ  น  เหวํ  วตฺตพฺเพ  ฯเปฯ  อตฺถิ
โลกิยา   ปญฺญา   นตฺถิ   โลกิยํ  ปญฺญินฺทฺริยนฺติ  ฯ  อามนฺตา  ฯ  อตฺถิ
โลกิยํ ชีวิตํ นตฺถิ โลกิยํ ชีวิตินฺทฺริยนฺติ ฯ น เหวํ วตฺตพฺเพ ฯเปฯ
     [๑๘๐๖]   อตฺถิ  โลกุตฺตรา  สทฺธา อตฺถิ โลกุตฺตรํ สทฺธินฺทฺริยนฺติ ฯ
อามนฺตา   ฯ   อตฺถิ   โลกิยา  สทฺธา  อตฺถิ  โลกิยํ  สทฺธินฺทฺริยนฺติ  ฯ
น  เหวํ  วตฺตพฺเพ  ฯเปฯ  อตฺถิ  โลกุตฺตรํ  วิริยํ ฯเปฯ อตฺถิ โลกุตฺตรา
ปญฺญา   อตฺถิ  โลกุตฺตรํ  ปญฺญินฺทฺริยนฺติ  ฯ  อามนฺตา  ฯ  อตฺถิ  โลกิยา
ปญฺญา อตฺถิ โลกิยํ ปญฺญินฺทฺริยนฺติ ฯ น เหวํ วตฺตพฺเพ ฯเปฯ
     [๑๘๐๗]   อตฺถิ  โลกิยา  สทฺธา  นตฺถิ  โลกิยํ  สทฺธินฺทฺริยนฺติ  ฯ
อามนฺตา  ฯ  อตฺถิ  โลกุตฺตรา  สทฺธา  นตฺถิ  โลกุตฺตรํ  สทฺธินฺทฺริยนฺติ ฯ
น    เหวํ    วตฺตพฺเพ    ฯเปฯ    อตฺถิ    โลกิยํ    วิริยํ   ฯเปฯ
อตฺถิ   โลกิยา   ปญฺญา   นตฺถิ  โลกิยํ  ปญฺญินฺทฺริยนฺติ  ฯ  อามนฺตา  ฯ
อตฺถิ   โลกุตฺตรา   ปญฺญา   นตฺถิ   โลกุตฺตรํ   ปญฺญินฺทฺริยนฺติ   ฯ   น
เหวํ วตฺตพฺเพ ฯเปฯ
     [๑๘๐๘]   นตฺถิ   โลกิยานิ   ปญฺจินฺทฺริยานีติ   ฯ  อามนฺตา  ฯ
นนุ   วุตฺตํ   ภควตา   อทฺทสํ   โข   อหํ  ภิกฺขเว  พุทฺธจกฺขุนา  โลกํ
โวโลเกนฺโต   สตฺเต  อปฺปรชกฺเข  มหารชกฺเข  ติกฺขินฺทฺริเย  มุทินฺทฺริเย
สฺวากาเร     ทฺวากาเร    สุวิญฺญาปเย    ทุวิญฺญาปเย    อปฺเปกจฺเจ
ปรโลกวชฺชภยทสฺสาวิโน    วิหรนฺเตติ   ๑-   อตฺเถว   สุตฺตนฺโตติ   ฯ
อามนฺตา ฯ เตน หิ อตฺถิ โลกิยานิ ปญฺจินฺทฺริยานีติ ฯ
                                         อินฺทฺริยกถา ฯ
                                    เอกูนวีสติโม วคฺโค ฯ
                                         ตสฺส อุทฺทานํ
                          อตีเต กิเลเส ชหติ อนาคเต กิเลเส
                          ชหติ ปจฺจุปฺปนฺเน กิเลเส ชหติ สุญฺญตา
                          สงฺขารกฺขนฺธปริยาปนฺนา สามญฺญผลํ อสงฺขตํ
                          ปตฺติ อสงฺขตา สพฺพธมฺมานํ ตถตา อสงฺขตา
                          นิพฺพานธาตุ กุสลา อตฺถิ ปุถุชฺชนสฺส อจฺจนฺตนิยามตา
                          นตฺถิ โลกิยานิ ปญฺจินฺทฺริยานีติ ฯ
@เชิงอรรถ: ๑. ม. มู. ๓๑๐ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๖๒๒-๖๒๔. https://84000.org/tipitaka/read/pali_read.php?B=37&A=12320&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=12320&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1801&items=8              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=211              ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1801              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=6957              The Pali Atthakatha in Roman :- https://84000.org/tipitaka/atthapali/read_rm.php?B=55&A=6957              สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]