|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
| ฉบับหลวง ฉบับมหาจุฬาฯ บาลีอักษรไทย PaliRoman |
![อ่านหน้า[ต่าง] สุดท้าย](go4.gif)
พระไตรปิฎกเล่มที่ ๓๘ ภาษาบาลี อักษรไทย พระอภิธรรมปิฎกเล่มที่ ๕ อภิ. ยมกํ (๑)
นิทฺเทสวาโร [๒๘๘] จกฺขุ จกฺขายตนนฺติ: ทิพฺพจกฺขุ ปญฺญาจกฺขุ จกฺขุ น จกฺขายตนํ จกฺขายตนํ จกฺขุ เจว จกฺขายตนญฺจ ฯ จกฺขายตนํ จกฺขูติ: อามนฺตา ฯ โสตํ โสตายตนนฺติ: ทิพฺพโสตํ ตณฺหาโสตํ โสตํ น โสตายตนํ โสตายตนํ โสตญฺเจว โสตายตนญฺจ ฯ โสตายตนํ โสตนฺติ: อามนฺตา ฯ ฆานํ ฆานายตนนฺติ: อามนฺตา ฯ ฆานายตนํ ฆานนฺติ: อามนฺตา ฯ ชิวฺหา ชิวฺหายตนนฺติ: อามนฺตา ฯ ชิวฺหายตนํ ชิวฺหาติ: อามนฺตา ฯ กาโย กายายตนนฺติ: กายายตนํ ฐเปตฺวา อวเสโส กาโย กาโย น กายายตนํ กายายตนํ กาโย เจว กายายตนญฺจ ฯ กายายตนํ กาโยติ: อามนฺตา ฯ รูปํ รูปายตนนฺติ: รูปายตนํ ฐเปตฺวา อวเสสํ รูปํ รูปํ น รูปายตนํ รูปายตนํ รูปญฺเจว รูปายตนญฺจ ฯ รูปายตนํ รูปนฺติ: อามนฺตา ฯ สทฺโท สทฺทายตนนฺติ: อามนฺตา ฯ สทฺทายตนํ สทฺโทติ: อามนฺตา ฯ คนฺโธ คนฺธายตนนฺติ: สีลคนฺโธ สมาธิคนฺโธ ปญฺญาคนฺโธ คนฺโธ น คนฺธายตนํ คนฺธายตนํ คนฺโธ เจว คนฺธายตนญฺจ ฯ คนฺธายตนํ คนฺโธติ: อามนฺตา ฯ รโส รสายตนนฺติ: อตฺถรโส ธมฺมรโส วิมุตฺติรโส รโส น รสายตนํ รสายตนํ รโส เจว รสายตนญฺจ ฯ รสายตนํ รโสติ: อามนฺตา ฯ โผฏฺฐพฺโพ โผฏฺฐพฺพายตนนฺติ: อามนฺตา ฯ โผฏฺฐพฺพายตนํ โผฏฺฐพฺโพติ: อามนฺตา ฯ มโน มนายตนนฺติ: อามนฺตา ฯ มนายตนํ มโนติ: อามนฺตา ฯ ธมฺโม ธมฺมายตนนฺติ: ธมฺมายตนํ ฐเปตฺวา อวเสโส ธมฺโม ธมฺโม น ธมฺมายตนํ ธมฺมายตนํ ธมฺโม เจว ธมฺมายตนญฺจ ฯ ธมฺมายตนํ ธมฺโมติ: อามนฺตา ฯ [๒๘๙] น จกฺขุ น จกฺขายตนนฺติ: อามนฺตา ฯ น จกฺขายตนํ น จกฺขูติ: ทิพฺพจกฺขุ ปญฺญาจกฺขุ น จกฺขายตนํ จกฺขุ จกฺขุญฺจ จกฺขายตนญฺจ ฐเปตฺวา อวเสสา น เจว จกฺขุ น จ จกฺขายตนํ ฯ น โสตํ น โสตายตนนฺติ: อามนฺตา ฯ น โสตายตนํ น โสตนฺติ: ทิพฺพโสตํ ตณฺหาโสตํ น โสตายตนํ โสตํ โสตญฺจ โสตายตนญฺจ ฐเปตฺวา อวเสสา น เจว โสตํ น จ โสตายตนํ ฯ น ฆานํ น ฆานายตนนฺติ: อามนฺตา ฯ น ฆานายตนํ น ฆานนฺติ: อามนฺตา ฯ น ชิวฺหา น ชิวฺหายตนนฺติ: อามนฺตา ฯ น ชิวฺหายตนํ น ชิวฺหาติ: อามนฺตา ฯ น กาโย น กายายตนนฺติ: อามนฺตา ฯ น กายายตนํ น กาโยติ: กายายตนํ ฐเปตฺวา อวเสโส กาโย น กายายตนํ กาโย กายญฺจ กายายตนญฺจ ฐเปตฺวา อวเสโส น เจว กาโย น จ กายายตนํ ฯ น รูปํ น รูปายตนนฺติ: อามนฺตา ฯ น รูปายตนํ น รูปนฺติ: รูปายตนํ ฐเปตฺวา อวเสสํ รูปํ น รูปายตนํ รูปํ รูปญฺจ รูปายตนญฺจ ฐเปตฺวา อวเสสํ น เจว รูปํ น จ รูปายตนํ ฯ {๒๘๙.๑} น สทฺโท น สทฺทายตนนฺติ: อามนฺตา ฯ น สทฺทายตนํ น สทฺโทติ: อามนฺตา ฯ น คนฺโธ น คนฺธายตนนฺติ: อามนฺตา ฯ น คนฺธายตนํ น คนฺโธติ: สีลคนฺโธ สมาธิคนฺโธ ปญฺญาคนฺโธ น คนฺธายตนํ คนฺโธ คนฺธญฺจ คนฺธายตนญฺจ ฐเปตฺวา อวเสสา น เจว คนฺโธ น จ คนฺธายตนํ ฯ น รโส น รสายตนนฺติ: อามนฺตา ฯ น รสายตนํ น รโสติ: อตฺถรโส ธมฺมรโส วิมุตฺติรโส น รสายตนํ รโส รสญฺจ รสายตนญฺจ ฐเปตฺวา อวเสสา น เจว รโส น จ รสายตนํ ฯ น โผฏฺฐพฺโพ น โผฏฺฐพฺพายตนนฺติ: อามนฺตา ฯ น โผฏฺฐพฺพายตนํ น โผฏฺฐพฺโพติ: อามนฺตา ฯ น มโน น มนายตนนฺติ: อามนฺตา ฯ น มนายตนํ น มโนติ: อามนฺตา ฯ น ธมฺโม น ธมฺมายตนนฺติ: อามนฺตา ฯ น ธมฺมายตนํ น ธมฺโมติ: ธมฺมายตนํ ฐเปตฺวา อวเสโส ธมฺโม น ธมฺมายตนํ ธมฺโม ธมฺมญฺจ ธมฺมายตนญฺจ ฐเปตฺวา อวเสโส น เจว ธมฺโม น จ ธมฺมายตนํ ฯ --------- [๒๙๐] จกฺขุ จกฺขายตนนฺติ: ทิพฺพจกฺขุ ปญฺญาจกฺขุ จกฺขุ น จกฺขายตนํ จกฺขายตนํ จกฺขุ เจว จกฺขายตนญฺจ ฯ อายตนา โสตายตนนฺติ: โสตายตนํ อายตนญฺเจว โสตายตนญฺจ อวเสสา อายตนา อายตนา น โสตายตนํ ฯ จกฺขุ จกฺขายตนนฺติ: ทิพฺพจกฺขุ ปญฺญาจกฺขุ จกฺขุ น จกฺขายตนํ จกฺขายตนํ จกฺขุ เจว จกฺขายตนญฺจ ฯ อายตนา ฆานายตนนฺติ: ฯเปฯ อายตนา ธมฺมายตนนฺติ: ธมฺมายตนํ อายตนญฺเจว ธมฺมายตนญฺจ อวเสสา อายตนา อายตนา น ธมฺมายตนํ ฯ โสตํ ฯเปฯ ฆานํ ฯเปฯ ธมฺโม ธมฺมายตนนฺติ: ธมฺมายตนํ ฐเปตฺวา อวเสโส ธมฺโม ธมฺโม น ธมฺมายตนํ ธมฺมายตนํ ธมฺโม เจว ธมฺมายตนญฺจ ฯ อายตนา จกฺขายตนนฺติ จกฺขายตนํ อายตนญฺเจว จกฺขายตนญฺจ อวเสสา อายตนา อายตนา น จกฺขายตนํ ฯ ธมฺโม ธมฺมายตนนฺติ: ธมฺมายตนํ ฐเปตฺวา อวเสโส ธมฺโม น ธมฺมายตนํ ธมฺมายตนํ ธมฺโม เจว ธมฺมายตนญฺจ ฯ อายตนา โสตายตนนฺติ: ฯเปฯ อายตนา มนายตนนฺติ: มนายตนํ อายตนญฺเจว มนายตนญฺจ อวเสสา อายตนา อายตนา น มนายตนํ ฯ (เอเกกปทมูลกํ จกฺกํ พนฺธิตพฺพํ อสมฺโมหนฺเตน) ฯ [๒๙๑] น จกฺขุ น จกฺขายตนนฺติ: อามนฺตา ฯ นายตนา น โสตายตนนฺติ: อามนฺตา ฯ น จกฺขุ น จกฺขายตนนฺติ: อามนฺตา ฯ นายตนา น ฆานายตนนฺติ: อามนฺตา ฯเปฯ นายตนา น ธมฺมายตนนฺติ: อามนฺตา ฯ น โสตํ น โสตายตนนฺติ: อามนฺตา ฯ นายตนา น จกฺขายตนํ ฯเปฯ นายตนา น ธมฺมายตนนฺติ: อามนฺตา ฯ น ฆานํ น ฆานายตนํ ฯเปฯ น ธมฺโม น ธมฺมายตนนฺติ: อามนฺตา ฯ นายตนา น จกฺขายตนนฺติ: อามนฺตา ฯ น ธมฺโม น ธมฺมายตนนฺติ: อามนฺตา ฯ นายตนา น โสตายตนํ ฯเปฯ นายตนา น มนายตนนฺติ: อามนฺตา ฯ (จกฺกํ พนฺธนฺเตน สพฺพตฺถ อามนฺตาติ กาตพฺพํ) ฯ --------- [๒๙๒] จกฺขุ อายตนนฺติ: อามนฺตา ฯ อายตนา จกฺขายตนนฺติ: ๑- จกฺขายตนํ อายตนญฺเจว จกฺขายตนญฺจ อวเสสา อายตนา อายตนา น จกฺขายตนํ ฯ โสตํ อายตนนฺติ: อามนฺตา ฯเปฯ ฆานํ .. ชิวฺหา .. กาโย .. รูปํ .. สทฺโท .. คนฺโธ .. รโส .. โผฏฺฐพฺโพ .. มโน .. ฯ ธมฺโม อายตนนฺติ: อามนฺตา ฯ อายตนา ธมฺมายตนนฺติ: ธมฺมายตนํ อายตนญฺเจว ธมฺมายตนญฺจ อวเสสา อายตนา อายตนา น ธมฺมายตนํ ฯ [๒๙๓] น จกฺขุ นายตนนฺติ: จกฺขุํ ฐเปตฺวา อวเสสา อายตนา น จกฺขุ อายตนา จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนา ฯ นายตนา น จกฺขายตนนฺติ: อามนฺตา ฯ น โสตํ นายตนนฺติ: โสตํ ฐเปตฺวา ฯเปฯ ฆานํ ฐเปตฺวา ชิวฺหํ ฐเปตฺวา ฯเปฯ น จ อายตนา ฯ น กาโย นายตนนฺติ: อามนฺตา ฯ นายตนา @เชิงอรรถ: ๑ อิธาปิ นิทฺเทโส อุทฺเทเสน น สเมติ ตตฺถาธิปฺปาโย ขนฺธยมกวณฺณนายํ @วุตฺตนเยเนว เวทิตพฺโพ ฯ น กายายตนนฺติ: อามนฺตา ฯ น รูปํ นายตนนฺติ: รูปํ ฐเปตฺวา ฯเปฯ สทฺทํ ฐเปตฺวา คนฺธํ ฐเปตฺวา รสํ ฐเปตฺวา โผฏฺฐพฺพํ ฐเปตฺวา ฯเปฯ น จ อายตนา ฯ น มโน นายตนนฺติ: มนํ ฐเปตฺวา อวเสสา อายตนา น มโน อายตนา มนญฺจ อายตนญฺจ ฐเปตฺวา อวเสสา น เจว มโน น จ อายตนา ฯ นายตนา น มนายตนนฺติ: อามนฺตา ฯ น ธมฺโม นายตนนฺติ: อามนฺตา ฯ นายตนา น ธมฺมายตนนฺติ: อามนฺตา ฯ --------- [๒๙๔] จกฺขุ อายตนนฺติ: อามนฺตา ฯ อายตนา โสตายตนนฺติ: ๑- โสตายตนํ อายตนญฺเจว โสตายตนญฺจ อวเสสา อายตนา อายตนา น โสตายตนํ ฯ จกฺขุ อายตนนฺติ: อามนฺตา ฯ อายตนา ฆานายตนํ ฯเปฯ อายตนา ธมฺมายตนนฺติ: ธมฺมายตนํ อายตนญฺเจว ธมฺมายตนญฺจ อวเสสา อายตนา อายตนา น ธมฺมายตนํ ฯ โสตํ อายตนนฺติ: อามนฺตา ฯ อายตนา จกฺขายตนนฺติ: ฯเปฯ น จกฺขายตนํ ฯเปฯ อายตนา ธมฺมายตนนฺติ: ฯเปฯ น ธมฺมายตนํ ฆานํ ชิวฺหา ฯเปฯ ธมฺโม อายตนนฺติ: อามนฺตา ฯ อายตนา จกฺขายตนํ ฯเปฯ อายตนา มนายตนนฺติ: มนายตนํ อายตนญฺเจว มนายตนญฺจ อวเสสา อายตนา อายตนา น มนายตนํ ฯ (จกฺกํ พนฺธิตพฺพํ) ฯ [๒๙๕] น จกฺขุ นายตนนฺติ: จกฺขุํ ฐเปตฺวา อวเสสา อายตนา @เชิงอรรถ: ๑ อิธาปิ ปุพฺเพ วุตฺตนเยน เวทิตพฺพํ ฯ น จกฺขุ อายตนา จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนา ฯ นายตนา น โสตายตนนฺติ: อามนฺตา ฯเปฯ น จกฺขุ นายตนนฺติ: จกฺขุํ ฐเปตฺวา อวเสสา อายตนา น จกฺขุ อายตนา จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนา ฯ นายตนา น ฆานายตนํ ฯเปฯ นายตนา น ธมฺมายตนนฺติ: อามนฺตา ฯ น โสตํ นายตนนฺติ: โสตํ ฐเปตฺวา ฯเปฯ ฆานํ ฐเปตฺวา ชิวฺหํ ฐเปตฺวา ฯเปฯ น จ อายตนา ฯ น กาโย นายตนนฺติ: อามนฺตา ฯ นายตนา น จกฺขายตนนฺติ: อามนฺตา ฯเปฯ นายตนา น ธมฺมายตนนฺติ: อามนฺตา ฯเปฯ น ธมฺโม นายตนนฺติ: อามนฺตา ฯ นายตนา น จกฺขายตนนฺติ: อามนฺตา ฯ น ธมฺโม นายตนนฺติ: อามนฺตา ฯ นายตนา น โสตายตนนฺติ: อามนฺตา ฯเปฯ นายตนา น มนายตนนฺติ: อามนฺตา ฯ (จกฺกํ พนฺธิตพฺพํ) ฯ ปณฺณตฺติวาโร ฯ --------
เนื้อความพระไตรปิฎกฉบับภาษาบาลี อักษรไทย เล่มที่ ๓๘ หน้าที่ ๙๑-๙๗. https://84000.org/tipitaka/read/pali_read.php?B=38&A=1804&w=&modeTY=2 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=38&A=1804&modeTY=2 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=38&item=288&items=8 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=38&siri=13 ศึกษาอรรถกถานี้ได้ที่ :- https://84000.org/tipitaka/attha/attha.php?b=38&i=288 สารบัญพระไตรปิฎกเล่มที่ ๓๘ https://84000.org/tipitaka/read/?index_38 https://84000.org/tipitaka/english/?index_38
![อ่านหน้า[ต่าง] แรก](go1.gif){kind=small} ![อ่านหน้า[ต่าง] ที่แล้ว](go2.gif){kind=small}   ![อ่านหน้า[ต่าง] ถัดไป](go3.gif){kind=small}  |
|
บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]