ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๒ ภาษาบาลี อักษรไทย พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                                ปญฺหาวาโร
     [๑๔๕]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อารมฺมณปจฺจเยน  ปจฺจโย:  ทานํ  ...  สีลํ  ...  อุโปสถกมฺมํ ... ตํ
ปจฺจเวกฺขนฺติ   ปุพฺเพ   สุจิณฺณานิ   ปจฺจเวกฺขนฺติ   ฌานํ   ...  อริยา
มคฺคา   วุฏฺฐหิตฺวา   มคฺคํ   ปจฺจเวกฺขนฺติ   ผลํ   ปจฺจเวกฺขนฺติ  ปหีเน
กิเลเส  ...  วิกฺขมฺภิเต กิเลเส ... ปุพฺเพ ... นเหตู สเหตุเก ขนฺเธ
อนิจฺจโต  ...  โทมนสฺสํ  อุปฺปชฺชติ  กุสลากุสเล นิรุทฺเธ นเหตุ สเหตุโก
วิปาโก        ตทารมฺมณตา        อุปฺปชฺชติ       เจโตปริยญาเณน
นเหตุ    สเหตุกจิตฺตสมงฺคิสฺส    จิตฺตํ    ชานาติ    อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
นเหตู     สเหตุกา     ขนฺธา     อิทฺธิวิธญาณสฺส    เจโตปริยญาณสฺส
ปุพฺเพนิวาสานุสฺสติญาณสฺส       ยถากมฺมูปคญาณสฺส      อนาคตํสญาณสฺส
อารมฺมณปจฺจเยน  ปจฺจโย  นเหตู สเหตุเก ขนฺเธ อารพฺภ นเหตู สเหตุกา
ขนฺธา อุปฺปชฺชนฺติ ฯ
     {๑๔๕.๑}   นเหตุ  สเหตุโก  ธมฺโม  นเหตุ  อเหตุกสฺส  ธมฺมสฺส
อารมฺมณปจฺจเยน   ปจฺจโย:   นเหตู  สเหตุเก  ขนฺเธ  อนิจฺจโต  ...
โทมนสฺสํ   อุปฺปชฺชติ   กุสลากุสเล   นิรุทฺเธ  นเหตุ  อเหตุโก  วิปาโก
ตทารมฺมณตา   อุปฺปชฺชติ   นเหตู   สเหตุเก   ขนฺเธ   อารพฺภ  นเหตู
อเหตุกา   ขนฺธา   อุปฺปชฺชนฺติ   ฯ   นเหตุ   อเหตุโก  ธมฺโม  นเหตุ
อเหตุกสฺส     ธมฺมสฺส     อารมฺมณปจฺจเยน     ปจฺจโย:     นิพฺพานํ
อาวชฺชนาย  อารมฺมณปจฺจเยน  ปจฺจโย  จกฺขุํ  ...  วตฺถุํ  ...  นเหตู
อเหตุเก   ขนฺเธ   อนิจฺจโต   ...   โทมนสฺสํ  อุปฺปชฺชติ  กุสลากุสเล
นิรุทฺเธ    นเหตุ    อเหตุโก    วิปาโก    ตทารมฺมณตา    อุปฺปชฺชติ
รูปายตนํ       จกฺขุวิญฺญาณสฺส      โผฏฺฐพฺพายตนํ      กายวิญฺญาณสฺส
อารมฺมณปจฺจเยน   ปจฺจโย   นเหตู   อเหตุเก  ขนฺเธ  อารพฺภ  นเหตู
อเหตุกา ขนฺธา อุปฺปชฺชนฺติ ฯ
     {๑๔๕.๒}   นเหตุ  อเหตุโก  ธมฺโม  นเหตุ  สเหตุกสฺส  ธมฺมสฺส
อารมฺมณปจฺจเยน     ปจฺจโย:     อริยา     นิพฺพานํ    ปจฺจเวกฺขนฺติ
นิพฺพานํ   โคตฺรภุสฺส   โวทานสฺส   มคฺคสฺส   ผลสฺส   อารมฺมณปจฺจเยน
ปจฺจโย    จกฺขุํ    ...    วตฺถุํ   ...   นเหตู   อเหตุเก   ขนฺเธ
อนิจฺจโต   ...   โทมนสฺสํ   อุปฺปชฺชติ   กุสลากุสเล   นิรุทฺเธ  นเหตุ
สเหตุโก   วิปาโก   ตทารมฺมณตา   อุปฺปชฺชติ   ทิพฺเพน   จกฺขุนา  รูปํ
ปสฺสติ    ทิพฺพาย    โสตธาตุยา    สทฺทํ    สุณาติ   เจโตปริยญาเณน
นเหตุ   อเหตุกจิตฺตสมงฺคิสฺส   จิตฺตํ   ชานาติ  นเหตู  อเหตุกา  ขนฺธา
อิทฺธิวิธญาณสฺส        เจโตปริยญาณสฺส       ปุพฺเพนิวาสานุสฺสติญาณสฺส
อนาคตํสญาณสฺส   อารมฺมณปจฺจเยน   ปจฺจโย   นเหตู  อเหตุเก  ขนฺเธ
อารพฺภ นเหตู สเหตุกา ขนฺธา อุปฺปชฺชนฺติ ฯ
     [๑๔๖]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:   ทานํ   ทตฺวา   สีลํ   สมาทิยิตฺวา   ตํ   ครุํ  กตฺวา
ปจฺจเวกฺขติ    ปุพฺเพ    สุจิณฺณานิ    ปจฺจเวกฺขติ   ฌานา   วุฏฺฐหิตฺวา
ฌานํ   ครุํ   กตฺวา   ปจฺจเวกฺขติ   อริยา   มคฺคา   วุฏฺฐหิตฺวา  มคฺคํ
ครุํ  กตฺวา  ปจฺจเวกฺขนฺติ  ผลํ  ครุํ  กตฺวา ปจฺจเวกฺขนฺติ นเหตู สเหตุเก
ขนฺเธ   ครุํ   กตฺวา   อสฺสาเทติ   อภินนฺทติ   ตํ  ครุํ  กตฺวา  ราโค
อุปฺปชฺชติ   ทิฏฺฐิ   อุปฺปชฺชติ   ฯ   สหชาตาธิปติ:  นเหตุ  สเหตุกาธิปติ
สมฺปยุตฺตกานํ   ขนฺธานํ   อธิปติปจฺจเยน   ปจฺจโย  ฯ  นเหตุ  สเหตุโก
ธมฺโม    นเหตุ    อเหตุกสฺส    ธมฺมสฺส    อธิปติปจฺจเยน   ปจฺจโย:
สหชาตาธิปติ:     นเหตุ    สเหตุกาธิปติ    จิตฺตสมุฏฺฐานานํ    รูปานํ
อธิปติปจฺจเยน ปจฺจโย ฯ
     {๑๔๖.๑}   นเหตุ    สเหตุโก    ธมฺโม   นเหตุ   สเหตุกสฺส
จ      นเหตุ      อเหตุกสฺส     จ     ธมฺมสฺส     อธิปติปจฺจเยน
ปจฺจโย:         สหชาตาธิปติ:         นเหตุ        สเหตุกาธิปติ
สมฺปยุตฺตกานํ    ขนฺธานํ    จิตฺตสมุฏฺฐานานญฺจ   รูปานํ   อธิปติปจฺจเยน
ปจฺจโย   ฯ   นเหตุ   อเหตุโก   ธมฺโม   นเหตุ  สเหตุกสฺส  ธมฺมสฺส
อธิปติปจฺจเยน   ปจฺจโย:  อารมฺมณาธิปติ:  อริยา  นิพฺพานํ  ครุํ  กตฺวา
ปจฺจเวกฺขนฺติ    นิพฺพานํ    โคตฺรภุสฺส    โวทานสฺส   มคฺคสฺส   ผลสฺส
อธิปติปจฺจเยน  ปจฺจโย  จกฺขุํ  ... วตฺถุํ ... นเหตู อเหตุเก ขนฺเธ ครุํ
กตฺวา   อสฺสาเทติ   อภินนฺทติ   ตํ   ครุํ   กตฺวา   ราโค   อุปฺปชฺชติ
ทิฏฺฐิ อุปฺปชฺชติ ฯ
     [๑๔๗]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อนนฺตรปจฺจเยน   ปจฺจโย:   ปุริมา   ปุริมา   นเหตู  สเหตุกา  ขนฺธา
ปจฺฉิมานํ    ปจฺฉิมานํ   นเหตุ   สเหตุกานํ   ขนฺธานํ   อนนฺตรปจฺจเยน
ปจฺจโย     อนุโลมํ    โคตฺรภุสฺส    สงฺขิตฺตํ    เนวสญฺญานาสญฺญายตนํ
ผลสมาปตฺติยา   อนนฺตรปจฺจเยน   ปจฺจโย  ฯ  นเหตุ  สเหตุโก  ธมฺโม
นเหตุ   อเหตุกสฺส  ธมฺมสฺส  อนนฺตรปจฺจเยน  ปจฺจโย:  นเหตุ  สเหตุกํ
จุติจิตฺตํ     นเหตุ     อเหตุกสฺส    อุปปตฺติจิตฺตสฺส    อนนฺตรปจฺจเยน
ปจฺจโย   นเหตุ   สเหตุกํ  ภวงฺคํ  อาวชฺชนาย  นเหตุ  สเหตุกํ  ภวงฺคํ
นเหตุ  อเหตุกสฺส  ภวงฺคสฺส  นเหตุ  สเหตุกา  ขนฺธา  นเหตุ อเหตุกสฺส
วุฏฺฐานสฺส อนนฺตรปจฺจเยน ปจฺจโย ฯ
     {๑๔๗.๑}   นเหตุ  อเหตุโก  ธมฺโม  นเหตุ  อเหตุกสฺส  ธมฺมสฺส
อนนฺตรปจฺจเยน   ปจฺจโย:   ปุริมา   ปุริมา   นเหตู  อเหตุกา  ขนฺธา
ปจฺฉิมานํ    ปจฺฉิมานํ   นเหตุ   อเหตุกานํ   ขนฺธานํ   อนนฺตรปจฺจเยน
ปจฺจโย     อาวชฺชนา     ปญฺจนฺนํ     วิญฺญาณานํ     อนนฺตรปจฺจเยน
ปจฺจโย   ฯ   นเหตุ   อเหตุโก   ธมฺโม   นเหตุ  สเหตุกสฺส  ธมฺมสฺส
อนนฺตรปจฺจเยน   ปจฺจโย:  นเหตุ  อเหตุกํ  จุติจิตฺตํ  นเหตุ  สเหตุกสฺส
อุปปตฺติจิตฺตสฺส     อนนฺตรปจฺจเยน     ปจฺจโย    อาวชฺชนา    นเหตุ
สเหตุกานํ    ขนฺธานํ    อนนฺตรปจฺจเยน   ปจฺจโย   นเหตู   อเหตุกา
ขนฺธา นเหตุ สเหตุกสฺส วุฏฺฐานสฺส อนนฺตรปจฺจเยน ปจฺจโย ฯ
     [๑๔๘]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
สมนนฺตรปจฺจเยน   ปจฺจโย:   ฯ   สหชาตปจฺจเยน  ปจฺจโย:  มิหฆฏนา
นตฺถิ   สตฺต   ปญฺหา   ฯ   อญฺญมญฺญปจฺจเยน  ปจฺจโย:  ฉ  ปญฺหา  ฯ
นิสฺสยปจฺจเยน   ปจฺจโย:   ปวตฺติ   ปฏิสนฺธิ   สตฺต   ปญฺหา  มิหฆฏนา
นตฺถิ ฯ
     [๑๔๙]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย   ฯเปฯ   ปกตูปนิสฺสโย:   สทฺธํ   อุปนิสฺสาย  ทานํ  เทติ
สงฺขิตฺตํ   มานํ   ชปฺเปติ   ทิฏฺฐึ   คณฺหาติ   สีลํ  ...  ฯเปฯ  ปตฺถนํ
อุปนิสฺสาย   ทานํ   เทติ  ฯเปฯ  สงฺฆํ  ภินฺทติ  สทฺธา  ฯเปฯ  ปตฺถนา
สทฺธาย   ฯเปฯ   ปตฺถนาย   มคฺคสฺส  ผลสมาปตฺติยา  อุปนิสฺสยปจฺจเยน
ปจฺจโย   ฯ   นเหตุ   สเหตุโก   ธมฺโม   นเหตุ  อเหตุกสฺส  ธมฺมสฺส
อุปนิสฺสยปจฺจเยน    ปจฺจโย:   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:    สทฺธา    กายิกสฺส    สุขสฺส    กายิกสฺส    ทุกฺขสฺส
อุปนิสฺสยปจฺจเยน  ปจฺจโย  สีลํ  ...  ฯเปฯ  ปตฺถนา  กายิกสฺส  สุขสฺส
กายิกสฺส   ทุกฺขสฺส   อุปนิสฺสยปจฺจเยน  ปจฺจโย  สทฺธา  ฯเปฯ  ปตฺถนา
กายิกสฺส สุขสฺส กายิกสฺส ทุกฺขสฺส อุปนิสฺสยปจฺจเยน ปจฺจโย ฯ
     {๑๔๙.๑}   นเหตุ  อเหตุโก  ธมฺโม  นเหตุ  อเหตุกสฺส  ธมฺมสฺส
อุปนิสฺสยปจฺจเยน    ปจฺจโย:   อนนฺตรูปนิสฺสโย   ปกตูปนิสฺสโย   ฯเปฯ
ปกตูปนิสฺสโย:   กายิกํ   สุขํ   กายิกสฺส   สุขสฺส   กายิกสฺส   ทุกฺขสฺส
อุปนิสฺสยปจฺจเยน  ปจฺจโย กายิกํ ทุกฺขํ ... อุตุ ... โภชนํ ... เสนาสนํ
กายิกสฺส    สุขสฺส    กายิกสฺส   ทุกฺขสฺส   อุปนิสฺสยปจฺจเยน   ปจฺจโย
กายิกํ   สุขํ   กายิกํ   ทุกฺขํ   อุตุ  โภชนํ  เสนาสนํ  กายิกสฺส  สุขสฺส
กายิกสฺส   ทุกฺขสฺส   อุปนิสฺสยปจฺจเยน   ปจฺจโย   ฯ  นเหตุ  อเหตุโก
ธมฺโม    นเหตุ    สเหตุกสฺส   ธมฺมสฺส   อุปนิสฺสยปจฺจเยน   ปจฺจโย:
อารมฺมณูปนิสฺสโย       อนนฺตรูปนิสฺสโย      ปกตูปนิสฺสโย      ฯเปฯ
ปกตูปนิสฺสโย:   กายิกํ   สุขํ   อุปนิสฺสาย   ทานํ   เทติ  ฯเปฯ  สงฺฆํ
ภินฺทติ  กายิกํ  ทุกฺขํ  ... อุตุํ ... โภชนํ ... เสนาสนํ อุปนิสฺสาย ทานํ
เทติ  ฯเปฯ  สงฺฆํ  ภินฺทติ  กายิกํ  สุขํ  ฯเปฯ  เสนาสนํ สทฺธาย ฯเปฯ
ปตฺถนาย อุปนิสฺสยปจฺจเยน ปจฺจโย ฯ
     [๑๕๐]   นเหตุ   อเหตุโก   ธมฺโม  นเหตุ  อเหตุกสฺส  ธมฺมสฺส
ปุเรชาตปจฺจเยน    ปจฺจโย:    อารมฺมณปุเรชาตํ    วตฺถุปุเรชาตํ   ฯ
อารมฺมณปุเรชาตํ:  จกฺขุํ  ...  วตฺถุํ  อนิจฺจโต  ... โทมนสฺสํ อุปฺปชฺชติ
กุสลากุสเล  นิรุทฺเธ  นเหตุ  อเหตุโก  วิปาโก  ตทารมฺมณตา  อุปฺปชฺชติ
รูปายตนํ  จกฺขุวิญฺญาณสฺส  โผฏฺฐพฺพายตนํ  กายวิญฺญาณสฺส ปุเรชาตปจฺจเยน
ปจฺจโย      ฯ      วตฺถุปุเรชาตํ:     จกฺขายตนํ     จกฺขุวิญฺญาณสฺส
กายายตนํ    กายวิญฺญาณสฺส    วตฺถุ    นเหตุ    อเหตุกานํ   ขนฺธานํ
ปุเรชาตปจฺจเยน ปจฺจโย ฯ
     {๑๕๐.๑}   นเหตุ  อเหตุโก  ธมฺโม  นเหตุ  สเหตุกสฺส  ธมฺมสฺส
ปุเรชาตปจฺจเยน    ปจฺจโย:    อารมฺมณปุเรชาตํ    วตฺถุปุเรชาตํ   ฯ
อารมฺมณปุเรชาตํ:  จกฺขุํ  ...  วตฺถุํ  อนิจฺจโต  ... โทมนสฺสํ อุปฺปชฺชติ
กุสลากุสเล  นิรุทฺเธ  นเหตุ  สเหตุโก  วิปาโก  ตทารมฺมณตา  อุปฺปชฺชติ
ทิพฺเพน   จกฺขุนา   รูปํ  ปสฺสติ  ทิพฺพาย  โสตธาตุยา  สทฺทํ  สุณาติ  ฯ
วตฺถุปุเรชาตํ: วตฺถุ นเหตุ สเหตุกานํ ขนฺธานํ ปุเรชาตปจฺจเยน ปจฺจโย ฯ
     [๑๕๑]   นเหตุ   สเหตุโก   ธมฺโม  นเหตุ  อเหตุกสฺส  ธมฺมสฺส
ปจฺฉาชาตปจฺจเยน  ปจฺจโย:  นเหตู  สเหตุกา  ขนฺธา ปุเรชาตสฺส อิมสฺส
กายสฺส  ปจฺฉาชาตปจฺจเยน  ปจฺจโย  ฯ  นเหตุ  อเหตุโก  ธมฺโม นเหตุ
อเหตุกสฺส   ธมฺมสฺส   ปจฺฉาชาตปจฺจเยน   ปจฺจโย:   นเหตู  อเหตุกา
ขนฺธา ปุเรชาตสฺส อิมสฺส กายสฺส ปจฺฉาชาตปจฺจเยน ปจฺจโย: ฯ
     [๑๕๒]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อาเสวนปจฺจเยน   ปจฺจโย:   ปุริมา   ปุริมา  นเหตู  สเหตุกา  ขนฺธา
ปจฺฉิมานํ   ปจฺฉิมานํ   นเหตุ   สเหตุกานํ   ขนฺธานํ   อาเสวนปจฺจเยน
ปจฺจโย:    อนุโลมํ    โคตฺรภุสฺส    อนุโลมํ    โวทานสฺส    โคตฺรภุ
มคฺคสฺส  โวทานํ  มคฺคสฺส  อาเสวนปจฺจเยน  ปจฺจโย  ฯ นเหตุ อเหตุโก
ธมฺโม    นเหตุ    อเหตุกสฺส   ธมฺมสฺส   อาเสวนปจฺจเยน   ปจฺจโย:
ปุริมา   ปุริมา   นเหตู   อเหตุกา  ขนฺธา  ปจฺฉิมานํ  ปจฺฉิมานํ  นเหตุ
อเหตุกานํ ขนฺธานํ อาเสวนปจฺจเยน ปจฺจโย ฯ
     [๑๕๓]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
กมฺมปจฺจเยน   ปจฺจโย:   สหชาตา  นานาขณิกา  ฯ  สหชาตา:  นเหตุ
สเหตุกา   เจตนา   สมฺปยุตฺตกานํ   ขนฺธานํ  กมฺมปจฺจเยน  ปจฺจโย  ฯ
นานาขณิกา:   นเหตุ   สเหตุกา  เจตนา  วิปากานํ  นเหตุ  สเหตุกานํ
ขนฺธานํ   กมฺมปจฺจเยน   ปจฺจโย   ฯ  นเหตุ  สเหตุโก  ธมฺโม  นเหตุ
อเหตุกสฺส   ธมฺมสฺส  กมฺมปจฺจเยน  ปจฺจโย:  สหชาตา  นานาขณิกา  ฯ
สหชาตา:    นเหตุ    สเหตุกา    เจตนา   จิตฺตสมุฏฺฐานานํ   รูปานํ
กมฺมปจฺจเยน   ปจฺจโย   ฯ   นานาขณิกา:   นเหตุ  สเหตุกา  เจตนา
วิปากานํ  นเหตุ  อเหตุกานํ  ขนฺธานํ  กฏตฺตา  จ  รูปานํ  กมฺมปจฺจเยน
ปจฺจโย ฯ
     {๑๕๓.๑}   นเหตุ  สเหตุโก  ธมฺโม  นเหตุ  สเหตุกสฺส  จ นเหตุ
อเหตุกสฺส  จ  ธมฺมสฺส  กมฺมปจฺจเยน  ปจฺจโย:  สหชาตา นานาขณิกา ฯ
สหชาตา:    นเหตุ    สเหตุกา    เจตนา    สมฺปยุตฺตกานํ   ขนฺธานํ
จิตฺตสมุฏฺฐานานญฺจ   รูปานํ   กมฺมปจฺจเยน   ปจฺจโย   ฯ  นานาขณิกา:
นเหตุ  สเหตุกา  เจตนา  วิปากานํ  นเหตุ สเหตุกานํ ขนฺธานํ กฏตฺตา จ
รูปานํ  กมฺมปจฺจเยน  ปจฺจโย  ฯ นเหตุ อเหตุโก ธมฺโม นเหตุ อเหตุกสฺส
ธมฺมสฺส    กมฺมปจฺจเยน    ปจฺจโย:    สหชาตา:   นเหตุ   อเหตุกา
เจตนา     สมฺปยุตฺตกานํ     ขนฺธานํ     จิตฺตสมุฏฺฐานานญฺจ    รูปานํ
กมฺมปจฺจเยน    ปจฺจโย:   ปฏิสนฺธิกฺขเณ   นเหตุ   อเหตุกา   เจตนา
สมฺปยุตฺตกานํ ขนฺธานํ กฏตฺตา จ รูปานํ กมฺมปจฺจเยน ปจฺจโย ฯ
     [๑๕๔]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
วิปากปจฺจเยน   ปจฺจโย:   ตีณิ   ฯ   นเหตุ  อเหตุโก  ธมฺโม  นเหตุ
อเหตุกสฺส ธมฺมสฺส วิปากปจฺจเยน ปจฺจโย: เอกํ ฯ
     [๑๕๕]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อาหารปจฺจเยน   ปจฺจโย:   ตีณิ   ฯ  นเหตุ  อเหตุโก  ธมฺโม  นเหตุ
อเหตุกสฺส    ธมฺมสฺส   อาหารปจฺจเยน   ปจฺจโย:   นเหตู   อเหตุกา
อาหารา     สมฺปยุตฺตกานํ     ขนฺธานํ    จิตฺตสมุฏฺฐานานญฺจ    รูปานํ
อาหารปจฺจเยน   ปจฺจโย:   ปฏิสนฺธิกฺขเณ  กพฬึกาโร  อาหาโร  อิมสฺส
กายสฺส อาหารปจฺจเยน ปจฺจโย: ฯ
     [๑๕๖]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อินฺทฺริยปจฺจเยน   ปจฺจโย:   ตีณิ   ฯ  นเหตุ  อเหตุโก  ธมฺโม  นเหตุ
อเหตุกสฺส    ธมฺมสฺส   อินฺทฺริยปจฺจเยน   ปจฺจโย:   นเหตู   อเหตุกา
อินฺทฺริยา     สมฺปยุตฺตกานํ     ขนฺธานํ    จิตฺตสมุฏฺฐานานญฺจ    รูปานํ
อินฺทฺริยปจฺจเยน   ปจฺจโย:   ปฏิสนฺธกฺขเณ   รูปชีวิตินฺทฺริยํ  กฏตฺตารูปานํ
อินฺทฺริยปจฺจเยน ปจฺจโย: ฯ
     [๑๕๗]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
ฌานปจฺจเยน    ปจฺจโย:    จตฺตาริปิ   กาตพฺพานิ   ฯ   มคฺคปจฺจเยน
ปจฺจโย: ตีณิ ฯ
     [๑๕๘]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
สมฺปยุตฺตปจฺจเยน    ปจฺจโย:    นเหตุ    สเหตุโก    เอโก   ขนฺโธ
ติณฺณนฺนํ  ...  ปฏิสนฺธิกฺขเณ  ...  ฯ  นเหตุ  อเหตุโก  ธมฺโม  นเหตุ
อเหตุกสฺส   ธมฺมสฺส   สมฺปยุตฺตปจฺจเยน   ปจฺจโย:   นเหตุ   อเหตุโก
เอโก ขนฺโธ ติณฺณนฺนํ ... ปฏิสนฺธิ ฯ
     [๑๕๙]   นเหตุ   สเหตุโก   ธมฺโม  นเหตุ  อเหตุกสฺส  ธมฺมสฺส
วิปฺปยุตฺตปจฺจเยน    ปจฺจโย:    สหชาตํ   ปจฺฉาชาตํ   ฯ   สหชาตา:
นเหตู   สเหตุกา   ขนฺธา   จิตฺตสมุฏฺฐานานํ   รูปานํ  วิปฺปยุตฺตปจฺจเยน
ปจฺจโย:  ปฏิสนฺธิกฺขเณ  ...  ฯ  ปจฺฉาชาตา:  นเหตู  สเหตุกา ขนฺธา
ปุเรชาตสฺส อิมสฺส กายสฺส วิปฺปยุตฺตปจฺจเยน ปจฺจโย ฯ
     {๑๕๙.๑}   นเหตุ  อเหตุโก  ธมฺโม  นเหตุ  อเหตุกสฺส  ธมฺมสฺส
วิปฺปยุตฺตปจฺจเยน  ปจฺจโย:  สหชาตํ  ปุเรชาตํ  ปจฺฉาชาตํ  ฯ สหชาตา:
นเหตู   อเหตุกา   ขนฺธา   จิตฺตสมุฏฺฐานานํ   รูปานํ  วิปฺปยุตฺตปจฺจเยน
ปจฺจโย   ปฏิสนฺธิกฺขเณ   ขนฺธา   วตฺถุสฺส   วิปฺปยุตฺตปจฺจเยน   ปจฺจโย
วตฺถุ   ขนฺธานํ   วิปฺปยุตฺตปจฺจเยน   ปจฺจโย  ฯ  ปุเรชาตํ:  จกฺขายตนํ
จกฺขุวิญฺญาณสฺส   กายายตนํ   กายวิญฺญาณสฺส   วตฺถุ   นเหตุ  อเหตุกานํ
ขนฺธานํ  วิปฺปยุตฺตปจฺจเยน  ปจฺจโย:  ฯ  ปจฺฉาชาตา:  นเหตู  อเหตุกา
ขนฺธา      ปุเรชาตสฺส      อิมสฺส     กายสฺส     วิปฺปยุตฺตปจฺจเยน
ปจฺจโย ฯ
     {๑๕๙.๒}   นเหตุ  อเหตุโก  ธมฺโม  นเหตุ  สเหตุกสฺส  ธมฺมสฺส
วิปฺปยุตฺตปจฺจเยน  ปจฺจโย:  สหชาตํ  ปุเรชาตํ  ฯ สหชาตํ: ปฏิสนฺธิกฺขเณ
วตฺถุ  นเหตุ  สเหตุกานํ  ขนฺธานํ  วิปฺปยุตฺตปจฺจเยน ปจฺจโย ฯ ปุเรชาตํ:
วตฺถุ นเหตุ สเหตุกานํ ขนฺธานํ วิปฺปยุตฺตปจฺจเยน ปจฺจโย ฯ
     [๑๖๐]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อตฺถิปจฺจเยน  ปจฺจโย:  นเหตุ  สเหตุโก  เอโก  ขนฺโธ  ติณฺณนฺนํ  ...
ปฏิสนฺธิกฺขเณ  ...  ฯ  นเหตุ  สเหตุโก ธมฺโม นเหตุ อเหตุกสฺส ธมฺมสฺส
อตฺถิปจฺจเยน  ปจฺจโย:  สหชาตํ ปจฺฉาชาตํ ฯ เปยฺยาลํ ฯ นเหตุ สเหตุโก
ธมฺโม    นเหตุ   สเหตุกสฺส   จ   นเหตุ   อเหตุกสฺส   จ   ธมฺมสฺส
อตฺถิปจฺจเยน   ปจฺจโย:   นเหตุ   สเหตุโก   เอโก   ขนฺโธ  ติณฺณนฺนํ
ขนฺธานํ     จิตฺตสมุฏฺฐานานญฺจ     รูปานํ    อตฺถิปจฺจเยน    ปจฺจโย:
ปฏิสนฺธิกฺขเณ ... ฯ
     {๑๖๐.๑}   นเหตุ  อเหตุโก  ธมฺโม  นเหตุ  อเหตุกสฺส  ธมฺมสฺส
อตฺถิปจฺจเยน    ปจฺจโย:    สหชาตํ   ปุเรชาตํ   ปจฺฉาชาตํ   อาหารํ
อินฺทฺริยํ   ฯ   สหชาโต:   นเหตุ   อเหตุโก   เอโก  ขนฺโธ  ติณฺณนฺนํ
ขนฺธานํ   จิตฺตสมุฏฺฐานานญฺจ   รูปานํ   อตฺถิปจฺจเยน   ปจฺจโย:   ยาว
อสญฺญสตฺตา   ฯ   ปุเรชาตํ:   จกฺขุํ   ...   วตฺถุํ   อนิจฺจโต   ...
โทมนสฺสํ     อุปฺปชฺชติ    รูปายตนํ    จกฺขุวิญฺญาณสฺส    โผฏฺฐพฺพายตนํ
กายวิญฺญาณสฺส     จกฺขายตนํ     ...    กายายตนํ    กายวิญฺญาณสฺส
วตฺถุ  นเหตุ  อเหตุกานํ  ขนฺธานํ  อตฺถิปจฺจเยน  ปจฺจโย ฯ ปจฺฉาชาตา:
นเหตู   อเหตุกา   ขนฺธา   ปุเรชาตสฺส   อิมสฺส   กายสฺส  กพฬึกาโร
อาหาโร   อิมสฺส   กายสฺส   รูปชีวิตินฺทฺริยํ  กฏตฺตารูปานํ  อตฺถิปจฺจเยน
ปจฺจโย ฯ
     {๑๖๐.๒}   นเหตุ  อเหตุโก  ธมฺโม  นเหตุ  สเหตุกสฺส  ธมฺมสฺส
อตฺถิปจฺจเยน   ปจฺจโย:  สหชาตํ  ปุเรชาตํ  ฯ  สหชาตํ:  ปฏิสนฺธิกฺขเณ
วตฺถุ  นเหตุ  สเหตุกานํ  ขนฺธานํ  อตฺถิปจฺจเยน  ปจฺจโย  ฯ  ปุเรชาตํ:
จกฺขุํ  ...  วตฺถุํ  อนิจฺจโต  ... โทมนสฺสํ อุปฺปชฺชติ กุสลากุสเล นิรุทฺเธ
นเหตุ  สเหตุโก  วิปาโก  ตทารมฺมณตา  อุปฺปชฺชติ  ฯ  นเหตุ  สเหตุโก
จ    นเหตุ    อเหตุโก   จ   ธมฺมา   นเหตุ   สเหตุกสฺส   ธมฺมสฺส
อตฺถิปจฺจเยน  ปจฺจโย:  สหชาตํ  ปุเรชาตํ  ฯ สหชาโต: นเหตุ สเหตุโก
เอโก   ขนฺโธ   จ   วตฺถุ   จ  ติณฺณนฺนํ  ขนฺธานํ  ...  ปฏิสนฺธิกฺขเณ
นเหตุ สเหตุโก เอโก ขนฺโธ จ วตฺถุ จ ติณฺณนฺนํ ... ฯ
     {๑๖๐.๓}   นเหตุ  สเหตุโก  จ  นเหตุ  อเหตุโก จ ธมฺมา นเหตุ
อเหตุกสฺส    ธมฺมสฺส   อตฺถิปจฺจเยน   ปจฺจโย:   สหชาตํ   ปจฺฉาชาตํ
อาหารํ  อินฺทฺริยํ  ฯ  สหชาตา:  นเหตู  สเหตุกา  ขนฺธา  จ  มหาภูตา
จ   จิตฺตสมุฏฺฐานานํ   รูปานํ   อตฺถิปจฺจเยน  ปจฺจโย  ฯ  ปจฺฉาชาตา:
นเหตู   สเหตุกา  ขนฺธา  จ  กพฬึกาโร  อาหาโร  จ  อิมสฺส  กายสฺส
อตฺถิปจฺจเยน   ปจฺจโย   ปจฺฉาชาตา:   นเหตู   สเหตุกา   ขนฺธา  จ
รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ
     [๑๖๑]   อารมฺมเณ   จตฺตาริ   อธิปติยา   จตฺตาริ   อนนฺตเร
จตฺตาริ    สมนนฺตเร    จตฺตาริ    สหชาเต   สตฺต   อญฺญมญฺเญ   ฉ
นิสฺสเย   สตฺต   อุปนิสฺสเย   จตฺตาริ   ปุเรชาเต   เทฺว  ปจฺฉาชาเต
เทฺว   อาเสวเน   เทฺว   กมฺเม  จตฺตาริ  วิปาเก  จตฺตาริ  อาหาเร
จตฺตาริ   อินฺทฺริเย   จตฺตาริ   ฌาเน  จตฺตาริ  มคฺเค  ตีณิ  สมฺปยุตฺเต
เทฺว     วิปฺปยุตฺเต    ตีณิ    อตฺถิยา    สตฺต    นตฺถิยา    จตฺตาริ
วิคเต จตฺตาริ อวิคเต สตฺต ฯ เอวํ คเณตพฺพํ ฯ
                            อนุโลมํ นิฏฺฐิตํ ฯ
     [๑๖๒]   นเหตุ   สเหตุโก   ธมฺโม  นเหตุ  สเหตุกสฺส  ธมฺมสฺส
อารมฺมณปจฺจเยน  ปจฺจโย:  สหชาตปจฺจเยน  ปจฺจโย:  อุปนิสฺสยปจฺจเยน
ปจฺจโย:     กมฺมปจฺจเยน     ปจฺจโย:     ฯ    นเหตุ    สเหตุโก
ธมฺโม    นเหตุ    อเหตุกสฺส   ธมฺมสฺส   อารมฺมณปจฺจเยน   ปจฺจโย:
สหชาตปจฺจเยน  ปจฺจโย:  อุปนิสฺสยปจฺจเยน  ปจฺจโย: ปจฺฉาชาตปจฺจเยน
ปจฺจโย:     กมฺมปจฺจเยน     ปจฺจโย:     ฯ    นเหตุ    สเหตุโก
ธมฺโม  นเหตุ  สเหตุกสฺส  จ นเหตุ อเหตุกสฺส จ ธมฺมสฺส สหชาตปจฺจเยน
ปจฺจโย: กมฺมปจฺจเยน ปจฺจโย: ฯ
     {๑๖๒.๑}   นเหตุ  อเหตุโก  ธมฺโม  นเหตุ  อเหตุกสฺส  ธมฺมสฺส
อารมฺมณปจฺจเยน       ปจฺจโย:       สหชาตปจฺจเยน      ปจฺจโย:
อุปนิสฺสยปจฺจเยน       ปจฺจโย:      ปุเรชาตปจฺจเยน      ปจฺจโย:
ปจฺฉาชาตปจฺจเยน       ปจฺจโย:      อาหารปจฺจเยน      ปจฺจโย:
อินฺทฺริยปจฺจเยน     ปจฺจโย:     ฯ     นเหตุ    อเหตุโก    ธมฺโม
ธมฺมสฺส       อารมฺมณปจฺจเยน       ปจฺจโย:       สหชาตปจฺจเยน
ปจฺจโย:       อุปนิสฺสยปจฺจเยน      ปจฺจโย:      ปุเรชาตปจฺจเยน
ปจฺจโย: ฯ
     {๑๖๒.๒}   นเหตุ  สเหตุโก  จ  นเหตุ  อเหตุโก จ ธมฺมา นเหตุ
สเหตุกสฺส    ธมฺมสฺส    สหชาตปจฺจเยน   ปจฺจโย:   ปุเรชาตปจฺจเยน
ปจฺจโย:  ฯ  นเหตุ  สเหตุโก  จ  นเหตุ  อเหตุโก  จ  ธมฺมา  นเหตุ
อเหตุกสฺส    ธมฺมสฺส   สหชาตปจฺจเยน   ปจฺจโย:   ปจฺฉาชาตปจฺจเยน
ปจฺจโย: อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ
     [๑๖๓]   นเหตุยา   สตฺต   นอารมฺมเณ   สตฺต  ฯ  สงฺขิตฺตํ  ฯ
สพฺพตฺถ    สตฺต    นสหชาเต   ฉ   นอญฺญมญฺเญ   ฉ   นนิสฺสเย   ฉ
สพฺพตฺถ    สตฺต    นสมฺปยุตฺเต   ฉ   นวิปฺปยุตฺเต   ปญฺจ   โนอตฺถิยา
ปญฺจ โนนตฺถิยา สตฺต โนวิคเต สตฺต โนอวิคเต ปญฺจ ฯ
                            เอวํ คเณตพฺพํ ฯ
                            ปจฺจนียํ นิฏฺฐิตํ ฯ
     [๑๖๔]   อารมฺมณปจฺจยา   นอธิปติยา  จตฺตาริ  ...  นอนนฺตเร
จตฺตาริ   สพฺพตฺถ   จตฺตาริ   โนนตฺถิยา   จตฺตาริ   โนวิคเต  จตฺตาริ
โนอวิคเต จตฺตาริ เอวํ คเณตพฺพํ ฯ
                       อนุโลมปจฺจนียํ นิฏฺฐิตํ ฯ
     [๑๖๕]   นเหตุปจฺจยา  อารมฺมเณ  จตฺตาริ  ... อธิปติยา จตฺตาริ
อวิคเต สตฺต เอวํ คเณตพฺพํ ฯ
                          ปจฺจนียานุโลมํ นิฏฺฐิตํ ฯ
                         นเหตุสเหตุกทุกํ นิฏฺฐิตํ ฯ
                              -----------------


             เนื้อความพระไตรปิฎกฉบับภาษาบาลี อักษรไทย เล่มที่ ๔๒ หน้าที่ ๘๖-๙๙. https://84000.org/tipitaka/read/pali_read.php?B=42&A=1743&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=42&A=1743&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=42&item=145&items=21              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=42&siri=14              ศึกษาอรรถกถานี้ได้ที่ :- https://84000.org/tipitaka/attha/attha.php?b=42&i=145              สารบัญพระไตรปิฎกเล่มที่ ๔๒ https://84000.org/tipitaka/read/?index_42 https://84000.org/tipitaka/english/?index_42

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]