ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๗ ภาษาบาลี อักษรไทย พระวินัยปิฎกเล่มที่ ๗ วินย. จุลฺลวคฺโค (๒)

     [๓๙๓]   เตน   โข  ปน  สมเยน  เทวทตฺโต  มหติยา  ปริสาย
ปริวุโต   ธมฺมํ  เทเสนฺโต  นิสินฺโน  โหติ  ฯ  อทฺทสา  โข  เทวทตฺโต
สารีปุตฺตโมคฺคลฺลาเน    ทูรโต    ว    อาคจฺฉนฺเต    ทิสฺวาน   ภิกฺขู
อามนฺเตสิ   ปสฺสถ   ภิกฺขเว   ยาว   สฺวากฺขาโต  มยา  ธมฺโม  เยปิ
เต    สมณสฺส   โคตมสฺส   อคฺคสาวกา   สารีปุตฺตโมคฺคลฺลานา   เตปิ
มม  สนฺติเก  อาคจฺฉนฺติ  มม  ธมฺมํ โรเจนฺตาติ ฯ เอวํ วุตฺเต โกกาลิโก
เทวทตฺตํ  เอตทโวจ  มา  อาวุโส  เทวทตฺต  สารีปุตฺตโมคฺคลฺลาเนหิ ๒-
@เชิงอรรถ:  ม. ยุ. ภควโต อวิทูเร โรทมาโน ิโต โหตีติ ฯ
@ ม. ยุ. สารีปุตฺตโมคฺคลฺลาเน ฯ
วิสฺสาสิ     ปาปิจฺฉา     สารีปุตฺตโมคฺคลฺลานา    ปาปิกานํ    อิจฺฉานํ
วสํ  คตาติ  ฯ  อลํ  อาวุโส  สฺวาคตํ  เตสํ ยโต เม ธมฺมํ โรเจนฺตีติ ฯ
อถโข    เทวทตฺโต   อายสฺมนฺตํ   สารีปุตฺตํ   อุปฑฺฒาสเนน   นิมนฺเตสิ
เอหาวุโส   สารีปุตฺต  อิธ  นิสีทาหีติ  ฯ  อลํ  อาวุโสติ  โข  อายสฺมา
สารีปุตฺโต   อญฺตรํ   อาสนํ  คเหตฺวา  เอกมนฺตํ  นิสีทิ  ฯ  อายสฺมาปิ
โข   มหาโมคฺคลฺลาโน   อญฺตรํ  อาสนํ  คเหตฺวา  เอกมนฺตํ  นิสีทิ  ฯ
อถโข   เทวทตฺโต  พหุเทว  รตฺตึ  ภิกฺขู  ธมฺมิยา  กถาย  สนฺทสฺเสตฺวา
สมาทเปตฺวา    สมุตฺเตเชตฺวา    สมฺปหํเสตฺวา   อายสฺมนฺตํ   สารีปุตฺตํ
อชฺเฌสิ   วิคตถีนมิทฺโธ   โข   อาวุโส  สารีปุตฺเต  ภิกฺขุสงฺโฆ  ปฏิภาตุ
ตํ  อาวุโส  สารีปุตฺต  ภิกฺขูนํ  ธมฺมี  กถา  ปิฏฺิ  เม  อาคิลายติ  ตมหํ
อายมิสฺสามีติ   ฯ  เอวมาวุโสติ  โข  อายสฺมา  สารีปุตฺโต  เทวทตฺตสฺส
ปจฺจสฺโสสิ   ฯ   อถโข   เทวทตฺโต   จตุคฺคุณํ   สงฺฆาฏึ  ปญฺาเปตฺวา
ทกฺขิเณน  ปสฺเสน  เสยฺยํ  กปฺเปสิ  ฯ  ตสฺส  กิลนฺตสฺส  ๑- มุฏฺสฺสติสฺส
อสมฺปชานสฺส มุหุตฺตเกเนว นิทฺทํ ๒- โอกฺกมิ ฯ
     [๓๙๔]    อถโข  อายสฺมา สารีปุตฺโต อาเทสนาปาฏิหาริยานุสาสนิยา
ภิกฺขู   ธมฺมิยา  กถาย  โอวทิ  อนุสาสิ  ฯ  อายสฺมา  มหาโมคฺคลฺลาโน
อิทฺธิปาฏิหาริยานุสาสนิยา   ภิกฺขู   ธมฺมิยา   กถาย  โอวทิ  อนุสาสิ  ฯ
อถโข     เตสํ    ภิกฺขูนํ    อายสฺมตา    สารีปุตฺเตน    อาเทสนา-
ปาฏิหาริยานุสาสนิยา      อายสฺมตา      จ      มหาโมคฺคลฺลาเนน
@เชิงอรรถ:  ม. กิลมนฺตสฺส ฯ  ม. ยุ. นิทฺทา ฯ
อิทฺธิปาฏิหาริยานุสาสนิยา   โอวทิยมานานํ  อนุสาสิยมานานํ  วิรชํ  วีตมลํ
ธมฺมจกฺขุํ   อุทปาทิ   ยงฺกิญฺจิ   สมุทยธมฺมํ   สพฺพนฺตํ   นิโรธธมฺมนฺติ  ฯ
อถโข   อายสฺมา   สารีปุตฺโต  ภิกฺขู  อามนฺเตสิ  คจฺฉาม  มยํ  อาวุโส
ภควโต  สนฺติเก  โย  ตสฺส  ภควโต  ธมฺมํ โรเจติ ๑- โส อาคจฺฉตูติ ฯ
อถโข    สารีปุตฺตโมคฺคลฺลานา    ตานิ    ปญฺจ   ภิกฺขุสตานิ   อาทาย
เยน   เวฬุวนํ   เตนุปสงฺกมึสุ   ฯ   อถ   โข   โกกาลิโก  เทวทตฺตํ
อุฏฺาเปสิ   อุฏฺเหิ   อาวุโส   เทวทตฺต  นีตา  เต  ภิกฺขู  สารีปุตฺต-
โมคฺคลฺลาเนหิ  นนุ  ตฺวํ  อาวุโส  เทวทตฺต  มยา  วุตฺโต  มา อาวุโส
เทวทตฺต    สารีปุตฺตโมคฺคลฺลาเนหิ    วิสฺสาสิ    ปาปิจฺฉา   สารีปุตฺต-
โมคฺคลฺลานา   ปาปิกานํ  อิจฺฉานํ  วสํ  คตาติ  ฯ  อถโข  เทวทตฺตสฺส
ตตฺเถว อุณฺหํ โลหิตํ มุขโต อุคฺคญฺฉิ ฯ
     [๓๙๕]   อถโข  สารีปุตฺตโมคฺคลฺลานา  เยน  ภควา  เตนุปสงฺกมึสุ
อุปสงฺกมิตฺวา   ภควนฺตํ   อภิวาเทตฺวา   เอกมนฺตํ  นิสีทึสุ  ฯ  เอกมนฺตํ
นิสินฺโน   โข   อายสฺมา  สารีปุตฺโต  ภควนฺตํ  เอตทโวจ  สาธุ  ภนฺเต
เภทกานุวตฺตกา   ภิกฺขู   ปุน   อุปสมฺปชฺเชยฺยุนฺติ   ฯ   อลํ   สารีปุตฺต
มา   เต   รุจฺจิ   เภทกานุวตฺตกานํ   ภิกฺขูนํ   ปุน  อุปสมฺปทา  เตนหิ
ตฺวํ   สารีปุตฺต   เภทกานุวตฺตเก   ภิกฺขู   ถุลฺลจฺจยํ   เทสาเปหิ   กถํ
ปน   เต   สารีปุตฺต   เทวทตฺโต  ปฏิปชฺชีติ  ฯ  ยเถว  ภนฺเต  ภควา
พหุเทว   รตฺตึ   ภิกฺขู   ธมฺมิยา   กถาย   สนฺทสฺเสตฺวา  สมาทเปตฺวา
สมุตฺเตเชตฺวา      สมฺปหํเสตฺวา     มํ     อชฺเฌสิ     วิคตถีนมิทฺโธ
@เชิงอรรถ:  ม. โรเจสิ ฯ
โข   สารีปุตฺต   ภิกฺขุสงฺโฆ   ปฏิภาตุ   ตํ   สารีปุตฺต   ภิกฺขูนํ   ธมฺมี
กถา   ปิฏฺิ   เม   อาคิลายติ   ตมหํ   อายมิสฺสามีติ   เอวเมว  โข
ภนฺเต เทวทตฺโต ปฏิปชฺชีติ ฯ
     [๓๙๖]   อถโข   ภควา   ภิกฺขู   อามนฺเตสิ   ภูตปุพฺพํ  ภิกฺขเว
อรญฺายตเน   มหาสรสี   ตํ   นาคา   อุปนิสฺสาย   วิหรึสุ   ฯ   เต
จ  ๑-  ตํ  สรสึ  โอคาเหตฺวา  โสณฺฑาย  ภึสมุฬาลํ  ๒- อพฺพูหิตฺวา ๓-
สุวิกฺขาลิตํ  วิกฺขาเลตฺวา  อกทฺทมํ  สงฺขาทิตฺวา  อชฺโฌหรนฺติ  ฯ  เตสํ ตํ
วณฺณาย  เจว  โหติ  พลาย  จ  ฯ  น  จ ตโตนิทานํ มรณํ วา นิคจฺฉนฺติ
มรณมตฺตํ   วา   ทุกฺขํ   ฯ   เตสํเยว  โข  ปน  ภิกฺขเว  มหานาคานํ
อนุสิกฺขมานา  ตรุณา  นาคา  ๔-  ภิงฺกจฺฉาปา  เต ตํ สรสึ โอคาเหตฺวา
โสณฺฑาย    ภึสมุฬาลํ    อพฺพูหิตฺวา    น    สุวิกฺขาลิตํ   วิกฺขาเลตฺวา
สกทฺทมํ   สงฺขาทิตฺวา   อชฺโฌหรนฺติ   ฯ   เตสํ   ตํ   เนว   วณฺณาย
โหติ   น   พลาย   ฯ  ตโตนิทานํ  จ  มรณํ  วา  นิคจฺฉนฺติ  มรณมตฺตํ
วา   ทุกฺขํ   เอวเมว   โข   ภิกฺขเว   เทวทตฺโต  มมานุกุพฺพํ  กปโณ
มริสฺสตีติ ฯ
     [๓๙๗]   มหาวราหสฺส มหึ วิกุพฺพโต
                  ภึสํ ฆสานสฺส ๕- นทีสุ ชคฺคโต
@เชิงอรรถ:  ม. ยุ. จสทฺโท นตฺถิ  ม. ยุ. ภิสมุฬาลํ ฯ  ม. อพฺพหิตฺวา ฯ ยุ. อพฺพาหิตฺวา ฯ
@ ม. ยุ. อยํ ปาโ นตฺถิ ฯ  ยุ. ฆสมานสฺส ฯ
                  ภิงฺโกว ปงฺกํ อภิภกฺขยิตฺวา
                  มมานุกุพฺพํ กปโณ มริสฺสตีติ ฯ
     [๓๙๘]   อฏฺหิ   ภิกฺขเว   องฺเคหิ  สมนฺนาคโต  ภิกฺขุ  ทูเตยฺยํ
คนฺตุมรหติ  ฯ  กตเมหิ  อฏฺหิ  ฯ  อิธ  ภิกฺขเว  ภิกฺขุ  โสตา  จ โหติ
สาเวตา  จ  อุคฺคเหตา  จ  ธาเรตา  จ  วิญฺาตา  จ  วิญฺาเปตา จ
กุสโล   จ   สหิตาสหิตสฺส   โน  จ  กลหการโก  อิเมหิ  โข  ภิกฺขเว
อฏฺหงฺเคหิ สมนฺนาคโต ภิกฺขุ ทูเตยฺยํ คนฺตุมรหติ ฯ
     [๓๙๙]   อฏฺหิ  ภิกฺขเว  องฺเคหิ  สมนฺนาคโต  สารีปุตฺโต ทูเตยฺยํ
คนฺตุมรหติ   ฯ   กตเมหิ   อฏฺหิ  ฯ  อิธ  ภิกฺขเว  สารีปุตฺโต  โสตา
จ   โหติ   สาเวตา   จ   อุคฺคเหตา   จ   ธาเรตา   จ  วิญฺาตา
จ   วิญฺาเปตา   จ   กุสโล   จ  สหิตาสหิตสฺส  โน  จ  กลหการโก
อิเมหิ   โข   ภิกฺขเว   อฏฺหงฺเคหิ   สมนฺนาคโต  สารีปุตฺโต  ทูเตยฺยํ
คนฺตุมรหตีติ ฯ
     [๔๐๐]   โย เว น พฺยาธติ ๑- ปตฺวา    ปริสํ อุคฺควาทินึ
                  น จ หาเปติ วจนํ                       น จ ฉาเทติ สาสนํ
                  อสนฺทิทฺโธ จ อกฺขาติ                 ปุจฺฉิโต น จ กุปฺปติ ๒-
                  สเว ตาทิสโก ภิกฺขู                    ทูเตยฺยํ คนฺตุมรหตีติ ฯ
     [๔๐๑]   อฏฺหิ   ภิกฺขเว  อสทฺธมฺเมหิ  อภิภูโต  ปริยาทินฺนจิตฺโต
เทวทตฺโต   อาปายิโก   เนรยิโก   กปฺปฏฺโ   อเตกิจฺโฉ  ฯ  กตเมหิ
@เชิงอรรถ:  ม. พฺยธติ ฯ ยุ. วฺยาธติ ฯ  ม. ยุ. ปุจฺฉิโต จ น กุปฺปติ ฯ
อฏฺหิ   ฯ   ลาเภน   ภิกฺขเว   อภิภูโต   ปริยาทินฺนจิตฺโต  เทวทตฺโต
อาปายิโก    เนรยิโก    กปฺปฏฺโ    อเตกิจฺโฉ   อลาเภน   ภิกฺขเว
ฯเปฯ   ยเสน   ภิกฺขเว   ฯเปฯ  อยเสน  ภิกฺขเว  ฯเปฯ  สกฺกาเรน
ภิกฺขเว   ฯเปฯ   อสกฺกาเรน   ภิกฺขเว   ฯเปฯ  ปาปิจฺฉตาย  ภิกฺขเว
ฯเปฯ   ปาปมิตฺตตาย   ภิกฺขเว   อภิภูโต   ปริยาทินฺนจิตฺโต  เทวทตฺโต
อาปายิโก   เนรยิโก   กปฺปฏฺโ   อเตกิจฺโฉ   อิเมหิ   โข   ภิกฺขเว
อฏฺหิ   อสทฺธมฺเมหิ   อภิภูโต   ปริยาทินฺนจิตฺโต  เทวทตฺโต  อาปายิโก
เนรยิโก กปฺปฏฺโ อเตกิจฺโฉ ฯ
     {๔๐๑.๑}   สาธุ  ภิกฺขเว  ภิกฺขุ  อุปฺปนฺนํ  ลาภํ  อภิภุยฺย  อภิภุยฺย
วิหเรยฺย  อุปฺปนฺนํ  อลาภํ  ฯเปฯ  อุปฺปนฺนํ  ยสํ  อุปฺปนฺนํ  อยสํ  อุปฺปนฺนํ
สกฺการํ    อุปฺปนฺนํ   อสกฺการํ   อุปฺปนฺนํ   ปาปิจฺฉตํ   ฯเปฯ   อุปฺปนฺนํ
ปาปมิตฺตตํ  อภิภุยฺย  อภิภุยฺย  วิหเรยฺย  กญฺจ  ๑-  ภิกฺขเว ภิกฺขุ อตฺถวสํ
ปฏิจฺจ  อุปฺปนฺนํ  ลาภํ  อภิภุยฺย  อภิภุยฺย  วิหเรยฺย  อุปฺปนฺนํ อลาภํ ฯเปฯ
อุปฺปนฺนํ   ยสํ   อุปฺปนฺนํ   อยสํ   อุปฺปนฺนํ   สกฺการํ  อุปฺปนฺนํ  อสกฺการํ
อุปฺปนฺนํ   ปาปิจฺฉตํ   ฯเปฯ   อุปฺปนฺนํ   ปาปมิตฺตตํ   อภิภุยฺย   อภิภุยฺย
วิหเรยฺย   ยํ   หิสฺส   ภิกฺขเว   อุปฺปนฺนํ   ลาภํ   อนภิภุยฺย   วิหรโต
อุปฺปชฺเชยฺยุํ    อาสวา    วิฆาตปริฬาหา    อุปฺปนฺนํ    ลาภํ   อภิภุยฺย
อภิภุยฺย   วิหรโต   เอวํส   เต   อาสวา   วิฆาตปริฬาหา  น  โหนฺติ
ยํ   หิสฺส   ภิกฺขเว   อุปฺปนฺนํ   อลาภํ   ฯเปฯ  อุปฺปนฺนํ  ยสํ  อุปฺปนฺนํ
อยสํ    อุปฺปนฺนํ    สกฺการํ   อุปฺปนฺนํ   อสกฺการํ   อุปฺปนฺนํ   ปาปิจฺฉตํ
@เชิงอรรถ:  ม. กถญฺจ ฯ ยุ กิญฺจ ฯ
ฯเปฯ    อุปฺปนฺนํ    ปาปมิตฺตตํ    อนภิภุยฺย    วิหรโต    อุปฺปชฺเชยฺยุํ
อาสวา    วิฆาตปริฬาหา    ฯเปฯ    อุปฺปนฺนํ    ปาปมิตฺตตํ   อภิภุยฺย
อภิภุยฺย    วิหรโต    เอวํส    เต    อาสวา    วิฆาตปริฬาหา   น
โหนฺติ   อิมํ   ๑-   โข   ภิกฺขเว   ภิกฺขุ   อตฺถวสํ   ปฏิจฺจ  อุปฺปนฺนํ
ลาภํ    อภิภุยฺย    อภิภุยฺย    วิหเรยฺย    อุปฺปนฺนํ    อลาภํ   ฯเปฯ
อุปฺปนฺนํ   ยสํ   อุปฺปนฺนํ   อยสํ   อุปฺปนฺนํ   สกฺการํ  อุปฺปนฺนํ  อสกฺการํ
อุปฺปนฺนํ   ปาปิจฺฉตํ   ฯเปฯ   อุปฺปนฺนํ   ปาปมิตฺตตํ   อภิภุยฺย   อภิภุยฺย
วิหเรยฺย   ฯ   ตสฺมาติห   ภิกฺขเว   อุปฺปนฺนํ   ลาภํ  อภิภุยฺย  อภิภุยฺย
วิหริสฺสาม   ฯ   อุปฺปนฺนํ   อลาภํ  ฯเปฯ  อุปฺปนฺนํ  ยสํ  อุปฺปนฺนํ  อยสํ
อุปฺปนฺนํ    สกฺการํ   อุปฺปนฺนํ   อสกฺการํ   อุปฺปนฺนํ   ปาปิจฺฉตํ   ฯเปฯ
อุปฺปนฺนํ    ปาปมิตฺตตํ    อภิภุยฺย    อภิภุยฺย    วิหริสฺสามาติ   เอวญฺหิ
โว ภิกฺขเว สิกฺขิตพฺพนฺติ ฯ
     [๔๐๒]   ตีหิ   ภิกฺขเว   อสทฺธมฺเมหิ   อภิภูโต  ปริยาทินฺนจิตฺโต
เทวทตฺโต   อาปายิโก   เนรยิโก   กปฺปฏฺโ   อเตกิจฺโฉ  ฯ  กตเมหิ
ตีหิ    ฯ    ปาปิจฺฉตา    ปาปมิตฺตตา   โอรมตฺตเกน   วิเสสาธิคเมน
อนฺตรา   โวสานํ   อาปาทิ   อิเมหิ   โข   ภิกฺขเว  ตีหิ  อสทฺธมฺเมหิ
อภิภูโต     ปริยาทินฺนจิตฺโต     เทวทตฺโต     อาปายิโก    เนรยิโก
กปฺปฏฺโติ ๒- ฯ
     [๔๐๓]   มา ชาตุ โกจิ โลกสฺมึ      ปาปิจฺโฉ อุปปชฺชถ ๓-
@เชิงอรรถ:  ม. อิทํ โข ฯ  ม. ยุ. กปฺปฏฺโ อเตกิจฺโฉติ ฯ  ม. ยุ. อุทปชฺชถ ฯ
                  ตทิมินาปิ ชานาถ                ปาปิจฺฉานํ ยถา คติ ฯ
                  ปณฺฑิโตติ สมญฺาโต          ภาวิตตฺโตติ สมฺมโต
                  ชลํ ว ยสสา อฏฺา               เทวทตฺโตติ เม สุตํ ฯ
                  โส ปมาทํ อนุจิณฺโณ            อาสชฺช นํ ตถาคตํ
                  อวีจินิรยํ ปตฺโต                    จตุทฺวารํ ภยานกํ ฯ
                  อทุฏฺสฺส หิ โย ทุพฺเภ ๑-      ปาปกมฺมํ อกุพฺพโต
                  ตเมว ปาปํ ผุสติ                  ทุฏฺจิตฺตํ อนาทรํ ฯ
                  สมุทฺทํ วิสกุมฺเภน                โย มญฺเยฺย ปทูสิตุํ
                  น โส เตน ปทูเสยฺย              เภสฺมา ๒- หิ อุทธี มหา
                  เอวเมว ตถาคตํ                   โย วาเทนูปหึสติ
                  สมคตํ ๓- สนฺตจิตฺตํ             วาโท ตมฺหิ น รูหติ ฯ
                  ตาทิสํ มิตฺตํ กุพฺเพถ             ตญฺจ เสเวยฺย ๔- ปณฺฑิโต
                  ยสฺส มคฺคานุโค ภิกฺขุ           ขยํ ทุกฺขสฺส ปาปุเณติ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๗ หน้าที่ ๑๙๗-๒๐๔. https://84000.org/tipitaka/read/pali_read.php?B=7&A=3963&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=7&A=3963&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=7&item=393&items=11              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=7&siri=54              ศึกษาอรรถกถานี้ได้ที่ :- https://84000.org/tipitaka/attha/attha.php?b=7&i=401              สารบัญพระไตรปิฎกเล่มที่ ๗ https://84000.org/tipitaka/read/?index_7 https://84000.org/tipitaka/english/?index_7

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]