บาลีพระไตรปิฎกเล่มที่ ๓๘ - พระอภิธรรมปิฎกเล่มที่ ๕

อุปฺปชฺชนวาโร [๑๕๖๒] ยสฺส กามราคานุสโย อุปฺปชฺชติ ตสฺส ปฏิฆานุสโย อุปฺปชฺชตีติ: อามนฺตา ฯ ยสฺส วา ปน ปฏิฆานุสโย อุปฺปชฺชติ ตสฺส กามราคานุสโย อุปฺปชฺชตีติ: อามนฺตา ฯ ยสฺส กามราคานุสโย อุปฺปชฺชติ ตสฺส มานานุสโย อุปฺปชฺชตีติ: อามนฺตา ฯ ยสฺส วา ปน มานานุสโย อุปฺปชฺชติ ตสฺส กามราคานุสโย อุปฺปชฺชตีติ: อนาคามิสฺส มานานุสโย อุปฺปชฺชติ โน จ ตสฺส กามราคานุสโย อุปฺปชฺชติ ติณฺณํ ปุคฺคลานํ มานานุสโย จ อุปฺปชฺชติ กามราคานุสโย จ อุปฺปชฺชติ ฯ (วิตฺถาเรตพฺพํ) [๑๕๖๓] ยสฺส กามราคานุสโย นุปฺปชฺชติ ตสฺส ปฏิฆานุสโย นุปฺปชฺชตีติ: อามนฺตา ฯ ยสฺส วา ปน ปฏิฆานุสโย นุปฺปชฺชติ ตสฺส กามราคานุสโย นุปฺปชฺชตีติ: อามนฺตา ฯ ยสฺส กามราคานุสโย นุปฺปชฺชติ ตสฺส มานานุสโย นุปฺปชฺชตีติ: อนาคามิสฺส กามราคานุสโย นุปฺปชฺชติ โน จ ตสฺส มานานุสโย นุปฺปชฺชติ อรหโต กามราคานุสโย จ นุปฺปชฺชติ มานานุสโย จ นุปฺปชฺชติ ฯ ยสฺส วา ปน มานานุสโย นุปฺปชฺชติ ตสฺส กามราคานุสโย นุปฺปชฺชตีติ: อามนฺตา ฯ (วิตฺถาเรตพฺพํ) อุปฺปชฺชนวารํ นิฏฺฐิตํ ฯ -------

เนื้อความพระไตรปิฎกฉบับภาษาบาลี อักษรไทย เล่มที่ ๓๘ หน้าที่ ๗๓๔-๗๓๕. https://84000.org/tipitaka/read/pali_read.php?B=38&A=14724&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=38&A=14724&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=38&item=1562&items=2 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=38&siri=43 ศึกษาอรรถกถานี้ได้ที่ :- https://84000.org/tipitaka/attha/attha.php?b=38&i=1562 สารบัญพระไตรปิฎกเล่มที่ ๓๘ https://84000.org/tipitaka/read/?index_38 https://84000.org/tipitaka/english/?index_38