พระไตรปิฎกเล่มที่ ๔๒ ภาษาบาลี อักษรไทย
 พระอภิธรรมปิฎกเล่มที่ ๙ อภิ. ป.(๓) อนุโลมทุกปฏฺฐานํ ปุริมํ

                               ปญฺหาวาโร
     [๗๑๐]   ปรามาสสมฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส
เหตุปจฺจเยน    ปจฺจโย:    ปรามาสสมฺปยุตฺตา    เหตู   สมฺปยุตฺตกานํ
ขนฺธานํ  เหตุปจฺจเยน  ปจฺจโย  ฯ มูลานิ กาตพฺพานิ ฯ ปรามาสสมฺปยุตฺตา
เหตู     จิตฺตสมุฏฺฐานานํ     รูปานํ    เหตุปจฺจเยน    ปจฺจโย    ฯ
ปรามาสสมฺปยุตฺตา   เหตู   สมฺปยุตฺตกานํ   ขนฺธานํ   จิตฺตสมุฏฺฐานานญฺจ
รูปานํ    เหตุปจฺจเยน    ปจฺจโย    ฯ    ปรามาสวิปฺปยุตฺโต   ธมฺโม
ปรามาสวิปฺปยุตฺตสฺส  ธมฺมสฺส  เหตุปจฺจเยน  ปจฺจโย:  ปรามาสวิปฺปยุตฺตา
เหตู      สมฺปยุตฺตกานํ     ขนฺธานํ     จิตฺตสมุฏฺฐานานญฺจ     รูปานํ
เหตุปจฺจเยน ปจฺจโย ปฏิสนฺธิ ฯ
     [๗๑๑]   ปรามาสสมฺปยุตฺโต     ธมฺโม    ปรามาสสมฺปยุตฺตสฺส
ธมฺมสฺส   อารมฺมณปจฺจเยน   ปจฺจโย:   ราคํ  อสฺสาเทติ  อภินนฺทติ  ตํ
อารพฺภ    ราโค   อุปฺปชฺชติ   ปรามาสสมฺปยุตฺเต   ขนฺเธ   อสฺสาเทติ
อภินนฺทติ ตํ อารพฺภ ราโค อุปฺปชฺชติ ฯ
     {๗๑๑.๑}   ปรามาสสมฺปยุตฺโต    ธมฺโม    ปรามาสวิปฺปยุตฺตสฺส
ธมฺมสฺส    อารมฺมณปจฺจเยน    ปจฺจโย:    อริยา   ปรามาสสมฺปยุตฺเต
ปหีเน  กิเลเส  ปจฺจเวกฺขนฺติ  วิกฺขมฺภิเต  กิเลเส  ปจฺจเวกฺขนฺติ  ปุพฺเพ
สมุทาจิณฺเณ   กิเลเส   ชานนฺติ   ปรามาสสมฺปยุตฺเต   ขนฺเธ  อนิจฺจโต
...  วิปสฺสติ  อสฺสาเทติ  อภินนฺทติ  ตํ อารพฺภ ปรามาสวิปฺปยุตฺโต ราโค
วิจิกิจฺฉา     อุทฺธจฺจํ     โทมนสฺสํ     อุปฺปชฺชติ     เจโตปริยญาเณน
ปรามาสสมฺปยุตฺตจิตฺตสมงฺคิสฺส     จิตฺตํ    ชานาติ    ปรามาสสมฺปยุตฺตา
ขนฺธา           เจโตปริยญาณสฺส          ปุพฺเพนิวาสานุสฺสติญาณสฺส
ยถากมฺมูปคญาณสฺส            อนาคตํสญาณสฺส           อาวชฺชนาย
อารมฺมณปจฺจเยน ปจฺจโย ฯ
     {๗๑๑.๒}   ปรามาสวิปฺปยุตฺโต    ธมฺโม    ปรามาสวิปฺปยุตฺตสฺส
ธมฺมสฺส  อารมฺมณปจฺจเยน  ปจฺจโย:  ทานํ  ...  สีลํ  ... อุโปสถกมฺมํ
กตฺวา    ตํ    ปจฺจเวกฺขติ    อสฺสาเทติ    อภินนฺทติ    ตํ   อารพฺภ
ปรามาสวิปฺปยุตฺโต      ราโค     วิจิกิจฺฉา     อุทฺธจฺจํ     โทมนสฺสํ
อุปฺปชฺชติ  ปุพฺเพ  สุจิณฺณานิ  ...  ฌานา  ...  อริยา มคฺคา วุฏฺฐหิตฺวา
มคฺคํ    ปจฺจเวกฺขนฺติ   ผลํ   ...   นิพฺพานํ   ปจฺจเวกฺขนฺติ   นิพฺพานํ
โคตฺรภุสฺส      โวทานสฺส      มคฺคสฺส      ผลสฺส      อาวชฺชนาย
อารมฺมณปจฺจเยน     ปจฺจโย    อริยา    ปรามาสวิปฺปยุตฺเต    ปหีเน
กิเลเส  ...  วิกฺขมฺภิเต  กิเลเส ... ปุพฺเพ ... จกฺขุํ ... วตฺถุํ ...
ปรามาสวิปฺปยุตฺเต ขนฺเธ อนิจฺจโต ... วิปสฺสติ อสฺสาเทติ อภินนฺทติ
     {๗๑๑.๓}   ตํ  อารพฺภ  ปรามาสวิปฺปยุตฺโต ราโค วิจิกิจฺฉา อุทฺธจฺจํ
โทมนสฺสํ  อุปฺปชฺชติ  ทิพฺเพน  จกฺขุนา  รูปํ  ปสฺสติ  ทิพฺพาย  โสตธาตุยา
สทฺทํ     สุณาติ     เจโตปริยญาเณน     ปรามาสวิปฺปยุตฺตจิตฺตสมงฺคิสฺส
จิตฺตํ       ชานาติ       อากาสานญฺจายตนํ       วิญฺญาณญฺจายตนสฺส
อากิญฺจญฺญายตนํ          เนวสญฺญานาสญฺญายตนสฺส          รูปายตนํ
จกฺขุวิญฺญาณสฺส    โผฏฺฐพฺพายตนํ    กายวิญฺญาณสฺส    ปรามาสวิปฺปยุตฺตา
ขนฺธา    อิทฺธิวิธญาณสฺส    เจโตปริยญาณสฺส   ปุพฺเพนิวาสานุสฺสติญาณสฺส
ยถากมฺมูปคญาณสฺส            อนาคตํสญาณสฺส           อาวชฺชนาย
อารมฺมณปจฺจเยน ปจฺจโย ฯ
     {๗๑๑.๔}   ปรามาสวิปฺปยุตฺโต    ธมฺโม    ปรามาสสมฺปยุตฺตสฺส
ธมฺมสฺส  อารมฺมณปจฺจเยน  ปจฺจโย:  ทานํ  ...  สีลํ  ... อุโปสถกมฺมํ
... ปุพฺเพ ... ฌานา ... จกฺขุํ ... วตฺถุํ ... ปรามาสวิปฺปยุตฺเต ขนฺเธ
อสฺสาเทติ อภินนฺทติ ตํ อารพฺภ ราโค อุปฺปชฺชติ ฯ
     [๗๑๒]   ปรามาสสมฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส
อธิปติปจฺจเยน     ปจฺจโย:     อารมฺมณาธิปติ     สหชาตาธิปติ    ฯ
อารมฺมณาธิปติ:   ราคํ   ครุํ   กตฺวา   อสฺสาเทติ   อภินนฺทติ  ตํ  ครุํ
กตฺวา   ราโค   อุปฺปชฺชติ   ปรามาสสมฺปยุตฺเต   ขนฺเธ   ครุํ   กตฺวา
อสฺสาเทติ    อภินนฺทติ    ตํ    ครุํ   กตฺวา   ราโค   อุปฺปชฺชติ   ฯ
สหชาตาธิปติ:      ปรามาสสมฺยุตฺตาธิปติ     สมฺปยุตฺตกานํ     ขนฺธานํ
อธิปติปจฺจเยน ปจฺจโย ฯ
     {๗๑๒.๑}   ปรามาสสมฺปยุตฺโต    ธมฺโม    ปรามาสวิปฺปยุตฺตสฺส
ธมฺมสฺส        อธิปติปจฺจเยน        ปจฺจโย:        อารมฺมณาธิปติ
สหชาตาธิปติ   ฯ   อารมฺมณาธิปติ:   ปรามาสสมฺปยุตฺเต   ขนฺเธ   ครุํ
กตฺวา   อสฺสาเทติ   อภินนฺทติ   ตํ   ครุํ   กตฺวา   ปรามาสวิปฺปยุตฺโต
ราโค  อุปฺปชฺชติ  ฯ สหชาตาธิปติ: ปรามาสสมฺปยุตฺตาธิปติ จิตฺตสมุฏฺฐานานํ
รูปานํ อธิปติปจฺจเยน ปจฺจโย ฯ
     {๗๑๒.๒}   ปรามาสสมฺปยุตฺโต   ธมฺโม   ปรามาสสมฺปยุตฺตสฺส  จ
ปรามาสวิปฺปยุตฺตสฺส  จ  ธมฺมสฺส  อธิปติปจฺจเยน  ปจฺจโย: สหชาตาธิปติ:
ปรามาสสมฺปยุตฺตาธิปติ    สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ อธิปติปจฺจเยน ปจฺจโย ฯ
     {๗๑๒.๓}   ปรามาสวิปฺปยุตฺโต    ธมฺโม    ปรามาสวิปฺปยุตฺตสฺส
ธมฺมสฺส   อธิปติปจฺจเยน   ปจฺจโย:   อารมฺมณาธิปติ   สหชาตาธิปติ  ฯ
อารมฺมณาธิปติ:   ทานํ   ...  สีลํ  ...  อุโปสถกมฺมํ  กตฺวา  ตํ  ครุํ
กตฺวา    ปจฺจเวกฺขติ    อสฺสาเทติ    อภินนฺทติ    ตํ    ครุํ   กตฺวา
ปรามาสวิปฺปยุตฺโต   ราโค   อุปฺปชฺชติ   ปุพฺเพ   ...   ฌานา   ...
อริยา  มคฺคา  วุฏฺฐหิตฺวา  มคฺคํ  ครุํ ... ผลํ ... นิพฺพานํ ... นิพฺพานํ
โคตฺรภุสฺส    โวทานสฺส    มคฺคสฺส   ผลสฺส   อธิปติปจฺจเยน   ปจฺจโย
จกฺขุํ  ...  วตฺถุํ  ...  ปรามาสวิปฺปยุตฺเต  ขนฺเธ ครุํ กตฺวา อสฺสาเทติ
อภินนฺทติ   ตํ   ครุํ   กตฺวา   ปรามาสวิปฺปยุตฺโต  ราโค  อุปฺปชฺชติ  ฯ
สหชาตาธิปติ:     ปรามาสวิปฺปยุตฺตาธิปติ     สมฺปยุตฺตกานํ     ขนฺธานํ
จิตฺตสมุฏฺฐานานญฺจ รูปานํ อธิปติปจฺจเยน ปจฺจโย ฯ
     {๗๑๒.๔}   ปรามาสวิปฺปยุตฺโต    ธมฺโม    ปรามาสสมฺปยุตฺตสฺส
ธมฺมสฺส  อธิปติปจฺจเยน  ปจฺจโย:  อารมฺมณาธิปติ:  ทานํ ... สีลํ ...
อุโปสถกมฺมํ  กตฺวา  ตํ  ครุํ  กตฺวา  อสฺสาเทติ  อภินนฺทติ ตํ ครุํ กตฺวา
ปรามาสสมฺปยุตฺโต  ราโค  อุปฺปชฺชติ  ปุพฺเพ ... ฌานา ... จกฺขุํ ...
วตฺถุํ  ...  ปรามาสวิปฺปยุตฺเต  ขนฺเธ  ครุํ  กตฺวา อสฺสาเทติ อภินนฺทติ
ตํ ครุํ กตฺวา ปรามาสสมฺปยุตฺโต ราโค อุปฺปชฺชติ ฯ
     [๗๑๓]   ปรามาสสมฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส
อนนฺตรปจฺจเยน   ปจฺจโย:   ปุริมา   ปุริมา  ปรามาสสมฺปยุตฺตา  ขนฺธา
ปจฺฉิมานํ    ปจฺฉิมานํ   ปรามาสสมฺปยุตฺตานํ   ขนฺธานํ   อนนฺตรปจฺจเยน
ปจฺจโย   ฯ   ปรามาสสมฺปยุตฺโต   ธมฺโม  ปรามาสวิปฺปยุตฺตสฺส  ธมฺมสฺส
อนนฺตรปจฺจเยน    ปจฺจโย:    ปรามาสสมฺปยุตฺตา   ขนฺธา   วุฏฺฐานสฺส
อนนฺตรปจฺจเยน      ปจฺจโย     ฯ     ปรามาสวิปฺปยุตฺโต     ธมฺโม
ปรามาสวิปฺปยุตฺตสฺส   ธมฺมสฺส  อนนฺตรปจฺจเยน  ปจฺจโย:  ปุริมา  ปุริมา
ปรามาสวิปฺปยุตฺตา   ขนฺธา   ปจฺฉิมานํ   ปจฺฉิมานํ   ปรามาสวิปฺปยุตฺตานํ
ขนฺธานํ    อนุโลมํ    ผลสมาปตฺติยา    อนนฺตรปจฺจเยน   ปจฺจโย   ฯ
ปรามาสวิปฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส  อนนฺตรปจฺจเยน
ปจฺจโย:   อาวชฺชนา   ปรามาสสมฺปยุตฺตานํ   ขนฺธานํ   อนนฺตรปจฺจเยน
ปจฺจโย ฯ สมนนฺตรปจฺจเยน ปจฺจโย: ฯ
     [๗๑๔]   ปรามาสสมฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส
สหชาตปจฺจเยน    ปจฺจโย:   ปญฺจ   ฯ   อญฺญมญฺญปจฺจเยน   ปจฺจโย:
เทฺว ฯ นิสฺสยปจฺจเยน ปจฺจโย: สตฺต ฯ
     [๗๑๕]   ปรามาสสมฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย   ฯเปฯ   ปกตูปนิสฺสโย:  ปรามาสสมฺปยุตฺโต  ราโค  ...
โมโห   ...  ปตฺถนา  ปรามาสสมฺปยุตฺตสฺส  ราคสฺส  โมหสฺส  ปตฺถนาย
อุปนิสฺสยปจฺจเยน ปจฺจโย ฯ
     {๗๑๕.๑}   ปรามาสสมฺปยุตฺโต    ธมฺโม    ปรามาสวิปฺปยุตฺตสฺส
ธมฺมสฺส       อุปนิสฺสยปจฺจเยน       ปจฺจโย:      อารมฺมณูปนิสฺสโย
อนนฺตรูปนิสฺสโย       ปกตูปนิสฺสโย       ฯเปฯ       ปกตูปนิสฺสโย:
ปรามาสสมฺปยุตฺตํ   ราคํ   อุปนิสฺสาย   ทานํ   เทติ   ฯเปฯ  สมาปตฺตึ
อุปฺปาเทติ   มานํ   ชปฺเปติ   ฯเปฯ   ปรามาสสมฺปยุตฺตํ   โมหํ   ...
ปตฺถนํ   อุปนิสฺสาย   ทานํ   เทติ  สมาปตฺตึ  อุปฺปาเทติ  มานํ  ชปฺเปติ
ปาณํ    หนติ    ฯเปฯ    สงฺฆํ   ภินฺทติ   ปรามาสสมฺปยุตฺโต   ราโค
โมโห    ปตฺถนา    สทฺธาย    ฯเปฯ    ปญฺญาย   ราคสฺส   โทสสฺส
โมหสฺส    มานสฺส    ปตฺถนาย    กายิกสฺส    สุขสฺส   ผลสมาปตฺติยา
อุปนิสฺสยปจฺจเยน ปจฺจโย ฯ
     {๗๑๕.๒}   ปรามาสวิปฺปยุตฺโต ธมฺโม
ปรามาสวิปฺปยุตฺตสฺส      ธมฺมสฺส      อุปนิสฺสยปจฺจเยน      ปจฺจโย:
อารมฺมณูปนิสฺสโย       อนนฺตรูปนิสฺสโย      ปกตูปนิสฺสโย      ฯเปฯ
ปกตูปนิสฺสโย:    สทฺธํ   อุปนิสฺสาย   ทานํ   เทติ   ฯเปฯ   สมาปตฺตึ
อุปฺปาเทติ   มานํ  ชปฺเปติ  สีลํ  ...  ฯเปฯ  ปญฺญํ  ราคํ  มานํ  ...
ปตฺถนํ    อุปนิสฺสาย    ทานํ    เทติ   ฯเปฯ   สมาปตฺตึ   อุปฺปาเทติ
ปาณํ   หนติ   ฯเปฯ   สงฺฆํ   ภินฺทติ   กายิกํ   สุขํ   ...  เสนาสนํ
อุปนิสฺสาย    ทานํ    เทติ   ฯเปฯ   สงฺฆํ   ภินฺทติ   สทฺธา   ฯเปฯ
ปญฺญา   ราโค   มาโน   ปตฺถนา   กายิกํ   สุขํ   เสนาสนํ   สทฺธาย
ปญฺญาย   ราคสฺส   มานสฺส  ปตฺถนาย  กายิกสฺส  สุขสฺส  ผลสมาปตฺติยา
อุปนิสฺสยปจฺจเยน ปจฺจโย ฯ
     {๗๑๕.๓}   ปรามาสวิปฺปยุตฺโต    ธมฺโม    ปรามาสสมฺปยุตฺตสฺส
ธมฺมสฺส   อุปนิสฺสยปจฺจเยน  ปจฺจโย:  อารมฺมณูปนิสฺสโย  อนนฺตรูปนิสฺสโย
ปกตูปนิสฺสโย  ฯเปฯ  ปกตูปนิสฺสโย:  สทฺธํ  อุปนิสฺสาย  ราโค  อุปฺปชฺชติ
สีลํ   ฯเปฯ   เสนาสนํ   อุปนิสฺสาย  ปตฺถนา  สทฺธา  ฯเปฯ  เสนาสนํ
ปรามาสสมฺปยุตฺตสฺส ราคสฺส ปตฺถนาย อุปนิสฺสยปจฺจเยน ปจฺจโย ฯ
     [๗๑๖]   ปรามาสวิปฺปยุตฺโต  ธมฺโม  ปรามาสวิปฺปยุตฺตสฺส  ธมฺมสฺส
ปุเรชาตปจฺจเยน    ปจฺจโย:    อารมฺมณปุเรชาตํ    วตฺถุปุเรชาตํ   ฯ
อารมฺมณปุเรชาตํ:  จกฺขุํ  ...  วตฺถุํ  อนิจฺจโต  ... วิปสฺสติ อสฺสาเทติ
อภินนฺทติ   ตํ   อารพฺภ   ปรามาสวิปฺปยุตฺโต  ราโค  วิจิกิจฺฉา  อุทฺธจฺจํ
โทมนสฺสํ  อุปฺปชฺชติ  ทิพฺเพน  จกฺขุนา  รูปํ  ปสฺสติ  ทิพฺพาย  โสตธาตุยา
สทฺทํ      สุณาติ      รูปายตนํ     จกฺขุวิญฺญาณสฺส     โผฏฺฐพฺพายตนํ
กายวิญฺญาณสฺส     ปุเรชาตปจฺจเยน    ปจฺจโย    ฯ    วตฺถุปุเรชาตํ:
จกฺขายตนํ     จกฺขุวิญฺญาณสฺส     กายายตนํ    กายวิญฺญาณสฺส    วตฺถุ
ปรามาสวิปฺปยุตฺตานํ     ขนฺธานํ     ปุเรชาตปจฺจเยน    ปจฺจโย    ฯ
ปรามาสวิปฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส ปุเรชาตปจฺจเยน
ปจฺจโย:    อารมฺมณปุเรชาตํ    วตฺถุปุเรชาตํ   ฯ   อารมฺมณปุเรชาตํ:
จกฺขุํ  ...  วตฺถุํ  อสฺสาเทติ  อภินนฺทติ  ตํ  อารพฺภ  ปรามาสสมฺปยุตฺโต
ราโค    อุปฺปชฺชติ    ฯ   วตฺถุปุเรชาตํ:   วตฺถุ   ปรามาสสมฺปยุตฺตานํ
ขนฺธานํ ปุเรชาตปจฺจเยน ปจฺจโย ฯ
     [๗๑๗]   ปรามาสสมฺปยุตฺโต  ธมฺโม  ปรามาสวิปฺปยุตฺตสฺส  ธมฺมสฺส
ปจฺฉาชาตปจฺจเยน    ปจฺจโย:   ฯ   สงฺขิตฺตํ   ฯ   ปรามาสวิปฺปยุตฺโต
ธมฺโม ปรามาสวิปฺปยุตฺตสฺส ธมฺมสฺส ปจฺฉาชาตปจฺจเยน ปจฺจโย: ฯ
                                สงฺขิตฺตํ ฯ
     [๗๑๘]   ปรามาสสมฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส
อาเสวนปจฺจเยน ปจฺจโย: เทฺว ฯ
     [๗๑๙]   ปรามาสสมฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส
กมฺมปจฺจเยน    ปจฺจโย:   ปรามาสสมฺปยุตฺตา   เจตนา   สมฺปยุตฺตกานํ
ขนฺธานํ    กมฺมปจฺจเยน    ปจฺจโย    ฯ   ปรามาสสมฺปยุตฺโต   ธมฺโม
ปรามาสวิปฺปยุตฺตสฺส    ธมฺมสฺส    กมฺมปจฺจเยน    ปจฺจโย:   สหชาตา
นานาขณิกา  ฯ  สหชาตา:  ปรามาสสมฺปยุตฺตา  เจตนา  จิตฺตสมุฏฺฐานานํ
รูปานํ   กมฺมปจฺจเยน   ปจฺจโย   ฯ   นานาขณิกา:  ปรามาสสมฺปยุตฺตา
เจตนา      วิปากานํ      ขนฺธานํ      กฏตฺตา      จ     รูปานํ
กมฺมปจฺจเยน    ปจฺจโย    ฯ    มูลํ    ปุจฺฉิตพฺพํ   ปรามาสสมฺปยุตฺตา
เจตนา  สมฺปยุตฺตกานํ  ขนฺธานํ  จิตฺตสมุฏฺฐานานญฺจ  รูปานํ  กมฺมปจฺจเยน
ปจฺจโย ฯ
     {๗๑๙.๑}   ปรามาสวิปฺปยุตฺโต    ธมฺโม    ปรามาสวิปฺปยุตฺตสฺส
ธมฺมสฺส    กมฺมปจฺจเยน    ปจฺจโย:    สหชาตา    นานาขณิกา    ฯ
สหชาตา:       ปรามาสวิปฺปยุตฺตา       เจตนา       สมฺปยุตฺตกานํ
ขนฺธานํ    จิตฺตสมุฏฺฐานานญฺจ    รูปานํ    กมฺมปจฺจเยน   ปจฺจโย   ฯ
นานาขณิกา:  ปรามาสวิปฺปยุตฺตา  เจตนา  วิปากานํ  ขนฺธานํ  กฏตฺตา จ
รูปานํ   กมฺมปจฺจเยน   ปจฺจโย  ฯ  วิปากปจฺจเยน  ปจฺจโย:  เอกํ  ฯ
อาหารปจฺจเยน   ปจฺจโย:   จตฺตาริ   ฯ   อินฺทฺริยปจฺจเยน   ปจฺจโย:
จตฺตาริ    ฯ   ฌานปจฺจเยน   ปจฺจโย:   จตฺตาริ   ฯ   มคฺคปจฺจเยน
ปจฺจโย: จตฺตาริ ฯ สมฺปยุตฺตปจฺจเยน ปจฺจโย: เทฺว ฯ
     [๗๒๐]   ปรามาสสมฺปยุตฺโต  ธมฺโม  ปรามาสวิปฺปยุตฺตสฺส  ธมฺมสฺส
วิปฺปยุตฺตปจฺจเยน   ปจฺจโย:   สหชาตํ   ปจฺฉาชาตํ   ฯ   สงฺขิตฺตํ   ฯ
ปรามาสวิปฺปยุตฺโต       ธมฺโม      ปรามาสวิปฺปยุตฺตสฺส      ธมฺมสฺส
วิปฺปยุตฺตปจฺจเยน    ปจฺจโย:    สหชาตํ    ปุเรชาตํ   ปจฺฉาชาตํ   ฯ
สงฺขิตฺตํ     ฯ     ปรามาสวิปฺปยุตฺโต    ธมฺโม    ปรามาสสมฺปยุตฺตสฺส
ธมฺมสฺส  วิปฺปยุตฺตปจฺจเยน  ปจฺจโย:  ปุเรชาตํ: วตฺถุ ปรามาสสมฺปยุตฺตานํ
ขนฺธานํ วิปฺปยุตฺตปจฺจเยน ปจฺจโย ฯ
     [๗๒๑]   ปรามาสสมฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส
อตฺถิปจฺจเยน   ปจฺจโย:   ปรามาสสมฺปยุตฺโต   เอโก   ขนฺโธ  ติณฺณนฺนํ
ขนฺธานํ  อตฺถิปจฺจเยน  ปจฺจโย:  เทฺว  ขนฺธา ... ฯ ปรามาสสมฺปยุตฺโต
ธมฺโม        ปรามาสวิปฺปยุตฺตสฺส        ธมฺมสฺส       อตฺถิปจฺจเยน
ปจฺจโย:  ปรามาสสมฺปยุตฺตา  ขนฺธา  จิตฺตสมุฏฺฐานานํ รูปานํ อตฺถิปจฺจเยน
ปจฺจโย     ฯ     มูลํ     กาตพฺพํ     ปรามาสสมฺปยุตฺโต     ธมฺโม
ปรามาสสมฺปยุตฺตสฺส   จ  ปรามาสวิปฺปยุตฺตสฺส  จ  ธมฺมสฺส  อตฺถิปจฺจเยน
ปจฺจโย:      ปรามาสสมฺปยุตฺโต      เอโก      ขนฺโธ     ติณฺณนฺนํ
ขนฺธานํ จิตฺตสมุฏฺฐานานญฺจ รูปานํ อตฺถิปจฺจเยน ปจฺจโย ฯ
     {๗๒๑.๑}   ปรามาสวิปฺปยุตฺโต    ธมฺโม    ปรามาสวิปฺปยุตฺตสฺส
ธมฺมสฺส  อตฺถิปจฺจเยน  ปจฺจโย:  สหชาตํ  ปุเรชาตํ  ปจฺฉาชาตํ  อาหารํ
อินฺทฺริยํ  ฯ  สงฺขิตฺตํ  ฯ  ปรามาสวิปฺปยุตฺโต  ธมฺโม  ปรามาสสมฺปยุตฺตสฺส
ธมฺมสฺส  อตฺถิปจฺจเยน  ปจฺจโย:  ปุเรชาตํ:  จกฺขุํ  ... วตฺถุํ อสฺสาเทติ
อภินนฺทติ  ตํ  อารพฺภ  ราโค  ทิฏฺฐิ  อุปฺปชฺชติ  วตฺถุ ปรามาสสมฺปยุตฺตานํ
ขนฺธานํ      อตฺถิปจฺจเยน      ปจฺจโย     ฯ     ปรามาสสมฺปยุตฺโต
จ      ปรามาสวิปฺปยุตฺโต      จ     ธมฺมา     ปรามาสสมฺปยุตฺตสฺส
ธมฺมสฺส   อตฺถิปจฺจเยน   ปจฺจโย:   สหชาตํ   ปุเรชาตํ  ฯ  สหชาโต:
ปรามาสสมฺปยุตฺโต   เอโก   ขนฺโธ   จ   วตฺถุ   จ  ติณฺณนฺนํ  ขนฺธานํ
อตฺถิปจฺจเยน ปจฺจโย เทฺว ขนฺธา ... ฯ
     {๗๒๑.๒}   ปรามาสสมฺปยุตฺโต     จ     ปรามาสวิปฺปยุตฺโต
จ           ธมฺมา          ปรามาสวิปฺปยุตฺตสฺส          ธมฺมสฺส
อตฺถิปจฺจเยน   ปจฺจโย:   สหชาตํ   ปจฺฉาชาตํ   อาหารํ   อินฺทฺริยํ  ฯ
สหชาตา:  ปรามาสสมฺปยุตฺตา  ขนฺธา  จ  มหาภูตา  จ  จิตฺตสมุฏฺฐานานํ
รูปานํ   อตฺถิปจฺจเยน   ปจฺจโย   ฯ   ปจฺฉาชาตา:  ปรามาสสมฺปยุตฺตา
ขนฺธา   จ   กฬฬึกาโร   อาหาโร   จ  อิมสฺส  กายสฺส  อตฺถิปจฺจเยน
ปจฺจโย      ปจฺฉาชาตา:      ปรามาสมฺปยุตฺตา      ขนฺธา      จ
รูปชีวิตินฺทฺริยญฺจ กฏตฺตารูปานํ อตฺถิปจฺจเยน ปจฺจโย ฯ
     [๗๒๒]   เหตุยา    จตฺตาริ   อารมฺมเณ   จตฺตาริ   อธิปติยา
ปญฺจ    อนนฺตเร    จตฺตาริ   สมนนฺตเร   จตฺตาริ   สหชาเต   ปญฺจ
อญฺญมญฺเญ   เทฺว   นิสฺสเย   สตฺต   อุปนิสฺสเย   จตฺตาริ   ปุเรชาเต
เทฺว    ปจฺฉาชาเต    เทฺว    อาเสวเน    เทฺว   กมฺเม   จตฺตาริ
วิปาเก    เอกํ    อาหาเร    จตฺตาริ   อินฺทฺริเย   จตฺตาริ   ฌาเน
จตฺตาริ    มคฺเค    จตฺตาริ    สมฺปยุตฺเต    เทฺว   วิปฺปยุตฺเต   ตีณิ
อตฺถิยา สตฺต นตฺถิยา จตฺตาริ วิคเต จตฺตาริ อวิคเต สตฺต ฯ
     [๗๒๓]   ปรามาสสมฺปยุตฺโต     ธมฺโม    ปรามาสสมฺปยุตฺตสฺส
ธมฺมสฺส    อารมฺมณปจฺจเยน    ปจฺจโย:    สหชาตปจฺจเยน   ปจฺจโย:
อุปนิสฺสยปจฺจเยน ปจฺจโย: ฯ ปรามาสสมฺปยุตฺโต ธมฺโม ปรามาสวิปฺปยุตฺตสฺส
ธมฺมสฺส       อารมฺมณปจฺจเยน       ปจฺจโย:       สหชาตปจฺจเยน
ปจฺจโย:      อุปนิสฺสยปจฺจเยน      ปจฺจโย:      ปจฺฉาชาตปจฺจเยน
ปจฺจโย:     กมฺมปจฺจเยน     ปจฺจโย:     ฯ     ปรามาสสมฺปยุตฺโต
ธมฺโม    ปรามาสสมฺปยุตฺตสฺส   จ   ปรามาสวิปฺปยุตฺตสฺส   จ   ธมฺมสฺส
สหชาตปจฺจเยน ปจฺจโย: ฯ
     {๗๒๓.๑}   ปรามาสวิปฺปยุตฺโต    ธมฺโม    ปรามาสวิปฺปยุตฺตสฺส
ธมฺมสฺส       อารมฺมณปจฺจเยน       ปจฺจโย:       สหชาตปจฺจเยน
ปจฺจโย:       อุปนิสฺสยปจฺจเยน      ปจฺจโย:      ปุเรชาตปจฺจเยน
ปจฺจโย:       ปจฺฉาชาตปจฺจเยน       ปจฺจโย:       กมฺมปจฺจเยน
ปจฺจโย:   อาหารปจฺจเยน   ปจฺจโย:   อินฺทฺริยปจฺจเยน   ปจฺจโย:  ฯ
ปรามาสวิปฺปยุตฺโต  ธมฺโม  ปรามาสสมฺปยุตฺตสฺส  ธมฺมสฺส อารมฺมณปจฺจเยน
ปจฺจโย:       สหชาตปจฺจเยน       ปจฺจโย:      อุปนิสฺสยปจฺจเยน
ปจฺจโย: ปุเรชาตปจฺจเยน ปจฺจโย: ฯ
     {๗๒๓.๒}   ปรามาสสมฺปยุตฺโต  จ  ปรามาสวิปฺปยุตฺโต  จ  ธมฺมา
ปรามาสสมฺปยุตฺตสฺส       ธมฺมสฺส      สหชาตปจฺจเยน      ปจฺจโย:
ปุเรชาตปจฺจเยน        ปจฺจโย:        ปรามาสสมฺปยุตฺโต       จ
ปรามาสวิปฺปยุตฺโต        จ        ธมฺมา       ปรามาสวิปฺปยุตฺตสฺส
ธมฺมสฺส    สหชาตปจฺจเยน    ปจฺจโย:   ปจฺฉาชาตปจฺจเยน   ปจฺจโย:
อาหารปจฺจเยน ปจฺจโย: อินฺทฺริยปจฺจเยน ปจฺจโย: ฯ
     [๗๒๔]   นเหตุยา    สตฺต    นอารมฺมเณ   สตฺต   นอธิปติยา
สตฺต    นอนนฺตเร    สตฺต    นสมนนฺตเร   สตฺต   นสหชาเต   ปญฺจ
นอญฺญมญฺเญ     ปญฺจ     นนิสฺสเย     ปญฺจ     นอุปนิสฺสเย    สตฺต
นปุเรชาเต    ฉ    นปจฺฉาชาเต    สตฺต   สพฺพตฺถ   สตฺต   นมคฺเค
สตฺต     นสมฺปยุตฺเต    ปญฺจ    นวิปฺปยุตฺเต    จตฺตาริ    โนอตฺถิยา
จตฺตาริ โนนตฺถิยา สตฺต โนวิคเต สตฺต โนอวิคเต จตฺตาริ ฯ
     [๗๒๕]   เหตุปจฺจยา  นอารมฺมเณ  จตฺตาริ ... นอธิปติยา จตฺตาริ
นอนนฺตเร  จตฺตาริ  นสมนนฺตเร  จตฺตาริ  นมญฺญมญฺเญ  เทฺว นอุปนิสฺสเย
จตฺตาริ     สพฺพตฺถ     จตฺตาริ    นมคฺเค    จตฺตาริ    นสมฺปยุตฺเต
เทฺว นวิปฺปยุตฺเต เทฺว โนนตฺถิยา จตฺตาริ โนวิคเต จตฺตาริ ฯ
     [๗๒๖]   นเหตุปจฺจยา  อารมฺมเณ  จตฺตาริ  ...  อธิปติยา  ปญฺจ
อนุโลมมาติกา กาตพฺพา ... อวิคเต สตฺต ฯ
                  ปรามาสสมฺปยุตฺตทุกํ นิฏฺฐิตํ ฯ
                               -----------

             เนื้อความพระไตรปิฎกฉบับภาษาบาลี อักษรไทย เล่มที่ ๔๒ หน้าที่ ๔๑๓-๔๒๕.
https://84000.org/tipitaka/read/pali_read.php?B=42&A=8411&w=&modeTY=2
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=42&A=8411&modeTY=2
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=42&item=710&items=17
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=42&siri=99
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=42&i=710
             สารบัญพระไตรปิฎกเล่มที่ ๔๒
https://84000.org/tipitaka/read/?index_42
https://84000.org/tipitaka/english/?index_42