บาลีพระไตรปิฎกเล่มที่ ๖ - พระวินัยปิฎกเล่มที่ ๖

                                        ตสฺสุทฺทานํ
     [๓๑๙]   ปณฺฑุกโลหิตกา ภิกฺขู          สยํ ภณฺฑนการกา
               ตาทิเส อุปสงฺกมฺม             อุสฺสาหึสุ จ ภณฺฑเน
               อนุปฺปนฺนานิ ^๒- ชายนฺติ    อุปฺปนฺนานิปิ วฑฺฒเร
               อปฺปิจฺฉา เปสลา ภิกฺขู        อุชฺฌายนฺติ ปรีสโต ^๓-
               สทฺธมฺมฏฺิติโก พุทฺโธ        สยมฺภู อคฺคปุคฺคโล
               อาณาเปสิ ตชฺชนียํ             กมฺมํ สาวตฺถิยํ ชิโน ฯ
@เชิงอรรถ: ^๑ โป. ปฏิปฺปสฺสมฺภิตํ ฯ ^๒ ม. ยุ. อนุปฺปนฺนาปิ ฯ ^๓ ม. ปทสฺสโต ฯ ยุ. ปทสฺสโก ฯ
               อสมฺมุขาปฺปฏิปุจฺฉา          อปฺปฏิญฺาย กตญฺจ ยํ
               อนาปตฺติ อเทสเน             เทสิตาย กตญฺจ ยํ
               อโจเทตฺวา อสาเรตฺวา        อนาโรเปตฺวา จ ยํ กตํ
               อสมฺมุขา อธมฺเมน             วคฺเคนาปิ จ ยํ กตํ ^๑-
               อปฺปฏิปุจฺฉา อธมฺเมน       วคฺเคนาปิ จ ยํ กตํ ^๒-
               อปฺปฏิญฺาย อธมฺเมน     วคฺเคนาปิ จ ยํ กตํ ^๓-
               อนาปตฺติยา อธมฺเมน        วคฺเคนาปิ จ ยํ กตํ ^๔-
               อเทสนาคามินิยา              อธมฺมวคฺคเมว จ
               เทสิตาย อธมฺเมน              วคฺเคนาปิ ตเถว จ
               อโจเทตฺวา อธมฺเมน           วคฺเคนาปิ ตเถว จ
               อสาเรตฺวา อธมฺเมน           วคฺเคนาปิ ตเถว จ
               อนาโรเปตฺวา อธมฺเมน       วคฺเคนาปิ ตเถว จ
               กณฺหวารนเยเนว               สุกฺกวารํ วิชานิยา ^๕- ฯ
               สงฺโฆ อากงฺขมาโน ว ^๖-     ยสฺส ตชฺชนียํ กเร
               ภณฺฑนํ พาโล สํสฏฺโ        อธิสีเล อชฺฌาจเร
               อติทิฏฺิยา วิปนฺนสฺส         สงฺโฆ ตชฺชนิยํ กเร ฯ
@เชิงอรรถ: ^๑ ม. ยุ. วคฺเคน จาปิ ยํ กตํ ฯ    ^๒-๓-๔ ม. ยุ. ปุน วคฺเคน ยํ กตํ ฯ
@^๕ ม. ยุ. สุกฺกวารํปิ ชานิยํ ฯ    ^๖ ม. ยุ. จ ฯ
               พุทฺธธมฺมสฺส สงฺฆสฺส         อวณฺณํ โย จ ภาสติ ฯ
               ติณฺณนฺนมฺปิ จ ภิกฺขูนํ        สงฺโฆ ตชฺชนิยํ กเร
               ภณฺฑนการโก เอโก           พาโล สํสคฺคนิสฺสิโต ฯ
               อธิสีเล อชฺฌาจาเร             ตเถว อติทิฏฺิยา
               พุทฺธธมฺมสฺส สงฺฆสฺส         อวณฺณํ โย จ ภาสติ ฯ
               ตชฺชนียกมฺมกโต                เอวํ สมฺมานุวตฺตนา
               อุปสมฺปทา นิสฺสโย            สามเณรอุปฏฺนา
               ภิกฺขุโนวาทกสมฺมโต ^๑-     น กเร ตชฺชนีกโต
               นาปชฺเช ตญฺจ อาปตฺตึ       ตาทิสญฺจ ตโต ปรํ
               กมฺมญฺจ กมฺมิเก เจว ^๒-     น ครเห ตถาวิโธ
               อุโปสถํ ปวารณํ                 ปกตตฺตสฺส นฏฺเป
               น ^๓- สวจนียํ อนุวาโท ^๔-  โอกาโส โจทเนน จ
               สารณํ สมฺปโยคญฺจ           น กเรยฺย ตถาวิโธ ฯ
               อุปสมฺปทา นิสฺสโย            สามเณรอุปฏฺนา
               โอวาทกสมฺมเตนาปิ          ปญฺจหงฺเคหิ สมฺมติ ^๕- ฯ
               ตญฺจาปชฺชติ อาปตฺตึ ^๖-    ตาทิสญฺจ ตโต ปรํ
               กมฺมญฺจ กมฺมิเก จาปิ        ครหนฺโต น สมฺมติ ฯ
@เชิงอรรถ: ^๑ ม. ยุ. โอวาทสมฺมเตนาปิ ฯ   ^๒ ม. ยุ. จาปิ ฯ  ^๓ ม. ยุ. นสทฺโท น ทิสฺสติ ฯ
@^๔ ม. ยุ. สวจนิอนุวาโท ฯ  ^๕ ยุ. ปญฺจองฺโค น สมฺมติ ฯ ม. ปญฺจองฺเคหิ น สมฺมติ ฯ
@^๖ ยุ. ตํ อาปชฺชตาปตฺติญฺจ ฯ
               อุโปสถํ ปวารณํ                สวจนียานุวาโท ^๑-
               โอกาโส โจทนญฺเจว          สารณา สมฺปโยชนา
               อิเมหฏฺงฺเคหิ โย ยุตฺโต     ตชฺชนา นูปสมฺมติ ฯ
               กณฺหวารนเยเนว               สุกฺกวารํ วิชานิยา ฯ
               พาโล อาปตฺติพหุโล          สํสฏฺโปิ จ เสยฺยโส
               นิยสฺสกมฺมํ สมฺพุทฺโธ         อาณาเปสิ มหามุนิ ฯ
               กิฏาคิริสฺมึ เทฺว ภิกฺขู          อสฺสชิปุนพฺพสุกา ^๒-
               อนาจารมฺปิ วิวิธํ               อาจรึสุ อสญฺตา
               ปพฺพาชนียํ สมฺพุทฺโธ         กมฺมํ สาวตฺถิยํ ชิโน ฯ
               มจฺฉิกาสณฺเฑ สุธมฺโม        จิตฺตสฺสาวาสิโก อหุ
               ชาติวาเทน ขุํเสติ               สุธมฺโม จิตฺตุปาสกํ
               ปฏิสารณียํ กมฺมํ               อาณาเปสิ ตถาคโต ฯ
               โกสมฺพิยํ ฉนฺนํ ภิกฺขุํ           นิจฺฉนฺตาปตฺติ ปสฺสิตุํ ฯ
               อทสฺสเน อุกฺเขปิตุํ              อาณาเปสิ ชินุตฺตโม ฯ
               ฉนฺโน ตํเยว อาปตฺตึ           ปฏิกาตุํ น อิจฺฉติ
               อุกฺเขปนาปฺปฏิกมฺเม          อาณาเปสิ วินายโก ฯ
               ปาปทิฏฺิ อริฏฺสฺส            อาสิ อญฺาณนิสฺสิตา
               ทิฏฺิอปฺปฏินิสฺสคฺเค           อุกฺเขปํ ชินภาสิตํ ฯ
               นิยสฺสกมฺมํ ปพฺพชฺชํ ^๓-      ตเถว ปฏิสารณี ฯ
@เชิงอรรถ: ^๑ ม. ...จโนวาโท ฯ    ^๒ ยุ. อสฺสชิปุนพฺพสู ฯ     ^๓ ยุ. ปพฺพาชํ ฯ
               อทสฺสนาปฺปฏิกมฺเม           อนิสฺสคฺเค จ ทิฏฺิยา
               ทวานาจารุปฆาตี               มิจฺฉาอาชีวเมว จ
               ปพฺพาชนียกมฺมมฺหิ            อติเรกปทา อิเม ฯ
               อลาภาวณฺณา เทฺว ปญฺจ    เทฺว ปญฺจกาตินามกา
               ปฏิสารณียกมฺมมฺหิ            อติเรกปทา อิเม ฯ
               ตชฺชนียํ นิยสฺสญฺจ             ทุเว กมฺมาปิ สาทิสา ฯ
               ปพฺพชฺชา ^๑- ปฏิสาริ จ      ทฺวฏฺอูนาริตฺตกา ^๒-
               ตโย อุกฺเขปนียกมฺมา ^๓-    สทิสา เต วิภตฺติโต
               ตชฺชนียนเยนาปิ                เสสํ กมฺมํ วิชานิยาติ ฯ
@เชิงอรรถ: ^๑ ยุ. ปพฺพาชา ฯ  ^๒ ม. ยุ. ปฏิสาริ จ อตฺถิ ปทาติริตฺตตา ฯ
@^๓ ม. ยุ. อุกฺเขปนา กมฺมา ฯ
เนื้อความพระไตรปิฎกฉบับภาษาบาลี อักษรไทย เล่มที่ ๖ หน้าที่ ๑๒๓-๑๒๗. https://84000.org/tipitaka/read/pali_read.php?B=6&A=2524&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=6&A=2524&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=6&item=319&items=1 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=6&siri=15 สารบัญพระไตรปิฎกเล่มที่ ๖ https://84000.org/tipitaka/read/?index_6 https://84000.org/tipitaka/english/?index_6