พระไตรปิฎกเล่มที่ ๔๓ ภาษาบาลี อักษรไทย
 พระอภิธรรมปิฎกเล่มที่ ๑๐ อภิ. ป.(๔) อนุโลมทุกปฏฺฐานํ ปจฺฉิมํ 

                                    ปญฺหาวาโร
     [๓๗๐]   อุปาทินฺโน   ธมฺโม  อุปาทินฺนสฺส  ธมฺมสฺส  เหตุปจฺจเยน
ปจฺจโย:   อุปาทินฺนา   เหตู   สมฺปยุตฺตกานํ    ขนฺธานํ   เหตุปจฺจเยน
ปจฺจโย    ปฏิสนฺธิกฺขเณ    อุปาทินฺนา   เหตู   สมฺปยุตฺตกานํ   ขนฺธานํ
กฏตฺตา   จ   รูปานํ   เหตุปจฺจเยน   ปจฺจโย   ฯ  อุปาทินฺโน  ธมฺโม
อนุปาทินฺนสฺส    ธมฺมสฺส   เหตุปจฺจเยน   ปจฺจโย:   อุปาทินฺนา   เหตู
จิตฺตสมุฏฺฐานานํ   รูปานํ   เหตุปจฺจเยน  ปจฺจโย  ฯ  อุปาทินฺโน  ธมฺโม
อุปาทินฺนสฺส   จ   อนุปาทินฺนสฺส   จ   ธมฺมสฺส  เหตุปจฺจเยน  ปจฺจโย:
อุปาทินฺนา   เหตู   สมฺปยุตฺตกานํ   ขนฺธานํ   จิตฺตสมุฏฺฐานานญฺจ  รูปานํ
เหตุปจฺจเยน   ปจฺจโย   ฯ  อนุปาทินฺโน  ธมฺโม  อนุปาทินฺนสฺส  ธมฺมสฺส
เหตุปจฺจเยน   ปจฺจโย:   อนุปาทินฺนา   เหตู   สมฺปยุตฺตกานํ   ขนฺธานํ
จิตฺตสมุฏฺฐานานญฺจ รูปานํ เหตุปจฺจเยน ปจฺจโย ฯ
     [๓๗๑]   อุปาทินฺโน  ธมฺโม  อุปาทินฺนสฺส  ธมฺมสฺส อารมฺมณปจฺจเยน
ปจฺจโย: จกฺขุํ ... กายํ อุปาทินฺเน รูเป คนฺเธ รเส โผฏฺฐพฺเพ วตฺถุํ ...
อุปาทินฺเน   ขนฺเธ   อนิจฺจโต  ฯเปฯ  โทมนสฺสํ  อุปฺปชฺชติ  กุสลากุสเล
นิรุทฺเธ    วิปาโก    ตทารมฺมณตา    อุปฺปชฺชติ   อุปาทินฺนํ   รูปายตนํ
จกฺขุวิญฺญาณสฺส     อุปาทินฺนํ    คนฺธายตนํ    ฆานวิญฺญาณสฺส     ฯเปฯ
โผฏฺฐพฺพายตนํ กายวิญฺญาณสฺส อารมฺมณปจฺจเยน ปจฺจโย ฯ
     {๓๗๑.๑}   อุปาทินฺโน     ธมฺโม    อนุปาทินฺนสฺส    ธมฺมสฺส
อารมฺมณปจฺจเยน  ปจฺจโย:  จกฺขุํ  ...  กายํ  อุปาทินฺเน  รูเป  คนฺเธ
รเส   โผฏฺฐพฺเพ  วตฺถุํ  ...   อุปาทินฺเน   ขนฺเธ   อนิจฺจโต  ฯเปฯ
โทมนสฺสํ    อุปฺปชฺชติ    ทิพฺเพน    จกฺขุนา   อุปาทินฺนํ   รูปํ   ปสฺสติ
เจโตปริยญาเณน       อุปาทินฺนจิตฺตสมงฺคิสฺส       จิตฺตํ      ชานาติ
อุปาทินฺนา     ขนฺธา    อิทฺธิวิธญาณสฺส    เจโตปริยญาณสฺส    ปุพฺเพ-
นิวาสานุสฺสติญาณสฺส           อนาคตํสญาณสฺส          อาวชฺชนาย
อารมฺมณปจฺจเยน ปจฺจโย ฯ
     {๓๗๑.๒}   อนุปาทินฺโน     ธมฺโม    อนุปาทินฺนสฺส    ธมฺมสฺส
อารมฺมณปจฺจเยน  ปจฺจโย:  ทานํ  ...  สีลํ  ...  อุโปสถกมฺมํ  กตฺวา
ตํ  ปจฺจเวกฺขติ  อสฺสาเทติ  อภินนฺทติ  ตํ  อารพฺภ ราโค ฯเปฯ โทมนสฺสํ
อุปฺปชฺชติ  ปุพฺเพ  สุจิณฺณานิ ... ฌานา ... อริยา มคฺคา วุฏฺฐหิตฺวา มคฺคํ
ปจฺจเวกฺขนฺติ  ผลํ  ...  นิพฺพานํ  ...  นิพฺพานํ  โคตฺรภุสฺส  โวทานสฺส
มคฺคสฺส    ผลสฺส    อาวชฺชนาย   อารมฺมณปจฺจเยน   ปจฺจโย   อริยา
ปหีเน  กิเลเส  ... วิกฺขมฺภิเต  กิเลเส ...  ปุพฺเพ  สมุทาจิณฺเณ ...
อนุปาทินฺเน  รูเป  ...  สทฺเท ... โผฏฺฐพฺเพ ... อนุปาทินฺเน  ขนฺเธ
อนิจฺจโต   ฯเปฯ   โทมนสฺสํ   อุปฺปชฺชติ   ทิพฺเพน  จกฺขุนา  อนุปาทินฺนํ
รูปํ   ปสฺสติ   ทิพฺพาย   โสตธาตุยา   สทฺทํ   สุณาติ  เจโตปริยญาเณน
อนุปาทินฺนจิตฺตสมงฺคิสฺส      จิตฺตํ      ชานาติ      อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
อนุปาทินฺนา    ขนฺธา    อิทฺธิวิธญาณสฺส    เจโตปริยญาณสฺส    ปุพฺเพ-
นิวาสานุสฺสติญาณสฺส        ยถากมฺมุปคญาณสฺส        อนาคตํสญาณสฺส
อาวชฺชนาย อารมฺมณปจฺจเยน ปจฺจโย ฯ
     {๓๗๑.๓}   อนุปาทินฺโน  ธมฺโม  อุปาทินฺนสฺส  ธมฺมสฺส  อารมฺมณ-
ปจฺจเยน ปจฺจโย:  อนุปาทินฺเน  รูเป ... สทฺเท ...  โผฏฺฐพฺเพ ...
อนุปาทินฺเน   ขนฺเธ  อนิจฺจโต  ฯเปฯ  โทมนสฺสํ  อุปฺปชฺชติ  กุสลากุสเล
นิรุทฺเธ     วิปาโก    ตทารมฺมณตา    อุปฺปชฺชติ    อากาสานญฺจายตนํ
วิญฺญาณญฺจายตนสฺส       อากิญฺจญฺญายตนํ      เนวสญฺญานาสญฺญายตนสฺส
อนุปาทินฺนํ   รูปายตนํ   จกฺขุวิญฺญาณสฺส  สทฺทายตนํ  ...  โผฏฺฐพฺพายตนํ
กายวิญฺญาณสฺส อารมฺมณปจฺจเยน ปจฺจโย ฯ
     [๓๗๒]   อุปาทินฺโน  ธมฺโม  อนุปาทินฺนสฺส  ธมฺมสฺส  อธิปติปจฺจเยน
ปจฺจโย:  อารมฺมณาธิปติ:  จกฺขุํ  ...  กายํ อุปาทินฺเน รูเป คนฺเธ รเส
โผฏฺฐพฺเพ  วตฺถุํ  ...   อนุปาทินฺเน   ขนฺเธ  ครุํ   กตฺวา  อสฺสาเทติ
อภินนฺทติ   ตํ  ครุํ   กตฺวา   ราโค   อุปฺปชฺชติ   ทิฏฺฐิ   อุปฺปชฺชติ  ฯ
อนุปาทินฺโน     ธมฺโม     อนุปาทินฺนสฺส     ธมฺมสฺส    อธิปติปจฺจเยน
ปจฺจโย:  อารมฺมณาธิปติ  สหชาตาธิปติ  ฯ  อารมฺมณาธิปติ:  ทานํ  ...
สีลํ  ... อุโปสถกมฺมํ กตฺวา ตํ ครุํ กตฺวา ปจฺจเวกฺขติ อสฺสาเทติ อภินนฺทติ
ตํ ครุํ กตฺวา ราโค ฯเปฯ ทิฏฺฐิ ... ปุพฺเพ ... ฌานา ... อริยา มคฺคา
วุฏฺฐหิตฺวา  มคฺคํ  ครุํ  กตฺวา ปจฺจเวกฺขนฺติ ผลํ ... นิพฺพานํ ... นิพฺพานํ
โคตฺรภุสฺส  โวทานสฺส  มคฺคสฺส ผลสฺส อธิปติปจฺจเยน ปจฺจโย  อนุปาทินฺเน
รูเป ... สทฺเท ... โผฏฺฐพฺเพ ... อนุปาทินฺเน ขนฺเธ ครุํ กตฺวา ราโค
อุปฺปชฺชติ   ทิฏฺฐิ   อุปฺปชฺชติ   ฯ   สหชาตาธิปติ:   อนุปาทินฺนา  อธิปติ
สมฺปยุตฺตกานํ    ขนฺธานํ    จิตฺตสมุฏฺฐานานญฺจ   รูปานํ   อธิปติปจฺจเยน
ปจฺจโย ฯ
     [๓๗๓]   อุปาทินฺโน   ธมฺโม   อุปาทินฺนสฺส   ธมฺมสฺส   อนนฺตร-
ปจฺจเยน    ปจฺจโย:    ปุริมา   ปุริมา  อุปาทินฺนา  ขนฺธา  ปจฺฉิมานํ
ปจฺฉิมานํ    อุปาทินฺนานํ   ขนฺธานํ   อนนฺตรปจฺจเยน   ปจฺจโย   ปญฺจ-
วิญฺญาณํ     วิปากมโนธาตุยา    อนนฺตรปจฺจเยน    ปจฺจโย   วิปาก-
มโนธาตุ วิปากมโนวิญฺญาณธาตุยา อนนฺตรปจฺจเยน ปจฺจโย ฯ
     {๓๗๓.๑}   อุปาทินฺโน   ธมฺโม  อนุปาทินฺนสฺส  ธมฺมสฺส  อนนฺตร-
ปจฺจเยน    ปจฺจโย:    ภวงฺคํ    อาวชฺชนาย   วิปากมโนวิญฺญาณธาตุ
กิริยมโนวิญฺญาณธาตุยา    อนนฺตรปจฺจเยน    ปจฺจโย   ฯ   อนุปาทินฺโน
ธมฺโม   อนุปาทินฺนสฺส    ธมฺมสฺส   อนนฺตรปจฺจเยน   ปจฺจโย:   ปุริมา
ปุริมา    อนุปาทินฺนา   ขนฺธา   ปจฺฉิมานํ    ปจฺฉิมานํ    อนุปาทินฺนานํ
ขนฺธานํ   อนนฺตรปจฺจเยน   ปจฺจโย   อนุปาทินฺนา   ขนฺธา   วุฏฺฐานสฺส
อนนฺตรปจฺจเยน     ปจฺจโย    อนุโลมํ    โคตฺรภุสฺส    ผลสมาปตฺติยา
อนนฺตรปจฺจเยน ปจฺจโย ฯ
     {๓๗๓.๒}   อนุปาทินฺโน   ธมฺโม  อุปาทินฺนสฺส  ธมฺมสฺส  อนนฺตร-
ปจฺจเยน   ปจฺจโย:   อาวชฺชนา   ปญฺจนฺนํ   วิญฺญาณานํ   อนุปาทินฺนา
ขนฺธา  วุฏฺฐานสฺส  อนนฺตรปจฺจเยน  ปจฺจโย  ฯ  ...  สมนนฺตรปจฺจเยน
ปจฺจโย:  สหชาตปจฺจเยน  ปจฺจโย:  ปญฺจ ปฏิจฺจสทิสา ฯ ... อญฺญมญฺญ-
ปจฺจเยน  ปจฺจโย:  เทฺว  ปฏิจฺจสทิสา  ฯ ... นิสฺสยปจฺจเยน ปจฺจโย:
ปจฺจยวาเร นิสฺสยสทิสา ปญฺจ ฯ
     [๓๗๔]   อุปาทินฺโน   ธมฺโม   อุปาทินฺนสฺส   ธมฺมสฺส  อุปนิสฺสย-
ปจฺจเยน     ปจฺจโย:     อนนฺตรูปนิสฺสโย    ปกตูปนิสฺสโย    ฯเปฯ
ปกตูปนิสฺสโย:   กายิกํ   สุขํ   กายิกสฺส   สุขสฺส   กายิกสฺส   ทุกฺขสฺส
อุปนิสฺสยปจฺจเยน  ปจฺจโย  กายิกํ  ทุกฺขํ  ...  อุปาทินฺนํ อุตุ ... โภชนํ
กายิกสฺส    สุขสฺส    กายิกสฺส   ทุกฺขสฺส   อุปนิสฺสยปจฺจเยน   ปจฺจโย
กายิกํ สุขํ ... กายิกํ ทุกฺขํ ... อุตุ ... โภชนํ กายิกสฺส สุขสฺส กายิกสฺส
ทุกฺขสฺส อุปนิสฺสยปจฺจเยน ปจฺจโย ฯ
     {๓๗๔.๑}   อุปาทินฺโน  ธมฺโม  อนุปาทินฺนสฺส  ธมฺมสฺส  อุปนิสฺสย-
ปจฺจเยน   ปจฺจโย:   อารมฺมณูปนิสฺสโย  อนนฺตรูปนิสฺสโย  ปกตูปนิสฺสโย
ฯเปฯ   ปกตูปนิสฺสโย:  กายิกํ  สุขํ  อุปนิสฺสาย  ทานํ  เทติ ฯเปฯ สงฺฆํ
ภินฺทติ  กายิกํ  ทุกฺขํ  ... อุปาทินฺนํ อุตุํ ... โภชนํ อุปนิสฺสาย ทานํ เทติ
ฯเปฯ  สมาปตฺตึ  อุปฺปาเทติ  ฯเปฯ  สงฺฆํ  ภินฺทติ กายิกํ สุขํ ... กายิกํ
ทุกฺขํ  ... อุตุ ... โภชนํ สทฺธาย ฯเปฯ ปตฺถนาย มคฺคสฺส ผลสมาปตฺติยา
อุปนิสฺสยปจฺจเจน ปจฺจโย ฯ
     {๓๗๔.๒}   อนุปาทินฺโน     ธมฺโม    อนุปาทินฺนสฺส    ธมฺมสฺส
อุปนิสฺสยปจฺจเยน     ปจฺจโย:     อารมฺมณูปนิสฺสโย    อนนฺตรูปนิสฺสโย
ปกตูปนิสฺสโย   ฯเปฯ   ปกตูปนิสฺสโย:   สทฺธํ   อุปนิสฺสาย  ทานํ  เทติ
มานํ  ชปฺเปติ  ทิฏฺฐึ  คณฺหาติ สีลํ ฯเปฯ ปตฺถนํ ... อุตุํ ... โภชนํ ...
เสนาสนํ   อุปนิสฺสาย  ทานํ  เทติ  ฯเปฯ  สงฺฆํ  ภินฺทติ  สทฺธา  ฯเปฯ
ปตฺถนา  ...  อุตุ ... โภชนํ ... เสนาสนํ  สทฺธาย  ฯเปฯ  ปตฺถนาย
มคฺคสฺส ผลสมาปตฺติยา อุปนิสฺสยปจฺจเยน ปจฺจโย ฯ
     {๓๗๔.๓}   อนุปาทินฺโน  ธมฺโม  อุปาทินฺนสฺส  ธมฺมสฺส  อุปนิสฺสย-
ปจฺจเยน   ปจฺจโย:   อนนฺตรูปนิสฺสโย   ปกตูปนิสฺสโย  ฯเปฯ  ปกตูป-
นิสฺสโย:  สทฺธํ  อุปนิสฺสาย  อตฺตานํ  อาตาเปติ ปริตาเปติ ปริยิฏฺฐิ ...
สีลํ  ฯเปฯ  ปตฺถนํ ... อุตุํ ... โภชนํ ... เสนาสนํ อุปนิสฺสาย อตฺตานํ
อาตาเปติ  ปริตาเปติ  ปริยิฏฺฐิ  ...  สทฺธา  ฯเปฯ  เสนาสนํ กายิกสฺส
สุขสฺส    กายิกสฺส   ทุกฺขสฺส   อุปนิสฺสยปจฺจเยน   ปจฺจโย   กุสลากุสลํ
กมฺมํ วิปากสฺส อุปนิสฺสยปจฺจเยน ปจฺจโย ฯ
     [๓๗๕]   อุปาทินฺโน   ธมฺโม   อุปาทินฺนสฺส   ธมฺมสฺส  ปุเรชาต-
ปจฺจเยน   ปจฺจโย:   อารมฺมณปุเรชาตํ   วตฺถุปุเรชาตํ  ฯ  อารมฺมณ-
ปุเรชาตํ:  จกฺขุํ  ...  กายํ  อุปาทินฺเน  รูเป  คนฺเธ โผฏฺฐพฺเพ ...
วตฺถุํ   อนิจฺจโต  ฯเปฯ  โทมนสฺสํ  ...  กุสลากุสเล  นิรุทฺเธ  วิปาโก
ตทารมฺมณตา     อุปฺปชฺชติ     อุปาทินฺนํ    รูปายตนํ    จกฺขุวิญฺญาณสฺส
คนฺธายตนํ   ...   โผฏฺฐพฺพายตนํ   กายวิญฺญาณสฺส   ฯ  วตฺถุปุเรชาตํ:
จกฺขายตนํ     จกฺขุวิญฺญาณสฺส     กายายตนํ    กายวิญฺญาณสฺส    วตฺถุ
อุปาทินฺนานํ ขนฺธานํ ปุเรชาตปจฺจเยน ปจฺจโย ฯ
     {๓๗๕.๑}   อุปาทินฺโน     ธมฺโม    อนุปาทินฺนสฺส    ธมฺมสฺส
ปุเรชาตปจฺจเยน    ปจฺจโย:    อารมฺมณปุเรชาตํ    วตฺถุปุเรชาตํ   ฯ
อารมฺมณปุเรชาตํ:   จกฺขุํ   ...  กายํ  อุปาทินฺเน  รูเป  คนฺเธ  รเส
โผฏฺฐพฺเพ    ...    วตฺถุํ   อนิจฺจโต   ฯเปฯ   โทมนสฺสํ   อุปฺปชฺชติ
ทิพฺเพน    จกฺขุนา    อุปาทินฺนํ    รูปํ    ปสฺสติ   ฯ   วตฺถุปุเรชาตํ:
วตฺถุ    อนุปาทินฺนานํ    ขนฺธานํ    ปุเรชาตปจฺจเยน    ปจฺจโย    ฯ
อนุปาทินฺโน     ธมฺโม    อนุปาทินฺนสฺส    ธมฺมสฺส    ปุเรชาตปจฺจเยน
ปจฺจโย:  อารมฺมณปุเรชาตํ:  อนุปาทินฺเน  รูเป  ... สทฺเท ... คนฺเธ
...   โผฏฺฐพฺเพ   อนิจฺจโต   ฯเปฯ   โทมนสฺสํ   อุปฺปชฺชติ   ทิพฺเพน
จกฺขุนา    อนุปาทินฺนํ    รูปํ    ปสฺสติ   ทิพฺพาย   โสตธาตุยา   สทฺทํ
สุณาติ ฯ
     {๓๗๕.๒}   อนุปาทินฺโน ธมฺโม อุปาทินฺนสฺส ธมฺมสฺส ปุเรชาตปจฺจเยน
ปจฺจโย:  อารมฺมณปุเรชาตํ: อนุปาทินฺเน รูเป ... คนฺเธ ... โผฏฺฐพฺเพ
อนิจฺจโต   ฯเปฯ   โทมนสฺสํ   อุปฺปชฺชติ  กุสลากุสเล  นิรุทฺเธ  วิปาโก
ตทารมฺมณตา     อุปฺปชฺชติ    อนุปาทินฺนํ    รูปายตนํ    จกฺขุวิญฺญาณสฺส
สทฺทายตนํ    ...   โผฏฺฐพฺพายตนํ   กายวิญฺญาณสฺส   ปุเรชาตปจฺจเยน
ปจฺจโย วตฺถุ อุปาทินฺนานํ ขนฺธานํ ปุเรชาตปจฺจเยน ปจฺจโย ฯ
     {๓๗๕.๓}   อุปาทินฺโน   จ  อนุปาทินฺโน  จ  ธมฺมา  อุปาทินฺนสฺส
ธมฺมสฺส  ปุเรชาตปจฺจเยน  ปจฺจโย:  อารมฺมณปุเรชาตํ  วตฺถุปุเรชาตํ  ฯ
อนุปาทินฺนํ    รูปายตนญฺจ    วตฺถุ   จ   โผฏฺฐพฺพายตนญฺจ   วตฺถุ   จ
อุปาทินฺนานํ     ขนฺธานํ     ปุเรชาตปจฺจเยน    ปจฺจโย    อนุปาทินฺนํ
รูปายตนญฺจ       จกฺขายตนญฺจ      จกฺขุวิญฺญาณสฺส      สทฺทายตนญฺจ
...    โผฏฺฐพฺพายตนญฺจ   กายายตนญฺจ   กายวิญฺญาณสฺส    ปุเรชาต-
ปจฺจเยน ปจฺจโย ฯ
     {๓๗๕.๔}   อุปาทินฺโน จ อนุปาทินฺโน จ ธมฺมา อนุปาทินฺนสฺส ธมฺมสฺส
ปุเรชาตปจฺจเยน  ปจฺจโย:  อารมฺมณปุเรชาตํ วตฺถุปุเรชาตํ ฯ  อนุปาทินฺนํ
รูปายตนญฺจ  วตฺถุ   จ  โผฏฺฐพฺพายตนญฺจ  วตฺถุ  จ อนุปาทินฺนานํ ขนฺธานํ
ปุเรชาตปจฺจเยน ปจฺจโย ฯ
     [๓๗๖]   อุปาทินฺโน   ธมฺโม   อุปาทินฺนสฺส  ธมฺมสฺส  ปจฺฉาชาต-
ปจฺจเยน    ปจฺจโย:  ปจฺฉาชาตา:  อุปาทินฺนา   ขนฺธา   ปุเรชาตสฺส
อิมสฺส    อุปาทินฺนสฺส    กายสฺส    ปจฺฉาชาตปจฺจเยน    ปจฺจโย   ฯ
อุปาทินฺโน     ธมฺโม    อนุปาทินฺนสฺส    ธมฺมสฺส    ปจฺฉาชาตปจฺจเยน
ปจฺจโย:    ปจฺฉาชาตา:    อุปาทินฺนา   ขนฺธา   ปุเรชาตสฺส   อิมสฺส
อนุปาทินฺนสฺส   กายสฺส   ปจฺฉาชาตปจฺจเยน   ปจฺจโย   ฯ   อุปาทินฺโน
ธมฺโม   อุปาทินฺนสฺส   จ  อนุปาทินฺนสฺส  จ  ธมฺมสฺส  ปจฺฉาชาตปจฺจเยน
ปจฺจโย:   ฯ   สงฺขิตฺตํ  ฯ  อนุปาทินฺโน  ธมฺโม  อนุปาทินฺนสฺส  ธมฺมสฺส
ปจฺฉาชาตปจฺจเยน  ปจฺจโย:   ฯ   สงฺขิตฺตํ   ฯ   อนุปาทินฺโน   ธมฺโม
อุปาทินฺนสฺส   ธมฺมสฺส   ปจฺฉาชาตปจฺจเยน   ปจฺจโย:  ฯ   สงฺขิตฺตํ  ฯ
อนุปาทินฺโน    ธมฺโม    อุปาทินฺนสฺส    จ   อนุปาทินฺนสฺส  จ  ธมฺมสฺส
ปจฺฉาชาตปจฺจเยน ปจฺจโย: ฯ สงฺขิตฺตํ ฯ
     [๓๗๗]   อนุปาทินฺโน   ธมฺโม  อนุปาทินฺนสฺส  ธมฺมสฺส  อาเสวน-
ปจฺจเยน ปจฺจโย: ฯ
     [๓๗๘]   อุปาทินฺโน   ธมฺโม  อุปาทินฺนสฺส  ธมฺมสฺส  กมฺมปจฺจเยน
ปจฺจโย:   อุปาทินฺนา   เจตนา   สมฺปยุตฺตกานํ   ขนฺธานํ  กมฺมปจฺจเยน
ปจฺจโย   ปฏิสนฺธิกฺขเณ   อุปาทินฺนา   เจตนา   สมฺปยุตฺตกานํ   ขนฺธานํ
กฏตฺตา   จ   รูปานํ   กมฺมปจฺจเยน   ปจฺจโย   ฯ  อุปาทินฺโน  ธมฺโม
อนุปาทินฺนสฺส   ธมฺมสฺส   กมฺมปจฺจเยน   ปจฺจโย:   อุปาทินฺนา  เจตนา
จิตฺตสมุฏฺฐานานํ   รูปานํ   กมฺมปจฺจเยน  ปจฺจโย  ฯ  อุปาทินฺโน  ธมฺโม
อุปาทินฺนสฺส   จ   อนุปาทินฺนสฺส   จ   ธมฺมสฺส  กมฺมปจฺจเยน  ปจฺจโย:
อุปาทินฺนา    เจตนา    สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ   กมฺมปจฺจเยน   ปจฺจโย   ฯ  อนุปาทินฺโน  ธมฺโม  อนุปาทินฺนสฺส
ธมฺมสฺส   กมฺมปจฺจเยน   ปจฺจโย:   อนุปาทินฺนา  เจตนา  สมฺปยุตฺตกานํ
ขนฺธานํ    จิตฺตสมุฏฺฐานานญฺจ    รูปานํ    กมฺมปจฺจเยน   ปจฺจโย   ฯ
อนุปาทินฺโน   ธมฺโม   อุปาทินฺนสฺส   ธมฺมสฺส   กมฺมปจฺจเยน   ปจฺจโย:
นานาขณิกา:   อนุปาทินฺนา   เจตนา   วิปากานํ   ขนฺธานํ  กฏตฺตา  จ
รูปานํ กมฺมปจฺจเยน ปจฺจโย ฯ
     [๓๗๙]   อุปาทินฺโน  ธมฺโม  อุปาทินฺนสฺส  ธมฺมสฺส  วิปากปจฺจเยน
ปจฺจโย:  อุปาทินฺโน  เอโก  ขนฺโธ  สงฺขิตฺตํ  ฯ  อุปาทินฺนมูลเก  ตีณิ ฯ
อนุปาทินฺโน   ธมฺโม   อนุปาทินฺนสฺส   ธมฺมสฺส  วิปากปจฺจเยน  ปจฺจโย:
วิปาโก  อนุปาทินฺโน  เอโก  ขนฺโธ  ติณฺณนฺนํ  ขนฺธานํ จิตฺตสมุฏฺฐานานญฺจ
รูปานํ วิปากปจฺจเยน ปจฺจโย เทฺว ขนฺเธ ... ฯ
     [๓๘๐]   อุปาทินฺโน  ธมฺโม  อุปาทินฺนสฺส  ธมฺมสฺส  อาหารปจฺจเยน
ปจฺจโย:   อุปาทินฺนา  อาหารา  สมฺปยุตฺตกานํ  ขนฺธานํ  อาหารปจฺจเยน
ปจฺจโย   ปฏิสนฺธิ  อุปาทินฺโน  กพฬึกาโร  อาหาโร  อิมสฺส  อุปาทินฺนสฺส
กายสฺส   อาหารปจฺจเยน  ปจฺจโย  ฯ  อุปาทินฺโน  ธมฺโม  อนุปาทินฺนสฺส
ธมฺมสฺส    อาหารปจฺจเยน   ปจฺจโย:   อุปาทินฺนา   อาหารา   จิตฺต-
สมุฏฺฐานานํ    รูปานํ    อุปาทินฺโน    กพฬึกาโร   อาหาโร   อิมสฺส
อนุปาทินฺนสฺส กายสฺส อาหารปจฺจเยน ปจฺจโย ฯ
     {๓๘๐.๑}   อุปาทินฺโน   ธมฺโม   อุปาทินฺนสฺส  จ  อนุปาทินฺนสฺส จ
ธมฺมสฺส   อาหารปจฺจเยน  ปจฺจโย:  อุปาทินฺนา  อาหารา  สมฺปยุตฺตกานํ
ขนฺธานํ    จิตฺตสมุฏฺฐานานญฺจ   รูปานํ   กพฬึกาโร   อาหาโร   อิมสฺส
อุปาทินฺนสฺส  จ  อนุปาทินฺนสฺส  จ  กายสฺส  อาหารปจฺจเยน  ปจฺจโย  ฯ
อนุปาทินฺโน   ธมฺโม   อนุปาทินฺนสฺส  ธมฺมสฺส  อาหารปจฺจเยน  ปจฺจโย:
อนุปาทินฺนา   อาหารา   สมฺปยุตฺตกานํ    ขนฺธานํ    จิตฺตสมุฏฺฐานานญฺจ
รูปานํ  อาหารปจฺจเยน   ปจฺจโย   อนุปาทินฺโน   กพฬึกาโร   อาหาโร
อิมสฺส อนุปาทินฺนสฺส กายสฺส อาหารปจฺจเยน ปจฺจโย ฯ
     {๓๘๐.๒}   อนุปาทินฺโน   ธมฺโม  อุปาทินฺนสฺส  ธมฺมสฺส  อาหาร-
ปจฺจเยน    ปจฺจโย:    อนุปาทินฺโน   กพฬึกาโร   อาหาโร   อิมสฺส
อุปาทินฺนสฺส   กายสฺส  อาหารปจฺจเยน  ปจฺจโย  ฯ  อนุปาทินฺโน  ธมฺโม
อุปาทินฺนสฺส   จ   อนุปาทินฺนสฺส  จ  ธมฺมสฺส  อาหารปจฺจเยน  ปจฺจโย:
อนุปาทินฺโน  กพฬึกาโร  อาหาโร  อิมสฺส  อุปาทินฺนสฺส  จ  อนุปาทินฺนสฺส
จ  กายสฺส  อาหารปจฺจเยน  ปจฺจโย  ฯ  อุปาทินฺโน  จ  อนุปาทินฺโน จ
ธมฺมา   อุปาทินฺนสฺส   ธมฺมสฺส   อาหารปจฺจเยน   ปจฺจโย:  อุปาทินฺโน
จ   อนุปาทินฺโน  จ  กพฬึกาโร  อาหาโร  อิมสฺส  อุปาทินฺนสฺส  กายสฺส
อาหารปจฺจเยน ปจฺจโย ฯ
     {๓๘๐.๓}   อุปาทินฺโน  จ  อนุปาทินฺโน  จ  ธมฺมา  อนุปาทินฺนสฺส
ธมฺมสฺส   อาหารปจฺจเยน  ปจฺจโย:  อุปาทินฺโน   จ   อนุปาทินฺโน   จ
กพฬึกาโร   อาหาโร   อิมสฺส   อนุปาทินฺนสฺส  กายสฺส  อาหารปจฺจเยน
ปจฺจโย  ฯ  อุปาทินฺโน   จ   อนุปาทินฺโน   จ   ธมฺมา อุปาทินฺนสฺส  จ
อนุปาทินฺนสฺส   จ   ธมฺมสฺส   อาหารปจฺจเยน  ปจฺจโย:  อุปาทินฺโน  จ
อนุปาทินฺโน    จ    กพฬึกาโร   อาหาโร   อิมสฺส   อุปาทินฺนสฺส   จ
อนุปาทินฺนสฺส จ กายสฺส อาหารปจฺจเยน ปจฺจโย ฯ
     [๓๘๑]   อุปาทินฺโน  ธมฺโม  อุปาทินฺนสฺส  ธมฺมสฺส  อินฺทฺริยปจฺจเยน
ปจฺจโย:   อุปาทินฺนา  อินฺทฺริยา  สมฺปยุตฺตกานํ  ขนฺธานํ  อินฺทฺริยปจฺจเยน
ปจฺจโย   ปฏิสนฺธิกฺขเณ   อุปาทินฺนา   อินฺทฺริยา   สมฺปยุตฺตกานํ  ขนฺธานํ
กฏตฺตา  จ  รูปานํ  อินฺทฺริยปจฺจเยน  ปจฺจโย  จกฺขุนฺทฺริยํ  จกฺขุวิญฺญาณสฺส
กายินฺทฺริยํ  ...  รูปชีวิตินฺทฺริยํ  กฏตฺตารูปานํ  อินฺทฺริยปจฺจเยน ปจฺจโย ฯ
อุปาทินฺโน    ธมฺโม    อนุปาทินฺนสฺส  ธมฺมสฺส   ฯเปฯ   อุปาทินฺนมูลเก
ตีณิ   ปฐมสฺเสว   รูปชีวิตินฺทฺริยํ  อิตเรสุ  นตฺถิ  ฯ  อนุปาทินฺโน  ธมฺโม
อนุปาทินฺนสฺส    ธมฺมสฺส    อินฺทฺริยปจฺจเยน    ปจฺจโย:    อนุปาทินฺนา
อินฺทฺริยา     สมฺปยุตฺตกานํ     ขนฺธานํ    จิตฺตสมุฏฺฐานานญฺจ    รูปานํ
อินฺทฺริยปจฺจเยน ปจฺจโย ฯ
     [๓๘๒]   อุปาทินฺโน   ธมฺโม  อุปาทินฺนสฺส  ธมฺมสฺส  ฌานปจฺจเยน
ปจฺจโย:  จตฺตาริ ฯ ... มคฺคปจฺจเยน ปจฺจโย: จตฺตาริ สมฺปยุตฺตปจฺจเยน
ปจฺจโย: เทฺว ฯ
     [๓๘๓]   อุปาทินฺโน   ธมฺโม   อุปาทินฺนสฺส   ธมฺมสฺส  วิปฺปยุตฺต-
ปจฺจเยน  ปจฺจโย:   สหชาตํ   ปุเรชาตํ   ปจฺฉาชาตํ  ฯ   สหชาตา:
ปฏิสนฺธิกฺขเณ    อุปาทินฺนา    ขนฺธา   กฏตฺตารูปานํ   วิปฺปยุตฺตปจฺจเยน
ปจฺจโย   ขนฺธา   วตฺถุสฺส   วิปฺปยุตฺตปจฺจเยน  ปจฺจโย  วตฺถุ   ขนฺธานํ
วิปฺปยุตฺตปจฺจเยน   ปจฺจโย   ฯ   ปุเรชาตํ:  จกฺขายตนํ  จกฺขุวิญฺญาณสฺส
กายายตนํ   กายวิญฺญาณสฺส   วตฺถุ   อุปาทินฺนานํ   ขนฺธานํ   วิปฺปยุตฺต-
ปจฺจเยน  ปจฺจโย  ฯ   ปจฺฉาชาตา:  อุปาทินฺนา   ขนฺธา  ปุเรชาตสฺส
อิมสฺส อุปาทินฺนสฺส กายสฺส วิปฺปยุตฺตปจฺจเยน ปจฺจโย  ฯ
     {๓๘๓.๑}   อุปาทินฺโน  ธมฺโม  อนุปาทินฺนสฺส  ธมฺมสฺส  วิปฺปยุตฺต-
ปจฺจเยน  ปจฺจโย:  สหชาตํ ปุเรชาตํ ปจฺฉาชาตํ ฯ สหชาตา: อุปาทินฺนา
ขนฺธา  จิตฺตสมุฏฺฐานานํ  รูปานํ  วิปฺปยุตฺตปจฺจเยน  ปจฺจโย  ฯ ปุเรชาตํ:
วตฺถุ   อนุปาทินฺนานํ   ขนฺธานํ   จิตฺตสมุฏฺฐานานญฺจ   รูปานํ  วิปฺปยุตฺต-
ปจฺจเยน  ปจฺจโย  ฯ   ปจฺฉาชาตา:   อุปาทินฺนา   ขนฺธา ปุเรชาตสฺส
อิมสฺส อนุปาทินฺนสฺส กายสฺส วิปฺปยุตฺตปจฺจเยน ปจฺจโย ฯ
     {๓๘๓.๒}   อุปาทินฺโน  ธมฺโม  อุปาทินฺนสฺส  จ  อนุปาทินฺนสฺส  จ
ธมฺมสฺส   วิปฺปยุตฺตปจฺจเยน   ปจฺจโย   ปจฺฉาชาตา:  อุปาทินฺนา  ขนฺธา
ปุเรชาตสฺส    อิมสฺส   อุปาทินฺนสฺส   จ   อนุปาทินฺนสฺส   จ   กายสฺส
วิปฺปยุตฺตปจฺจเยน    ปจฺจโย   ฯ   อนุปาทินฺโน   ธมฺโม   อนุปาทินฺนสฺส
ธมฺมสฺส  วิปฺปยุตฺตปจฺจเยน  ปจฺจโย:  สหชาตํ  ปจฺฉาชาตํ  ฯ  สหชาตา:
อนุปาทินฺนา  ขนฺธา  จิตฺตสมุฏฺฐานานํ  รูปานํ  วิปฺปยุตฺตปจฺจเยน ปจฺจโย ฯ
ปจฺฉาชาตา:   อนุปาทินฺนา   ขนฺธา   ปุเรชาตสฺส  อิมสฺส  อนุปาทินฺนสฺส
กายสฺส  วิปฺปยุตฺตปจฺจเยน  ปจฺจโย  ฯ  อนุปาทินฺโน  ธมฺโม  อุปาทินฺนสฺส
ธมฺมสฺส   วิปฺปยุตฺตปจฺจเยน  ปจฺจโย:  ปจฺฉาชาตา:  อนุปาทินฺนา  ขนฺธา
ปุเรชาตสฺส  อิมสฺส  อุปาทินฺนสฺส  กายสฺส  วิปฺปยุตฺตปจฺจเยน  ปจฺจโย  ฯ
อนุปาทินฺโน    ธมฺโม   อุปาทินฺนสฺส   จ   อนุปาทินฺนสฺส   จ   ธมฺมสฺส
วิปฺปยุตฺตปจฺจเยน  ปจฺจโย:  ปจฺฉาชาตา:  อนุปาทินฺนา ขนฺธา ปุเรชาตสฺส
อิมสฺส   อุปาทินฺนสฺส   จ   อนุปาทินฺนสฺส  จ  กายสฺส  วิปฺปยุตฺตปจฺจเยน
ปจฺจโย ฯ
     [๓๘๔]   อุปาทินฺโน   ธมฺโม  อุปาทินฺนสฺส  ธมฺมสฺส  อตฺถิปจฺจเยน
ปจฺจโย:  สหชาตํ  ปุเรชาตํ  ปจฺฉาชาตํ  อาหารํ  อินฺทฺริยํ  ฯ สงฺขิตฺตํ ฯ
ยถา   นิกฺขิตฺตปทานิ   วิภชิตพฺพานิ   ปริปุณฺณานิ   ฯ  อุปาทินฺโน  ธมฺโม
อนุปาทินฺนสฺส    ธมฺมสฺส   อตฺถิปจฺจเยน  ปจฺจโย:   สหชาตํ   ปุเรชาตํ
ปจฺฉาชาตํ อาหารํ ฯ สงฺขิตฺตํ ฯ ยถา นิกฺขิตฺตปทานิ วิตฺถาเรตพฺพานิ ฯ
     {๓๘๔.๑}   อุปาทินฺโน  ธมฺโม  อุปาทินฺนสฺส  จ  อนุปาทินฺนสฺส  จ
ธมฺมสฺส   อตฺถิปจฺจเยน   ปจฺจโย:   สหชาตํ   ปจฺฉาชาตํ   อาหารํ  ฯ
สงฺขิตฺตํ   ฯ   ยถา  นิกฺขิตฺตปทานิ   วิตฺถาเรตพฺพานิ   ฯ   อนุปาทินฺโน
ธมฺโม    อนุปาทินฺนสฺส    ธมฺมสฺส   อตฺถิปจฺจเยน   ปจฺจโย:   สหชาตํ
ปุเรชาตํ   ปจฺฉาชาตํ   อาหารํ   ฯ   สงฺขิตฺตํ  ฯ  ยถา  นิกฺขิตฺตปทานิ
วิภชิตพฺพานิ ฯ
     {๓๘๔.๒}   อนุปาทินฺโน   ธมฺโม   อุปาทินฺนสฺส   ธมฺมสฺส  อตฺถิ-
ปจฺจเยน  ปจฺจโย:   ปุเรชาตํ   ปจฺฉาชาตํ   อาหารํ   ฯ  ปุเรชาตํ:
ปุเรชาเต  อนุปาทินฺเน  รูเป ... สทฺเท ... โผฏฺฐพฺเพ อนิจฺจโต ฯเปฯ
โทมนสฺสํ    อุปฺปชฺชติ   กุสลากุสเล   นิรุทฺเธ   วิปาโก   ตทารมฺมณตา
อุปฺปชฺชติ  อนุปาทินฺนํ  รูปายตนํ  จกฺขุวิญฺญาณสฺส  โผฏฺฐพฺพายตนํ  ...  ฯ
ปจฺฉาชาตา:   อนุปาทินฺนา   ขนฺธา  ปุเรชาตสฺส   อิมสฺส   อุปาทินฺนสฺส
กายสฺส   อตฺถิปจฺจเยน   ปจฺจโย   อนุปาทินฺโน   กพฬึกาโร   อาหาโร
อิมสฺส อุปาทินฺนสฺส กายสฺส อตฺถิปจฺจเยน ปจฺจโย ฯ
     {๓๘๔.๓}   อนุปาทินฺโน   ธมฺโม   อุปาทินฺนสฺส  จ  อนุปาทินฺนสฺส
จ  ธมฺมสฺส  อตฺถิปจฺจเยน  ปจฺจโย:  ปจฺฉาชาตํ  อาหารํ ฯ ปจฺฉาชาตา:
อนุปาทินฺนา   ขนฺธา  ปุเรชาตสฺส  อิมสฺส  อุปาทินฺนสฺส  จ  อนุปาทินฺนสฺส
จ   กายสฺส   อตฺถิปจฺจเยน  ปจฺจโย  อนุปาทินฺโน  กพฬึกาโร  อาหาโร
อิมสฺส   อุปาทินฺนสฺส   จ   อนุปาทินฺนสฺส   จ   กายสฺส   อตฺถิปจฺจเยน
ปจฺจโย ฯ
     {๓๘๔.๔}   อุปาทินฺโน   จ  อนุปาทินฺโน  จ  ธมฺมา  อุปาทินฺนสฺส
ธมฺมสฺส  อตฺถิปจฺจเยน  ปจฺจโย:  ปุเรชาตํ  ปจฺฉาชาตํ อาหารํ อินฺทฺริยํ ฯ
ปุเรชาตํ:    อนุปาทินฺนํ    รูปายตนญฺจ   วตฺถุ   จ   โผฏฺฐพฺพายตนญฺจ
วตฺถุ    จ   อุปาทินฺนานํ   ขนฺธานํ   อตฺถิปจฺจเยน  ปจฺจโย  อนุปาทินฺนํ
รูปายตนญฺจ       จกฺขายตนญฺจ       จกฺขุวิญฺญาณสฺส       อนุปาทินฺนํ
โผฏฺฐพฺพายตนญฺจ     กายายตนญฺจ     กายวิญฺญาณสฺส     อตฺถิปจฺจเยน
ปจฺจโย  ฯ  ปจฺฉาชาตา:  อนุปาทินฺนา  ขนฺธา  จ อนุปาทินฺโน กพฬึกาโร
อาหาโร   จ   อิมสฺส  อุปาทินฺนสฺส  กายสฺส  อตฺถิปจฺจเยน  ปจฺจโย  ฯ
ปจฺฉาชาตา:   อุปาทินฺนา   ขนฺธา   จ   รูปชีวิตินฺทฺริยญฺจ  กฏตฺตารูปานํ
อตฺถิปจฺจเยน ปจฺจโย ฯ
     {๓๘๔.๕}   อุปาทินฺโน จ อนุปาทินฺโน จ ธมฺมา อนุปาทินฺนสฺส ธมฺมสฺส
อตฺถิปจฺจเยน  ปจฺจโย:  สหชาตํ ปุเรชาตํ ปจฺฉาชาตํ อาหารํ ฯ สหชาตา:
อุปาทินฺนา  ขนฺธา  จ  มหาภูตา  จ  จิตฺตสมุฏฺฐานานํ รูปานํ อตฺถิปจฺจเยน
ปจฺจโย  ฯ  สหชาโต:  อนุปาทินฺโน  เอโก  ขนฺโธ  จ  วตฺถุ จ ติณฺณนฺนํ
ขนฺธานํ  อตฺถิปจฺจเยน  ปจฺจโย  เทฺว ขนฺธา ... ฯ ปุเรชาตํ: อนุปาทินฺนํ
รูปายตนญฺจ   วตฺถุ   จ   อนุปาทินฺนานํ  ขนฺธานํ  อตฺถิปจฺจเยน  ปจฺจโย
โผฏฺฐพฺพายตนญฺจ   วตฺถุ   จ    อนุปาทินฺนานํ   ขนฺธานํ   อตฺถิปจฺจเยน
ปจฺจโย  ฯ  ปจฺฉาชาตา:  อุปาทินฺนา  ขนฺธา  จ  อนุปาทินฺโน กพฬึกาโร
อาหาโร จ อิมสฺส อนุปาทินฺนสฺส กายสฺส อตฺถิปจฺจเยน ปจฺจโย ฯ
     {๓๘๔.๖}   อุปาทินฺโน  จ  อนุปาทินฺโน  จ  ธมฺมา  อุปาทินฺนสฺส จ
อนุปาทินฺนสฺส  จ  ธมฺมสฺส  อตฺถิปจฺจเยน  ปจฺจโย:  อาหารํ:  อุปาทินฺโน
จ  อนุปาทินฺโน   จ   กพฬึกาโร   อาหาโร   อิมสฺส   อุปาทินฺนสฺส  จ
อนุปาทินฺนสฺส  จ  กายสฺส  อตฺถิปจฺจเยน  ปจฺจโย  ฯ  ... นตฺถิปจฺจเยน
ปจฺจโย: วิคตปจฺจเยน ปจฺจโย: อวิคตปจฺจเยน ปจฺจโย: ฯ
     [๓๘๕]   เหตุยา   จตฺตาริ  อารมฺมเณ  จตฺตาริ  อธิปติยา  เทฺว
อนนฺตเร     จตฺตาริ     สมนนฺตเร     จตฺตาริ     สหชาเต   ปญฺจ
อญฺญมญฺเญ   เทฺว   นิสฺสเย   ปญฺจ   อุปนิสฺสเย   จตฺตาริ   ปุเรชาเต
ฉ    ปจฺฉาชาเต    ฉ   อาเสวเน   เอกํ   กมฺเม   ปญฺจ   วิปาเก
จตฺตาริ    อาหาเร    นว    อินฺทฺริเย    จตฺตาริ   ฌาเน   จตฺตาริ
มคฺเค   จตฺตาริ   สมฺปยุตฺเต   เทฺว   วิปฺปยุตฺเต   ฉ   อตฺถิยา   นว
นตฺถิยา จตฺตาริ วิคเต จตฺตาริ อวิคเต นว ฯ
     [๓๘๖]   อุปาทินฺโน   ธมฺโม   อุปาทินฺนสฺส   ธมฺมสฺส  อารมฺมณ-
ปจฺจเยน    ปจฺจโย:   สหชาตปจฺจเยน   ปจฺจโย:   อุปนิสฺสยปจฺจเยน
ปจฺจโย:   ปุเรชาตปจฺจเยน   ปจฺจโย:   ปจฺฉาชาตปจฺจเยน   ปจฺจโย:
อาหารปจฺจเยน   ปจฺจโย:   อินฺทฺริยปจฺจเยน   ปจฺจโย:  ฯ  อุปาทินฺโน
ธมฺโม   อนุปาทินฺนสฺส   ธมฺมสฺส   อารมฺมณปจฺจเยน  ปจฺจโย:  สหชาต-
ปจฺจเยน   ปจฺจโย:   อุปนิสฺสยปจฺจเยน   ปจฺจโย:   ปุเรชาตปจฺจเยน
ปจฺจโย: ปจฺฉาชาตปจฺจเยน ปจฺจโย: อาหารปจฺจเยน ปจฺจโย: ฯ
     {๓๘๖.๑}   อุปาทินฺโน  ธมฺโม  อุปาทินฺนสฺส  จ  อนุปาทินฺนสฺส  จ
ธมฺมสฺส    สหชาตปจฺจเยน    ปจฺจโย:   ปจฺฉาชาตปจฺจเยน   ปจฺจโย:
อาหารปจฺจเยน    ปจฺจโย:   ฯ   อนุปาทินฺโน   ธมฺโม   อนุปาทินฺนสฺส
ธมฺมสฺส    อารมฺมณปจฺจเยน   ปจฺจโย:    สหชาตปจฺจเยน    ปจฺจโย:
อุปนิสฺสยปจฺจเยน   ปจฺจโย:    ปุเรชาตปจฺจเยน  ปจฺจโย:  ปจฺฉาชาต-
ปจฺจเยน ปจฺจโย: อาหารปจฺจเยน ปจฺจโย: ฯ
     {๓๘๖.๒}   อนุปาทินฺโน   ธมฺโม  อุปาทินฺนสฺส  ธมฺมสฺส  อารมฺมณ-
ปจฺจเยน  ปจฺจโย: อุปนิสฺสยปจฺจเยน ปจฺจโย: ปุเรชาตปจฺจเยน ปจฺจโย:
ปจฺฉาชาตปจฺจเยน   ปจฺจโย:   กมฺมปจฺจเยน  ปจฺจโย:  อาหารปจฺจเยน
ปจฺจโย:  ฯ  อนุปาทินฺโน  ธมฺโม  อุปาทินฺนสฺส จ อนุปาทินฺนสฺส จ ธมฺมสฺส
ปจฺฉาชาตปจฺจเยน  ปจฺจโย:   อาหารปจฺจเยน  ปจฺจโย:  ฯ  อุปาทินฺโน
จ   อนุปาทินฺโน   จ   ธมฺมา   อุปาทินฺนสฺส  ธมฺมสฺส  ปุเรชาตปจฺจเยน
ปจฺจโย:    ปจฺฉาชาตปจฺจเยน   ปจฺจโย:   อาหารปจฺจเยน   ปจฺจโย:
อินฺทฺริยปจฺจเยน  ปจฺจโย:  ฯ  อุปาทินฺโน   จ   อนุปาทินฺโน  จ  ธมฺมา
อนุปาทินฺนสฺส   ธมฺมสฺส   สหชาตปจฺจเยน   ปจฺจโย:   ปุเรชาตปจฺจเยน
ปจฺจโย:   ปจฺฉาชาตปจฺจเยน   ปจฺจโย:  อาหารปจฺจเยน  ปจฺจโย:  ฯ
อุปาทินฺโน   จ   อนุปาทินฺโน  จ  ธมฺมา  อุปาทินฺนสฺส  จ  อนุปาทินฺนสฺส
จ ธมฺมสฺส อาหารปจฺจเยน ปจฺจโย: ฯ
     [๓๘๗]   นเหตุยา  นว  นอารมฺมเณ  นว  สพฺพตฺถ  นว นอาหาเร
อฏฺฐ  นสมฺปยุตฺเต  นว  นวิปฺปยุตฺเต  นว  โนอตฺถิยา จตฺตาริ  โนนตฺถิยา
นว โนวิคเต นว โนอวิคเต จตฺตาริ ฯ
     [๓๘๘]   เหตุปจฺจยา  นอารมฺมเณ  จตฺตาริ  ...  นอญฺญมญฺเญ ตีณิ
นอุปนิสฺสเย   จตฺตาริ   ฯเปฯ   นสมฺปยุตฺเต   ตีณิ   นวิปฺปยุตฺเต  เทฺว
โนนตฺถิยา จตฺตาริ โนวิคเต จตฺตาริ ฯ
     [๓๘๙]   นเหตุปจฺจยา  อารมฺมเณ  จตฺตาริ  ...  อธิปติยา เทฺว ฯ
อนุโลมมาติกา กาตพฺพา ฯ ... อวิคเต นว ฯ
                                อุปาทินฺนทุกํ นิฏฺฐิตํ ฯ
                                   ----------------

             เนื้อความพระไตรปิฎกฉบับภาษาบาลี อักษรไทย เล่มที่ ๔๓ หน้าที่ ๒๑๗-๒๓๓.
https://84000.org/tipitaka/read/pali_read.php?B=43&A=4354&w=&modeTY=2
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=43&A=4354&modeTY=2
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=43&item=370&items=20
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=43&siri=43
             สารบัญพระไตรปิฎกเล่มที่ ๔๓
https://84000.org/tipitaka/read/?index_43
https://84000.org/tipitaka/english/?index_43