บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

                                           ผลาณกถา
     [๑๐๗๕]   สาวกสฺส  ผเล  าณํ  อตฺถีติ  ฯ  อามนฺตา  ฯ สาวโก
ผลสฺสกตํ   ปญฺาเปตีติ  ฯ  น  เหวํ  วตฺตพฺเพ  ฯเปฯ  สาวกสฺส  ผเล
าณํ   อตฺถีติ   ฯ   อามนฺตา  ฯ  อตฺถิ  สาวกสฺส  ผลปโรปริยตฺตํ  ^๑-
@เชิงอรรถ: ^๑ ม. ผลปโรปริยตฺติ. (อีทิโสเยว ปรโต ปเทสุ อิการนฺตาคโม.)
อินฺทฺริยปโรปริยตฺตํ    ปุคฺคลปโรปริยตฺตนฺติ    ฯ   น   เหวํ   วตฺตพฺเพ
ฯเปฯ  สาวกสฺส  ผเล  าณํ  อตฺถีติ  ฯ  อามนฺตา  ฯ  อตฺถิ  สาวกสฺส
ขนฺธปญฺตฺติ       อายตนปญฺตฺติ       ธาตุปญฺตฺติ       สจฺจปญฺตฺติ
อินฺทฺริยปญฺตฺติ    ปุคฺคลปญฺตฺตีติ    ฯ   น   เหวํ   วตฺตพฺเพ   ฯเปฯ
สาวกสฺส   ผเล  าณํ  อตฺถีติ  ฯ  อามนฺตา  ฯ  สาวโก  ชิโน  สตฺถา
สมฺมาสมฺพุทฺโธ   สพฺพญฺู   สพฺพทสฺสาวี   ธมฺมสามี   ธมฺมปฏิสรโณติ   ฯ
น  เหวํ  วตฺตพฺเพ  ฯเปฯ  สาวกสฺส  ผเล  าณํ  อตฺถีติ ฯ อามนฺตา ฯ
สาวโก      อนุปฺปนฺนสฺส     มคฺคสฺส     อุปฺปาเทตา     อสญฺชาตสฺส
มคฺคสฺส    สญฺชเนตา    อนกฺขาตสฺส    มคฺคสฺส    อกฺขาตา   มคฺคญฺู
มคฺควิทู มคฺคโกวิโทติ ฯ น เหวํ วตฺตพฺเพ ฯเปฯ
     [๑๐๗๖]   น  วตฺตพฺพํ  สาวกสฺส  ผเล  าณํ อตฺถีติ ฯ อามนฺตา ฯ
สาวโก   อญฺาณีติ  ฯ  น  เหวํ  วตฺตพฺเพ  ฯเปฯ  เตน  หิ  สาวกสฺส
ผเล าณํ อตฺถีติ ฯ
                                          ผลาณกถา ฯ
                                        ปญฺจโม วคฺโค ฯ
                                         ตสฺส อุทฺทานํ
                       วิมุตฺติาณํ วิมุตฺตํ เสกฺขสฺส อเสกฺขํ าณํ
                       วิปรีเตาณํ อนิยตสฺส นิยามคมนาย อตฺถิ าณํ
                       สพฺพํ าณํ ปฏิสมฺภิทาติ สมฺมติาณํ
                       เจโตปริยาเย าณํ อนาคเต าณํ
                       ปจฺจุปฺปนฺเน าณํ สาวกสฺส ผเล าณนฺติ ฯ
                                       มหาปณฺณาสโก ฯ
                สตฺตูปลทฺธิ อุปหาโร พลํ คิหิสฺส อรหา จ วิมุตฺติปญฺจมํ ฯ
                                           ---------

เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๓๔๓-๓๔๕. https://84000.org/tipitaka/read/pali_read.php?B=37&A=6882&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=6882&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1075&items=2 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=72 ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1075 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=4838 The Pali Atthakatha in Roman :- https://84000.org/tipitaka/atthapali/read_rm.php?B=55&A=4838 สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37