ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๐ ภาษาบาลี อักษรไทย พระอภิธรรมปิฎกเล่มที่ ๗ อภิ. ป.(๑) อนุโลมติกปฏฺฐานํ ปุริมํ

     [๑๓๕๕]   วิปากธมฺมธมฺโม    วิปากธมฺมธมฺมสฺส    เหตุปจฺจเยน
ปจฺจโย   วิปากธมฺมธมฺมา   เหตู   สมฺปยุตฺตกานํ  ขนฺธานํ  เหตุปจฺจเยน
ปจฺจโย   ฯ  วิปากธมฺมธมฺโม  เนววิปากนวิปากธมฺมธมฺมสฺส  เหตุปจฺจเยน
ปจฺจโย      วิปากธมฺมธมฺมา     เหตู     จิตฺตสมุฏฺฐานานํ     รูปานํ
เหตุปจฺจเยน    ปจฺจโย   ฯ   วิปากธมฺมธมฺโม   วิปากธมฺมธมฺมสฺส   จ
เนววิปากนวิปากธมฺมธมฺมสฺส    จ    ธมฺมสฺส    เหตุปจฺจเยน   ปจฺจโย
วิปากธมฺมธมฺมา    เหตู    สมฺปยุตฺตกานํ   ขนฺธานํ   จิตฺตสมุฏฺฐานานญฺจ
รูปานํ เหตุปจฺจเยน ปจฺจโย ฯ
     [๑๓๕๖]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
เหตุปจฺจเยน       ปจฺจโย      เนววิปากนวิปากธมฺมธมฺมา      เหตู
สมฺปยุตฺตกานํ    ขนฺธานํ    จิตฺตสมุฏฺฐานานญฺจ    รูปานํ   เหตุปจฺจเยน
ปจฺจโย ฯ
     [๑๓๕๗]   วิปาโก   ธมฺโม  วิปากสฺส  ธมฺมสฺส  อารมฺมณปจฺจเยน
ปจฺจโย    วิปาเก   ขนฺเธ   อนิจฺจโต   ทุกฺขโต   อนตฺตโต   วิปสฺสติ
อสฺสาเทติ   อภินนฺทติ   ตํ   อารพฺภ  ราโค  อุปฺปชฺชติ  ทิฏฺฐิ  อุปฺปชฺชติ
วิจิกิจฺฉา    อุปฺปชฺชติ    อุทฺธจฺจํ    อุปฺปชฺชติ    โทมนสฺสํ    อุปฺปชฺชติ
กุสลากุสเล นิรุทฺเธ วิปาโก ตทารมฺมณตา อุปฺปชฺชติ ฯ
     {๑๓๕๗.๑}   วิปาโก  ธมฺโม  วิปากธมฺมธมฺมสฺส  อารมฺมณปจฺจเยน
ปจฺจโย  เสกฺขา  ผลํ  ปจฺจเวกฺขนฺติ  วิปาเก  ขนฺเธ  อนิจฺจโต  ทุกฺขโต
อนตฺตโต   วิปสฺสนฺติ   อสฺสาเทนฺติ   อภินนฺทนฺติ   ตํ   อารพฺภ   ราโค
อุปฺปชฺชติ      ฯเปฯ     โทมนสฺสํ     อุปฺปชฺชติ     เจโตปริยญาเณน
วิปากจิตฺตสมงฺคิสฺส จิตฺตํ ชานนฺติ ฯ
     {๑๓๕๗.๒}   วิปากา  ขนฺธา  เจโตปริยญาณสฺส ปุพฺเพนิวาสานุสฺสติ-
ญาณสฺส     ยถากมฺมูปคญาณสฺส    อนาคตํสญาณสฺส    อารมฺมณปจฺจเยน
ปจฺจโย  ฯ  วิปาโก  ธมฺโม เนววิปากนวิปากธมฺมธมฺมสฺส อารมฺมณปจฺจเยน
ปจฺจโย  อรหา  ผลํ ปจฺจเวกฺขติ วิปาเก ขนฺเธ อนิจฺจโต ทุกฺขโต อนตฺตโต
วิปสฺสติ  เจโตปริยญาเณน  วิปากจิตฺตสมงฺคิสฺส  จิตฺตํ  ชานาติ  ฯ วิปากา
ขนฺธา    เจโตปริยญาณสฺส   ปุพฺเพนิวาสานุสฺสติญาณสฺส   อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     [๑๓๕๘]   วิปากธมฺมธมฺโม   วิปากธมฺมธมฺมสฺส   อารมฺมณปจฺจเยน
ปจฺจโย   ทานํ   ทตฺวา   สีลํ   สมาทิยิตฺวา   อุโปสถกมฺมํ   กตฺวา  ตํ
ปจฺจเวกฺขติ    ปุพฺเพ    สุจิณฺณานิ    ปจฺจเวกฺขติ   ฌานา   วุฏฺฐหิตฺวา
ฌานํ    ปจฺจเวกฺขติ    เสกฺขา    โคตฺรภุํ    ปจฺจเวกฺขนฺติ    โวทานํ
ปจฺจเวกฺขนฺติ   เสกฺขา  มคฺคา  วุฏฺฐหิตฺวา  มคฺคํ  ปจฺจเวกฺขนฺติ  เสกฺขา
ปหีเน  กิเลเส  ปจฺจเวกฺขนฺติ  วิกฺขมฺภิเต  กิเลเส  ปจฺจเวกฺขนฺติ  ปุพฺเพ
สมุทาจิณฺเณ    กิเลเส   ชานนฺติ   วิปากธมฺมธมฺเม   ขนฺเธ   อนิจฺจโต
ทุกฺขโต   อนตฺตโต   วิปสฺสนฺติ   อสฺสาเทนฺติ   อภินนฺทนฺติ   ตํ  อารพฺภ
ราโค    อุปฺปชฺชติ    ฯเปฯ   โทมนสฺสํ   อุปฺปชฺชติ   เจโตปริยญาเณน
วิปากธมฺมธมฺมจิตฺตสมงฺคิสฺส    จิตฺตํ    ชานนฺติ    อากาสานญฺจายตนกุสลํ
วิญฺญาณญฺจายตนกุสลสฺส อารมฺมณปจฺจเยน
ปจฺจโย    ฯเปฯ    อากิญฺจญฺญายตนกุสลํ   เนวสญฺญานาสญฺญายตนกุสลสฺส
อารมฺมณปจฺจเยน    ปจฺจโย   วิปากธมฺมธมฺมา   ขนฺธา   อิทฺธิวิธญาณสฺส
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมูปคญาณสฺส
อนาคตํสญาณสฺส อารมฺมณปจฺจเยน ปจฺจโย ฯ
     {๑๓๕๘.๑}   วิปากธมฺมธมฺโม  วิปากสฺส  ธมฺมสฺส  อารมฺมณปจฺจเยน
ปจฺจโย   วิปากธมฺมธมฺเม  ขนฺเธ  อนิจฺจโต  ทุกฺขโต  อนตฺตโต  วิปสฺสติ
อสฺสาเทติ  อภินนฺทติ  ตํ อารพฺภ ราโค อุปฺปชฺชติ ฯเปฯ โทมนสฺสํ อุปฺปชฺชติ
กุสลากุสเล  นิรุทฺเธ วิปาโก ตทารมฺมณตา อุปฺปชฺชติ อากาสานญฺจายตนกุสลํ
วิญฺญาณญฺจายตนวิปากสฺส      อารมฺมณปจฺจเยน      ปจฺจโย     ฯเปฯ
อากิญฺจญฺญายตนกุสลํ เนวสญฺญานาสญฺญายตนวิปากสฺส
อารมฺมณปจฺจเยน   ปจฺจโย  วิปากธมฺมธมฺโม  เนววิปากนวิปากธมฺมธมฺมสฺส
อารมฺมณปจฺจเยน     ปจฺจโย     อรหา    มคฺคา   วุฏฺฐหิตฺวา   มคฺคํ
ปจฺจเวกฺขติ      ปุพฺเพ      สุจิณฺณานิ       ปจฺจเวกฺขติ      อรหา
ปหีเน   กิเลเส   ปจฺจเวกฺขติ   ปุพฺเพ   สมุทาจิณฺเณ  กิเลเส  ชานาติ
วิปากธมฺมธมฺเม    ขนฺเธ    อนิจฺจโต    ทุกฺขโต   อนตฺตโต   วิปสฺสติ
เจโตปริยญาเณน      วิปากธมฺมธมฺมจิตฺตสมงฺคิสฺส     จิตฺตํ     ชานาติ
อากาสานญฺจายตนกุสลํ      วิญฺญาณญฺจายตนกิริยสฺส     อารมฺมณปจฺจเยน
ปจฺจโย    ฯเปฯ    อากิญฺจญฺญายตนกุสลํ   เนวสญฺญานาสญฺญายตนกิริยสฺส
อารมฺมณปจฺจเยน        ปจฺจโย        วิปากธมฺมธมฺมา       ขนฺธา
เจโตปริยญาณสฺส      ปุพฺเพนิวาสานุสฺสติญาณสฺส      ยถากมฺมูปคญาณสฺส
อนาคตํสญาณสฺส อาวชฺชนาย อารมฺมณปจฺจเยน ปจฺจโย ฯ
     [๑๓๕๙]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
อารมฺมณปจฺจเยน      ปจฺจโย     อรหา     นิพฺพานํ     ปจฺจเวกฺขติ
นิพฺพานํ อาวชฺชนาย อารมฺมณปจฺจเยน ปจฺจโย ฯ
     {๑๓๕๙.๑}   อรหา  จกฺขุํ  อนิจฺจโต ทุกฺขโต อนตฺตโต วิปสฺสติ โสตํ
...  ฆานํ  ชิวฺหํ  กายํ  รูเป  สทฺเท  คนฺเธ รเส โผฏฺฐพฺเพ วตฺถุํ ...
เนววิปากนวิปากธมฺมธมฺเม  ขนฺเธ  อนิจฺจโต  ทุกฺขโต  อนตฺตโต  วิปสฺสติ
ทิพฺเพน   จกฺขุนา   รูปํ   ปสฺสติ   ทิพฺพาย   โสตธาตุยา  สทฺทํ  สุณาติ
เจโตปริยญาเณน   เนววิปากนวิปากธมฺมธมฺมจิตฺตสมงฺคิสฺส   จิตฺตํ  ชานาติ
อากาสานญฺจายตนกิริยํ      วิญฺญาณญฺจายตนกิริยสฺส     อารมฺมณปจฺจเยน
ปจฺจโย    ฯเปฯ    อากิญฺจญฺญายตนกิริยํ   เนวสญฺญานาสญฺญายตนกิริยสฺส
อารมฺมณปจฺจเยน          ปจฺจโย         เนววิปากนวิปากธมฺมธมฺมา
ขนฺธา    อิทฺธิวิธญาณสฺส    เจโตปริยญาณสฺส   ปุพฺเพนิวาสานุสฺสติญาณสฺส
ยถากมฺมูปคญาณสฺส            อนาคตํสญาณสฺส           อาวชฺชนาย
อารมฺมณปจฺจเยน ปจฺจโย ฯ
     {๑๓๕๙.๒}   เนววิปากนวิปากธมฺมธมฺโม    วิปากสฺส    ธมฺมสฺส
อารมฺมณปจฺจเยน     ปจฺจโย    นิพฺพานํ    ผลสฺส    อารมฺมณปจฺจเยน
ปจฺจโย  เสกฺขา  วา  ปุถุชฺชนา  วา  จกฺขุํ  อนิจฺจโต  ทุกฺขโต อนตฺตโต
วิปสฺสนฺติ   อสฺสาเทนฺติ   อภินนฺทนฺติ   ตํ   อารพฺภ   ราโค   อุปฺปชฺชติ
ฯเปฯ  โทมนสฺสํ  อุปฺปชฺชติ  กุสลากุสเล  นิรุทฺเธ  วิปาโก  ตทารมฺมณตา
อุปฺปชฺชติ  โสตํ  ...  ฆานํ ชิวฺหํ กายํ รูเป สทฺเท คนฺเธ รเส โผฏฺฐพฺเพ
วตฺถุํ   ...   เนววิปากนวิปากธมฺมธมฺเม   ขนฺเธ   อนิจฺจโต   ทุกฺขโต
อนตฺตโต   วิปสฺสนฺติ   อสฺสาเทนฺติ   อภินนฺทนฺติ   ตํ   อารพฺภ   ราโค
อุปฺปชฺชติ   ฯเปฯ   โทมนสฺสํ   อุปฺปชฺชติ  กุสลากุสเล  นิรุทฺเธ  วิปาโก
ตทารมฺมณตา     อุปฺปชฺชติ     รูปายตนํ     จกฺขุวิญฺญาณสฺส     ฯเปฯ
โผฏฺฐพฺพายตนํ กายวิญฺญาณสฺส อารมฺมณปจฺจเยน ปจฺจโย ฯ
     {๑๓๕๙.๓}   เนววิปากนวิปากธมฺมธมฺโม     วิปากธมฺมธมฺมสฺส
อารมฺมณปจฺจเยน   ปจฺจโย   เสกฺขา   นิพฺพานํ   ปจฺจเวกฺขนฺติ  นิพฺพานํ
โคตฺรภุสฺส    โวทานสฺส    มคฺคสฺส    อารมฺมณปจฺจเยน   ปจฺจโย   ฯ
เสกฺขา   วา   ปุถุชฺชนา   วา   จกฺขุํ   อนิจฺจโต   ทุกฺขโต  อนตฺตโต
วิปสฺสนฺติ   อสฺสาเทนฺติ   อภินนฺทนฺติ   ตํ   ฯเปฯ   โทมนสฺสํ  อุปฺปชฺชติ
โสตํ    ...   ฯเปฯ   เนววิปากนวิปากธมฺมธมฺเม   ขนฺเธ   อนิจฺจโต
ทุกฺขโต    อนตฺตโต    วิปสฺสนฺติ    อสฺสาเทนฺติ   อภินนฺทนฺติ   ทิพฺเพน
จกฺขุนา         รูปํ       ปสฺสนฺติ       ทิพฺพาย       โสตธาตุยา
สทฺทํ   สุณนฺติ   เจโตปริยญาเณน   เนววิปากนวิปากธมฺมธมฺมจิตฺตสมงฺคิสฺส
จิตฺตํ    ชานนฺติ    เนววิปากนวิปากธมฺมธมฺมา   ขนฺธา   อิทฺธิวิธญาณสฺส
เจโตปริยญาณสฺส       ปุพฺเพนิวาสานุสฺสติญาณสฺส       อนาคตํสญาณสฺส
อารมฺมณปจฺจเยน ปจฺจโย ฯ
     [๑๓๖๐]   วิปาโก   ธมฺโม   วิปากสฺส   ธมฺมสฺส  อธิปติปจฺจเยน
ปจฺจโย     สหชาตาธิปติ:     วิปากาธิปติ    สมฺปยุตฺตกานํ    ขนฺธานํ
อธิปติปจฺจเยน    ปจฺจโย    ฯ    วิปาโก   ธมฺโม   วิปากธมฺมธมฺมสฺส
อธิปติปจฺจเยน   ปจฺจโย   อารมฺมณาธิปติ:   เสกฺขา   ผลํ  ครุํ  กตฺวา
ปจฺจเวกฺขนฺติ   วิปาเก   ขนฺเธ   ครุํ   กตฺวา  อสฺสาเทนฺติ  อภินนฺทนฺติ
ตํ   ครุํ   กตฺวา   ราโค   อุปฺปชฺชติ  ทิฏฺฐิ  อุปฺปชฺชติ  ฯเปฯ  วิปาโก
ธมฺโม      เนววิปากนวิปากธมฺมธมฺมสฺส     อธิปติปจฺจเยน     ปจฺจโย
อารมฺมณาธิปติ    สหชาตาธิปติ    ฯ    อารมฺมณาธิปติ:   อรหา   ผลํ
ครุํ     กตฺวา     ปจฺจเวกฺขติ     ฯ    สหชาตธิปติ:    วิปากาธิปติ
จิตฺตสมุฏฺฐานานํ   รูปานํ   อธิปติปจฺจเยน   ปจฺจโย  ฯ  วิปาโก  ธมฺโม
วิปากสฺส   จ   เนววิปากนวิปากธมฺมธมฺมสฺส  จ  ธมฺมสฺส  อธิปติปจฺจเยน
ปจฺจโย        สหชาตาธิปติ:        วิปากาธิปติ       สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     [๑๓๖๑]   วิปากธมฺมธมฺโม    วิปากธมฺมธมฺมสฺส   อธิปติปจฺจเยน
ปจฺจโย    อารมฺมณาธิปติ   สหชาตาธิปติ   ฯ   อารมฺมณาธิปติ:   ทานํ
ทตฺวา    สีลํ   สมาทิยิตฺวา   อุโปสถกมฺมํ   กตฺวา   ตํ   ครุํ   กตฺวา
ปจฺจเวกฺขติ    ปุพฺเพ   สุจิณฺณานิ   ครุํ   กตฺวา   ปจฺจเวกฺขติ   ฌานา
วุฏฺฐหิตฺวา   ฌานํ   ครุํ   กตฺวา   ปจฺจเวกฺขติ   เสกฺขา  โคตฺรภุํ  ครุํ
กตฺวา   ปจฺจเวกฺขนฺติ   โวทานํ   ครุํ   กตฺวา   ปจฺจเวกฺขนฺติ  เสกฺขา
มคฺคา   วุฏฺฐหิตฺวา   มคฺคํ   ครุํ  กตฺวา  ปจฺจเวกฺขนฺติ  วิปากธมฺมธมฺเม
ขนฺเธ    ครุํ    กตฺวา   อสฺสาเทนฺติ   อภินนฺทนฺติ   ตํ   ครุํ   กตฺวา
ราโค     อุปฺปชฺชติ     ทิฏฺฐิ    อุปฺปชฺชติ    ฯเปฯ    สหชาตาธิปติ:
วิปากธมฺมธมฺมาธิปติ สมฺปยุตฺตกานํ ขนฺธานํ อธิปติปจฺจเยน ปจฺจโย ฯ
     {๑๓๖๑.๑}   วิปากธมฺมธมฺโม     เนววิปากนวิปากธมฺมธมฺมสฺส
อธิปติปจฺจเยน     ปจฺจโย     อารมฺมณาธิปติ     สหชาตาธิปติ     ฯ
อารมฺมณาธิปติ:    อรหา    มคฺคา   วุฏฺฐหิตฺวา   มคฺคํ   ครุํ   กตฺวา
ปจฺจเวกฺขติ   ฯ   สหชาตาธิปติ:   วิปากธมฺมธมฺมาธิปติ  จิตฺตสมุฏฺฐานานํ
รูปานํ  อธิปติปจฺจเยน  ปจฺจโย  ฯ  วิปากธมฺมธมฺโม  วิปากธมฺมธมฺมสฺส จ
เนววิปากนวิปากธมฺมธมฺมสฺส    จ    ธมฺมสฺส   อธิปติปจฺจเยน   ปจฺจโย
สหชาตาธิปติ:      วิปากธมฺมธมฺมาธิปติ      สมฺปยุตฺตกานํ     ขนฺธานํ
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     [๑๓๖๒]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
อธิปติปจฺจเยน  ปจฺจโย  อารมฺมณาธิปติ  สหชาตาธิปติ  ฯ อารมฺมณาธิปติ:
อรหา  นิพฺพานํ  ครุํ  กตฺวา  ปจฺจเวกฺขติ  ฯ  สหชาตาธิปติ: เนววิปาก-
นวิปากธมฺมธมฺมาธิปติ    สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
เนววิปากนวิปากธมฺมธมฺโม     วิปากสฺส     ธมฺมสฺส     อธิปติปจฺจเยน
ปจฺจโย   อารมฺมณาธิปติ:   นิพฺพานํ  ผลสฺส  อธิปติปจฺจเยน  ปจฺจโย  ฯ
เนววิปากนวิปากธมฺมธมฺโม   วิปากธมฺมธมฺมสฺส   อธิปติปจฺจเยน   ปจฺจโย
อารมฺมณาธิปติ:   เสกฺขา   นิพฺพานํ  ครุํ  กตฺวา  ปจฺจเวกฺขนฺติ  นิพฺพานํ
โคตฺรภุสฺส   โวทานสฺส   มคฺคสฺส   อธิปติปจฺจเยน   ปจฺจโย  จกฺขุํ  ครุํ
กตฺวา  อสฺสาเทนฺติ  อภินนฺทนฺติ  ตํ  ครุํ  กตฺวา  ราโค  อุปฺปชฺชติ  ทิฏฺฐิ
อุปฺปชฺชติ    ฯเปฯ   โสตํ   ...   ฯเปฯ   เนววิปากนวิปากธมฺมธมฺเม
ขนฺเธ   ครุํ   กตฺวา   อสฺสาเทนฺติ  อภินนฺทนฺติ  ตํ  ครุํ  กตฺวา  ราโค
อุปฺปชฺชติ ทิฏฺฐิ อุปฺปชฺชติ ฯเปฯ
     [๑๓๖๓]   วิปาโก   ธมฺโม   วิปากสฺส  ธมฺมสฺส  อนนฺตรปจฺจเยน
ปจฺจโย   ปุริมา  ปุริมา  วิปากา  ขนฺธา  ปจฺฉิมานํ  ปจฺฉิมานํ  วิปากานํ
ขนฺธานํ    อนนฺตรปจฺจเยน    ปจฺจโย   ปญฺจวิญฺญาณํ   วิปากมโนธาตุยา
อนนฺตรปจฺจเยน    ปจฺจโย    วิปากมโนธาตุ    วิปากมโนวิญฺญาณธาตุยา
อนนฺตรปจฺจเยน  ปจฺจโย  ฯ  วิปาโก  ธมฺโม เนววิปากนวิปากธมฺมธมฺมสฺส
อนนฺตรปจฺจเยน    ปจฺจโย    ภวงฺคํ    อาวชฺชนาย    อนนฺตรปจฺจเยน
ปจฺจโย          วิปากมโนวิญฺญาณธาตุ         กิริยมโนวิญฺญาณธาตุยา
อนนฺตรปจฺจเยน ปจฺจโย ฯ
     [๑๓๖๔]   วิปากธมฺมธมฺโม   วิปากธมฺมธมฺมสฺส   อนนฺตรปจฺจเยน
ปจฺจโย   ปุริมา   ปุริมา   วิปากธมฺมธมฺมา  ขนฺธา  ปจฺฉิมานํ  ปจฺฉิมานํ
วิปากธมฺมธมฺมานํ     ขนฺธานํ    อนนฺตรปจฺจเยน    ปจฺจโย    อนุโลมํ
โคตฺรภุสฺส     อนุโลมํ    โวทานสฺส    โคตฺรภุ    มคฺคสฺส    โวทานํ
มคฺคสฺส    อนนฺตรปจฺจเยน   ปจฺจโย   ฯ   วิปากธมฺมธมฺโม   วิปากสฺส
ธมฺมสฺส     อนนฺตรปจฺจเยน     ปจฺจโย     วิปากธมฺมธมฺมา    ขนฺธา
วุฏฺฐานสฺส    มคฺโค    ผลสฺส    เสกฺขานํ    อนุโลมํ   ผลสมาปตฺติยา
นิโรธา     วุฏฺฐหนฺตสฺส    เนวสญฺญานาสญฺญายตนกุสลํ    ผลสมาปตฺติยา
อนนฺตรปจฺจเยน ปจฺจโย ฯ
     [๑๓๖๕]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
อนนฺตรปจฺจเยน   ปจฺจโย   ปุริมา   ปุริมา   เนววิปากนวิปากธมฺมธมฺมา
ขนฺธา       ปจฺฉิมานํ      ปจฺฉิมานํ      เนววิปากนวิปากธมฺมธมฺมานํ
ขนฺธานํ    อนนฺตรปจฺจเยน    ปจฺจโย   ฯ   เนววิปากนวิปากธมฺมธมฺโม
วิปากสฺส    ธมฺมสฺส   อนนฺตรปจฺจเยน   ปจฺจโย   อาวชฺชนา   ปญฺจนฺนํ
วิญฺญาณานํ     อนนฺตรปจฺจเยน    ปจฺจโย    เนววิปากนวิปากธมฺมธมฺมา
ขนฺธา    วุฏฺฐานสฺส    อรหโต    อนุโลมํ    ผลสมาปตฺติยา   นิโรธา
วุฏฺฐหนฺตสฺส         เนวสญฺญานาสญฺญายตนกิริยํ         ผลสมาปตฺติยา
อนนฺตรปจฺจเยน       ปจฺจโย      ฯ      เนววิปากนวิปากธมฺมธมฺโม
วิปากธมฺมธมฺมสฺส       อนนฺตรปจฺจเยน       ปจฺจโย      อาวชฺชนา
วิปากธมฺมธมฺมานํ ขนฺธานํ อนนฺตรปจฺจเยน ปจฺจโย ฯ
     [๑๓๖๖]   วิปาโก   ธมฺโม  วิปากสฺส  ธมฺมสฺส  สมนนฺตรปจฺจเยน
ปจฺจโย  อนนฺตรสทิสํ  ฯ  วิปาโก ธมฺโม วิปากสฺส ธมฺมสฺส สหชาตปจฺจเยน
ปจฺจโย วิปาโก เอโก ขนฺโธ ติณฺณํ ฯเปฯ ตีณิ ฯ
     [๑๓๖๗]   วิปากธมฺมธมฺโม   วิปากธมฺมธมฺมสฺส   สหชาตปจฺจเยน
ปจฺจโย  ตีณิ  ฯ  เนววิปากนวิปากธมฺมธมฺโม  เนววิปากนวิปากธมฺมธมฺมสฺส
สหชาตปจฺจเยน          ปจฺจโย          เนววิปากนวิปากธมฺมธมฺโม
เอโก  ขนฺโธ  เอกํ  มหาภูตํ  ...  พาหิรํ  ...  อาหารสมุฏฺฐานํ ...
อุตุสมุฏฺฐานํ ... อสญฺญสตฺตานํ เอกํ มหาภูตํ ฯ
     [๑๓๖๘]   เนววิปากนวิปากธมฺมธมฺโม  วิปากสฺส  ธมฺมสฺส  สหชาต-
ปจฺจเยน  ปจฺจโย  ปฏิสนฺธิกฺขเณ  วตฺถุ วิปากานํ ขนฺธานํ สหชาตปจฺจเยน
ปจฺจโย ฯ
     [๑๓๖๙]   วิปาโก   จ   เนววิปากนวิปากธมฺมธมฺโม   จ  ธมฺมา
วิปากสฺส   ธมฺมสฺส   สหชาตปจฺจเยน   ปจฺจโย   ปฏิสนฺธิกฺขเณ  วิปาโก
เอโก   ขนฺโธ   จ   วตฺถุ   จ   ติณฺณนฺนํ   ขนฺธานํ   ฯ  วิปาโก  จ
เนววิปากนวิปากธมฺมธมฺโม    จ    ธมฺมา   เนววิปากนวิปากธมฺมธมฺมสฺส
สหชาตปจฺจเยน  ปจฺจโย  วิปากา  ขนฺธา  จ มหาภูตา จ จิตฺตสมุฏฺฐานานํ
รูปานํ ฯ
     [๑๓๗๐]   วิปากธมฺมธมฺโม   จ   เนววิปากนวิปากธมฺมธมฺโม   จ
ธมฺมา     เนววิปากนวิปากธมฺมธมฺมสฺส     สหชาตปจฺจเยน     ปจฺจโย
วิปากธมฺมธมฺมา   ขนฺธา   จ   มหาภูตา   จ   จิตฺตสมุฏฺฐานานํ  รูปานํ
สหชาตปจฺจเยน ปจฺจโย ฯ
     [๑๓๗๑]   วิปาโก   ธมฺโม  วิปากสฺส  ธมฺมสฺส  อญฺญมญฺญปจฺจเยน
ปจฺจโย  วิปาโก  เอโก  ขนฺโธ  ปฏิสนฺธิกฺขเณ  ...  ฯ  วิปาโก ธมฺโม
เนววิปากนวิปากธมฺมธมฺมสฺส         อญฺญมญฺญปจฺจเยน         ปจฺจโย
ปฏิสนฺธิกฺขเณ   วิปากา   ขนฺธา  วตฺถุสฺส  อญฺญมญฺญปจฺจเยน  ปจฺจโย  ฯ
วิปาโก   ธมฺโม  วิปากสฺส  จ  เนววิปากนวิปากธมฺมธมฺมสฺส  จ  ธมฺมสฺส
อญฺญมญฺญปจฺจเยน    ปจฺจโย   ปฏิสนฺธิกฺขเณ   วิปาโก   เอโก   ขนฺโธ
ติณฺณํ ขนฺธานํ วตฺถุสฺส จ อญฺญมญฺญปจฺจเยน ปจฺจโย ฯ
     [๑๓๗๒]   วิปากธมฺมธมฺโม   วิปากธมฺมธมฺมสฺส   อญฺญมญฺญปจฺจเยน
ปจฺจโย  วิปากธมฺมธมฺโม  เอโก  ขนฺโธ  ติณฺณนฺนํ  ขนฺธานํ  เทฺว  ขนฺธา
ทฺวินฺนํ         ขนฺธานํ         ฯ        เนววิปากนวิปากธมฺมธมฺโม
เนววิปากนวิปากธมฺมธมฺมสฺส         อญฺญมญฺญปจฺจเยน         ปจฺจโย
เนววิปากนวิปากธมฺมธมฺโม   เอโก   ขนฺโธ   ติณฺณนฺนํ   ขนฺธานํ   เทฺว
ขนฺธา    ทฺวินฺนํ   ขนฺธานํ   ฯ   เนววิปากนวิปากธมฺมธมฺโม   วิปากสฺส
ธมฺมสฺส   อญฺญมญฺญปจฺจเยน   ปจฺจโย   ปฏิสนฺธิกฺขเณ   วตฺถุ   วิปากานํ
ขนฺธานํ ฯ
     [๑๓๗๓]   วิปาโก   จ   เนววิปากนวิปากธมฺมธมฺโม   จ  ธมฺมา
วิปากสฺส    ธมฺมสฺส    ปฏิสนฺธิกฺขเณ    วิปาโก   เอโก   ขนฺโธ   จ
วตฺถุ จ ติณฺณํ ขนฺธานํ ฯ สตฺต ปญฺหา ฯ
     [๑๓๗๔]   วิปาโก   ธมฺโม   วิปากสฺส   ธมฺมสฺส  นิสฺสยปจฺจเยน
ปจฺจโย    ตีณิ    ฯ    วิปากธมฺมธมฺโม   วิปากธมฺมธมฺมสฺส   ตีณิ   ฯ
เนววิปากนวิปากธมฺมธมฺโม      เนววิปากนวิปากธมฺมธมฺมสฺส      ฯเปฯ
เนววิปากนวิปากธมฺมธมฺโม  วิปากสฺส  ธมฺมสฺส  จกฺขายตนํ  จกฺขุวิญฺญาณสฺส
นิสฺสยปจฺจเยน     ปจฺจโย     ฯเปฯ     กายายตนํ    กายวิญฺญาณสฺส
วตฺถุ        วิปากานํ       ขนฺธานํ       ปฏิสนฺธิกฺขเณ       วตฺถุ
วิปากานํ   ขนฺธานํ   ฯ   เนววิปากนวิปากธมฺมธมฺโม   วิปากธมฺมธมฺมสฺส
นิสฺสยปจฺจเยน ปจฺจโย วตฺถุ วิปากธมฺมธมฺมานํ ขนฺธานํ ฯ
     [๑๓๗๕]   วิปาโก   จ   เนววิปากนวิปากธมฺมธมฺโม   จ  ธมฺมา
วิปากสฺส   ธมฺมสฺส   นิสฺสยปจฺจเยน  ปจฺจโย  จกฺขุวิญฺญาณสหคโต  เอโก
ขนฺโธ    จ   จกฺขายตนญฺจ   ฯเปฯ   กายายตนญฺจ   วิปาโก   เอโก
ขนฺโธ   จ   วตฺถุ   จ   ติณฺณํ  ขนฺธานํ  ปฏิสนฺธิกฺขเณ  วิปาโก  เอโก
ขนฺโธ  จ  วตฺถุ  จ  ฯ  วิปาโก  จ เนววิปากนวิปากธมฺมธมฺโม จ ธมฺมา
เนววิปากนวิปากธมฺมธมฺมสฺส     นิสฺสยปจฺจเยน     ปจฺจโย     วิปากา
ขนฺธา  จ  มหาภูตา จ ฯ สงฺขิตฺตํ ฯ ปฏิสนฺธิกฺขเณ ... ฯ วิปากธมฺมธมฺโม
จ     เนววิปากนวิปากธมฺมธมฺโม     จ    ธมฺมา    วิปากธมฺมธมฺมสฺส
นิสฺสยปจฺจเยน    ปจฺจโย    วิปากธมฺมธมฺโม    เอโก    ขนฺโธ    จ
วตฺถุ   จ   ฯ   วิปากธมฺมธมฺโม   จ   เนววิปากนวิปากธมฺมธมฺโม   จ
ธมฺมา      เนววิปากนวิปากธมฺมธมฺมสฺส     นิสฺสยปจฺจเยน     ปจฺจโย
วิปากธมฺมธมฺมา     ขนฺธา    จ    มหาภูตา    จ    จิตฺตสมุฏฺฐานานํ
รูปานํ ฯ เตรส ปญฺหา ฯ
     [๑๓๗๖]   วิปาโก   ธมฺโม  วิปากสฺส  ธมฺมสฺส  อุปนิสฺสยปจฺจเยน
ปจฺจโย   อนนฺตรูปนิสฺสโย   ปกตูปนิสฺสโย   ฯ   ปกตูปนิสฺสโย:   กายิกํ
สุขํ  กายิกสฺส  สุขสฺส  กายิกสฺส  ทุกฺขสฺส ผลสมาปตฺติยา อุปนิสฺสยปจฺจเยน
ปจฺจโย    กายิกํ    ทุกฺขํ    กายิกสฺส    สุขสฺส   กายิกสฺส   ทุกฺขสฺส
ผลสมาปตฺติยา    อุปนิสฺสยปจฺจเยน    ปจฺจโย   ผลสมาปตฺติ   กายิกสฺส
สุขสฺส อุปนิสฺสยปจฺจเยน ปจฺจโย ฯ
     {๑๓๗๖.๑}   วิปาโก  ธมฺโม  วิปากธมฺมธมฺมสฺส  อุปนิสฺสยปจฺจเยน
ปจฺจโย   อารมฺมณูปนิสฺสโย   ปกตูปนิสฺสโย   ฯ   ปกตูปนิสฺสโย:  กายิกํ
สุขํ  อุปนิสฺสาย  ทานํ  เทติ  สีลํ  สมาทิยติ  ฯเปฯ  สงฺฆํ  ภินฺทติ กายิกํ
ทุกฺขํ อุปนิสฺสาย ทานํ เทติ สีลํ สมาทิยติ ฯเปฯ สงฺฆํ ภินฺทติ กายิกํ สุขํ ...
กายิกํ ทุกฺขํ สทฺธาย ฯเปฯ ปตฺถนาย อุปนิสฺสยปจฺจเยน ปจฺจโย ฯ
     {๑๓๗๖.๒}   วิปาโก    ธมฺโม    เนววิปากนวิปากธมฺมธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย  ฯ  ปกตูปนิสฺสโย:  อรหา  กายิกํ  สุขํ อุปนิสฺสาย อนุปฺปนฺนํ
กิริยสมาปตฺตึ   อุปฺปาเทติ   อุปฺปนฺนํ   สมาปชฺชติ   สงฺขาเร   อนิจฺจโต
ทุกฺขโต    อนตฺตโต   วิปสฺสติ   กายิกํ   ทุกฺขํ   อุปนิสฺสาย   อนุปฺปนฺนํ
กิริยสมาปตฺตึ อุปฺปาเทติ อุปฺปนฺนํ สมาปชฺชติ ฯ
     [๑๓๗๗]   วิปากธมฺมธมฺโม   วิปากธมฺมธมฺมสฺส   อุปนิสฺสยปจฺจเยน
ปจฺจโย     อารมฺมณูปนิสฺสโย    อนนฺตรูปนิสฺสโย    ปกตูปนิสฺสโย    ฯ
ปกตูปนิสฺสโย:   สทฺธํ   อุปนิสฺสาย   ทานํ  เทติ  ฯเปฯ  มานํ  ชปฺเปติ
ทิฏฺฐึ  คณฺหาติ  สีลํ  ...  สุตํ  ...  จาคํ  ...  ปญฺญํ อุปนิสฺสาย ทานํ
เทติ  ฯเปฯ  มานํ  ชปฺเปติ  ทิฏฺฐึ  คณฺหาติ  ราคํ  ... โทสํ โมหํ มานํ
ทิฏฺฐึ  ...  ปตฺถนํ  อุปนิสฺสาย  ทานํ  เทติ  ฯเปฯ  สมาปตฺตึ อุปฺปาเทติ
ปาณํ   หนติ   ฯเปฯ   สงฺฆํ   ภินฺทติ   ฯเปฯ  สทฺธา  ฯเปฯ  ปตฺถนา
สทฺธาย    สีลสฺส    ฯเปฯ    ปตฺถนาย    อุปนิสฺสยปจฺจเยน   ปจฺจโย
ปฐมสฺส   ฌานสฺส   ปริกมฺมํ   ปฐมสฺส  ฯเปฯ  เนวสญฺญานาสญฺญายตนสฺส
ปริกมฺมํ    เนวสญฺญานาสญฺญายตนสฺส    ปฐมํ   ฌานํ   ทุติยสฺส   ฯเปฯ
อากิญฺจญฺญายตนํ       เนวสญฺญานาสญฺญายตนสฺส       อุปนิสฺสยปจฺจเยน
ปจฺจโย    ฯเปฯ    ปฐมสฺส    มคฺคสฺส    ปริกมฺมํ   ปฐมสฺส   ฯเปฯ
จตุตฺถสฺส     มคฺคสฺส     ปริกมฺมํ     จตุตฺถสฺส     ปฐโม     มคฺโค
ทุติยสฺส   ทุติโย   มคฺโค   ตติยสฺส   ตติโย  มคฺโค  จตุตฺถสฺส  มคฺคสฺส
อุปนิสฺสยปจฺจเยน    ปจฺจโย    เสกฺขา   มคฺคํ   อุปนิสฺสาย   อนุปฺปนฺนํ
กุสลสมาปตฺตึ   อุปฺปาเทนฺติ   ฯเปฯ   มคฺโค  เสกฺขานํ  อตฺถปฏิสมฺภิทาย
ฯเปฯ       ฐานาฐานโกสลฺลสฺส       อุปนิสฺสยปจฺจเยน      ปจฺจโย
ปาณาติปาโต   ปาณาติปาตสฺส   ฯเปฯ   มิจฺฉาทิฏฺฐิยา  อุปนิสฺสยปจฺจเยน
ปจฺจโย    ฯเปฯ    มิจฺฉาทิฏฺฐิ    มิจฺฉาทิฏฺฐิยา   ฯเปฯ   พฺยาปาทสฺส
มาตุฆาตกมฺมํ    มาตุฆาตกมฺมสฺส    อุปนิสฺสยปจฺจเยน   ปจฺจโย   ฯเปฯ
นิยตมิจฺฉาทิฏฺฐิยา      อุปนิสฺสยปจฺจเยน     ปจฺจโย     นิยตมิจฺฉาทิฏฺฐิ
นิยตมิจฺฉาทิฏฺฐิยา สงฺฆเภทกกมฺมสฺส อุปนิสฺสยปจฺจเยน ปจฺจโย ฯเปฯ
     [๑๓๗๘]   วิปากธมฺมธมฺโม   วิปากสฺส  ธมฺมสฺส  อุปนิสฺสยปจฺจเยน
ปจฺจโย    อนนฺตรูปนิสฺสโย   ปกตูปนิสฺสโย   ฯ   ปกตูปนิสฺสโย:   สทฺธํ
อุปนิสฺสาย    อตฺตานํ    อาตาเปติ    ปริตาเปติ   ปริยิฏฺฐิมูลกํ   ทุกฺขํ
ปจฺจนุโภติ     ฯเปฯ    ปตฺถนํ    อุปนิสฺสาย    อตฺตานํ    อาตาเปติ
ปริตาเปติ   ฯเปฯ  สทฺธา  ฯเปฯ  ปตฺถนา  กายิกสฺส  สุขสฺส  กายิกสฺส
ทุกฺขสฺส    ผลสมาปตฺติยา    อุปนิสฺสยปจฺจเยน    ปจฺจโย    กุสลากุสลํ
กมฺมวิปากสฺส    อุปนิสฺสยปจฺจเยน    ปจฺจโย    มคฺโค   ผลสมาปตฺติยา
อุปนิสฺสยปจฺจเยน ปจฺจโย ฯ
     {๑๓๗๘.๑}   วิปากธมฺมธมฺโม     เนววิปากนวิปากธมฺมธมฺมสฺส
อุปนิสฺสยปจฺจเยน    ปจฺจโย    อารมฺมณูปนิสฺสโย    ปกตูปนิสฺสโย    ฯ
ปกตูปนิสฺสโย:    อรหา   มคฺคํ   อุปนิสฺสาย   อนุปฺปนฺนํ   กิริยสมาปตฺตึ
อุปฺปาเทติ   อุปฺปนฺนํ  สมาปชฺชติ  สงฺขาเร  อนิจฺจโต  ทุกฺขโต  อนตฺตโต
วิปสฺสติ  ฯเปฯ  มคฺโค  อรหโต  อตฺถปฏิสมฺภิทาย  ธมฺม  นิรุตฺติ ปฏิภาณ-
ปฏิสมฺภิทาย ฐานาฐานโกสลฺลสฺส อุปนิสฺสยปจฺจเยน ปจฺจโย ฯ
     [๑๓๗๙]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย  ฯ  ปกตูปนิสฺสโย:  อรหา  อุตุํ  ... โภชนํ ... เสนาสนํ
อุปนิสฺสาย      อนุปฺปนฺนํ     กิริยสมาปตฺตึ     อุปฺปาเทติ     อุปฺปนฺนํ
สมาปชฺชติ     ฯ    เนวนิปากนวิปากธมฺมธมฺโม    วิปากสฺส    ธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย  ฯ  ปกตูปนิสฺสโย:  อุตุ ... โภชนํ ... เสนาสนํ กายิกสฺส
สุขสฺส     กายิกสฺส     ทุกฺขสฺส    ผลสมาปตฺติยา    อุปนิสฺสยปจฺจเยน
ปจฺจโย      ฯ      เนววิปากนวิปากธมฺมธมฺโม      วิปากธมฺมธมฺมสฺส
อุปนิสฺสยปจฺจเยน     ปจฺจโย     อารมฺมณูปนิสฺสโย     อนนฺตรูปนิสฺสโย
ปกตูปนิสฺสโย   ฯ   ปกตูปนิสฺสโย:  อุตุํ  อุปนิสฺสาย  ทานํ  เทติ  ฯเปฯ
สงฺฆํ   ภินฺทติ   โภชนํ  ...  เสนาสนํ  อุปนิสฺสาย  ทานํ  เทติ  ฯเปฯ
สงฺฆํ  ภินฺทติ  อุตุ  ...  โภชนํ  ...  เสนาสนํ สทฺธาย ฯเปฯ ปตฺถนาย
อุปนิสฺสยปจฺจเยน ปจฺจโย ฯ
     [๑๓๘๐]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
ปุเรชาตปจฺจเยน    ปจฺจโย    อารมฺมณปุเรชาตํ    วตฺถุปุเรชาตํ    ฯ
อารมฺมณปุเรชาตํ:     อรหา     จกฺขุํ    อนิจฺจโต    ฯเปฯ    กายํ
รูเป   ฯเปฯ   โผฏฺฐพฺเพ   วตฺถุํ   อนิจฺจโต  ฯเปฯ  ทิพฺเพน  จกฺขุนา
รูปํ   ฯเปฯ   ทิพฺพาย  โสตธาตุยา  สทฺทํ  ฯเปฯ  วตฺถุปุเรชาตํ:  วตฺถุ
เนววิปากนวิปากธมฺมธมฺมานํ ขนฺธานํ ปุเรชาตปจฺจเยน ปจฺจโย ฯ
     {๑๓๘๐.๑}   เนววิปากนวิปากธมฺมธมฺโม    วิปากสฺส    ธมฺมสฺส
ปุเรชาตปจฺจเยน    ปจฺจโย    อารมฺมณปุเรชาตํ    วตฺถุปุเรชาตํ    ฯ
อารมฺมณปุเรชาตํ:   เสกฺขา   วา   ปุถุชฺชนา   วา   จกฺขุํ   อนิจฺจโต
ทุกฺขโต   อนตฺตโต   วิปสฺสนฺติ   อสฺสาเทนฺติ   อภินนฺทนฺติ   ตํ  อารพฺภ
ราโค   อุปฺปชฺชติ   ฯเปฯ   โทมนสฺสํ   อุปฺปชฺชติ  กุสลากุสเล  นิรุทฺเธ
วิปาโก   ตทารมฺมณตา  อุปฺปชฺชติ  โสตํ  ฯเปฯ  วตฺถุํ  อนิจฺจโต  ฯเปฯ
ตทารมฺมณตา   อุปฺปชฺชติ   รูปายตนํ   จกฺขุวิญฺญาณสฺส   ปุเรชาตปจฺจเยน
ปจฺจโย   ฯเปฯ   โผฏฺฐพฺพายตนํ   กายวิญฺญาณสฺส   ฯ   วตฺถุปุเรชาตํ:
จกฺขายตนํ     จกฺขุวิญฺญาณสฺส    ฯเปฯ    กายายตนํ    กายวิญฺญาณสฺส
วตฺถุ วิปากานํ ขนฺธานํ ปุเรชาตปจฺจเยน ปจฺจโย ฯ
     {๑๓๘๐.๒}   เนววิปากนวิปากธมฺมธมฺโม     วิปากธมฺมธมฺมสฺส
ปุเรชาตปจฺจเยน    ปจฺจโย    อารมฺมณปุเรชาตํ    วตฺถุปุเรชาตํ    ฯ
อารมฺมณปุเรชาตํ:   เสกฺขา  วา  ปุถุชฺชนา  วา  จกฺขุํ  ฯเปฯ  อารพฺภ
ราโค   อุปฺปชฺชติ   ฯเปฯ   โทสมสฺสํ   อุปฺปชฺชติ   โสตํ  ฯเปฯ  วตฺถุํ
อนิจฺจโต   ฯเปฯ   โทสมสฺสํ   ฯเปฯ   ทิพฺเพน   จกฺขุนา  รูปํ  ฯเปฯ
ทิพฺพาย   โสตธาตุยา  สทฺทํ  ฯ  วตฺถุปุเรชาตํ:  วตฺถุ  วิปากธมฺมธมฺมานํ
ขนฺธานํ ปุเรชาตปจฺจเยน ปจฺจโย ฯ
     [๑๓๘๑]   วิปาโก     ธมฺโม     เนววิปากนวิปากธมฺมธมฺมสฺส
ปจฺฉาชาตปจฺจเยน   ปจฺจโย  ปจฺฉาชาตา:  วิปากา  ขนฺธา  ปุเรชาตสฺส
อิมสฺส กายสฺส ปจฺฉาชาตปจฺจเยน ปจฺจโย ฯ
     [๑๓๘๒]   วิปากธมฺมธมฺโม      เนววิปากนวิปากธมฺมธมฺมสฺส
ปจฺฉาชาตปจฺจเยน         ปจฺจโย         เนววิปากนวิปากธมฺมธมฺโม
เนววิปากนวิปากธมฺมธมฺมสฺส ปจฺฉาชาตปจฺจเยน ปจฺจโย ฯ
     [๑๓๘๓]   วิปากธมฺมธมฺโม   วิปากธมฺมธมฺมสฺส   อาเสวนปจฺจเยน
ปจฺจโย   ปุริมา   ปุริมา   วิปากธมฺมธมฺมา  ขนฺธา  ปจฺฉิมานํ  ปจฺฉิมานํ
วิปากธมฺมธมฺมานํ   ขนฺธานํ   อนุโลมํ   โคตฺรภุสฺส   อนุโลมํ  โวทานสฺส
โคตฺรภุ มคฺคสฺส โวทานํ มคฺคสฺส อาเสวนปจฺจเยน ปจฺจโย ฯ
     [๑๓๘๔]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
อาเสวนปจฺจเยน   ปจฺจโย   ปุริมา   ปุริมา   ฯเปฯ  อาเสวนปจฺจเยน
ปจฺจโย ฯ
     [๑๓๘๕]   วิปาโก   ธมฺโม   วิปากสฺส   ธมฺมสฺส   กมฺมปจฺจเยน
ปจฺจโย    วิปากา    เจตนา   สมฺปยุตฺตกานํ   ขนฺธานํ   กมฺมปจฺจเยน
ปจฺจโย    ปฏิสนฺธิกฺขเณ    วิปากา    เจตนา   ฯ   วิปาโก   ธมฺโม
เนววิปากนวิปากธมฺมธมฺมสฺส   กมฺมปจฺจเยน   ปจฺจโย   วิปากา  เจตนา
จิตฺตสมุฏฺฐานานํ     รูปานํ    กมฺมปจฺจเยน    ปจฺจโย    ปฏิสนฺธิกฺขเณ
วิปากา   เจตนา   กฏตฺตารูปานํ  ฯ  วิปาโก  ธมฺโม  วิปากธมฺมธมฺมสฺส
จ   เนววิปากนวิปากธมฺมธมฺมสฺส   จ   ธมฺมสฺส   กมฺมปจฺจเยน  ปจฺจโย
วิปากา   เจตนา   สมฺปยุตฺตกานํ   ขนฺธานํ   จิตฺตสมุฏฺฐานานญฺจ  รูปานํ
ปฏิสนฺธิกฺขเณ   วิปากา   เจตนา   สมฺปยุตฺตกานํ   ขนฺธานํ  กฏตฺตา  จ
รูปานํ ฯ
     [๑๓๘๖]   วิปากธมฺมธมฺโม    วิปากธมฺมธมฺมสฺส    กมฺมปจฺจเยน
ปจฺจโย    วิปากธมฺมธมฺมา    เจตนา    สมฺปยุตฺตกานํ    ขนฺธานํ   ฯ
วิปากธมฺมธมฺโม  วิปากสฺส  ธมฺมสฺส  กมฺมปจฺจเยน  ปจฺจโย  นานาขณิกา:
วิปากธมฺมธมฺมา     เจตนา     วิปากานํ     ขนฺธานํ    กมฺมปจฺจเยน
ปจฺจโย   ฯ  วิปากธมฺมธมฺโม  เนววิปากนวิปากธมฺมธมฺมสฺส  กมฺมปจฺจเยน
ปจฺจโย    สหชาตา    นานาขณิกา   ฯ   สหชาตา:   วิปากธมฺมธมฺมา
เจตนา   จิตฺตสมุฏฺฐานานํ   รูปานํ   ฯ   นานาขณิกา:  วิปากธมฺมธมฺมา
เจตนา     กฏตฺตารูปานํ     ฯ    วิปากธมฺมธมฺโม    วิปากสฺส    จ
เนววิปากนวิปากธมฺมธมฺมสฺส     จ     นานาขณิกา:    วิปากธมฺมธมฺมา
เจตนา วิปากานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ
     {๑๓๘๖.๑}   วิปากธมฺมธมฺโม   วิปากธมฺมธมฺมสฺส  จ  เนววิปาก-
นวิปากธมฺมธมฺมสฺส      จ     ธมฺมสฺส     กมฺมปจฺจเยน     ปจฺจโย
วิปากธมฺมธมฺมา   เจตนา   สมฺปยุตฺตกานํ   ขนฺธานํ   จิตฺตสมุฏฺฐานานญฺจ
รูปานํ กมฺมปจฺจเยน ปจฺจโย ฯ
     [๑๓๘๗]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
กมฺมปจฺจเยน  ปจฺจโย  เนววิปากนวิปากธมฺมธมฺมา  เจตนา  สมฺปยุตฺตกานํ
ขนฺธานํ จิตฺตสมุฏฺฐานานญฺจ รูปานํ ฯ
     [๑๓๘๘]   วิปาโก   ธมฺโม   วิปากสฺส   ธมฺมสฺส  วิปากปจฺจเยน
ปจฺจโย  วิปาโก  เอโก  ขนฺโธ  ติณฺณํ  ขนฺธานํ  ปฏิสนฺธิกฺขเณ  ...  ฯ
วิปาโก   ธมฺโม   เนววิปากนวิปากธมฺมธมฺมสฺส   วิปากปจฺจเยน  ปจฺจโย
วิปากา    ขนฺธา    จิตฺตสมุฏฺฐานานํ   รูปานํ   ปฏิสนฺธิกฺขเณ   วิปากา
ขนฺธา     กฏตฺตารูปานํ    ฯ    วิปาโก    ธมฺโม    วิปากสฺส    จ
เนววิปากนวิปากธมฺมธมฺมสฺส    จ    ธมฺมสฺส   วิปากปจฺจเยน   ปจฺจโย
วิปาโก   เอโก   ขนฺโธ   ติณฺณํ   ขนฺธานํ   จิตฺตสมุฏฺฐานานญฺจ  รูปานํ
ปฏิสนฺธิกฺขเณ   วิปาโก   เอโก   ขนฺโธ   ติณฺณํ   ขนฺธานํ  กฏตฺตา  จ
รูปานํ   วิปากปจฺจเยน  ปจฺจโย  ฯ  วิปาโก  ธมฺโม  วิปากสฺส  ธมฺมสฺส
อาหารปจฺจเยน   ปจฺจโย   วิปากา   อาหารา   สมฺปยุตฺตกานํ  ขนฺธานํ
ตีณิ   ฯ   ปฏิสนฺธิปิ   อิเมสํ   ติณฺณนฺนํ   กาตพฺพํ   ฯ  วิปากธมฺมธมฺโม
วิปากธมฺมธมฺมสฺส อาหารปจฺจเยน ปจฺจโย ตีณิ ฯ
     [๑๓๘๙]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
อาหารปจฺจเยน          ปจฺจโย          เนววิปากนวิปากธมฺมธมฺมา
อาหารา     สมฺปยุตฺตกานํ     ขนฺธานํ    จิตฺตสมุฏฺฐานานญฺจ    รูปานํ
อาหารปจฺจเยน    ปจฺจโย    กพฬึกาโร   อาหาโร   อิมสฺส   กายสฺส
อาหารปจฺจเยน ปจฺจโย ฯ
     [๑๓๙๐]   วิปาโก   ธมฺโม   วิปากสฺส  ธมฺมสฺส  อินฺทฺริยปจฺจเยน
ปจฺจโย     ตีณิ    ฯ    ปฏิสนฺธิ    กาตพฺพํ    ฯ    วิปากธมฺมธมฺโม
วิปากธมฺมธมฺมสฺส อินฺทฺริยปจฺจเยน ปจฺจโย ตีณิ ฯ
     [๑๓๙๑]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
อินฺทฺริยปจฺจเยน          ปจฺจโย          เนววิปากนวิปากธมฺมธมฺมา
อินฺทฺริยา     สมฺปยุตฺตกานํ     ขนฺธานํ    จิตฺตสมุฏฺฐานานญฺจ    รูปานํ
รูปชีวิตินฺทฺริยํ     กฏตฺตารูปานํ     อินฺทฺริยปจฺจเยน     ปจฺจโย     ฯ
เนววิปากนวิปากธมฺมธมฺโม   วิปากสฺส  ธมฺมสฺส  อินฺทฺริยปจฺจเยน  ปจฺจโย
จกฺขุนฺทฺริยํ จกฺขุวิญฺญาณสฺส อินฺทฺริยปจฺจเยน ปจฺจโย ฯ กายินฺทฺริยํ ฯเปฯ
     [๑๓๙๒]   วิปาโก   จ   เนววิปากนวิปากธมฺมธมฺโม   จ  ธมฺมา
วิปากสฺส     ธมฺมสฺส     อินฺทฺริยปจฺจเยน     ปจฺจโย    จกฺขุนฺทฺริยญฺจ
จกฺขุวิญฺญาณญฺจ     จกฺขุวิญฺญาณสหคตานํ     ขนฺธานํ     อินฺทฺริยปจฺจเยน
ปจฺจโย    ฯเปฯ   กายินฺทฺริยญฺจ   กายวิญฺญาณญฺจ   กายวิญฺญาณสหคตานํ
ขนฺธานํ อินฺทฺริยปจฺจเยน ปจฺจโย ฯ
     [๑๓๙๓]   วิปาโก   ธมฺโม   วิปากสฺส   ธมฺมสฺส   ฌานปจฺจเยน
ปจฺจโย   ตีณิ   ฯ   วิปากธมฺมธมฺโม   วิปากธมฺมธมฺมสฺส   ฌานปจฺจเยน
ปจฺจโย  ตีณิ  ฯ  เนววิปากนวิปากธมฺมธมฺโม  เนววิปากนวิปากธมฺมธมฺมสฺส
ฌานปจฺจเยน           ปจฺจโย           เนววิปากนวิปากธมฺมธมฺมา
ฌานงฺคา     สมฺปยุตฺตกานํ     ขนฺธานํ    จิตฺตสมุฏฺฐานานญฺจ    รูปานํ
ฌานปจฺจเยน ปจฺจโย ฯ
     [๑๓๙๔]   วิปาโก   ธมฺโม   วิปากสฺส   ธมฺมสฺส   มคฺคปจฺจเยน
ปจฺจโย   ตีณิ   ฯ   วิปากธมฺมธมฺโม   วิปากธมฺมธมฺมสฺส   มคฺคปจฺจเยน
ปจฺจโย  ตีณิ  ฯ  เนววิปากนวิปากธมฺมธมฺโม  เนววิปากนวิปากธมฺมธมฺมสฺส
มคฺคปจฺจเยน           ปจฺจโย           เนววิปากนวิปากธมฺมธมฺมา
มคฺคงฺคา     สมฺปยุตฺตกานํ     ขนฺธานํ    จิตฺตสมุฏฺฐานานญฺจ    รูปานํ
มคฺคปจฺจเยน ปจฺจโย ฯ
     [๑๓๙๕]   วิปาโก   ธมฺโม  วิปากสฺส  ธมฺมสฺส  สมฺปยุตฺตปจฺจเยน
ปจฺจโย   วิปาโก   เอโก   ขนฺโธ   ติณฺณนฺนํ   เทฺว   ขนฺธา   ทฺวินฺนํ
ปฏิสนฺธิกฺขเณ ... ฯ
     [๑๓๙๖]   วิปากธมฺมธมฺโม   วิปากธมฺมธมฺมสฺส   สมฺปยุตฺตปจฺจเยน
ปจฺจโย    ฯ   เนววิปากนวิปากธมฺมธมฺโม   เนววิปากนวิปากธมฺมธมฺมสฺส
สมฺปยุตฺตปจฺจเยน     ปจฺจโย     ฯเปฯ     เทฺว    ขนฺธา    ทฺวินฺนํ
ขนฺธานํ สมฺปยุตฺตปจฺจเยน ปจฺจโย ฯ
     [๑๓๙๗]   วิปาโก     ธมฺโม     เนววิปากนวิปากธมฺมธมฺมสฺส
วิปฺปยุตฺตปจฺจเยน   ปจฺจโย  สหชาตํ  ปจฺฉาชาตํ  ฯ  สหชาตา:  วิปากา
ขนฺธา    จิตฺตสมุฏฺฐานานํ    รูปานํ    ปฏิสนฺธิกฺขเณ   วิปากา   ขนฺธา
กฏตฺตรูปานํ   ฯ   ปจฺฉาชาตา:   วิปากา   ขนฺธา  ปุเรชาตสฺส  อิมสฺส
กายสฺส วิปฺปยุตฺตปจฺจเยน ปจฺจโย ฯ
     [๑๓๙๘]   วิปากธมฺมธมฺโม      เนววิปากนวิปากธมฺมธมฺมสฺส
วิปฺปยุตฺตปจฺจเยน    ปจฺจโย    สหชาตํ    ปจฺฉาชาตํ   ฯ   สหชาตา:
วิปากธมฺมธมฺมา   ขนฺธา   จิตฺตสมุฏฺฐานานํ   รูปานํ   ฯ   ปจฺฉาชาตา:
วิปากธมฺมธมฺมา   ขนฺธา  ปุเรชาตสฺส  อิมสฺส  กายสฺส  วิปฺปยุตฺตปจฺจเยน
ปจฺจโย ฯ
     [๑๓๙๙]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
วิปฺปยุตฺตปจฺจเยน    ปจฺจโย    สหชาตํ    ปุเรชาตํ    ปจฺฉาชาตํ   ฯ
สหชาตา:    เนววิปากนวิปากธมฺมธมฺมา   ขนฺธา   จิตฺตสมุฏฺฐานานํ   ฯ
ปุเรชาตํ:  วตฺถุ  เนววิปากนวิปากธมฺมธมฺมานํ  ขนฺธานํ  วิปฺปยุตฺตปจฺจเยน
ปจฺจโย       ฯ       ปจฺฉาชาตา:       เนววิปากนวิปากธมฺมธมฺมา
ขนฺธา   ปุเรชาตสฺส   อิมสฺส   กายสฺส   วิปฺปยุตฺตปจฺจเยน  ปจฺจโย  ฯ
เนววิปากนวิปากธมฺมธมฺโม     วิปากสฺส    ธมฺมสฺส    วิปฺปยุตฺตปจฺจเยน
ปจฺจโย    สหชาตํ    ปุเรชาตํ   ฯ   สหชาตํ:   ปฏิสนฺธิกฺขเณ   วตฺถุ
วิปากานํ  ขนฺธานํ  วิปฺปยุตฺตปจฺจเยน  ปจฺจโย  ฯ  ปุเรชาตํ:  จกฺขายตนํ
จกฺขุวิญฺญาณสฺส      ฯเปฯ     กายายตนํ     กายวิญฺญาณสฺส     วตฺถุ
วิปากานํ  ขนฺธานํ  วิปฺปยุตฺตปจฺจเยน ปจฺจโย ฯ เนววิปากนวิปากธมฺมธมฺโม
วิปากธมฺมธมฺมสฺส       วิปฺปยุตฺตปจฺจเยน      ปจฺจโย      ปุเรชาตํ:
วตฺถุ วิปากธมฺมธมฺมานํ ขนฺธานํ วิปฺปยุตฺตปจฺจเยน ปจฺจโย ฯ
     [๑๔๐๐]   วิปาโก   ธมฺโม   วิปากสฺส   ธมฺมสฺส   อตฺถิปจฺจเยน
ปจฺจโย   วิปาโก   เอโก   ขนฺโธ   ติณฺณนฺนํ   ปฏิสนฺธิกฺขเณ   วิปาโก
เอโก  ขนฺโธ  ติณฺณนฺนํ  ฯ  วิปาโก  ธมฺโม  เนววิปากนวิปากธมฺมธมฺมสฺส
อตฺถิปจฺจเยน     ปจฺจโย    สหชาตํ    ปจฺฉาชาตํ    ฯ    สหชาตา:
วิปากา    ขนฺธา    จิตฺตสมุฏฺฐานานํ   รูปานํ   ปฏิสนฺธิกฺขเณ   วิปากา
ขนฺธา   กฏตฺตารูปานํ   ฯ   ปจฺฉาชาตา   วิปากา  ขนฺธา  ปุเรชาตสฺส
อิมสฺส   กายสฺส   อตฺถิปจฺจเยน  ปจฺจโย  ฯ  วิปาโก  ธมฺโม  วิปากสฺส
จ   เนววิปากนวิปากธมฺมธมฺมสฺส   จ   ธมฺมสฺส   อตฺถิปจฺจเยน  ปจฺจโย
วิปาโก   เอโก   ขนฺโธ   ติณฺณนฺนํ  ขนฺธานํ  จิตฺตสมุฏฺฐานานญฺจ  รูปานํ
ปฏิสนฺธิกฺขเณ ... ฯ
     [๑๔๐๑]   วิปากธมฺมธมฺโม    วิปากธมฺมธมฺมสฺส    อตฺถิปจฺจเยน
ปจฺจโย   เทฺว   ขนฺธา   ทฺวินฺนํ   ขนฺธานํ   อตฺถิปจฺจเยน  ปจฺจโย  ฯ
วิปากธมฺมธมฺโม        เนววิปากนวิปากธมฺมธมฺมสฺส       อตฺถิปจฺจเยน
ปจฺจโย   สหชาตํ   ปจฺฉาชาตํ   ฯ  สหชาตา:  วิปากธมฺมธมฺมา  ขนฺธา
จิตฺตสมุฏฺฐานานํ    รูปานํ   อตฺถิปจฺจเยน   ปจฺจโย   ฯ   ปจฺฉาชาตา:
วิปากธมฺมธมฺมา   ขนฺธา   ปุเรชาตสฺส   อิมสฺส   กายสฺส  อตฺถิปจฺจเยน
ปจฺจโย ฯ วิปากธมฺมธมฺโม วิปากธมฺมธมฺมสฺส จ เนววิปากนวิปากธมฺมธมฺมสฺส
จ      ธมฺมสฺส      อตฺถิปจฺจเยน      ปจฺจโย      วิปากธมฺมธมฺโม
เอโก ขนฺโธ ติณฺณํ ขนฺธานํ จิตฺตสมุฏฺฐานานญฺจ รูปานํ ฯ
     [๑๔๐๒]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
สหชาตํ    ปุเรชาตํ   ปจฺฉาชาตํ   อาหารํ   อินฺทฺริยํ   ฯ   สหชาโต:
เนว    วิปากนวิปากธมฺมธมฺโม    เอโก    ขนฺโธ   ติณฺณนฺนํ   ขนฺธานํ
จิตฺตสมุฏฺฐานานญฺจ   รูปานํ  อตฺถิปจฺจเยน  ปจฺจโย  เทฺว  ขนฺธา  ทฺวินฺนํ
ขนฺธานํ    จิตฺตสมุฏฺฐานานญฺจ   รูปานํ   อตฺถิปจฺจเยน   ปจฺจโย   เอกํ
มหาภูตํ  ...  มหาภูตา จิตฺตสมุฏฺฐานานํ รูปานํ กฏตฺตารูปานํ อุปาทารูปานํ
อตฺถิปจฺจเยน    ปจฺจโย    พาหิรํ    ...    อาหารสมุฏฺฐานํ    ...
อุตุสมุฏฺฐานํ ... อสญฺญสตฺตานํ เอกํ มหาภูตํ ฯ
     {๑๔๐๒.๑}   ปุเรชาตํ: อรหา จกฺขุํ อนิจฺจโต ฯเปฯ โสตํ ฯเปฯ วตฺถุ
อนิจฺจโต  ฯเปฯ  ทิพฺเพน  จกฺขุนา  รูปํ  ปสฺสติ ทิพฺพาย โสตธาตุยา สทฺทํ
สุณาติ  ฯเปฯ  วตฺถุ  เนววิปากนวิปากธมฺมธมฺมานํ  ขนฺธานํ  อตฺถิปจฺจเยน
ปจฺจโย     ฯ    ปจฺฉาชาตา:    เนววิปากนวิปากธมฺมธมฺมา    ขนฺธา
ปุเรชาตสฺส   อิมสฺส   กายสฺส   อตฺถิปจฺจเยน   ปจฺจโย  ฯ  กพฬึกาโร
อาหาโร   อิมสฺส   กายสฺส   อตฺถิปจฺจเยน   ปจฺจโย  ฯ  รูปชีวิตินฺทฺริยํ
กฏตฺตารูปานํ อตฺถิปจฺจเยน ปจฺจโย ฯ
     {๑๔๐๒.๒}   เนววิปากนวิปากธมฺมธมฺโม    วิปากสฺส    ธมฺมสฺส
อตฺถิปจฺจเยน   ปจฺจโย   สหชาตํ  ปุเรชาตํ  ฯ  สหชาตํ:  ปฏิสนฺธิกฺขเณ
วตฺถุํ  วิปากานํ  ขนฺธานํ  อตฺถิปจฺจเยน  ปจฺจโย  ฯ  ปุเรชาตํ:  เสกฺขา
วา  ปุถุชฺชนา  วา  จกฺขุํ  อนิจฺจโต  ฯเปฯ อสฺสาเทนฺติ ตํ อารพฺภ ราโค
อุปฺปชฺชติ   ฯเปฯ   โทมนสฺสํ   อุปฺปชฺชติ  กุสลากุสเล  นิรุทฺเธ  วิปาโก
ตทารมฺมณตา  ...  โสตํ  ฯเปฯ  วตฺถุํ  ... วิปาโก ตทารมฺมณตา ...
รูปายตนํ จกฺขุวิญฺญาณสฺส ฯเปฯ
โผฏฺฐพฺพายตนํ      กายวิญฺญาณสฺส      จกฺขายตนํ      จกฺขุวิญฺญาณสฺส
กายายตนํ   กายวิญฺญาณสฺส   วตฺถุ   วิปากานํ   ขนฺธานํ   อตฺถิปจฺจเยน
ปจฺจโย ฯ
     {๑๔๐๒.๓}   เนววิปากนวิปากธมฺมธมฺโม     วิปากธมฺมธมฺมสฺส
อตฺถิปจฺจเยน   ปจฺจโย   ปุเรชาตํ:  เสกฺขา  วา  ปุถุชฺชนา  วา  จกฺขุํ
อนิจฺจโต   ฯเปฯ  อสฺสาเทนฺติ  ฯเปฯ  โทมนสฺสํ  อุปฺปชฺชติ  โสตํ  ...
วตฺถุํ   อนิจฺจโต   ฯเปฯ  โทมนสฺสํ  อุปฺปชฺชติ  ทิพฺเพน  จกฺขุนา  ฯเปฯ
วตฺถุ วิปากธมฺมธมฺมานํ ขนฺธานํ อตฺถิปจฺจเยน ปจฺจโย ฯ
     [๑๔๐๓]   วิปาโก   จ   เนววิปากนวิปากธมฺมธมฺโม   จ  ธมฺมา
วิปากสฺส   ธมฺมสฺส   อตฺถิปจฺจเยน   ปจฺจโย   สหชาตํ   ปุเรชาตํ   ฯ
สหชาโต:    จกฺขุวิญฺญาณสหคโต    เอโก   ขนฺโธ   จ   จกฺขายตนญฺจ
ติณฺณนฺนํ    ฯเปฯ   กายวิญฺญาณสหคโต   วิปาโก   เอโก   ขนฺโธ   จ
วตฺถุ   จ   ติณฺณนฺนํ  ขนฺธานํ  ปฏิสนฺธิกฺขเณ  วิปาโก  เอโก  ขนฺโธ  จ
วตฺถุ   จ   ติณฺณนฺนํ   ฯ   วิปาโก   จ  เนววิปากนวิปากธมฺมธมฺโม  จ
ธมฺมา      เนววิปากนวิปากธมฺมธมฺมสฺส      อตฺถิปจฺจเยน     ปจฺจโย
สหชาตํ   ปจฺฉาชาตํ   อาหารํ  อินฺทฺริยํ  ฯ  สหชาตา:  วิปากา  ขนฺธา
จ   มหาภูตา   จ   จิตฺตสมุฏฺฐานานํ   รูปานํ   ปฏิสนฺธิกฺขเณ   วิปากา
ขนฺธา   จ   มหาภูตา   ฯ   กฏตฺตารูปานํ   อตฺถิปจฺจเยน  ปจฺจโย  ฯ
ปจฺฉาชาตา:   วิปากา   ขนฺธา   จ   กพฬึกาโร  อาหาโร  จ  อิมสฺส
กายสฺส    ฯ   ปจฺฉาชาตา:   วิปากา   ขนฺธา   จ   รูปชีวิตินฺทฺริยญฺจ
กฏตฺตารูปานํ ฯ
     [๑๔๐๔]   วิปากธมฺมธมฺโม   จ   เนววิปากนวิปากธมฺมธมฺโม   จ
ธมฺมา     วิปากธมฺมธมฺมสฺส     อตฺถิปจฺจเยน     ปจฺจโย     สหชาตํ
ปุเรชาตํ   ฯ  สหชาโต:  วิปากธมฺมธมฺโม  เอโก  ขนฺโธ  จ  วตฺถุ  จ
ติณฺณนฺนํ    ฯ    วิปากธมฺมธมฺโม   จ   เนววิปากนวิปากธมฺมธมฺโม   จ
ธมฺมา      เนววิปากนวิปากธมฺมธมฺมสฺส      อตฺถิปจฺจเยน     ปจฺจโย
สหชาตํ   ปจฺฉาชาตํ   อาหารํ  อินฺทฺริยํ  ฯ  สหชาตา:  วิปากธมฺมธมฺมา
ขนฺธา   จ   มหาภูตา   จ   จิตฺตสมุฏฺฐานานํ  รูปานํ  ฯ  ปจฺฉาชาตา:
วิปากธมฺมธมฺมา   ขนฺธา   จ   กพฬึกาโร   อาหาโร   จ  ปุเรชาตสฺส
อิมสฺส  กายสฺส  อตฺถิปจฺจเยน  ปจฺจโย  ฯ  ปจฺฉาชาตา: วิปากธมฺมธมฺมา
ขนฺธา    จ    รูปชีวิตินฺทฺริยญฺจ   กฏตฺตารูปานํ   ฯ   วิปาโก   ธมฺโม
นตฺถิวิคตํ อนนฺตรสทิสํ อวิคตํ อตฺถิสทิสํ ฯ
     [๑๔๐๕]   เหตุยา   สตฺต   อารมฺมเณ   นว   อธิปติยา   ทส
อนนฺตเร   สตฺต   สมนนฺตเร   สตฺต   สหชาเต   เอกาทส  อญฺญมญฺเญ
สตฺต   นิสฺสเย   เตรส   อุปนิสฺสเย  นว  ปุเรชาเต  ตีณิ  ปจฺฉาชาเต
ตีณิ    อาเสวเน    เทฺว    กมฺเม   นว   วิปาเก   ตีณิ   อาหาเร
สตฺต    อินฺทฺริเย    นว   ฌาเน   สตฺต   มคฺเค   สตฺต   สมฺปยุตฺเต
ตีณิ    วิปฺปยุตฺเต   ปญฺจ   อตฺถิยา   เตรส   นตฺถิยา   สตฺต   วิคเต
สตฺต อวิคเต เตรส ฯ
     [๑๔๐๖]   เหตุปจฺจยา   อธิปติยา   สตฺต  ...  สหชาเต  สตฺต
อญฺญมญฺเญ   ปญฺจ  นิสฺสเย  สตฺต  วิปาเก  ตีณิ  อินฺทฺริเย  สตฺต  มคฺเค
สตฺต สมฺปยุตฺเต ตีณิ วิปฺปยุตฺเต ตีณิ อตฺถิยา สตฺต อวิคเต สตฺต ฯ
                       ยถา กุสลตฺติเก ปญฺหาวารสฺส อนุโลมคณนา
                                คณิตา เอวํ วิตฺถาเรตพฺพา ฯ
                                       อนุโลมํ นิฏฺฐิตํ ฯ
     [๑๔๐๗]   วิปาโก   ธมฺโม  วิปากสฺส  ธมฺมสฺส  อารมฺมณปจฺจเยน
ปจฺจโย  ...  สหชาตปจฺจเยน  ปจฺจโย ... อุปนิสฺสยปจฺจเยน ปจฺจโย ฯ
วิปาโก     ธมฺโม    วิปากธมฺมธมฺมสฺส    อารมฺมณปจฺจเยน    ปจฺจโย
...     อุปนิสฺสยปจฺจเยน     ปจฺจโย     ฯ     วิปาโก     ธมฺโม
เนววิปากนวิปากธมฺมธมฺมสฺส อารมฺมณปจฺจเยน ปจฺจโย ... สหชาตปจฺจเยน
ปจฺจโย  ... อุปนิสฺสยปจฺจเยน ปจฺจโย ... ปจฺฉาชาตปจฺจเยน ปจฺจโย ฯ
วิปาโก   ธมฺโม  วิปากสฺส  จ  เนววิปากนวิปากธมฺมธมฺมสฺส  จ  ธมฺมสฺส
สหชาตปจฺจเยน ปจฺจโย ฯ
     [๑๔๐๘]   วิปากธมฺมธมฺโม   วิปากธมฺมธมฺมสฺส   อารมฺมณปจฺจเยน
ปจฺจโย  ...  สหชาตปจฺจเยน  ปจฺจโย ... อุปนิสฺสยปจฺจเยน ปจฺจโย ฯ
วิปากธมฺมธมฺโม   วิปากสฺส   ธมฺมสฺส   อารมฺมณปจฺจเยน  ปจฺจโย  ...
อุปนิสฺสยปจฺจเยน  ปจฺจโย  ...  กมฺมปจฺจเยน ปจฺจโย ฯ วิปากธมฺมธมฺโม
เนววิปากนวิปากธมฺมธมฺมสฺส         อารมฺมณปจฺจเยน         ปจฺจโย
...   สหชาตปจฺจเยน  ปจฺจโย  ...  อุปนิสฺสยปจฺจเยน  ปจฺจโย  ...
ปจฺฉาชาตปจฺจเยน  ปจฺจโย  ... กมฺมปจฺจเยน ปจฺจโย ฯ วิปากธมฺมธมฺโม
วิปากสฺส   จ   เนววิปากนวิปากธมฺมธมฺมสฺส   จ  ธมฺมสฺส  กมฺมปจฺจเยน
ปจฺจโย ฯ วิปากธมฺมธมฺโม วิปากธมฺมธมฺมสฺส จ เนววิปากนวิปากธมฺมธมฺมสฺส
จ ธมฺมสฺส สหชาตปจฺจเยน ปจฺจโย ฯ
     [๑๔๐๙]   เนววิปากนวิปากธมฺมธมฺโม  เนววิปากนวิปากธมฺมธมฺมสฺส
อารมฺมณปจฺจเยน     ปจฺจโย     ...     สหชาตปจฺจเยน    ปจฺจโย
...  อุปนิสฺสยปจฺจเยน  ปจฺจโย  ...  ปุเรชาตปจฺจเยน  ปจฺจโย  ...
ปจฺฉาชาตปจฺจเยน   ปจฺจโย   ...   อาหารปจฺจเยน   ปจฺจโย   ...
อินฺทฺริยปจฺจเยน  ปจฺจโย  ฯ  เนววิปากนวิปากธมฺมธมฺโม วิปากสฺส ธมฺมสฺส
อารมฺมณปจฺจเยน    ปจฺจโย   ...   สหชาตปจฺจเยน   ปจฺจโย   ...
อุปนิสฺสยปจฺจเยน    ปจฺจโย    ...   ปุเรชาตปจฺจเยน   ปจฺจโย   ฯ
เนววิปากนวิปากธมฺมธมฺโม วิปากธมฺมธมฺมสฺส อารมฺมณปจฺจเยน ปจฺจโย ...
อุปนิสฺสยปจฺจเยน ปจฺจโย ... ปุเรชาตปจฺจเยน ปจฺจโย ฯ
     [๑๔๑๐]   วิปาโก   จ   เนววิปากนวิปากธมฺมธมฺโม   จ  ธมฺมา
วิปากสฺส ธมฺมสฺส สหชาตํ ปุเรชาตํ ฯ วิปาโก จ เนววิปากนวิปากธมฺมธมฺโม
จ         ธมฺมา        เนววิปากนวิปากธมฺมธมฺมสฺส        สหชาตํ
ปจฺฉาชาตํ อาหารํ อินฺทฺริยํ ฯ
     [๑๔๑๑]   วิปากธมฺมธมฺโม   จ   เนววิปากนวิปากธมฺมธมฺโม   จ
ธมฺมา    วิปากธมฺมธมฺมสฺส   สหชาตํ   ปุเรชาตํ   ฯ   วิปากธมฺมธมฺโม
จ   เนววิปากนวิปากธมฺมธมฺโม   จ  ธมฺมา  เนววิปากนวิปากธมฺมธมฺมสฺส
สหชาตํ ปจฺฉาชาตํ อาหารํ อินฺทฺริยํ ฯ
     [๑๔๑๒]   นเหตุยา   โสฬส   นอารมฺมเณ   โสฬส   นอธิปติยา
โสฬส     นอนนฺตเร    โสฬส    นสมนนฺตเร    โสฬส    นสหชาเต
ทฺวาทส    นอญฺญมญฺเญ    ทฺวาทส    นนิสฺสเย   ทฺวาทส   นอุปนิสฺสเย
โสฬส    นปุเรชาเต    จุทฺทส    นปจฺฉาชาเต   โสฬส   นอาเสวเน
โสฬส    นกมฺเม    ปณฺณรส   นวิปาเก   จุทฺทส   นอาหาเร   โสฬส
นอินฺทฺริเย   โสฬส   นฌาเน   โสฬส   นมคฺเค   โสฬส   นสมฺปยุตฺเต
ทฺวาทส    นวิปฺปยุตฺเต    ทส   โนอตฺถิยา   ทส   โนนตฺถิยา   โสฬส
โนวิคเต โสฬส โนอวิคเต ทส ฯ
     [๑๔๑๓]   นเหตุปจฺจยานอารมฺมเณ   โสฬส   ฯ   สงฺขิตฺตํ   ฯ
...   โนวิคเต   ทส   ฯ  ยถา  กุสลตฺติเก  ปจฺจนียคณนา  วิตฺถาริตา
เอวํ วิตฺถาเรตพฺพํ ฯ
                                       ปจฺจนียํ นิฏฺฐิตํ ฯ
     [๑๔๑๔]   เหตุปจฺจยา  นอารมฺมเณ  สตฺต  ...  นอธิปติยา  สตฺต
นอนนฺตเร   สตฺต   นสมนนฺตเร   สตฺต   นอญฺญมญฺเญ  ตีณิ  นอุปนิสฺสเย
สตฺต   นปุเรชาเต   สตฺต   นปจฺฉาชาเต   สตฺต   นอาเสวเน   สตฺต
นกมฺเม   สตฺต   นวิปาเก  จตฺตาริ  นอาหาเร  สตฺต  นอินฺทฺริเย  สตฺต
นฌาเน   สตฺต   นมคฺเค   สตฺต   นสมฺปยุตฺเต   ตีณิ  นวิปฺปยุตฺเต  ตีณิ
โนนตฺถิยา สตฺต โนวิคเต สตฺต ฯ
     [๑๔๑๕]   เหตุสหชาตนิสฺสยอตฺถิอวิคตนฺติ   นอารมฺมเณ   สตฺต  ฯ
สงฺขิตฺตํ    ฯ    ...    โนวิคเต    สตฺต    ฯ   ยถา   กุสลตฺติเก
อนุโลมปจฺจนียคณนา   วิตฺถาริตา  เอวํ  วิตฺถาเรตพฺพํ  ฯ  อสมฺโมหนฺเตน
เอโส สชฺฌายมคฺโค ฯ
                                   อนุโลมปจฺจนียํ นิฏฺฐิตํ ฯ
     [๑๔๑๖]   นเหตุปจฺจยา  อารมฺมเณ นว ... อธิปติยา ทส อนนฺตเร
สตฺต    สมนนฺตเร    สตฺต   สหชาเต   เอกาทส   อญฺญมญฺเญ   สตฺต
นิสฺสเย   เตรส   อุปนิสฺสเย   นว   ปุเรชาเต  ตีณิ  ปจฺฉาชาเต  ตีณิ
อาเสวเน   เทฺว  กมฺเม  นว  วิปาเก  ตีณิ  อาหาเร  สตฺต  อินฺทฺริเย
นว   ฌาเน   สตฺต   มคฺเค   สตฺต  สมฺปยุตฺเต  ตีณิ  วิปฺปยุตฺเต  ปญฺจ
อตฺถิยา เตรส นตฺถิยา สตฺต วิคเต สตฺต อวิคเต เตรส ฯ
     [๑๔๑๗]   นเหตุปจฺจยา   นอารมฺมณปจฺจยา   อธิปติยา  สตฺต  ฯ
สงฺขิตฺตํ  ฯ  ...  อวิคเต  เตรส ฯ ยถา กุสลตฺติเก ปจฺจนียานุโลมคณนา
วิตฺถาริตา เอวํ วิตฺถาเรตพฺพํ ฯ
                                  ปจฺจนียานุโลมํ นิฏฺฐิตํ ฯ
                                     วิปากตฺติกํ ตติยํ
                                          นิฏฺฐิตํ ฯ
                                       --------------
                                      อุปาทินฺนตฺติกํ ๑-
                                        ปฏิจฺจวาโร
     [๑๔๑๘]   อุปาทินฺนุปาทานิยํ   ธมฺมํ   ปฏิจฺจ   อุปาทินฺนุปาทานิโย
ธมฺโม   อุปฺปชฺชติ   เหตุปจฺจยา   อุปาทินฺนุปาทานิยํ  เอกํ  ขนฺธํ  ปฏิจฺจ
ตโย   ขนฺธา   เทฺว   ขนฺเธ   ปฏิจฺจ   เทฺว   ขนฺธา   ปฏิสนฺธิกฺขเณ
อุปาทินฺนุปาทานิยํ   เอกํ   ขนฺธํ  ปฏิจฺจ  ตโย  ขนฺธา  กฏตฺตา  จ  รูปํ
เทฺว   ขนฺเธ   ปฏิจฺจ   เทฺว  ขนฺธา  กฏตฺตา  จ  รูปํ  ขนฺเธ  ปฏิจฺจ
วตฺถุ    วตฺถุํ    ปฏิจฺจ    ขนฺธา   อุปาทินฺนุปาทานิยํ   เอกํ   มหาภูตํ
ปฏิจฺจ   ตโย   มหาภูตา   เทฺว   มหาภูเต   ปฏิจฺจ   เทฺว  มหาภูตา
มหาภูเต   ปฏิจฺจ   กฏตฺตารูปํ   อุปาทารูปํ  ฯ  อุปาทินฺนุปาทานิยํ  ธมฺมํ
ปฏิจฺจ     อนุปาทินฺนุปาทานิโย     ธมฺโม     อุปฺปชฺชติ    เหตุปจฺจยา
อุปาทินฺนุปาทานิเย  ขนฺเธ  ปฏิจฺจ  จิตฺตสมุฏฺฐานํ  รูปํ ฯ อุปาทินฺนุปาทานิยํ
ธมฺมํ    ปฏิจฺจ    อุปาทินฺนุปาทานิโย    จ    อนุปาทินฺนุปาทานิโย   จ
ธมฺมา    อุปฺปชฺชนฺติ    เหตุปจฺจยา    อุปาทินฺนุปาทานิยํ   เอกํ   ขนฺธํ
ปฏิจฺจ   ตโย   ขนฺธา   จิตฺตสมุฏฺฐานญฺจ   รูปํ   เทฺว   ขนฺเธ  ปฏิจฺจ
เทฺว ขนฺธา จิตฺตสมุฏฺฐานญฺจ รูปํ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๔๐ หน้าที่ ๔๔๖-๔๗๖. https://84000.org/tipitaka/read/pali_read.php?B=40&A=8991&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=40&A=8991&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=40&item=1355&items=64              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=40&siri=171              ศึกษาอรรถกถานี้ได้ที่ :- https://84000.org/tipitaka/attha/attha.php?b=40&i=1418              อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=55&A=12689              The Pali Atthakatha in Roman :- https://84000.org/tipitaka/atthapali/read_rm.php?B=55&A=12689              สารบัญพระไตรปิฎกเล่มที่ ๔๐ https://84000.org/tipitaka/read/?index_40 https://84000.org/tipitaka/english/?index_40

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]