บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

                                ญาณํ จิตฺตวิปฺปยุตฺตนฺติกถา
     [๑๔๕๑]   ญาณํ  จิตฺตวิปฺปยุตฺตนฺติ  ฯ  อามนฺตา  ฯ  รูปํ  นิพฺพานํ
จกฺขายตนํ   ฯเปฯ   โผฏฺฐพฺพายตนนฺติ   ฯ  น  เหวํ  วตฺตพฺเพ  ฯเปฯ
ญาณํ    จิตฺตวิปฺปยุตฺตนฺติ    ฯ    อามนฺตา    ฯ   ปญฺญา   ปญฺญินฺทฺริยํ
ปญฺญาพลํ    สมฺมาทิฏฺฐิ    ธมฺมวิจยสมฺโพชฺฌงฺโค    จิตฺตวิปฺปยุตฺโตติ   ฯ
น   เหวํ   วตฺตพฺเพ   ฯเปฯ  ปญฺญา  ปญฺญินฺทฺริยํ  ปญฺญาพลํ  สมฺมาทิฏฺฐิ
ธมฺมวิจยสมฺโพชฺฌงฺโค    จิตฺตสมฺปยุตฺโตติ    ฯ    อามนฺตา   ฯ   ญาณํ
จิตฺตสมฺปยุตฺตนฺติ ฯ น เหวํ วตฺตพฺเพ ฯเปฯ
     [๑๔๕๒]   ญาณํ   จิตฺตวิปฺปยุตฺตนฺติ  ฯ  อามนฺตา  ฯ  กตมกฺขนฺธ-
ปริยาปนฺนนฺติ   ฯ  สงฺขารกฺขนฺธปริยาปนฺนนฺติ  ฯ  สงฺขารกฺขนฺโธ  จิตฺต-
วิปฺปยุตฺโตติ  ฯ น เหวํ วตฺตพฺเพ ฯเปฯ สงฺขารกฺขนฺโธ จิตฺตวิปฺปยุตฺโตติ ฯ
อามนฺตา    ฯ    เวทนากฺขนฺโธ   สญฺญากฺขนฺโธ   จิตฺตวิปฺปยุตฺโตติ   ฯ
น  เหวํ  วตฺตพฺเพ ฯเปฯ ญาณํ สงฺขารกฺขนฺธปริยาปนฺนํ  จิตฺตวิปฺปยุตฺตนฺติ ฯ
อามนฺตา   ฯ   ปญฺญา   สงฺขารกฺขนฺธปริยาปนฺนา   จิตฺตวิปฺปยุตฺตาติ   ฯ
น    เหวํ    วตฺตพฺเพ    ฯเปฯ    ปญฺญา    สงฺขารกฺขนฺธปริยาปนฺนา
จิตฺตสมฺปยุตฺตาติ    ฯ    อามนฺตา   ฯ   ญาณํ   สงฺขารกฺขนฺธปริยาปนฺนํ
จิตฺตสมฺปยุตฺตนฺติ   ฯ   น  เหวํ  วตฺตพฺเพ  ฯเปฯ  ญาณํ  สงฺขารกฺขนฺธ-
ปริยาปนฺนํ      จิตฺตวิปฺปยุตฺตํ      ปญฺญา     สงฺขารกฺขนฺธปริยาปนฺนา
จิตฺตสมฺปยุตฺตาติ  ฯ  อามนฺตา  ฯ สงฺขารกฺขนฺโธ เอกเทโส จิตฺตสมฺปยุตฺโต
เอกเทโส  จิตฺตวิปฺปยุตฺโตติ  ฯ  น  เหวํ  วตฺตพฺเพ ฯเปฯ สงฺขารกฺขนฺโธ
เอกเทโส  จิตฺตสมฺปยุตฺโต  เอกเทโส  จิตฺตวิปฺปยุตฺโตติ  ฯ  อามนฺตา  ฯ
เวทนากฺขนฺโธ   สญฺญากฺขนฺโธ   เอกเทโส   จิตฺตสมฺปยุตฺโต   เอกเทโส
จิตฺตวิปฺปยุตฺโตติ ฯ น เหวํ วตฺตพฺเพ ฯเปฯ
     [๑๔๕๓]   น  วตฺตพฺพํ  ญาณํจิตฺตวิปฺปยุตฺตนฺติ  ^*-  ฯ  อามนฺตา  ฯ
อรหา    จกฺขุวิญฺญาณสมงฺคี    ญาณีติ   วตฺตพฺโพติ   ฯ   อามนฺตา   ฯ
ญาณํ  เตน  จิตฺเตน  สมฺปยุตฺตนฺติ  ฯ  น  เหวํ  วตฺตพฺเพ  ฯ  เตน  หิ
ญาณํ    จิตฺตวิปฺปยุตฺตนฺติ    ฯ    อรหา   จกฺขุวิญฺญาณสมงฺคี   ปญฺญวาติ
วตฺตพฺโพติ   ฯ   อามนฺตา   ฯ  ปญฺญา  เตน  จิตฺเตน  สมฺปยุตฺตาติ  ฯ
น เหวํ วตฺตพฺเพ ฯ เตน หิ ปญฺญา จิตฺตวิปฺปยุตฺตาติ ฯ
                               ญาณํจิตฺตวิปฺปยุตฺตนฺติกถา ฯ
                                        --------------

เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๔๘๑-๔๘๒. https://84000.org/tipitaka/read/pali_read.php?B=37&A=9573&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=37&A=9573&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=37&item=1451&items=3 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=37&siri=129 ศึกษาอรรถกถานี้ได้ที่ :- https://84000.org/tipitaka/attha/attha.php?b=37&i=1451 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=5781 The Pali Atthakatha in Roman :- https://84000.org/tipitaka/atthapali/read_rm.php?B=55&A=5781 สารบัญพระไตรปิฎกเล่มที่ ๓๗ https://84000.org/tipitaka/read/?index_37 https://84000.org/tipitaka/english/?index_37