พระไตรปิฎกเล่มที่ ๖ ภาษาบาลี อักษรไทย
 พระวินัยปิฎกเล่มที่ ๖ วินย. จุลฺลวคฺโค (๑)

                                    สมถกฺขนฺธกํ
     [๕๘๕]   เตน  สมเยน  พุทฺโธ  ภควา  สาวตฺถิยํ  วิหรติ เชตวเน
อนาถปิณฺฑิกสฺส   อาราเม   ฯ   เตน   โข   ปน  สมเยน  ฉพฺพคฺคิยา
ภิกฺขู  อสมฺมุขีภูตานํ  ภิกฺขูนํ  กมฺมานิ  กโรนฺติ  ตชฺชนียมฺปิ  ๑-  นิยสฺสมฺปิ
ปพฺพาชนียมฺปิ  ปฏิสารณียมฺปิ  อุกฺเขปนียมฺปิ  ๒-  ฯ เย เต ภิกฺขู อปฺปิจฺฉา
ฯเปฯ   เต   อุชฺฌายนฺติ  ขียนฺติ  วิปาเจนฺติ  กถํ  หิ  นาม  ฉพฺพคฺคิยา
ภิกฺขู     อสมฺมุขีภูตานํ    ภิกฺขูนํ    กมฺมานิ    กริสฺสนฺติ    ตชฺชนียมฺปิ
นิยสฺสมฺปิ ปพฺพาชนียมฺปิ ปฏิสารณียมฺปิ อุกฺเขปนียมฺปีติ ฯ
     {๕๘๕.๑}   อถโข  เต  ภิกฺขู  ภควโต  เอตมตฺถํ อาโรเจสุํ ฯเปฯ
สจฺจํ   กิร   ภิกฺขเว   ฉพฺพคฺคิยา  ภิกฺขู  อสมฺมุขีภูตานํ  ภิกฺขูนํ  กมฺมานิ
กโรนฺติ     ตชฺชนียมฺปิ     นิยสฺสมฺปิ     ปพฺพาชนียมฺปิ    ปฏิสารณียมฺปิ
อุกฺเขปนียมฺปีติ ฯ สจฺจํ ภควาติ ฯ
     {๕๘๕.๒}   วิครหิ   พุทฺโธ   ภควา   อนนุจฺฉวิกํ  ภิกฺขเว  เตสํ
โมฆปุริสานํ      อนนุโลมิกํ      อปฺปฏิรูปํ     อสฺสามณกํ     อกปฺปิยํ
อกรณียํ   กถํ   หิ   นาม   เต   ภิกฺขเว   โมฆปุริสา   อสมฺมุขีภูตานํ
ภิกฺขูนํ    กมฺมานิ    กริสฺสนฺติ    ตชฺชนียมฺปิ   นิยสฺสมฺปิ   ปพฺพาชนียมฺปิ
ปฏิสารณียมฺปิ    อุกฺเขปนียมฺปิ    เนตํ    ภิกฺขเว    อปฺปสนฺนานํ   วา
ปสาทาย   ฯเปฯ   วิครหิตฺวา   ธมฺมึ   กถํ   กตฺวา  ภิกฺขู  อามนฺเตสิ
น   ภิกฺขเว   อสมฺมุขีภูตานํ   ภิกฺขูนํ   กมฺมํ   กาตพฺพํ   ตชฺชนียํ   วา
นิยสฺสํ   วา   ปพฺพาชนียํ   วา   ปฏิสารณียํ  วา  อุกฺเขปนียํ  วา  โย
@เชิงอรรถ: ๑ ยุ. ตชฺชนิยมฺปิ ฯ เอวมุปริปิ  ๒ ยุ. ปพฺพาชนียมฺปิ ปฏิสารณียมฺปิ
@อุกฺเขปนียมฺปิ เอวมุปริปิ ฯ
กเรยฺย อาปตฺติ ทุกฺกฏสฺส ฯ
     [๕๘๖]   อธมฺมวาที   ปุคฺคโล   อธมฺมวาที  สมฺพหุลา  อธมฺมวาที
สงฺโฆ ธมฺมวาที ปุคฺคโล ธมฺมวาที สมฺพหุลา ธมฺมวาที สงฺโฆ ฯ
     [๕๘๗]   อธมฺมวาที   ปุคฺคโล   ธมฺมวาทึ   ปุคฺคลํ   สญฺาเปติ
นิชฺฌาเปติ   เปกฺเขติ   อนุเปกฺเขติ   ทสฺเสติ   อนุทสฺเสติ  อยํ  ธมฺโม
อยํ  วินโย  อิทํ  สตฺถุสาสนํ  อิมํ  คณฺหาหิ  อิมํ  โรเจหีติ  เอวญฺเจ  ตํ
อธิกรณํ    วูปสมฺมติ   อธมฺเมน   วูปสมฺมติ   สมฺมุขาวินยปฏิรูปเกน   ฯ
อธมฺมวาที    ปุคฺคโล    ธมฺมวาที   สมฺพหุเล   สญฺาเปติ   นิชฺฌาเปติ
เปกฺเขติ  อนุเปกฺเขติ  ทสฺเสติ  อนุทสฺเสติ  อยํ  ธมฺโม  อยํ  วินโย อิทํ
สตฺถุสาสนํ  อิมํ  คณฺหถ  อิมํ  โรเจถาติ  เอวญฺเจ  ตํ  อธิกรณํ วูปสมฺมติ
อธมฺเมน   วูปสมฺมติ   สมฺมุขาวินยปฏิรูปเกน   ฯ   อธมฺมวาที   ปุคฺคโล
ธมฺมวาทึ   สงฺฆํ  สญฺาเปติ  นิชฺฌาเปติ  เปกฺเขติ  อนุเปกฺเขติ  ทสฺเสติ
อนุทสฺเสติ  อยํ  ธมฺโม  อยํ  วินโย  อิทํ  สตฺถุสาสนํ  อิมํ  คณฺหาหิ  อิมํ
โรเจหีติ    เอวญฺเจ   ตํ   อธิกรณํ   วูปสมฺมติ   อธมฺเมน   วูปสมฺมติ
สมฺมุขาวินยปฏิรูปเกน ฯ
     {๕๘๗.๑}   อธมฺมวาที   สมฺพหุลา  ธมฺมวาทึ  ปุคฺคลํ  สญฺาเปนฺติ
นิชฺฌาเปนฺติ   เปกฺเขนฺติ   อนุเปกฺเขนฺติ   ทสฺเสนฺติ   อนุทสฺเสนฺติ   อยํ
ธมฺโม  อยํ  วินโย  อิทํ  สตฺถุสาสนํ อิมํ คณฺหาหิ อิมํ โรเจหีติ เอวญฺเจ ตํ
อธิกรณํ    วูปสมฺมติ   อธมฺเมน   วูปสมฺมติ   สมฺมุขาวินยปฏิรูปเกน   ฯ
อธมฺมวาที   สมฺพหุลา   ธมฺมวาที   สมฺพหุเล   สญฺาเปนฺติ  นิชฺฌาเปนฺติ
เปกฺเขนฺติ   อนุเปกฺเขนฺติ   ทสฺเสนฺติ   อนุทสฺเสนฺติ   อยํ   ธมฺโม  อยํ
วินโย   อิทํ   สตฺถุสาสนํ   อิมํ   คณฺหถ   อิมํ   โรเจถาติ   เอวญฺเจ
ตํ   อธิกรณํ   วูปสมฺมติ   อธมฺเมน  วูปสมฺมติ  สมฺมุขาวินยปฏิรูปเกน  ฯ
อธมฺมวาที       สมฺพหุลา      ธมฺมวาทึ      สงฺฆํ      สญฺาเปนฺติ
นิชฺฌาเปนฺติ   เปกฺเขนฺติ   อนุเปกฺเขนฺติ   ทสฺเสนฺติ   อนุทสฺเสนฺติ   อยํ
ธมฺโม    อยํ   วินโย   อิทํ   สตฺถุสาสนํ   อิมํ   คณฺหาหิ   ๑-   อิมํ
โรเจหีติ   ๒-   เอวญฺเจ   ตํ  อธิกรณํ  วูปสมฺมติ  อธมฺเมน  วูปสมฺมติ
สมฺมุขาวินยปฏิรูปเกน ฯ
     {๕๘๗.๒}   อธมฺมวาที   สงฺโฆ   ธมฺมวาทึ   ปุคฺคลํ   สญฺาเปติ
นิชฺฌาเปติ   เปกฺเขติ   อนุเปกฺเขติ   ทสฺเสติ   อนุทสฺเสติ  อยํ  ธมฺโม
อยํ  วินโย  อิทํ  สตฺถุสาสนํ  อิมํ  คณฺหาหิ  อิมํ  โรเจหีติ  เอวญฺเจ  ตํ
อธิกรณํ    วูปสมฺมติ   อธมฺเมน   วูปสมฺมติ   สมฺมุขาวินยปฏิรูปเกน   ฯ
อธมฺมวาที    สงฺโฆ    ธมฺมวาที    สมฺพหุเล   สญฺาเปติ   นิชฺฌาเปติ
เปกฺเขติ   อนุเปกฺเขติ   ทสฺเสติ   อนุทสฺเสติ  อยํ  ธมฺโม  อยํ  วินโย
อิทํ   สตฺถุสาสนํ   อิมํ   คณฺหถ  อิมํ  โรเจถาติ  เอวญฺเจ  ตํ  อธิกรณํ
วูปสมฺมติ      อธมฺเมน     วูปสมฺมติ     สมฺมุขาวินยปฏิรูปเกน     ฯ
อธมฺมวาที   สงฺโฆ   ธมฺมวาทึ   สงฺฆํ  สญฺาเปติ  นิชฺฌาเปติ  เปกฺเขติ
อนุเปกฺเขติ  ทสฺเสติ  อนุทสฺเสติ  อยํ  ธมฺโม  อยํ  วินโย อิทํ สตฺถุสาสนํ
อิมํ    คณฺหาหิ   อิมํ   โรเจหีติ   เอวญฺเจ   ตํ   อธิกรณํ   วูปสมฺมติ
@เชิงอรรถ: ๑ ม. คณฺหถ ฯ เอวมุปริปิ ฯ  ๒ ม. โรเจถาติ ฯ เอวมุปริปิ ฯ
อธมฺเมน วูปสมฺมติ สมฺมุขาวินยปฏิรูปเกน ฯ
                             กณฺหปกฺขนวกํ นิฏฺิตํ ฯ
     [๕๘๘]   ธมฺมวาที   ปุคฺคโล   อธมฺมวาทึ   ปุคฺคลํ   สญฺาเปติ
นิชฺฌาเปติ   เปกฺเขติ   อนุเปกฺเขติ   ทสฺเสติ   อนุทสฺเสติ  อยํ  ธมฺโม
อยํ    วินโย    อิทํ    สตฺถุสาสนํ    อิมํ   คณฺหาหิ   อิมํ   โรเจหีติ
เอวญฺเจ   ตํ  อธิกรณํ  วูปสมฺมติ  ธมฺเมน  วูปสมฺมติ  สมฺมุขาวินเยน  ฯ
ธมฺมวาที      ปุคฺคโล      อธมฺมวาที      สมฺพหุเล      สญฺาเปติ
นิชฺฌาเปติ   เปกฺเขติ   อนุเปกฺเขติ   ทสฺเสติ   อนุทสฺเสติ  อยํ  ธมฺโม
อยํ    วินโย    อิทํ    สตฺถุสาสนํ    อิมํ   คณฺหถ   อิมํ   โรเจถาติ
เอวญฺเจ ตํ อธิกรณํ วูปสมฺมติ ธมฺเมน วูปสมฺมติ สมฺมุขาวินเยน ฯ
     {๕๘๘.๑}   ธมฺมวาที   ปุคฺคโล   อธมฺมวาทึ   สงฺฆํ   สญฺาเปติ
นิชฺฌาเปติ    เปกฺเขติ    อนุเปกฺเขติ    ทสฺเสติ    อนุทสฺเสติ    อยํ
ธมฺโม    อยํ    วินโย    อิทํ    สตฺถุสาสนํ    อิมํ    คณฺหาหิ   อิมํ
โรเจหีติ    เอวญฺเจ    ตํ   อธิกรณํ   วูปสมฺมติ   ธมฺเมน   วูปสมฺมติ
สมฺมุขาวินเยน ฯ
     {๕๘๘.๒}   ธมฺมวาที     สมฺพหุลา     อธมฺมวาทึ     ปุคฺคลํ
สญฺาเปนฺติ     นิชฺฌาเปนฺติ    เปกฺเขนฺติ    อนุเปกฺเขนฺติ    ทสฺเสนฺติ
อนุทสฺเสนฺติ    อยํ    ธมฺโม    อยํ   วินโย   อิทํ   สตฺถุสาสนํ   อิมํ
คณฺหาหิ   อิมํ   โรเจหีติ   เอวญฺเจ   ตํ   อธิกรณํ  วูปสมฺมติ  ธมฺเมน
วูปสมฺมติ    สมฺมุขาวินเยน    ฯ    ธมฺมวาที    สมฺพหุลา   อธมฺมวาที
สมฺพหุเล     สญฺาเปนฺติ    นิชฺฌาเปนฺติ    เปกฺเขนฺติ    อนุเปกฺเขนฺติ
ทสฺเสนฺติ   อนุทสฺเสนฺติ   อยํ   ธมฺโม   อยํ   วินโย   อิทํ  สตฺถุสาสนํ
อิมํ    คณฺหถ   อิมํ   โรเจถาติ   เอวญฺเจ   ตํ   อธิกรณํ   วูปสมฺมติ
ธมฺเมน   วูปสมฺมติ   สมฺมุขาวินเยน  ฯ  ธมฺมวาที  สมฺพหุลา  อธมฺมวาทึ
สงฺฆํ   สญฺาเปนฺติ   นิชฺฌาเปนฺติ   เปกฺเขนฺติ   อนุเปกฺเขนฺติ  ทสฺเสนฺติ
อนุทสฺเสนฺติ    อยํ    ธมฺโม    อยํ   วินโย   อิทํ   สตฺถุสาสนํ   อิมํ
คณฺหาหิ    อิมํ    โรเจหีติ    เอวญฺเจ    ตํ    อธิกรณํ    วูปสมฺมติ
ธมฺเมน วูปสมฺมติ สมฺมุขาวินเยน ฯ
     {๕๘๘.๓}   ธมฺมวาที   สงฺโฆ   อธมฺมวาทึ   ปุคฺคลํ   สญฺาเปติ
นิชฺฌาเปติ   เปกฺเขติ   อนุเปกฺเขติ   ทสฺเสติ   อนุทสฺเสติ  อยํ  ธมฺโม
อยํ   วินโย   อิทํ   สตฺถุสาสนํ  อิมํ  คณฺหาหิ  อิมํ  โรเจหีติ  เอวญฺเจ
ตํ    อธิกรณํ    วูปสมฺมติ    ธมฺเมน   วูปสมฺมติ   สมฺมุขาวินเยน   ฯ
ธมฺมวาที    สงฺโฆ    อธมฺมวาที    สมฺพหุเล   สญฺาเปติ   นิชฺฌาเปติ
เปกฺเขติ   อนุเปกฺเขติ   ทสฺเสติ   อนุทสฺเสติ  อยํ  ธมฺโม  อยํ  วินโย
อิทํ   สตฺถุสาสนํ   อิมํ   คณฺหถ  อิมํ  โรเจถาติ  เอวญฺเจ  ตํ  อธิกรณํ
วูปสมฺมติ   ธมฺเมน   วูปสมฺมติ   สมฺมุขาวินเยน   ฯ   ธมฺมวาที  สงฺโฆ
อธมฺมวาทึ    สงฺฆํ    สญฺาเปติ   นิชฺฌาเปติ   เปกฺเขติ   อนุเปกฺเขติ
ทสฺเสติ   อนุทสฺเสติ   อยํ   ธมฺโม   อยํ  วินโย  อิทํ  สตฺถุสาสนํ  อิมํ
คณฺหาหิ    อิมํ    โรเจหีติ    เอวญฺเจ    ตํ    อธิกรณํ    วูปสมฺมติ
ธมฺเมน วูปสมฺมติ สมฺมุขาวินเยนาติ ฯ
                             สุกฺกปกฺขนวกํ นิฏฺิตํ ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๖ หน้าที่ ๒๙๙-๓๐๓.
https://84000.org/tipitaka/read/pali_read.php?B=6&A=6077&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=6&A=6077&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=6&item=585&items=4
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=6&siri=46
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=6&i=585
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=3&A=6602
             The Pali Atthakatha in Roman :-
https://84000.org/tipitaka/atthapali/read_rm.php?B=3&A=6602
             สารบัญพระไตรปิฎกเล่มที่ ๖
https://84000.org/tipitaka/read/?index_6
https://84000.org/tipitaka/english/?index_6