ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๗ ภาษาบาลี อักษรไทย พระวินัยปิฎกเล่มที่ ๗ วินย. จุลฺลวคฺโค (๒)

     [๓๗๗]   เตน  โข  ปน  สมเยน  ราชคเห  นาฬาคิริ  นาม หตฺถี
จณฺโฑ    โหติ    มนุสฺสฆาตโก    ฯ    อถโข   เทวทตฺโต   ราชคหํ
ปวิสิตฺวา    หตฺถิสาลํ    คนฺตฺวา   หตฺถิภณฺเฑ   เอตทโวจ   มยํ   โข
ภเณ   ราชาตกา   นาม   ปฏิพลา   นีจฏฺานิยํ   อุจฺจฏฺาเน  เปตุํ
ภตฺตํปิ   เวตนํปิ   วฑฺฒาเปตุํ   เตนหิ   ภเณ   ยทา   สมโณ  โคตโม
อิมํ   รจฺฉํ   ปฏิปนฺโน   โหติ   ตทา   อิมํ  นาฬาคิรึ  หตฺถึ  มุญฺจิตฺวา
อิมํ   รจฺฉํ   ปฏิปาเทถาติ   ฯ   เอวํ   ภนฺเตติ  โข  เต  หตฺถิภณฺฑา
เทวทตฺตสฺส ปจฺจสฺโสสุํ ฯ
     {๓๗๗.๑}   อถโข     ภควา     ปุพฺพณฺหสมยํ    นิวาเสตฺวา
ปตฺตจีวรมาทาย   สมฺพหุเลหิ   ภิกฺขูหิ   สทฺธึ   ราชคหํ  ๑-  ปาวิสิ  ฯ
อถโข   ภควา   ตํ   รจฺฉํ  ปฏิปชฺชิ  ฯ  อทฺทสํสุ  โข  เต  หตฺถิภณฺฑา
ภควนฺตํ   ตํ   รจฺฉํ   ปฏิปนฺนํ  ทิสฺวาน  นาฬาคิรึ  หตฺถึ  ๒-  มุญฺจิตฺวา
ตํ   รจฺฉํ   ปฏิปาเทสุํ   ฯ   อทฺทสา   โข   นาฬาคิริ  หตฺถี  ภควนฺตํ
@เชิงอรรถ:  ม. ยุ. ปิณฺฑาย ฯ  ม. อยํ ปาโ นตฺถิ ฯ
ทูรโต   ว   อาคจฺฉนฺตํ  ทิสฺวาน  โสณฺฑํ  อุสฺสาเปตฺวา  ปหฏฺกณฺณวาโล
เยน ภควา เตน อภิธาวิ ฯ
     {๓๗๗.๒}   อทฺทสํสุ  โข  เต  ภิกฺขู  นาฬาคิรึ  หตฺถึ  ทูรโต  ว
อาคจฺฉนฺตํ    ทิสฺวาน   ภควนฺตํ   เอตทโวจุํ   อยํ   ภนฺเต   นาฬาคิริ
หตฺถี    จณฺโฑ   ผรุโส   ๑-   มนุสฺสฆาตโก   อิมํ   รจฺฉํ   ปฏิปนฺโน
ปฏิกฺกมตุ   ภนฺเต   ภควา   ปฏิกฺกมตุ   สุคโตติ  ฯ  อาคจฺฉถ  ภิกฺขเว
มา   ภายิตฺถ   อฏฺานเมตํ   ภิกฺขเว   อนวกาโส   โย   ปรุปกฺกเมน
ตถาคตํ   ชีวิตา   โวโรเปยฺย   น   ปรุปกฺกเมน   ภิกฺขเว   ตถาคตา
ปรินิพฺพายนฺตีติ ฯ
     {๓๗๗.๓}   ทุติยมฺปิ  โข  เต  ภิกฺขู  ฯเปฯ  ตติยมฺปิ โข เต ภิกฺขู
ภควนฺตํ   เอตทโวจุํ   อยํ   ภนฺเต   นาฬาคิริ   หตฺถี   จณฺโฑ  ผรุโส
มนุสฺสฆาตโก    อิมํ    รจฺฉํ    ปฏิปนฺโน   ปฏิกฺกมตุ   ภนฺเต   ภควา
ปฏิกฺกมตุ   สุคโตติ   ฯ   อาคจฺฉถ  ภิกฺขเว  มา  ภายิตฺถ  อฏฺานเมตํ
ภิกฺขเว   อนวกาโส   โย   ปรุปกฺกเมน   ตถาคตํ  ชีวิตา  โวโรเปยฺย
น ปรุปกฺกเมน ภิกฺขเว ตถาคตา ปรินิพฺพายนฺตีติ ฯ
     [๓๗๘]   เตน  โข  ปน  สมเยน  มนุสฺสา  ปาสาเทสุปิ หมฺมิเยสุปิ
ฉทเนสุปิ   อารูฬฺหา   อจฺฉนฺติ   ฯ  ตตฺถ  เย  เต  มนุสฺสา  อสฺสทฺธา
อปฺปสนฺนา    ทุพฺพุทฺธิโน    เต    เอวมาหํสุ    อภิรูโป    วต   โภ
โคตโม   ๒-   มหาสมโณ   นาเคน   วิเหิยิสฺสตีติ  ฯ  เย  ปน  เต
@เชิงอรรถ:  ม. ยุ. อยํ ปาโ น ปญฺายติ ฯ  ม. ยุ. อยํ ปาโ นตฺถิ ฯ
มนุสฺสา    สทฺธา    ปสนฺนา   ปณฺฑิตา   พุทฺธิมนฺโต   เต   เอวมาหํสุ
นจิรสฺสํ  ๑-  วต  โภ  นาโค  นาเคน  สงฺคาเมสฺสตีติ  ฯ อถโข ภควา
นาฬาคิรึ   หตฺถึ   เมตฺเตน   จิตฺเตน  ผริ  ฯ  อถโข  นาฬาคิริ  หตฺถี
ภควโต    เมตฺเตน   จิตฺเตน   ผุฏฺโ   โสณฺฑํ   โอโรเปตฺวา   เยน
ภควา    เตนุปสงฺกมิ   อุปสงฺกมิตฺวา   ภควโต   ปุรโต   อฏฺาสิ   ฯ
อถโข    ภควา    ทกฺขิเณน   หตฺเถน   นาฬาคิริสฺส   หตฺถิสฺส   กุมฺภํ
ปรามสนฺโต นาฬาคิรึ หตฺถึ คาถาหิ อชฺฌภาสิ
     [๓๗๙]   มา กุญฺชร นาคมาสโท ๒-
                  ทุกฺขํ หิ กุญฺชร นาคมาสโท ฯ
                  น หิ นาคหตสฺส กุญฺชร
                  สุคติ โหติ อิโต ปรํ ยโต ฯ
                  มา จ มโท มา จ ปมาโท
                  น หิ ปมตฺตา สุคตึ วชนฺติ เต ฯ
                  ตฺวญฺเว ตถา กริสฺสสิ
                  เยน ตฺวํ สุคตึ คมิสฺสสีติ ฯ
     [๓๘๐]   อถโข   นาฬาคิริ   หตฺถี  โสณฺฑาย  ภควโต  ปาทปํสูนิ
คเหตฺวา   อุปริมุทฺธนิ   อากิริตฺวา   ปฏิกุฏิโต   ปฏิสกฺกิ  ยาว  ภควนฺตํ
อทกฺขิ   ฯ   อถโข   นาฬาคิริ   หตฺถี   หตฺถิสาลํ  คนฺตฺวา  สกฏฺาเน
อฏฺาสิ ฯ ตถาทนฺโต จ ปน นาฬาคิริ หตฺถึ อโหสิ ฯ
@เชิงอรรถ:  ยุ. นสทฺโท นตฺถิ ฯ  ยุ. นาคม อาสโท ฯ
     [๓๘๑]   เตน โข ปน สมเยน          มนุสฺสา อิมํ คาถํ คายนฺติ
                  ทณฺเฑเนเก ทมยนฺติ       องฺกุเสหิ กสาหิ จ ฯ
                  อทณฺเฑน อสตฺเถน         นาโค ทนฺโต มเหสินาติ ฯ
มนุสฺสา   อุชฺฌายนฺติ   ขียนฺติ  วิปาเจนฺติ  ยาว  ปาโป  อยํ  เทวทตฺโต
อลกฺขิโก    ยตฺร    หิ    นาม   สมณสฺส   โคตมสฺส   เอวํมหิทฺธิกสฺส
เอวํมหานุภาวสฺส      วธาย     ปรกฺกมิสฺสตีติ     ฯ     เทวทตฺตสฺส
ลาภสกฺกาโร ปริหายิ ฯ ภควโต จ ลาภสกฺกาโร อภิวฑฺฒิ ฯ
     [๓๘๒]   เตน  โข  ปน  สมเยน  เทวทตฺโต  ปริหีนลาภสกฺกาโร
สปริโส   กุเลสุ   วิญฺาเปตฺวา   วิญฺาเปตฺวา   ภุญฺชติ   ฯ   มนุสฺสา
อุชฺฌายนฺติ   ขียนฺติ   วิปาเจนฺติ   กถํ   หิ   นาม  สมณา  สกฺยปุตฺติยา
กุเลสุ    วิญฺาเปตฺวา    วิญฺาเปตฺวา    ภุญฺชิสฺสนฺติ   กสฺส   สมฺปนฺนํ
น  มนาปํ  กสฺส  สาทุํ  น  รุจฺจตีติ  ฯ  อสฺโสสุํ โข ภิกฺขู เตสํ มนุสฺสานํ
อุชฺฌายนฺตานํ    ขียนฺตานํ    วิปาเจนฺตานํ    ฯ    เย    เต   ภิกฺขู
อปฺปิจฺฉา    ฯเปฯ   เต   อุชฺฌายนฺติ   ขียนฺติ   วิปาเจนฺติ   กถํ   หิ
นาม    เทวทตฺโต    สปริโส    กุเลสุ   วิญฺาเปตฺวา   วิญฺาเปตฺวา
ภุญฺชิสฺสตีติ   ฯ   ภควโต   เอตมตฺถํ   อาโรเจสุํ   ฯเปฯ   สจฺจํ  กิร
ตฺวํ    เทวทตฺต    สปริโส    กุเลสุ    วิญฺาเปตฺวา    วิญฺาเปตฺวา
ภุญฺชสีติ   ฯ   สจฺจํ   ภควาติ   ฯเปฯ   วิครหิตฺวา  ธมฺมึ  กถํ  กตฺวา
ภิกฺขู    อามนฺเตสิ    เตนหิ    ภิกฺขเว    ภิกฺขูนํ   กุเลสุ   ติกโภชนํ
ปญฺาเปสฺสามิ    ตโย    อตฺถวเส    ปฏิจฺจ    ทุมฺมงฺกูนํ    ปุคฺคลานํ
นิคฺคหาย    เปสลานํ    ภิกฺขูนํ    ผาสุวิหาราย    มา    ภิกฺขู   ๑-
ปาปิจฺฉา    ปกฺขํ   นิสฺสาย   สงฺฆํ   ภินฺเทยฺยุนฺติ   กุลานุทยตาย   ๒-
จ คณโภชเน ยถาธมฺโม กาเรตพฺโพติ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๗ หน้าที่ ๑๘๗-๑๙๑. https://84000.org/tipitaka/read/pali_read.php?B=7&A=3758&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=7&A=3758&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=7&item=377&items=6              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=7&siri=51              ศึกษาอรรถกถานี้ได้ที่ :- https://84000.org/tipitaka/attha/attha.php?b=7&i=377              สารบัญพระไตรปิฎกเล่มที่ ๗ https://84000.org/tipitaka/read/?index_7 https://84000.org/tipitaka/english/?index_7

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]