ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๓๘ ภาษาบาลี อักษรไทย พระอภิธรรมปิฎกเล่มที่ ๕ อภิ. ยมกํ (๑)

     [๑๗๑]   ยสฺส  รูปกฺขนฺโธ  นิรุชฺฌติ  ตสฺส  เวทนากฺขนฺโธ นิรุชฺฌตีติ:
อสญฺญสตฺตา   จวนฺตานํ   เตสํ   รูปกฺขนฺโธ   นิรุชฺฌติ   โน   จ  เตสํ
เวทนากฺขนฺโธ   นิรุชฺฌติ   ปญฺจโวการา  จวนฺตานํ  เตสํ  รูปกฺขนฺโธ  จ
นิรุชฺฌติ  เวทนากฺขนฺโธ  จ  นิรุชฺฌติ  ฯ  ยสฺส  วา  ปน  เวทนากฺขนฺโธ
นิรุชฺฌติ  ตสฺส  รูปกฺขนฺโธ  นิรุชฺฌตีติ: อรูปา จวนฺตานํ เตสํ เวทนากฺขนฺโธ
นิรุชฺฌติ    โน    จ    เตสํ    รูปกฺขนฺโธ    นิรุชฺฌติ   ปญฺจโวการา
จวนฺตานํ เตสํ เวทนากฺขนฺโธ จ นิรุชฺฌติ รูปกฺขนฺโธ จ นิรุชฺฌติ ฯ
     [๑๗๒]   ยตฺถ  รูปกฺขนฺโธ  นิรุชฺฌติ  ตตฺถ  เวทนากฺขนฺโธ นิรุชฺฌตีติ:
อสญฺญสตฺเต   ตตฺถ   รูปกฺขนฺโธ  นิรุชฺฌติ  โน  จ  ตตฺถ  เวทนากฺขนฺโธ
นิรุชฺฌติ  ปญฺจโวกาเร  ตตฺถ  รูปกฺขนฺโธ  จ  นิรุชฺฌติ  เวทนากฺขนฺโธ  จ
นิรุชฺฌติ   ฯ  ยตฺถ  วา  ปน  เวทนากฺขนฺโธ  นิรุชฺฌติ  ตตฺถ  รูปกฺขนฺโธ
นิรุชฺฌตีติ:   อรูเป   ตตฺถ   เวทนากฺขนฺโธ   นิรุชฺฌติ   โน   จ  ตตฺถ
รูปกฺขนฺโธ   นิรุชฺฌติ   ปญฺจโวกาเร   ตตฺถ  เวทนากฺขนฺโธ  จ  นิรุชฺฌติ
รูปกฺขนฺโธ จ นิรุชฺฌติ ฯ
     [๑๗๓]   ยสฺส  ยตฺถ  รูปกฺขนฺโธ  นิรุชฺฌติ  ตสฺส ตตฺถ เวทนากฺขนฺโธ
นิรุชฺฌตีติ:   อสญฺญสตฺตา   จวนฺตานํ   เตสํ   ตตฺถ  รูปกฺขนฺโธ  นิรุชฺฌติ
โน   จ   เตสํ  ตตฺถ  เวทนากฺขนฺโธ  นิรุชฺฌติ  ปญฺจโวการา  จวนฺตานํ
เตสํ   ตตฺถ   รูปกฺขนฺโธ   จ  นิรุชฺฌติ  เวทนากฺขนฺโธ  จ  นิรุชฺฌติ  ฯ
ยสฺส   วา  ปน  ยตฺถ  เวทนากฺขนฺโธ  นิรุชฺฌติ  ตสฺส  ตตฺถ  รูปกฺขนฺโธ
นิรุชฺฌตีติ:   อรูปา   จวนฺตานํ   เตสํ   ตตฺถ   เวทนากฺขนฺโธ  นิรุชฺฌติ
โน   จ   เตสํ   ตตฺถ   รูปกฺขนฺโธ   นิรุชฺฌติ  ปญฺจโวการา  จวนฺตานํ
เตสํ ตตฺถ เวทนากฺขนฺโธ จ นิรุชฺฌติ รูปกฺขนฺโธ จ นิรุชฺฌติ ฯ
     [๑๗๔]   ยสฺส   รูปกฺขนฺโธ   น   นิรุชฺฌติ   ตสฺส  เวทนากฺขนฺโธ
น   นิรุชฺฌตีติ:   อรูปา   จวนฺตานํ  เตสํ  รูปกฺขนฺโธ  น  นิรุชฺฌติ  โน
จ   เตสํ   เวทนากฺขนฺโธ   น   นิรุชฺฌติ  สพฺเพสํ  อุปปชฺชนฺตานํ  เตสํ
รูปกฺขนฺโธ   จ   น  นิรุชฺฌติ  เวทนากฺขนฺโธ  จ  น  นิรุชฺฌติ  ฯ  ยสฺส
วา   ปน  เวทนากฺขนฺโธ  น  นิรุชฺฌติ  ตสฺส  รูปกฺขนฺโธ  น  นิรุชฺฌตีติ:
อสญฺญสตฺตา  จวนฺตานํ  เตสํ  เวทนากฺขนฺโธ  น  นิรุชฺฌติ  โน  จ  เตสํ
รูปกฺขนฺโธ   น   นิรุชฺฌติ   สพฺเพสํ  อุปปชฺชนฺตานํ  เตสํ  เวทนากฺขนฺโธ
จ น นิรุชฺฌติ รูปกฺขนฺโธ จ น นิรุชฺฌติ ฯ
     [๑๗๕]   ยตฺถ   รูปกฺขนฺโธ   น   นิรุชฺฌติ   ตตฺถ  เวทนากฺขนฺโธ
น  นิรุชฺฌตีติ:  นิรุชฺฌติ  ฯ  ยตฺถ  วา  ปน  เวทนากฺขนฺโธ  น  นิรุชฺฌติ
ตตฺถ รูปกฺขนฺโธ น นิรุชฺฌตีติ: นิรุชฺฌติ ฯ
     [๑๗๖]   ยสฺส  ยตฺถ  รูปกฺขนฺโธ น นิรุชฺฌติ ตสฺส ตตฺถ เวทนากฺขนฺโธ
น  นิรุชฺฌตีติ:  อรูปา  จวนฺตานํ  เตสํ  ตตฺถ  รูปกฺขนฺโธ  น  นิรุชฺฌตีติ:
โน  จ  เตสํ  ตตฺถ  เวทนากฺขนฺโธ  น  นิรุชฺฌติ  สพฺเพสํ  อุปปชฺชนฺตานํ
เตสํ  ตตฺถ  รูปกฺขนฺโธ  จ  น  นิรุชฺฌติ  เวทนากฺขนฺโธ  จ น นิรุชฺฌติ ฯ
ยสฺส  วา  ปน  ยตฺถ  เวทนากฺขนฺโธ  น  นิรุชฺฌติ  ตสฺส ตตฺถ รูปกฺขนฺโธ
น   นิรุชฺฌตีติ:   อสญฺญสตฺตา   จวนฺตานํ   เตสํ   ตตฺถ  เวทนากฺขนฺโธ
น   นิรุชฺฌติ   โน   จ   เตสํ  ตตฺถ  รูปกฺขนฺโธ  น  นิรุชฺฌติ  สพฺเพสํ
อุปฺปชฺชนฺตานํ  เตสํ  ตตฺถ  เวทนากฺขนฺโธ  จ  น  นิรุชฺฌติ  รูปกฺขนฺโธ จ
น นิรุชฺฌติ ฯ
                                            --------
     [๑๗๗]   ยสฺส    รูปกฺขนฺโธ   นิรุชฺฌิตฺถ   ตสฺส   เวทนากฺขนฺโธ
นิรุชฺฌิตฺถาติ:   อามนฺตา   ฯ  ยสฺส  วา  ปน  เวทนากฺขนฺโธ  นิรุชฺฌิตฺถ
ตสฺส รูปกฺขนฺโธ นิรุชฺฌิตฺถาติ: อามนฺตา ฯ
     [๑๗๘]   ยตฺถ    รูปกฺขนฺโธ   นิรุชฺฌิตฺถ   ตตฺถ   เวทนากฺขนฺโธ
นิรุชฺฌิตฺถาติ:    อสญฺญสตฺเต   ตตฺถ   รูปกฺขนฺโธ   นิรุชฺฌิตฺถ   โน   จ
ตตฺถ   เวทนากฺขนฺโธ   นิรุชฺฌิตฺถ   ปญฺจโวกาเร   ตตฺถ  รูปกฺขนฺโธ  จ
นิรุชฺฌิตฺถ  เวทนากฺขนฺโธ  จ  นิรุชฺฌิตฺถ  ฯ  ยตฺถ  วา ปน เวทนากฺขนฺโธ
นิรุชฺฌิตฺถ   ตตฺถ  รูปกฺขนฺโธ  นิรุชฺฌิตฺถาติ:  อรูเป  ตตฺถ  เวทนากฺขนฺโธ
นิรุชฺฌิตฺถ   โน   จ   ตตฺถ   รูปกฺขนฺโธ  นิรุชฺฌิตฺถ  ปญฺจโวกาเร  ตตฺถ
เวทนากฺขนฺโธ จ นิรุชฺฌิตฺถ รูปกฺขนฺโธ จ นิรุชฺฌิตฺถ ฯ
     [๑๗๙]   ยสฺส  ยตฺถ  รูปกฺขนฺโธ  นิรุชฺฌิตฺถ ตสฺส ตตฺถ เวทนากฺขนฺโธ
นิรุชฺฌิตฺถาติ:   อสญฺญสตฺตานํ  เตสํ  ตตฺถ  รูปกฺขนฺโธ  นิรุชฺฌิตฺถ  โน  จ
เตสํ   ตตฺถ   เวทนากฺขนฺโธ   นิรุชฺฌิตฺถ   ปญฺจโวการานํ   เตสํ  ตตฺถ
รูปกฺขนฺโธ   จ   นิรุชฺฌิตฺถ   เวทนากฺขนฺโธ   จ   นิรุชฺฌิตฺถ   ฯ  ยสฺส
วา   ปน   ยตฺถ   เวทนากฺขนฺโธ   นิรุชฺฌิตฺถ   ตสฺส  ตตฺถ  รูปกฺขนฺโธ
นิรุชฺฌิตฺถาติ:   อรูปานํ   เตสํ  ตตฺถ  เวทนากฺขนฺโธ  นิรุชฺฌิตฺถ  โน  จ
เตสํ    ตตฺถ    รูปกฺขนฺโธ   นิรุชฺฌิตฺถ   ปญฺจโวการานํ   เตสํ   ตตฺถ
เวทนากฺขนฺโธ จ นิรุชฺฌิตฺถ รูปกฺขนฺโธ จ นิรุชฺฌิตฺถ ฯ
     [๑๘๐]   ยสฺส   รูปกฺขนฺโธ   น   นิรุชฺฌิตฺถ  ตสฺส  เวทนากฺขนฺโธ
น  นิรุชฺฌิตฺถาติ:  นตฺถิ  ฯ  ยสฺส  วา  ปน  เวทนากฺขนฺโธ  น นิรุชฺฌิตฺถ
ตสฺส รูปกฺขนฺโธ น นิรุชฺฌิตฺถาติ: นตฺถิ ฯ
     [๑๘๑]   ยตฺถ   รูปกฺขนฺโธ   น   นิรุชฺฌิตฺถ  ตตฺถ  เวทนากฺขนฺโธ
น   นิรุชฺฌิตฺถาติ:   นิรุชฺฌิตฺถ   ฯ   ยตฺถ   วา   ปน   เวทนากฺขนฺโธ
น นิรุชฺฌิตฺถ ตตฺถ รูปกฺขนฺโธ น นิรุชฺฌิตฺถาติ: นิรุชฺฌิตฺถ ฯ
     [๑๘๒]   ยสฺส  ยตฺถ รูปกฺขนฺโธ น นิรุชฺฌิตฺถ ตสฺส ตตฺถ เวทนากฺขนฺโธ
น   นิรุชฺฌิตฺถาติ:   อรูปานํ   เตสํ   ตตฺถ   รูปกฺขนฺโธ   น  นิรุชฺฌิตฺถ
โน   จ  เตสํ  ตตฺถ  เวทนากฺขนฺโธ  น  นิรุชฺฌิตฺถ  สุทฺธาวาสานํ  เตสํ
ตตฺถ  รูปกฺขนฺโธ  จ  น  นิรุชฺฌิตฺถ  เวทนากฺขนฺโธ  จ  น  นิรุชฺฌิตฺถ  ฯ
ยสฺส   วา   ปน   ยตฺถ   เวทนากฺขนฺโธ   น   นิรุชฺฌิตฺถ  ตสฺส  ตตฺถ
รูปกฺขนฺโธ   น  นิรุชฺฌิตฺถาติ:  อสญฺญสตฺตานํ  เตสํ  ตตฺถ  เวทนากฺขนฺโธ
น    นิรุชฺฌิตฺถ   โน   จ   เตสํ   ตตฺถ   รูปกฺขนฺโธ   น   นิรุชฺฌิตฺถ
สุทฺธาวาสานํ   เตสํ  ตตฺถ  เวทนากฺขนฺโธ  จ  น  นิรุชฺฌิตฺถ  รูปกฺขนฺโธ
จ น นิรุชฺฌิตฺถ ฯ
                                            --------
     [๑๘๓]   ยสฺส   รูปกฺขนฺโธ   นิรุชฺฌิสฺสติ   ตสฺส   เวทนากฺขนฺโธ
นิรุชฺฌิสฺสตีติ:   อามนฺตา  ฯ  ยสฺส  วา  ปน  เวทนากฺขนฺโธ  นิรุชฺฌิสฺสติ
ตสฺส   รูปกฺขนฺโธ   นิรุชฺฌิสฺสตีติ:   ปจฺฉิมภวิกานํ   อรูปํ   อุปปชฺชนฺตานํ
เย   จ   อรูปํ   อุปปชฺชิตฺวา   ปรินิพฺพายิสฺสนฺติ  เตสํ  จวนฺตานํ  เตสํ
เวทนากฺขนฺโธ   นิรุชฺฌิสฺสติ   โน   จ   เตสํ   รูปกฺขนฺโธ   นิรุชฺฌิสฺสติ
อิตเรสํ เตสํ เวทนากฺขนฺโธ จ นิรุชฺฌิสฺสติ รูปกฺขนฺโธ จ นิรุชฺฌิสฺสติ ฯ
     [๑๘๔]   ยตฺถ   รูปกฺขนฺโธ   นิรุชฺฌิสฺสติ   ตตฺถ   เวทนากฺขนฺโธ
นิรุชฺฌิสฺสตีติ:    อสญฺญสตฺเต    ตตฺถ    รูปกฺขนฺโธ    นิรุชฺฌิสฺสติ   โน
จ  ตตฺถ  เวทนากฺขนฺโธ  นิรุชฺฌิสฺสติ  ปญฺจโวกาเร  ตตฺถ  รูปกฺขนฺโธ  จ
นิรุชฺฌิสฺสติ  เวทนากฺขนฺโธ  จ  นิรุชฺฌิสฺสติ  ฯ ยตฺถ วา ปน เวทนากฺขนฺโธ
นิรุชฺฌิสฺสติ  ตตฺถ  รูปกฺขนฺโธ  นิรุชฺฌิสฺสตีติ:  อรูเป  ตตฺถ  เวทนากฺขนฺโธ
  นิรุชฺฌิสฺสติ   โน   จ   ตตฺถ   รูปกฺขนฺโธ   นิรุชฺฌิสฺสติ   ปญฺจโวกาเร
ตตฺถ เวทนากฺขนฺโธ จ นิรุชฺฌิสฺสติ รูปกฺขนฺโธ จ นิรุชฺฌิสฺสติ ฯ
     [๑๘๕]   ยสฺส  ยตฺถ  รูปกฺขนฺโธ นิรุชฺฌิสฺสติ ตสฺส ตตฺถ เวทนากฺขนฺโธ
นิรุชฺฌิสฺสตีติ:      อสญฺญสตฺตานํ      เตสํ      ตตฺถ      รูปกฺขนฺโธ
นิรุชฺฌิสฺสติ  โน  จ  เตสํ  ตตฺถ  เวทนากฺขนฺโธ นิรุชฺฌิสฺสติ ปญฺจโวการานํ
เตสํ    ตตฺถ    รูปกฺขนฺโธ    จ    นิรุชฺฌิสฺสติ    เวทนากฺขนฺโธ   จ
นิรุชฺฌิสฺสติ   ฯ  ยสฺส  วา  ปน  ยตฺถ  เวทนากฺขนฺโธ  นิรุชฺฌิสฺสติ  ตสฺส
ตตฺถ   รูปกฺขนฺโธ   นิรุชฺฌิสฺสตีติ:   อรูปานํ  เตสํ  ตตฺถ  เวทนากฺขนฺโธ
นิรุชฺฌิสฺสติ   โน  จ  เตสํ  ตตฺถ  รูปกฺขนฺโธ  นิรุชฺฌิสฺสติ  ปญฺจโวการานํ
เตสํ ตตฺถ เวทนากฺขนฺโธ จ นิรุชฺฌิสฺสติ รูปกฺขนฺโธ จ นิรุชฺฌิสฺสติ ฯ
     [๑๘๖]   ยสฺส   รูปกฺขนฺโธ   น  นิรุชฺฌิสฺสติ  ตสฺส  เวทนากฺขนฺโธ
น   นิรุชฺฌิสฺสตีติ:   ปจฺฉิมภวิกานํ   อรูปํ   อุปปชฺชนฺตานํ  เย  จ  อรูปํ
อุปปชฺชิตฺวา    ปรินิพฺพายิสฺสนฺติ    เตสํ   จวนฺตานํ   เตสํ   รูปกฺขนฺโธ
น  นิรุชฺฌิสฺสติ  โน  จ  เตสํ  เวทนากฺขนฺโธ  น นิรุชฺฌิสฺสติ ปรินิพฺพนฺตานํ
เตสํ  รูปกฺขนฺโธ  จ  น  นิรุชฺฌิสฺสติ  เวทนากฺขนฺโธ  จ  น นิรุชฺฌิสฺสติ ฯ
ยสฺส  วา ปน เวทนากฺขนฺโธ น นิรุชฺฌิสฺสติ ตสฺส รูปกฺขนฺโธ น นิรุชฺฌิสฺสตีติ:
อามนฺตา ฯ
     [๑๘๗]   ยตฺถ   รูปกฺขนฺโธ   น  นิรุชฺฌิสฺสติ  ตตฺถ  เวทนากฺขนฺโธ
น   นิรุชฺฌิสฺสตีติ:   นิรุชฺฌิสฺสติ   ฯ   ยตฺถ   วา   ปน  เวทนากฺขนฺโธ
น นิรุชฺฌิสฺสติ ตตฺถ รูปกฺขนฺโธ น นิรุชฺฌิสฺสตีติ: นิรุชฺฌิสฺสติ ฯ
     [๑๘๘]   ยสฺส   ยตฺถ   รูปกฺขนฺโธ   น   นิรุชฺฌิสฺสติ  ตสฺส  ตตฺถ
เวทนากฺขนฺโธ   น   นิรุชฺฌิสฺสตีติ:   อรูปานํ   เตสํ   ตตฺถ  รูปกฺขนฺโธ
น   นิรุชฺฌิสฺสติ   โน   จ   เตสํ  ตตฺถ  เวทนากฺขนฺโธ  น  นิรุชฺฌิสฺสติ
ปรินิพฺพนฺตานํ  เตสํ  ตตฺถ  รูปกฺขนฺโธ  จ  น  นิรุชฺฌิสฺสติ  เวทนากฺขนฺโธ
จ  น  นิรุชฺฌิสฺสติ  ฯ  ยสฺส  วา  ปน  ยตฺถ เวทนากฺขนฺโธ น นิรุชฺฌิสฺสติ
ตสฺส    ตตฺถ    รูปกฺขนฺโธ   น   นิรุชฺฌิสฺสตีติ:   อสญฺญสตฺตานํ   เตสํ
ตตฺถ   เวทนากฺขนฺโธ   น  นิรุชฺฌิสฺสติ  โน  จ  เตสํ  ตตฺถ  รูปกฺขนฺโธ
น  นิรุชฺฌิสฺสติ  ปรินิพฺพนฺตานํ  เตสํ  ตตฺถ  เวทนากฺขนฺโธ จ น นิรุชฺฌิสฺสติ
รูปกฺขนฺโธ จ น นิรุชฺฌิสฺสติ ฯ
                                           ---------
     [๑๘๙]   ยสฺส  รูปกฺขนฺโธ  นิรุชฺฌติ ตสฺส เวทนากฺขนฺโธ นิรุชฺฌิตฺถาติ:
อามนฺตา  ฯ  ยสฺส  วา  ปน  เวทนากฺขนฺโธ  นิรุชฺฌิตฺถ  ตสฺส รูปกฺขนฺโธ
นิรุชฺฌตีติ:   สพฺเพสํ   อุปปชฺชนฺตานํ   เตสํ   เวทนากฺขนฺโธ   นิรุชฺฌิตฺถ
โน  จ  เตสํ  รูปกฺขนฺโธ  นิรุชฺฌติ  ปญฺจโวการา  จวนฺตานํ  อสญฺญสตฺตา
จวนฺตานํ เตสํ เวทนากฺขนฺโธ จ นิรุชฺฌิตฺถ รูปกฺขนฺโธ จ นิรุชฺฌติ ฯ
     [๑๙๐]   ยสฺส   เวทนากฺขนฺโธ   นิรุชฺฌติ   ตสฺส   สญฺญากฺขนฺโธ
นิรุชฺฌิตฺถาติ:   อามนฺตา   ฯ   ยสฺส  วา  ปน  สญฺญากฺขนฺโธ  นิรุชฺฌิตฺถ
ตสฺส   เวทนากฺขนฺโธ   นิรุชฺฌตีติ:   สพฺเพสํ  อุปปชฺชนฺตานํ  อสญฺญสตฺตา
จวนฺตานํ   เตสํ  สญฺญากฺขนฺโธ  นิรุชฺฌิตฺถ  โน  จ  เตสํ  เวทนากฺขนฺโธ
นิรุชฺฌติ   จตุโวการา   ปญฺจโวการา   จวนฺตานํ   เตสํ   สญฺญากฺขนฺโธ
จ นิรุชฺฌิตฺถ เวทนากฺขนฺโธ จ นิรุชฺฌติ ฯ
     [๑๙๑]   ยตฺถ    รูปกฺขนฺโธ    นิรุชฺฌติ   ตตฺถ   เวทนากฺขนฺโธ
นิรุชฺฌิตฺถาติ:   อสญฺญสตฺเต   ตตฺถ   รูปกฺขนฺโธ  นิรุชฺฌติ  โน  จ  ตตฺถ
เวทนากฺขนฺโธ    นิรุชฺฌิตฺถ    ปญฺจโวกาเร    ตตฺถ    รูปกฺขนฺโธ   จ
นิรุชฺฌติ  เวทนากฺขนฺโธ  จ  นิรุชฺฌิตฺถ  ฯ  ยตฺถ  วา  ปน เวทนากฺขนฺโธ
นิรุชฺฌิตฺถ   ตตฺถ   รูปกฺขนฺโธ   นิรุชฺฌตีติ:  อรูเป  ตตฺถ  เวทนากฺขนฺโธ
นิรุชฺฌิตฺถ   โน   จ   ตตฺถ   รูปกฺขนฺโธ   นิรุชฺฌติ  ปญฺจโวกาเร  ตตฺถ
เวทนากฺขนฺโธ จ นิรุชฺฌิตฺถ รูปกฺขนฺโธ จ นิรุชฺฌติ ฯ
     [๑๙๒]   ยตฺถ   เวทนากฺขนฺโธ   นิรุชฺฌติ   ตตฺถ   สญฺญากฺขนฺโธ
นิรุชฺฌิตฺถาติ:   อามนฺตา   ฯ   ยตฺถ  วา  ปน  สญฺญากฺขนฺโธ  นิรุชฺฌิตฺถ
ตตฺถ เวทนากฺขนฺโธ นิรุชฺฌตีติ: อามนฺตา ฯ
     [๑๙๓]   ยสฺส  ยตฺถ  รูปกฺขนฺโธ  นิรุชฺฌติ  ตสฺส ตตฺถ เวทนากฺขนฺโธ
นิรุชฺฌิตฺถาติ:    สุทฺธาวาเส    ปรินิพฺพนฺตานํ    อสญฺญสตฺตา   จวนฺตานํ
เตสํ   ตตฺถ   รูปกฺขนฺโธ  นิรุชฺฌติ  โน  จ  เตสํ  ตตฺถ  เวทนากฺขนฺโธ
นิรุชฺฌิตฺถ   อิตเรสํ   ปญฺจโวการา   จวนฺตานํ   เตสํ  ตตฺถ  รูปกฺขนฺโธ
จ   นิรุชฺฌติ   เวทนากฺขนฺโธ   จ  นิรุชฺฌิตฺถ  ฯ  ยสฺส  วา  ปน  ยตฺถ
เวทนากฺขนฺโธ  นิรุชฺฌิตฺถ  ตสฺส  ตตฺถ  รูปกฺขนฺโธ  นิรุชฺฌตีติ: ปญฺจโวการํ
อุปปชฺชนฺตานํ    อรูปานํ    เตสํ    ตตฺถ    เวทนากฺขนฺโธ   นิรุชฺฌิตฺถ
โน   จ   เตสํ   ตตฺถ   รูปกฺขนฺโธ   นิรุชฺฌติ  ปญฺจโวการา  จวนฺตานํ
เตสํ ตตฺถ เวทนากฺขนฺโธ จ นิรุชฺฌิตฺถ รูปกฺขนฺโธ จ นิรุชฺฌติ ฯ
     [๑๙๔]   ยสฺส   ยตฺถ   เวทนากฺขนฺโธ   นิรุชฺฌติ   ตสฺส   ตตฺถ
สญฺญากฺขนฺโธ   นิรุชฺฌิตฺถาติ:   สุทฺธาวาเส   ปรินิพฺพนฺตานํ   เตสํ  ตตฺถ
เวทนากฺขนฺโธ   นิรุชฺฌติ   โน  จ  เตสํ  ตตฺถ  สญฺญากฺขนฺโธ  นิรุชฺฌิตฺถ
อิตเรสํ  จตุโวการา  ปญฺจโวการา  จวนฺตานํ  เตสํ  ตตฺถ เวทนากฺขนฺโธ
จ   นิรุชฺฌติ   สญฺญากฺขนฺโธ   จ   นิรุชฺฌิตฺถ  ฯ  ยสฺส  วา  ปน  ยตฺถ
สญฺญากฺขนฺโธ    นิรุชฺฌิตฺถ    ตสฺส   ตตฺถ   เวทนากฺขนฺโธ   นิรุชฺฌตีติ:
จตุโวการํ    ปญฺจโวการํ   อุปปชฺชนฺตานํ   เตสํ   ตตฺถ   สญฺญากฺขนฺโธ
นิรุชฺฌิตฺถ   โน   จ   เตสํ  ตตฺถ  เวทนากฺขนฺโธ  นิรุชฺฌติ  จตุโวการา
ปญฺจโวการา   จวนฺตานํ   เตสํ   ตตฺถ   สญฺญากฺขนฺโธ   จ   นิรุชฺฌิตฺถ
เวทนากฺขนฺโธ จ นิรุชฺฌติ ฯ
     [๑๙๕]   ยสฺส   รูปกฺขนฺโธ   น   นิรุชฺฌติ   ตสฺส  เวทนากฺขนฺโธ
น   นิรุชฺฌิตฺถาติ:   นิรุชฺฌิตฺถ   ฯ   ยสฺส   วา   ปน   เวทนากฺขนฺโธ
น นิรุชฺฌิตฺถ ตสฺส รูปกฺขนฺโธ น นิรุชฺฌตีติ: นตฺถิ ฯ
     [๑๙๖]   ยสฺส   เวทนากฺขนฺโธ   น  นิรุชฺฌติ  ตสฺส  สญฺญากฺขนฺโธ
น    นิรุชฺฌิตฺถาติ:   นิรุชฺฌิตฺถ   ฯ   ยสฺส   วา   ปน   สญฺญากฺขนฺโธ
น นิรุชฺฌิตฺถ ตสฺส เวทนากฺขนฺโธ น นิรุชฺฌตีติ: นตฺถิ ฯ
     [๑๙๗]   ยตฺถ รูปกฺขนฺโธ (ยตฺถกํ ปริปุณฺณํ กาตพฺพํ) ฯ
     [๑๙๘]   ยสฺส  ยตฺถ  รูปกฺขนฺโธ น นิรุชฺฌติ ตสฺส ตตฺถ เวทนากฺขนฺโธ
น    นิรุชฺฌิตฺถาติ:    ปญฺจโวการํ    อุปปชฺชนฺตานํ    อรูปานํ    เตสํ
ตตฺถ   รูปกฺขนฺโธ   น   นิรุชฺฌติ   โน  จ  เตสํ  ตตฺถ  เวทนากฺขนฺโธ
น    นิรุชฺฌิตฺถ   สุทฺธาวาสํ   อุปปชฺชนฺตานํ   อสญฺญสตฺตํ   อุปปชฺชนฺตานํ
เตสํ  ตตฺถ  รูปกฺขนฺโธ  จ  น  นิรุชฺฌติ  เวทนากฺขนฺโธ จ น นิรุชฺฌิตฺถ ฯ
ยสฺส  วา  ปน  ยตฺถ  เวทนากฺขนฺโธ  น  นิรุชฺฌิตฺถ ตสฺส ตตฺถ รูปกฺขนฺโธ
น    นิรุชฺฌตีติ:   สุทฺธาวาเส   ปรินิพฺพนฺตานํ   อสญฺญสตฺตา   จวนฺตานํ
เตสํ  ตตฺถ  เวทนากฺขนฺโธ  น  นิรุชฺฌิตฺถ  โน  จ  เตสํ ตตฺถ รูปกฺขนฺโธ
น    นิรุชฺฌติ    สุทฺธาวาสํ   อุปปชฺชนฺตานํ   อสญฺญสตฺตํ   อุปปชฺชนฺตานํ
เตสํ ตตฺถ เวทนากฺขนฺโธ จ น นิรุชฺฌิตฺถ รูปกฺขนฺโธ จ น นิรุชฺฌติ ฯ
     [๑๙๙]   ยสฺส   ยตฺถ   เวทนากฺขนฺโธ   น  นิรุชฺฌติ  ตสฺส  ตตฺถ
สญฺญากฺขนฺโธ   น   นิรุชฺฌิตฺถาติ:  จตุโวการํ  ปญฺจโวการํ  อุปปชฺชนฺตานํ
เตสํ  ตตฺถ  เวทนากฺขนฺโธ  น  นิรุชฺฌติ  โน  จ เตสํ ตตฺถ สญฺญากฺขนฺโธ
น   นิรุชฺฌิตฺถ   สุทฺธาวาสํ   อุปปชฺชนฺตานํ   อสญฺญสตฺตานํ   เตสํ  ตตฺถ
เวทนากฺขนฺโธ  จ  น  นิรุชฺฌติ  สญฺญากฺขนฺโธ  จ  น  นิรุชฺฌิตฺถ  ฯ ยสฺส
วา  ปน  ยตฺถ  สญฺญากฺขนฺโธ  น  นิรุชฺฌิตฺถ  ตสฺส  ตตฺถ  เวทนากฺขนฺโธ
น   นิรุชฺฌตีติ:   สุทฺธาวาเส   ปรินิพฺพนฺตานํ  เตสํ  ตตฺถ  สญฺญากฺขนฺโธ
น  นิรุชฺฌิตฺถ  โน  จ  เตสํ  ตตฺถ  เวทนากฺขนฺโธ  น นิรุชฺฌติ สุทฺธาวาสํ
อุปปชฺชนฺตานํ  อสญฺญสตฺตานํ  เตสํ  ตตฺถ  สญฺญากฺขนฺโธ  จ  น  นิรุชฺฌิตฺถ
เวทนากฺขนฺโธ จ น นิรุชฺฌติ ฯ
                                            --------
     [๒๐๐]   ยสฺส  รูปกฺขนฺโธ  นิรุชฺฌติ ตสฺส เวทนากฺขนฺโธ นิรุชฺฌิสฺสตีติ:
ปญฺจโวกาเร      ปรินิพฺพนฺตานํ      เตสํ     รูปกฺขนฺโธ     นิรุชฺฌติ
โน   จ   เตสํ   เวทนากฺขนฺโธ   นิรุชฺฌิสฺสติ   อิตเรสํ   ปญฺจโวการา
จวนฺตานํ    อสญฺญสตฺตา   จวนฺตานํ   เตสํ   รูปกฺขนฺโธ   จ   นิรุชฺฌติ
เวทนากฺขนฺโธ   จ   นิรุชฺฌิสฺสติ   ฯ   ยสฺส   วา  ปน  เวทนากฺขนฺโธ
นิรุชฺฌิสฺสติ    ตสฺส    รูปกฺขนฺโธ   นิรุชฺฌตีติ:   สพฺเพสํ   อุปปชฺชนฺตานํ
อรูปา   จวนฺตานํ   เตสํ   เวทนากฺขนฺโธ   นิรุชฺฌิสฺสติ   โน  จ  เตสํ
รูปกฺขนฺโธ     นิรุชฺฌติ     ปญฺจโวการา     จวนฺตานํ     อสญฺญสตฺตา
จวนฺตานํ เตสํ เวทนากฺขนฺโธ จ นิรุชฺฌิสฺสติ รูปกฺขนฺโธ จ นิรุชฺฌติ ฯ
     [๒๐๑]   ยสฺส   เวทนากฺขนฺโธ   นิรุชฺฌติ   ตสฺส   สญฺญากฺขนฺโธ
นิรุชฺฌิสฺสตีติ:   ปรินิพฺพนฺตานํ   เตสํ   เวทนากฺขนฺโธ   นิรุชฺฌติ  โน  จ
เตสํ   สญฺญากฺขนฺโธ   นิรุชฺฌิสฺสติ   อิตเรสํ   จตุโวการา  ปญฺจโวการา
จวนฺตานํ    เตสํ    เวทนากฺขนฺโธ   จ   นิรุชฺฌติ   สญฺญากฺขนฺโธ   จ
นิรุชฺฌิสฺสติ   ฯ   ยสฺส   วา   ปน   สญฺญากฺขนฺโธ   นิรุชฺฌิสฺสติ   ตสฺส
เวทนากฺขนฺโธ    นิรุชฺฌตีติ:    สพฺเพสํ    อุปปชฺชนฺตานํ    อสญฺญสตฺตา
จวนฺตานํ  เตสํ  สญฺญากฺขนฺโธ  นิรุชฺฌิสฺสติ  โน  จ  เตสํ  เวทนากฺขนฺโธ
นิรุชฺฌติ   จตุโวการา   ปญฺจโวการา   จวนฺตานํ   เตสํ   สญฺญากฺขนฺโธ
จ นิรุชฺฌิสฺสติ เวทนากฺขนฺโธ จ นิรุชฺฌติ ฯ
     [๒๐๒]   ยตฺถ รูปกฺขนฺโธ นิรุชฺฌติ ฯเปฯ
     [๒๐๓]   ยสฺส  ยตฺถ  รูปกฺขนฺโธ  นิรุชฺฌติ  ตสฺส ตตฺถ เวทนากฺขนฺโธ
นิรุชฺฌิสฺสตีติ:       ปญฺจโวกาเร       ปรินิพฺพนฺตานํ      อสญฺญสตฺตา
จวนฺตานํ   เตสํ   ตตฺถ   รูปกฺขนฺโธ   นิรุชฺฌติ   โน   จ  เตสํ  ตตฺถ
เวทนากฺขนฺโธ   นิรุชฺฌิสฺสติ   อิตเรสํ   ปญฺจโวการา   จวนฺตานํ   เตสํ
ตตฺถ   รูปกฺขนฺโธ   จ   นิรุชฺฌติ   เวทนากฺขนฺโธ   จ   นิรุชฺฌิสฺสติ  ฯ
ยสฺส    วา   ปน   ยตฺถ   เวทนากฺขนฺโธ   นิรุชฺฌิสฺสติ   ตสฺส   ตตฺถ
รูปกฺขนฺโธ    นิรุชฺฌตีติ:   ปญฺจโวการํ   อุปปชฺชนฺตานํ   อรูปานํ   เตสํ
ตตฺถ   เวทนากฺขนฺโธ   นิรุชฺฌิสฺสติ   โน   จ   เตสํ  ตตฺถ  รูปกฺขนฺโธ
นิรุชฺฌติ   ปญฺจโวการา   จวนฺตานํ   เตสํ   ตตฺถ   เวทนากฺขนฺโธ   จ
นิรุชฺฌิสฺสติ รูปกฺขนฺโธ จ นิรุชฺฌติ ฯ
     [๒๐๔]   ยสฺส   ยตฺถ    เวทนากฺขนฺโธ   นิรุชฺฌติ   ตสฺส   ตตฺถ
สญฺญากฺขนฺโธ   นิรุชฺฌิสฺสตีติ:   ปรินิพฺพนฺตานํ  เตสํ  ตตฺถ  เวทนากฺขนฺโธ
นิรุชฺฌติ   โน   จ   เตสํ   ตตฺถ   สญฺญากฺขนฺโธ   นิรุชฺฌิสฺสติ  อิตเรสํ
จตุโวการา   ปญฺจโวการา   จวนฺตานํ   เตสํ  ตตฺถ  เวทนากฺขนฺโธ  จ
นิรุชฺฌติ   สญฺญากฺขนฺโธ   จ   นิรุชฺฌิสฺสติ   ฯ   ยสฺส   วา  ปน  ยตฺถ
สญฺญากฺขนฺโธ    นิรุชฺฌิสฺสติ   ตสฺส   ตตฺถ   เวทนากฺขนฺโธ   นิรุชฺฌตีติ:
จตุโวการํ    ปญฺจโวการํ   อุปปชฺชนฺตานํ   เตสํ   ตตฺถ   สญฺญากฺขนฺโธ
นิรุชฺฌิสฺสติ   โน   จ  เตสํ  ตตฺถ  เวทนากฺขนฺโธ  นิรุชฺฌติ  จตุโวการา
ปญฺจโวการา   จวนฺตานํ   เตสํ   ตตฺถ   สญฺญากฺขนฺโธ   จ  นิรุชฺฌิสฺสติ
เวทนากฺขนฺโธ จ นิรุชฺฌติ ฯ
     [๒๐๕]   ยสฺส   รูปกฺขนฺโธ   น   นิรุชฺฌติ  ตสฺส  เวทนากฺขนฺโธ
น   นิรุชฺฌิสฺสตีติ:   สพฺเพสํ   อุปปชฺชนฺตานํ   อรูปา   จวนฺตานํ   เตสํ
รูปกฺขนฺโธ   น   นิรุชฺฌติ  โน  จ  เตสํ  เวทนากฺขนฺโธ  น  นิรุชฺฌิสฺสติ
อรูเป   ปรินิพฺพนฺตานํ  เตสํ  รูปกฺขนฺโธ  จ  น  นิรุชฺฌติ  เวทนากฺขนฺโธ
จ   น   นิรุชฺฌิสฺสติ  ฯ  ยสฺส  วา  ปน  เวทนากฺขนฺโธ  น  นิรุชฺฌิสฺสติ
ตสฺส   รูปกฺขนฺโธ   น   นิรุชฺฌตีติ:   ปญฺจโวกาเร  ปรินิพฺพนฺตานํ  เตสํ
เวทนากฺขนฺโธ   น   นิรุชฺฌิสฺสติ  โน  จ  เตสํ  รูปกฺขนฺโธ  น  นิรุชฺฌติ
อรูเป  ปรินิพฺพนฺตานํ  เตสํ  เวทนากฺขนฺโธ  จ  น  นิรุชฺฌิสฺสติ รูปกฺขนฺโธ
จ น นิรุชฺฌติ ฯ
     [๒๐๖]   ยสฺส   เวทนากฺขนฺโธ   น  นิรุชฺฌติ  ตสฺส  สญฺญากฺขนฺโธ
น   นิรุชฺฌิสฺสตีติ:   นิรุชฺฌิสฺสติ   ฯ   ยสฺส   วา   ปน   สญฺญากฺขนฺโธ
น นิรุชฺฌิสฺสติ ตสฺส เวทนากฺขนฺโธ น นิรุชฺฌตีติ: นิรุชฺฌติ ฯ
     [๒๐๗]   ยตฺถ รูปกฺขนฺโธ น นิรุชฺฌติ ฯเปฯ
     [๒๐๘]   ยสฺส  ยตฺถ  รูปกฺขนฺโธ น นิรุชฺฌติ ตสฺส ตตฺถ เวทนากฺขนฺโธ
น   นิรุชฺฌิสฺสตีติ:   ปญฺจโวการํ   อุปปชฺชนฺตานํ   อรูปานํ   เตสํ  ตตฺถ
รูปกฺขนฺโธ  น  นิรุชฺฌติ  โน  จ  เตสํ  ตตฺถ เวทนากฺขนฺโธ น นิรุชฺฌิสฺสติ
อรูเป   ปรินิพฺพนฺตานํ  อสญฺญสตฺตํ  อุปปชฺชนฺตานํ  เตสํ  ตตฺถ  รูปกฺขนฺโธ
จ  น  นิรุชฺฌติ  เวทนากฺขนฺโธ  จ  น  นิรุชฺฌิสฺสติ  ฯ ยสฺส วา ปน ยตฺถ
เวทนากฺขนฺโธ   น   นิรุชฺฌิสฺสติ  ตสฺส  ตตฺถ  รูปกฺขนฺโธ  น  นิรุชฺฌตีติ:
ปญฺจโวกาเร    ปรินิพฺพนฺตานํ    อสญฺญสตฺตา   จวนฺตานํ   เตสํ   ตตฺถ
เวทนากฺขนฺโธ  น  นิรุชฺฌิสฺสติ  โน  จ  เตสํ  ตตฺถ รูปกฺขนฺโธ น นิรุชฺฌติ
อรูเป  ปรินิพฺพนฺตานํ  อสญฺญสตฺตํ  อุปปชฺชนฺตานํ  เตสํ ตตฺถ เวทนากฺขนฺโธ
จ น นิรุชฺฌิสฺสติ รูปกฺขนฺโธ จ น นิรุชฺฌติ ฯ
     [๒๐๙]   ยสฺส   ยตฺถ   เวทนากฺขนฺโธ   น  นิรุชฺฌติ  ตสฺส  ตตฺถ
สญฺญากฺขนฺโธ   น   นิรุชฺฌิสฺสตีติ:  จตุโวการํ  ปญฺจโวการํ  อุปปชฺชนฺตานํ
เตสํ  ตตฺถ  เวทนากฺขนฺโธ  น  นิรุชฺฌติ  โน  จ เตสํ ตตฺถ สญฺญากฺขนฺโธ
น  นิรุชฺฌิสฺสติ  อสญฺญสตฺตานํ  เตสํ  ตตฺถ  เวทนากฺขนฺโธ  จ  น นิรุชฺฌติ
สญฺญากฺขนฺโธ  จ  น  นิรุชฺฌิสฺสติ  ฯ  ยสฺส  วา  ปน  ยตฺถ สญฺญากฺขนฺโธ
น  นิรุชฺฌิสฺสติ  ตสฺส  ตตฺถ  เวทนากฺขนฺโธ  น  นิรุชฺฌตีติ:  ปรินิพฺพนฺตานํ
เตสํ  ตตฺถ  สญฺญากฺขนฺโธ  น  นิรุชฺฌิสฺสติ โน จ เตสํ ตตฺถ เวทนากฺขนฺโธ
  น  นิรุชฺฌติ  อสญฺญสตฺตานํ  เตสํ  ตตฺถ  สญฺญากฺขนฺโธ  จ  น นิรุชฺฌิสฺสติ
เวทนากฺขนฺโธ จ น นิรุชฺฌติ ฯ
                                            --------
     [๒๑๐]   ยสฺส    รูปกฺขนฺโธ   นิรุชฺฌิตฺถ   ตสฺส   เวทนากฺขนฺโธ
นิรุชฺฌิสฺสตีติ:   ปรินิพฺพนฺตานํ   เตสํ   รูปกฺขนฺโธ   นิรุชฺฌิตฺถ   โน   จ
เตสํ  เวทนากฺขนฺโธ  นิรุชฺฌิสฺสติ  อิตเรสํ  เตสํ  รูปกฺขนฺโธ  จ นิรุชฺฌิตฺถ
  เวทนากฺขนฺโธ  จ  นิรุชฺฌิสฺสติ  ฯ ยสฺส วา ปน เวทนากฺขนฺโธ นิรุชฺฌิสฺสติ
ตสฺส รูปกฺขนฺโธ นิรุชฺฌิตฺถาติ: อามนฺตา ฯ
     [๒๑๑]   ยสฺส   เวทนากฺขนฺโธ   นิรุชฺฌิตฺถ   ตสฺส   สญฺญากฺขนฺโธ
นิรุชฺฌิสฺสตีติ:   ปรินิพฺพนฺตานํ   เตสํ   เวทนากฺขนฺโธ  นิรุชฺฌิตฺถ  โน  จ
เตสํ   สญฺญากฺขนฺโธ   นิรุชฺฌิสฺสติ   อิตเรสํ   เตสํ   เวทนากฺขนฺโธ  จ
นิรุชฺฌิตฺถ  สญฺญากฺขนฺโธ  จ  นิรุชฺฌิสฺสติ  ฯ  ยสฺส  วา  ปน สญฺญากฺขนฺโธ
นิรุชฺฌิสฺสติ ตสฺส เวทนากฺขนฺโธ นิรุชฺฌิตฺถาติ: อามนฺตา ฯ
     [๒๑๒]   ยตฺถ รูปกฺขนฺโธ นิรุชฺฌิตฺถ ฯเปฯ
     [๒๑๓]   ยสฺส  ยตฺถ  รูปกฺขนฺโธ  นิรุชฺฌิตฺถ ตสฺส ตตฺถ เวทนากฺขนฺโธ
นิรุชฺฌิสฺสตีติ:    ปญฺจโวกาเร    ปรินิพฺพนฺตานํ    อสญฺญสตฺตานํ    เตสํ
ตตฺถ  รูปกฺขนฺโธ  นิรุชฺฌิตฺถ  โน  จ  เตสํ ตตฺถ เวทนากฺขนฺโธ นิรุชฺฌิสฺสติ
อิตเรสํ  ปญฺจโวการานํ  เตสํ  ตตฺถ รูปกฺขนฺโธ จ นิรุชฺฌิตฺถ เวทนากฺขนฺโธ
จ   นิรุชฺฌิสฺสติ   ฯ   ยสฺส  วา  ปน  ยตฺถ  เวทนากฺขนฺโธ  นิรุชฺฌิสฺสติ
ตสฺส    ตตฺถ    รูปกฺขนฺโธ   นิรุชฺฌิตฺถาติ:   สุทฺธาวาสํ   อุปปชฺชนฺตานํ
อรูปานํ   เตสํ   ตตฺถ  เวทนากฺขนฺโธ  นิรุชฺฌิสฺสติ  โน  จ  เตสํ  ตตฺถ
รูปกฺขนฺโธ  นิรุชฺฌิตฺถ  อิตเรสํ  ปญฺจโวการานํ  เตสํ  ตตฺถ เวทนากฺขนฺโธ
จ นิรุชฺฌิสฺสติ รูปกฺขนฺโธ จ นิรุชฺฌิตฺถ ฯ
     [๒๑๔]   ยสฺส   ยตฺถ   เวทนากฺขนฺโธ   นิรุชฺฌิตฺถ   ตสฺส   ตตฺถ
สญฺญากฺขนฺโธ   นิรุชฺฌิสฺสตีติ:   ปรินิพฺพนฺตานํ  เตสํ  ตตฺถ  เวทนากฺขนฺโธ
นิรุชฺฌิตฺถ   โน   จ   เตสํ   ตตฺถ   สญฺญากฺขนฺโธ  นิรุชฺฌิสฺสติ  อิตเรสํ
จตุโวการานํ    ปญฺจโวการานํ    เตสํ    ตตฺถ    เวทนากฺขนฺโธ   จ
นิรุชฺฌิตฺถ   สญฺญากฺขนฺโธ   จ   นิรุชฺฌิสฺสติ   ฯ   ยสฺส  วา  ปน  ยตฺถ
สญฺญากฺขนฺโธ   นิรุชฺฌิสฺสติ   ตสฺส   ตตฺถ   เวทนากฺขนฺโธ  นิรุชฺฌิตฺถาติ:
สุทฺธาวาสํ    อุปปชฺชนฺตานํ    เตสํ   ตตฺถ   สญฺญากฺขนฺโธ   นิรุชฺฌิสฺสติ
โน   จ   เตสํ  ตตฺถ  เวทนากฺขนฺโธ  นิรุชฺฌิตฺถ  อิตเรสํ  จตุโวการานํ
ปญฺจโวการานํ  เตสํ  ตตฺถ  สญฺญากฺขนฺโธ  จ  นิรุชฺฌิสฺสติ  เวทนากฺขนฺโธ
จ นิรุชฺฌิตฺถ ฯ
     [๒๑๕]   ยสฺส   รูปกฺขนฺโธ   น   นิรุชฺฌิตฺถ  ตสฺส  เวทนากฺขนฺโธ
น  นิรุชฺฌิสฺสตีติ:  นตฺถิ  ฯ  ยสฺส  วา  ปน  เวทนากฺขนฺโธ น นิรุชฺฌิสฺสติ
ตสฺส รูปกฺขนฺโธ น นิรุชฺฌิตฺถาติ: นิรุชฺฌิตฺถ ฯ
     [๒๑๖]   ยสฺส   เวทนากฺขนฺโธ  น  นิรุชฺฌิตฺถ  ตสฺส  สญฺญากฺขนฺโธ
น  นิรุชฺฌิสฺสตีติ:  นตฺถิ  ฯ  ยสฺส  วา  ปน  สญฺญากฺขนฺโธ  น นิรุชฺฌิสฺสติ
ตสฺส เวทนากฺขนฺโธ น นิรุชฺฌิตฺถาติ: นิรุชฺฌิตฺถ ฯ
     [๒๑๗]   ยตฺถ รูปกฺขนฺโธ น นิรุชฺฌิตฺถ ฯเปฯ
     [๒๑๘]   ยสฺส  ยตฺถ รูปกฺขนฺโธ น นิรุชฺฌิตฺถ ตสฺส ตตฺถ เวทนากฺขนฺโธ
น   นิรุชฺฌิสฺสตีติ:   สุทฺธาวาสํ   อุปปชฺชนฺตานํ   อรูปานํ   เตสํ   ตตฺถ
รูปกฺขนฺโธ  น  นิรุชฺฌิตฺถ  โน  จ  เตสํ ตตฺถ เวทนากฺขนฺโธ น นิรุชฺฌิสฺสติ
สุทฺธาวาเส  ปรินิพฺพนฺตานํ  อรูเป  ปรินิพฺพนฺตานํ  เตสํ ตตฺถ รูปกฺขนฺโธ จ
น  นิรุชฺฌิตฺถ  เวทนากฺขนฺโธ  จ  น  นิรุชฺฌิสฺสติ  ฯ  ยสฺส  วา ปน ยตฺถ
เวทนากฺขนฺโธ     น     นิรุชฺฌิสฺสติ     ตสฺส     ตตฺถ    รูปกฺขนฺโธ
น     นิรุชฺฌิตฺถาติ:     ปญฺจโวกาเร    ปรินิพฺพนฺตานํ    อสญฺญสตฺตานํ
เตสํ  ตตฺถ  เวทนากฺขนฺโธ  น  นิรุชฺฌิสฺสติ  โน  จ เตสํ ตตฺถ รูปกฺขนฺโธ
น   นิรุชฺฌิตฺถ   สุทฺธาวาเส   ปรินิพฺพนฺตานํ  อรูเป  ปรินิพฺพนฺตานํ  เตสํ
ตตฺถ เวทนากฺขนฺโธ จ น นิรุชฺฌิสฺสติ รูปกฺขนฺโธ จ น นิรุชฺฌิตฺถ ฯ
     [๒๑๙]   ยสฺส   ยตฺถ   เวทนากฺขนฺโธ  น  นิรุชฺฌิตฺถ  ตสฺส  ตตฺถ
สญฺญากฺขนฺโธ    น    นิรุชฺฌิสฺสตีติ:   สุทฺธาวาสํ   อุปปชฺชนฺตานํ   เตสํ
ตตฺถ   เวทนากฺขนฺโธ  น  นิรุชฺฌิตฺถ  โน  จ  เตสํ  ตตฺถ  สญฺญากฺขนฺโธ
น   นิรุชฺฌิสฺสติ   สุทฺธาวาเส   ปรินิพฺพนฺตานํ  อสญฺญสตฺตานํ  เตสํ  ตตฺถ
เวทนากฺขนฺโธ   จ   น  นิรุชฺฌิตฺถ  สญฺญากฺขนฺโธ  จ  น  นิรุชฺฌิสฺสติ  ฯ
ยสฺส   วา   ปน   ยตฺถ   สญฺญากฺขนฺโธ   น   นิรุชฺฌิสฺสติ  ตสฺส  ตตฺถ
เวทนากฺขนฺโธ   น   นิรุชฺฌิตฺถาติ:   ปญฺจโวกาเร   ปรินิพฺพนฺตานํ  เตสํ
ตตฺถ  สญฺญากฺขนฺโธ  น  นิรุชฺฌิสฺสติ  โน  จ  เตสํ  ตตฺถ  เวทนากฺขนฺโธ
น   นิรุชฺฌิตฺถ   สุทฺธาวาเส   ปรินิพฺพนฺตานํ   อสญฺญสตฺตานํ  เตสํ  ตตฺถ
สญฺญากฺขนฺโธ จ น นิรุชฺฌิสฺสติ เวทนากฺขนฺโธ จ น นิรุชฺฌิตฺถ ฯ
                                        นิโรธวารํ นิฏฺฐิตํ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๓๘ หน้าที่ ๕๔-๗๐. https://84000.org/tipitaka/read/pali_read.php?B=38&A=1072&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=38&A=1072&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=38&item=171&items=49              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=38&siri=9              ศึกษาอรรถกถานี้ได้ที่ :- https://84000.org/tipitaka/attha/attha.php?b=38&i=171              สารบัญพระไตรปิฎกเล่มที่ ๓๘ https://84000.org/tipitaka/read/?index_38 https://84000.org/tipitaka/english/?index_38

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]