ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๓ ภาษาบาลี อักษรไทย พระอภิธรรมปิฎกเล่มที่ ๑๐ อภิ. ป.(๔) อนุโลมทุกปฏฺฐานํ ปจฺฉิมํ

                                  จิตฺตสมฺปยุตฺตทุกํ
                                      ปฏิจฺจวาโร
     [๑๑๖]   จิตฺตสมฺปยุตฺตํ   ธมฺมํ   ปฏิจฺจ   จิตฺตสมฺปยุตฺโต   ธมฺโม
อุปฺปชฺชติ   เหตุปจฺจยา:   จิตฺตสมฺปยุตฺตํ   เอกํ   ขนฺธํ   ปฏิจฺจ   เทฺว
ขนฺธา   เทฺว   ขนฺเธ   ปฏิจฺจ   เอโก  ขนฺโธ  ปฏิสนฺธิกฺขเณ   ฯเปฯ
จิตฺตสมฺปยุตฺตํ    ธมฺมํ    ปฏิจฺจ    จิตฺตวิปฺปยุตฺโต    ธมฺโม   อุปฺปชฺชติ
เหตุปจฺจยา:    จิตฺตสมฺปยุตฺเต    ขนฺเธ   ปฏิจฺจ   จิตฺตสมุฏฺฐานํ   รูปํ
ปฏิสนฺธิกฺขเณ    ฯเปฯ   จิตฺตสมฺปยุตฺตํ   ธมฺมํ   ปฏิจฺจ   จิตฺตสมฺปยุตฺโต
จ    จิตฺตวิปฺปยุตฺโต    จ   ธมฺมา   อุปฺปชฺชนฺติ   เหตุปจฺจยา:  จิตฺต-
สมฺปยุตฺตํ    เอกํ    ขนฺธํ    ปฏิจฺจ   เทฺว   ขนฺธา  จิตฺตสมุฏฺฐานญฺจ
รูปํ เทฺว ขนฺเธ ... ปฏิสนฺธิ ฯ
     {๑๑๖.๑}   จิตฺตวิปฺปยุตฺตํ   ธมฺมํ  ปฏิจฺจ  จิตฺตวิปฺปยุตฺโต   ธมฺโม
อุปฺปชฺชติ  เหตุปจฺจยา:  เอกํ  มหาภูตํ ... มหาภูเต ปฏิจฺจ จิตฺตสมุฏฺฐานํ
รูปํ  ปฏิสนฺธิกฺขเณ   เอกํ   มหาภูตํ  ...  มหาภูเต  ปฏิจฺจ  กฏตฺตารูปํ
อุปาทารูปํ   ฯ   จิตฺตวิปฺปยุตฺตํ   ธมฺมํ   ปฏิจฺจ   จิตฺตสมฺปยุตฺโต  ธมฺโม
อุปฺปชฺชติ   เหตุปจฺจยา:   ปฏิสนฺธิกฺขเณ   วตฺถุํ  ปฏิจฺจ  จิตฺตสมฺปยุตฺตกา
ขนฺธา  ฯ  จิตฺตวิปฺปยุตฺตํ  ธมฺมํ  ปฏิจฺจ  จิตฺตสมฺปยุตฺโต  จ จิตฺตวิปฺปยุตฺโต
จ    ธมฺมา   อุปฺปชฺชนฺติ   เหตุปจฺจยา:   ปฏิสนฺธิกฺขเณ  วตฺถุํ   ปฏิจฺจ
จิตฺตสมฺปยุตฺตกา ขนฺธา มหาภูเต ปฏิจฺจ กฏตฺตารูปํ ฯ
     {๑๑๖.๒}   จิตฺตสมฺปยุตฺตญฺจ    จิตฺตวิปฺปยุตฺตญฺจ   ธมฺมํ   ปฏิจฺจ
จิตฺตสมฺปยุตฺโต     ธมฺโม    อุปฺปชฺชติ    เหตุปจฺจยา:    ปฏิสนฺธิกฺขเณ
จิตฺตสมฺปยุตฺตํ    เอกํ    ขนฺธญฺจ    วตฺถุญฺจ    ปฏิจฺจ   เทฺว   ขนฺธา
เทฺว    ขนฺเธ   ...   ฯ   จิตฺตสมฺปยุตฺตญฺจ   จิตฺตวิปฺปยุตฺตญฺจ   ธมฺมํ
ปฏิจฺจ     จิตฺตวิปฺปยุตฺโต    ธมฺโม   อุปฺปชฺชติ   เหตุปจฺจยา:   จิตฺต-
สมฺปยุตฺเต    ขนฺเธ    จ   มหาภูเต   จ  ปฏิจฺจ  จิตฺตสมุฏฺฐานํ  รูปํ
ปฏิสนฺธิกฺขเณ    จิตฺตสมฺปยุตฺเต    ขนฺเธ   จ    มหาภูเต   จ  ปฏิจฺจ
กฏตฺตารูปํ      ฯ      จิตฺตสมฺปยุตฺตญฺจ     จิตฺตวิปฺปยุตฺตญฺจ     ธมฺมํ
ปฏิจฺจ   จิตฺตสมฺปยุตฺโต   จ   จิตฺตวิปฺปยุตฺโต   จ   ธมฺมา   อุปฺปชฺชนฺติ
เหตุปจฺจยา:   ปฏิสนฺธิกฺขเณ   จิตฺตสมฺปยุตฺตํ   เอกํ   ขนฺธญฺจ   วตฺถุญฺจ
ปฏิจฺจ   เทฺว   ขนฺธา   เทฺว  ขนฺเธ  ...  จิตฺตสมฺปยุตฺเต  ขนฺเธ  จ
มหาภูเต จ ปฏิจฺจ กฏตฺตารูปํ ฯ
     [๑๑๗]   จิตฺตสมฺปยุตฺตํ    ธมฺมํ    ปฏิจฺจ  จิตฺตสมฺปยุตฺโต  ธมฺโม
อุปฺปชฺชติ   อารมฺมณปจฺจยา:    จิตฺตสมฺปยุตฺตํ    เอกํ    ขนฺธํ   ปฏิจฺจ
เทฺว  ขนฺธา  เทฺว  ขนฺเธ  ...  ปฏิสนฺธิ  ฯ  จิตฺตวิปฺปยุตฺตํ ธมฺมํ ปฏิจฺจ
จิตฺตสมฺปยุตฺโต    ธมฺโม    อุปฺปชฺชติ   อารมฺมณปจฺจยา:   ปฏิสนฺธิกฺขเณ
วตฺถุํ     ปฏิจฺจ     จิตฺตสมฺปยุตฺตกา    ขนฺธา   ฯ    จิตฺตสมฺปยุตฺตญฺจ
จิตฺตวิปฺปยุตฺตญฺจ      ธมฺมํ      ปฏิจฺจ      จิตฺตสมฺปยุตฺโต     ธมฺโม
อุปฺปชฺชติ    อารมฺมณปจฺจยา:    ปฏิสนฺธิกฺขเณ    จิตฺตสมฺปยุตฺตํ    เอกํ
ขนฺธญฺจ วตฺถุญฺจ ปฏิจฺจ เทฺว ขนฺธา เทฺว ขนฺเธ ... สงฺขิตฺตํ ฯ
     [๑๑๘]   เหตุยา    นว    อารมฺมเณ    ตีณิ   อธิปติยา  ปญฺจ
อนนฺตเร    ตีณิ    สมนนฺตเร    ตีณิ    สหชาเต    นว   อญฺญมญฺเญ
ฉ   นิสฺสเย   นว  อุปนิสฺสเย  ตีณิ  ปุเรชาเต  เอกํ  อาเสวเน  เอกํ
กมฺเม    นว   วิปาเก  นว  อาหาเร   นว  อินฺทฺริเย  ฌาเน  มคฺเค
นว    สมฺปยุตฺเต    ตีณิ   วิปฺปยุตฺเต   นว   อตฺถิยา   นว   นตฺถิยา
ตีณิ วิคเต ตีณิ อวิคเต นว ฯ
     [๑๑๙]   จิตฺตสมฺปยุตฺตํ   ธมฺมํ   ปฏิจฺจ   จิตฺตสมฺปยุตฺโต   ธมฺโม
อุปฺปชฺชติ   นเหตุปจฺจยา:   อเหตุกํ   จิตฺตสมฺปยุตฺตํ  เอกํ  ขนฺธํ  ปฏิจฺจ
เทฺว   ขนฺธา  เทฺว  ขนฺเธ  ...  อเหตุกปฏิสนฺธิกฺขเณ  วิจิกิจฺฉาสหคเต
อุทฺธจฺจสหคเต    ขนฺเธ    ปฏิจฺจ    วิจิกิจฺฉาสหคโต    อุทฺธจฺจสหคโต
โมโห   ฯ    เอวํ   นวปิ   ปญฺหา   กาตพฺพา   อเหตุกนฺติ   สพฺพตฺถ
นิยาเมตพฺพํ เอกํ เยว โมหมูลํ ปูเรตพฺพํ ฯ
     [๑๒๐]   จิตฺตสมฺปยุตฺตํ   ธมฺมํ   ปฏิจฺจ   จิตฺตวิปฺปยุตฺโต   ธมฺโม
อุปฺปชฺชติ      นอารมฺมณปจฺจยา:    จิตฺตสมฺปยุตฺเต    ขนฺเธ    ปฏิจฺจ
จิตฺตสมุฏฺฐานํ    รูปํ    ปฏิสนฺธิ    ฯ    จิตฺตวิปฺปยุตฺตํ    ธมฺมํ  ปฏิจฺจ
จิตฺตวิปฺปยุตฺโต   ธมฺโม   อุปฺปชฺชติ   นอารมฺมณปจฺจยา:   เอกํ  มหาภูตํ
ยาว    อสญฺญสตฺตา    ฯ    จิตฺตสมฺปยุตฺตญฺจ   จิตฺตวิปฺปยุตฺตญฺจ   ธมฺมํ
ปฏิจฺจ     จิตฺตวิปฺปยุตฺโต     ธมฺโม    อุปฺปชฺชติ    นอารมฺมณปจฺจยา:
จิตฺตสมฺปยุตฺเต   ขนฺเธ   จ   มหาภูเต   จ  ปฏิจฺจ  จิตฺตสมุฏฺฐานํ  รูปํ
ปฏิสนฺธิกฺขเณ เอกํ สงฺขิตฺตํ ฯ
     [๑๒๑]   นเหตุยา   นว   นอารมฺมเณ   ตีณิ   นอธิปติยา   นว
นอนนฺตเร      ตีณิ     นสมนนฺตเร     ตีณิ     นอญฺญมญฺเญ     ตีณิ
นอุปนิสฺสเย     ตีณิ     นปุเรชาเต     นว     นปจฺฉาชาเต    นว
นอาเสวเน    นว    นกมฺเม    เทฺว   นวิปาเก   ปญฺจ   นอาหาเร
เอกํ   นอินฺทฺริเย   เอกํ   นฌาเน   เอกํ   นมคฺเค  นว  นสมฺปยุตฺเต
ตีณิ นวิปฺปยุตฺเต เทฺว โนนตฺถิยา ตีณิ โนวิคเต ตีณิ ฯ
     [๑๒๒]   เหตุปจฺจยา   นอารมฺมเณ   ตีณิ  ...  นอธิปติยา   นว
นกมฺเม   เอกํ   นวิปาเก   ปญฺจ  นสมฺปยุตฺเต  ตีณิ  นวิปฺปยุตฺเต  เอกํ
โนนตฺถิยา ตีณิ โนวิคเต ตีณิ ฯ
     [๑๒๓]   นเหตุปจฺจยา   อารมฺมเณ   ตีณิ  ...  อนนฺตเร   ตีณิ
สมนนฺตเร   ตีณิ   อญฺญมญฺเญ   ฉ   ปุเรชาเต  เอกํ  อาเสวเน  เอกํ
กมฺเม นว มคฺเค เอกํ อวิคเต นว ฯ
                          สหชาตวาโร ปฏิจฺจวารสทิโส ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๔๓ หน้าที่ ๖๖-๗๐. https://84000.org/tipitaka/read/pali_read.php?B=43&A=1333&w=&modeTY=2              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=43&A=1333&modeTY=2              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=43&item=116&items=8              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=43&siri=12              สารบัญพระไตรปิฎกเล่มที่ ๔๓ https://84000.org/tipitaka/read/?index_43 https://84000.org/tipitaka/english/?index_43

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]