ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม
พระไตรปิฎกเล่มที่ ๔๔ ภาษาบาลี อักษรไทย พระอภิธรรมปิฎกเล่มที่ ๑๑ อภิ. ป.(๕) อนุโลมปฏฺฐานํ

หน้าที่ ๘๕.

เหตุทุกเสกฺขตฺติกํ ปฏิจฺจวาโร [๔๘๙] เหตุํ เสกฺขํ ธมฺมํ ปฏิจฺจ เหตุ เสกฺโข ธมฺโม อุปฺปชฺชติ เหตุปจฺจยา: ตีณิ ฯ นเหตุํ เสกฺขํ ธมฺมํ ปฏิจฺจ นเหตุ เสกฺโข ธมฺโม อุปฺปชฺชติ เหตุปจฺจยา: ตีณิ ฯ เหตุํ เสกฺขญฺจ นเหตุํ เสกฺขญฺจ ธมฺมํ ปฏิจฺจ เหตุ เสกฺโข ธมฺโม อุปฺปชฺชติ เหตุปจฺจยา: ตีณิ ฯ [๔๙๐] เหตุยา นว อารมฺมเณ นว อธิปติยา นว อนนฺตเร นว สมนนฺตเร นว สหชาเต นว อญฺญมญฺเญ นว นิสฺสเย นว อุปนิสฺสเย นว ปุเรชาเต นว อาเสวเน นว กมฺเม นว วิปาเก นว อาหาเร นว อวิคเต นว ฯ [๔๙๑] เหตุํ เสกฺขํ ธมฺมํ ปฏิจฺจ เหตุ เสกฺโข ธมฺโม อุปฺปชฺชติ นอธิปติปจฺจยา: ฯ [๔๙๒] นอธิปติยา ฉ นปุเรชาเต นว นปจฺฉาชาเต นว นอาเสวเน นว นกมฺเม ตีณิ นวิปาเก นว นวิปฺปยุตฺเต นว ฯ [๔๙๓] เหตุปจฺจยา นอธิปติยา ฉ ฯ [๔๙๔] นอธิปติปจฺจยา เหตุยา ฉ ฯ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ

--------------------------------------------------------------------------------------------- หน้าที่ ๘๖.

ปญฺหาวาโร [๔๙๕] เหตุ เสกฺโข ธมฺโม เหตุสฺส เสกฺขสฺส ธมฺมสฺส เหตุปจฺจเยน ปจฺจโย: ตีณิ ฯ [๔๙๖] เหตุ เสกฺโข ธมฺโม เหตุสฺส เสกฺขสฺส ธมฺมสฺส อธิปติปจฺจเยน ปจฺจโย: สหชาตาธิปติ ตีณิ ฯ นเหตุ เสกฺโข ธมฺโม นเหตุสฺส เสกฺขสฺส ธมฺมสฺส อธิปติปจฺจเยน ปจฺจโย: สหชาตาธิปติ ตีณิ ฯ [๔๙๗] เหตุ เสกฺโข ธมฺโม เหตุสฺส เสกฺขสฺส ธมฺมสฺส อนนฺตรปจฺจเยน ปจฺจโย: ฯ [๔๙๘] เหตุยา ตีณิ อธิปติยา ฉ อนนฺตเร นว สมนนฺตเร นว สหชาเต นว อญฺญมญฺเญ นว นิสฺสเย นว อุปนิสฺสเย นว กมฺเม ตีณิ วิปาเก นว อาหาเร ตีณิ อินฺทฺริเย นว ฌาเน ตีณิ มคฺเค นว สมฺปยุตฺเต นว อตฺถิยา นว นตฺถิยา นว วิคเต นว อวิคเต นว ฯ [๔๙๙] เหตุ เสกฺโข ธมฺโม เหตุสฺส เสกฺขสฺส ธมฺมสฺส สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ [๕๐๐] นเหตุยา นว นอารมฺมเณ นว ฯ [๕๐๑] เหตุปจฺจยา นอารมฺมเณ ตีณิ ฯ [๕๐๒] นเหตุปจฺจยา อธิปติยา ตีณิ ฯ

--------------------------------------------------------------------------------------------- หน้าที่ ๘๗.

ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ --------- ปฏิจฺจวาโร [๕๐๓] เหตุํ อเสกฺขํ ธมฺมํ ปฏิจฺจ เหตุ อเสกฺโข ธมฺโม อุปฺปชฺชติ เหตุปจฺจยา: ตีณิ ฯ นเหตุํ อเสกฺขํ ธมฺมํ ปฏิจฺจ นเหตุ อเสกฺโข ธมฺโม อุปฺปชฺชติ เหตุปจฺจยา: ตีณิ ฯ เหตุํ อเสกฺขญฺจ นเหตุํ อเสกฺขญฺจ ธมฺมํ ปฏิจฺจ เหตุ อเสกฺโข ธมฺโม อุปฺปชฺชติ เหตุปจฺจยา: ตีณิ ฯ [๕๐๔] เหตุยา นว อารมฺมเณ นว อธิปติยา นว อนนฺตเร นว สมนนฺตเร นว สหชาเต นว อญฺญมญฺเญ นว นิสฺสเย นว อุปนิสฺสเย นว ปุเรชาเต นว กมฺเม นว วิปาเก นว อวิคเต นว ฯ [๕๐๕] เหตุํ อเสกฺขํ ธมฺมํ ปฏิจฺจ เหตุ อเสกฺโข ธมฺโม อุปฺปชฺชติ นอธิปติปจฺจยา: ฯ [๕๐๖] นอธิปติยา ฉ นปุเรชาเต นว นปจฺฉาชาเต นว นอาเสวเน นว นวิปฺปยุตฺเต นว ฯ [๕๐๗] เหตุปจฺจยา นอธิปติยา ฉ ฯ [๕๐๘] นอธิปติปจฺจยา เหตุยา ฉ ฯ

--------------------------------------------------------------------------------------------- หน้าที่ ๘๘.

สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ ปญฺหาวาโร [๕๐๙] เหตุ อเสกฺโข ธมฺโม เหตุสฺส อเสกฺขสฺส ธมฺมสฺส เหตุปจฺจเยน ปจฺจโย: ตีณิ ฯ [๕๑๐] เหตุ อเสกฺโข ธมฺโม เหตุสฺส อเสกฺขสฺส ธมฺมสฺส อธิปติปจฺจเยน ปจฺจโย: สหชาตาธิปติ ตีณิ ฯ นเหตุ อเสกฺโข ธมฺโม นเหตุสฺส อเสกฺขสฺส ธมฺมสฺส อธิปติปจฺจเยน ปจฺจโย: สหชาตาธิปติ ตีณิ ฯ [๕๑๑] เหตุ อเสกฺโข ธมฺโม เหตุสฺส อเสกฺขสฺส ธมฺมสฺส อุปนิสฺสยปจฺจเยน ปจฺจโย: อนนฺตรูปนิสฺสโย ฯ [๕๑๒] เหตุยา ตีณิ อธิปติยา ฉ อนนฺตเร นว สมนนฺตเร นว สหชาเต นว อญฺญมญฺเญ นว นิสฺสเย นว อุปนิสฺสเย นว กมฺเม ตีณิ วิปาเก นว อาหาเร ตีณิ อินฺทฺริเย นว ฌาเน ตีณิ มคฺเค นว สมฺปยุตฺเต นว อตฺถิยา นว นตฺถิยา นว วิคเต นว อวิคเต นว ฯ [๕๑๓] เหตุ อเสกฺโข ธมฺโม เหตุสฺส อเสกฺขสฺส ธมฺมสฺส สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ [๕๑๔] นเหตุยา นว นอารมฺมเณ นว ฯ [๕๑๕] เหตุปจฺจยา นอารมฺมเณ ตีณิ ฯ

--------------------------------------------------------------------------------------------- หน้าที่ ๘๙.

[๕๑๖] นเหตุปจฺจยา อธิปติยา ตีณิ ฯ ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ -------- ปฏิจฺจวาโร [๕๑๗] เหตุํ เนวเสกฺขานาเสกฺขํ ธมฺมํ ปฏิจฺจ เหตุ เนวเสกฺขานาเสกฺโข ธมฺโม อุปฺปชฺชติ เหตุปจฺจยา: ตีณิ ฯ นเหตุํ เนวเสกฺขานาเสกฺขํ ธมฺมํ ปฏิจฺจ นเหตุ เนวเสกฺขานาเสกฺโข ธมฺโม อุปฺปชฺชติ เหตุปจฺจยา: ตีณิ ฯ เหตุํ เนวเสกฺขานาเสกฺขญฺจ นเหตุํ เนวเสกฺขานาเสกฺขญฺจ ธมฺมํ ปฏิจฺจ เหตุ เนวเสกฺขานาเสกฺโข ธมฺโม อุปฺปชฺชติ เหตุปจฺจยา: ตีณิ ฯ [๕๑๘] เหตุยา นว อารมฺมเณ นว อธิปติยา นว อนนฺตเร นว สมนนฺตเร นว สหชาเต นว อญฺญมญฺเญ นว นิสฺสเย นว อุปนิสฺสเย นว ปุเรชาเต นว อาเสวเน นว กมฺเม นว วิปาเก นว อวิคเต นว ฯ [๕๑๙] นเหตุํ เนวเสกฺขานาเสกฺขํ ธมฺมํ ปฏิจฺจ นเหตุ เนวเสกฺขานาเสกฺโข ธมฺโม อุปฺปชฺชติ นเหตุปจฺจยา: ฯ นเหตุํ เนวเสกฺขานาเสกฺขํ ธมฺมํ ปฏิจฺจ เหตุ เนวเสกฺขานาเสกฺโข ธมฺโม อุปฺปชฺชติ นเหตุปจฺจยา: ฯ [๕๒๐] เหตุํ เนวเสกฺขานาเสกฺขํ ธมฺมํ ปฏิจฺจ นเหตุ

--------------------------------------------------------------------------------------------- หน้าที่ ๙๐.

เนวเสกฺขานาเสกฺโข ธมฺโม อุปฺปชฺชติ นอารมฺมณปจฺจยา: ฯ นเหตุํ เนวเสกฺขานาเสกฺขํ ธมฺมํ ปฏิจฺจ นเหตุ เนวเสกฺขานาเสกฺโข ธมฺโม อุปฺปชฺชติ นอารมฺมณปจฺจยา: ฯ เหตุํ เนวเสกฺขานาเสกฺขญฺจ นเหตุํ เนวเสกฺขานาเสกฺขญฺจ ธมฺมํ ปฏิจฺจ นเหตุ เนวเสกฺขานาเสกฺโข ธมฺโม อุปฺปชฺชติ นอารมฺมณปจฺจยา: ฯ [๕๒๑] เหตุํ เนวเสกฺขานาเสกฺขํ ธมฺมํ ปฏิจฺจ เหตุ เนวเสกฺขานาเสกฺโข ธมฺโม อุปฺปชฺชติ นอธิปติปจฺจยา: ฯ [๕๒๒] เหตุํ เนวเสกฺขานาเสกฺขํ ธมฺมํ ปฏิจฺจ เหตุ เนวเสกฺขานาเสกฺโข ธมฺโม อุปฺปชฺชติ นปุเรชาตปจฺจยา: ตีณิ ฯ [๕๒๓] นเหตุยา เทฺว นอารมฺมเณ ตีณิ นอธิปติยา นว นอนนฺตเร ตีณิ นสมนนฺตเร ตีณิ นอญฺญมญฺเญ ตีณิ นอุปนิสฺสเย ตีณิ นปุเรชาเต นว นปจฺฉาชาเต นว นอาเสวเน นว นกมฺเม ตีณิ นวิปาเก นว นอาหาเร เอกํ นอินฺทฺริเย เอกํ นฌาเน เอกํ นมคฺเค เอกํ นสมฺปยุตฺเต ตีณิ นวิปฺปยุตฺเต นว โนนตฺถิยา ตีณิ โนวิคเต ตีณิ ฯ [๕๒๔] เหตุปจฺจยา นอารมฺมเณ ตีณิ ฯ [๕๒๕] นเหตุปจฺจยา อารมฺมเณ เทฺว ฯ สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา ฯ

--------------------------------------------------------------------------------------------- หน้าที่ ๙๑.

ปญฺหาวาโร [๕๒๖] เหตุ เนวเสกฺขานาเสกฺโข ธมฺโม เหตุสฺส เนวเสกฺขานาเสกฺขสฺส ธมฺมสฺส เหตุปจฺจเยน ปจฺจโย: ตีณิ ฯ [๕๒๗] เหตุ เนวเสกฺขานาเสกฺโข ธมฺโม เหตุสฺส เนวเสกฺขานาเสกฺขสฺส ธมฺมสฺส อารมฺมณปจฺจเยน ปจฺจโย: นว ฯ [๕๒๘] เหตุ เนวเสกฺขานาเสกฺโข ธมฺโม เหตุสฺส เนวเสกฺขานาเสกฺขสฺส ธมฺมสฺส อธิปติปจฺจเยน ปจฺจโย: อารมฺมณาธิปติ สหชาตาธิปติ นว ฯ [๕๒๙] นเหตุ เนวเสกฺขานาเสกฺโข ธมฺโม นเหตุสฺส เนวเสกฺขานาเสกฺขสฺส ธมฺมสฺส ปุเรชาตปจฺจเยน ปจฺจโย: ฯ [๕๓๐] เหตุยา ตีณิ อารมฺมเณ นว อธิปติยา นว อนนฺตเร นว สมนนฺตเร นว สหชาเต นว อญฺญมญฺเญ นว นิสฺสเย นว อุปนิสฺสเย นว ปุเรชาเต ตีณิ ปจฺฉาชาเต ตีณิ อาเสวเน นว กมฺเม ตีณิ วิปาเก นว อาหาเร ตีณิ อินฺทฺริเย นว ฌาเน ตีณิ มคฺเค นว สมฺปยุตฺเต นว วิปฺปยุตฺเต ปญฺจ อตฺถิยา นว นตฺถิยา นว วิคเต นว อวิคเต นว ฯ [๕๓๑] เหตุ เนวเสกฺขานาเสกฺโข ธมฺโม เหตุสฺส เนวเสกฺขานาเสกฺขสฺส ธมฺมสฺส อารมฺมณปจฺจเยน ปจฺจโย: สหชาตปจฺจเยน ปจฺจโย: อุปนิสฺสยปจฺจเยน ปจฺจโย: ฯ

--------------------------------------------------------------------------------------------- หน้าที่ ๙๒.

[๕๓๒] นเหตุยา นว นอารมฺมเณ นว ฯ [๕๓๓] เหตุปจฺจยา นอารมฺมเณ ตีณิ ฯ [๕๓๔] นเหตุปจฺจยา อารมฺมเณ นว ฯ ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ เอวํ คเณตพฺพํ ฯ เหตุทุกเสกฺขตฺติกํ นิฏฺฐิตํ ฯ ---------

             เนื้อความพระไตรปิฎกฉบับภาษาบาลี อักษรไทย เล่มที่ ๔๔ หน้าที่ ๘๕-๙๒. https://84000.org/tipitaka/read/pali_read.php?B=44&A=1658&w=&modeTY=2&pagebreak=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=44&A=1658&modeTY=2&pagebreak=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=44.1&item=489&items=46              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=44&siri=11              ศึกษาอรรถกถานี้ได้ที่ :- https://84000.org/tipitaka/attha/attha.php?b=44&i=489              สารบัญพระไตรปิฎกเล่มที่ ๔๔ https://84000.org/tipitaka/read/?index_44 https://84000.org/tipitaka/english/?index_44

อ่านหน้า[ต่าง] แรกอ่านหน้า[ต่าง] ที่แล้วไม่แสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบดั้งเดิม

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]