ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๗ ภาษาบาลี อักษรไทย พระวินัยปิฎกเล่มที่ ๗ วินย. จุลฺลวคฺโค (๒)

     [๔๓๐]   เตน   โข  ปน  สมเยน  สมฺพหุลา  ภิกฺขู  อชฺโฌกาเส
จีวรกมฺมํ   กโรนฺติ   ฯ   ฉพฺพคฺคิยา   ภิกฺขู   ปฏิวาเต   ปงฺคเณ  ๒-
เสนาสนํ  ปปฺโปเฏสุํ  ฯ  ภิกฺขู  รเชน  โอกิริยึสุ  ๖-  ฯ  เย เต ภิกฺขู
@เชิงอรรถ:  ม. วาสทฺโท นตฺถิ ฯ  ม. องฺคเณ ฯ  ม. ยุ. โอกิรึสุ ฯ
อปฺปิจฺฉา    ฯเปฯ   เต   อุชฺฌายนฺติ   ขียนฺติ   วิปาเจนฺติ   กถํ   หิ
นาม   ฉพฺพคฺคิยา   ภิกฺขู   ปฏิวาเต  ปงฺคเณ  เสนาสนํ  ปปฺโปเฏสฺสนฺติ
ภิกฺขู   รเชน  โอกิริยิสฺสนฺตีติ  ฯ  อถโข  เต  ภิกฺขู  ภควโต  เอตมตฺถํ
อาโรเจสุํ   ฯเปฯ   สจฺจํ   กิร   ภิกฺขเว  ฉพฺพคฺคิยา  ภิกฺขู  ปฏิวาเต
ปงฺคเณ   เสนาสนํ   ปปฺโปเฏนฺติ   ภิกฺขู   รเชน   โอกิริยึสูติ  ๓-  ฯ
สจฺจํ   ภควาติ  ฯเปฯ  วิครหิตฺวา  ธมฺมึ  กถํ  กตฺวา  ภิกฺขู  อามนฺเตสิ
เตนหิ    ภิกฺขเว    ภิกฺขูนํ    เสนาสนวตฺตํ    ปญฺาเปสฺสามิ    ยถา
ภิกฺขูหิ เสนาสเน สมฺมา วตฺติตพฺพํ ฯ
     [๔๓๑]   ยสฺมึ  วิหาเร วิหรติ สเจ โส วิหาโร อุกฺลาโป โหติ สเจ
อุสฺสหติ   โสเธตพฺโพ   วิหารํ   โสเธนฺเตน  ปมํ  ปตฺตจีวรํ  นีหริตฺวา
เอกมนฺตํ     นิกฺขิปิตพฺพํ     นิสีทนปจฺจตฺถรณํ     นีหริตฺวา    เอกมนฺตํ
นิกฺขิปิตพฺพํ      ภิสิพิมฺโพหนํ     นีหริตฺวา     เอกมนฺตํ     นิกฺขิปิตพฺพํ
มญฺโจ     นีจํ     กตฺวา    สาธุกํ    อปริฆํสนฺเตน    อสงฺฆฏฺฏนฺเตน
กวาฏปิฏฺ     นีหริตฺวา     เอกมนฺตํ     นิกฺขิปิตพฺโพ     ปี    นีจํ
กตฺวา   สาธุกํ   อปริฆํสนฺเตน   อสงฺฆฏฺฏนฺเตน   กวาฏปิฏฺ   นีหริตฺวา
เอกมนฺตํ     นิกฺขิปิตพฺพํ     มญฺจปฏิปาทกา     นีหริตฺวา     เอกมนฺตํ
นิกฺขิปิตพฺพา     เขฬมลฺลโก     นีหริตฺวา     เอกมนฺตํ    นิกฺขิปิตพฺโพ
อปสฺเสนผลกํ     นีหริตฺวา     เอกมนฺตํ     นิกฺขิปิตพฺพํ     ภุมฺมตฺถรณํ
ยถาปญฺตฺตํ     สลฺลกฺเขตฺวา     นีหริตฺวา     เอกมนฺตํ    นิกฺขิปิตพฺพํ
@เชิงอรรถ:  ม. ยุ. โอกิรึสูติ ฯ
สเจ    วิหาเร    สนฺตานกํ   โหติ   อุลฺโลกา   ปมํ   โอหาเรตพฺพํ
อาโลกสนฺธิกณฺณภาคา      ปมชฺชิตพฺพา      สเจ     เครุกปริกมฺมกตา
ภิตฺติ   กณฺณกิตา   โหติ   โจฬกํ   เตเมตฺวา   ปิเฬตฺวา   ปมชฺชิตพฺพา
สเจ    กาฬวณฺณกตา    ภูมิ    กณฺณกิตา   โหติ   โจฬกํ   เตเมตฺวา
ปีเฬตฺวา    ปมชฺชิตพฺพา    สเจ    อกตา    โหติ    ภูมิ    อุทเกน
ปริปฺโผสิตฺวา     สมฺมชฺชิตพฺพา    มา    วิหาโร    รเชน    อูหญฺีติ
สงฺการํ วิจินิตฺวา เอกมนฺตํ ฉฑฺเฑตพฺพํ
     {๔๓๑.๑}   น    ภิกฺขุสามนฺตา   เสนาสนํ   ปปฺโปเฏตพฺพํ   น
วิหารสามนฺตา     เสนาสนํ     ปปฺโปเฏตพฺพํ     น    ปานียสามนฺตา
เสนาสนํ     ปปฺโปเฏตพฺพํ     น     ปริโภชนียสามนฺตา     เสนาสนํ
ปปฺโปเฏตพฺพํ    น    ปฏิวาเต    ปงฺคเณ    เสนาสนํ   ปปฺโปเฏตพฺพํ
อโธวาเต เสนาสนํ ปปฺโปเฏตพฺพํ
     {๔๓๑.๒}   ภุมฺมตฺถรณํ    เอกมนฺตํ   โอตาเปตฺวา   โสเธตฺวา
ปปฺโปเฏตฺวา        อติหริตฺวา       ยถาปญฺตฺตํ       ปญฺาเปตพฺพํ
มญฺจปฏิปาทกา    เอกมนฺตํ    โอตาเปตฺวา    ปมชฺชิตฺวา    อติหริตฺวา
ยถาาเน   เปตพฺพา   มญฺโจ   เอกมนฺตํ   โอตาเปตฺวา   โสเธตฺวา
ปปฺโปเฏตฺวา    นีจํ    กตฺวา   สาธุกํ   อปริฆํสนฺเตน   อสงฺฆฏฺฏนฺเตน
กวาฏปิฏฺ   อติหริตฺวา   ยถาปญฺตฺตํ   ปญฺาเปตพฺโพ   ปี   เอกมนฺตํ
โอตาเปตฺวา  โสเธตฺวา  ปปฺโปเฏตฺวา  นีจํ  กตฺวา  สาธุกํ อปริฆํสนฺเตน
อสงฺฆฏฺฏนฺเตน        กวาฏปิฏฺ        อติหริตฺวา       ยถาปญฺตฺตํ
ปญฺาเปตพฺพํ    ภิสิพิมฺโพหนํ    เอกมนฺตํ    โอตาเปตฺวา    โสเธตฺวา
ปปฺโปเฏตฺวา        อติหริตฺวา       ยถาปญฺตฺตํ       ปญฺาเปตพฺพํ
นิสีทนปจฺจตฺถรณํ    เอกมนฺตํ   โอตาเปตฺวา   โสเธตฺวา   ปปฺโปเฏตฺวา
อติหริตฺวา     ยถาปญฺตฺตํ    ปญฺาเปตพฺพํ    เขฬมลฺลโก    เอกมนฺตํ
โอตาเปตฺวา     ปมชฺชิตฺวา     อติหริตฺวา    ยถาาเน    เปตพฺโพ
อปสฺเสนผลกํ     เอกมนฺตํ    โอตาเปตฺวา    ปมชฺชิตฺวา    อติหริตฺวา
ยถาาเน    เปตพฺพํ    ปตฺตจีวรํ    นิกฺขิปิตพฺพํ   ปตฺตํ   นิกฺขิปนฺเตน
เอเกน   หตฺเถน   ปตฺตํ   คเหตฺวา   เอเกน   หตฺเถน   เหฏฺามญฺจํ
วา    เหฏฺาปี   วา   ปรามสิตฺวา   ปตฺโต   นิกฺขิปิตพฺโพ   น   จ
อนนฺตรหิตาย    ภูมิยา    ปตฺโต    นิกฺขิปิตพฺโพ    จีวรํ   นิกฺขิปนฺเตน
เอเกน  หตฺเถน  จีวรํ  คเหตฺวา  เอเกน  หตฺเถน จีวรวํสํ วา จีวรรชฺชุํ
วา ปมชฺชิตฺวา ปารโต อนฺตํ โอรโต โภคํ กตฺวา จีวรํ นิกฺขิปิตพฺพํ
     {๔๓๑.๓}   สเจ   ปุรตฺถิมา   สรขา  วาตา  วายนฺติ  ปุรตฺถิมา
วาตปานา    ถเกตพฺพา    สเจ   ปจฺฉิมา   สรชา   วาตา   วายนฺติ
ปจฺฉิมา    วาตปานา    ถเกตพฺพา   สเจ   อุตฺตรา   สรชา   วาตา
วายนฺติ    อุตฺตรา   วาตปานา   ถเกตพฺพา   สเจ   ทกฺขิณา   สรชา
วาตา   วายนฺติ   ทกฺขิณา   วาตปานา   ถเกตพฺพา   สเจ   สีตกาโล
โหติ    ทิวา    วาตปานา    วิวริตพฺพา    รตฺตึ   ถเกตพฺพา   สเจ
อุณฺหกาโล โหติ ทิวา วาตปานา ถเกตพฺพา รตฺตึ วิวริตพฺพา
     {๔๓๑.๔}   สเจ   ปริเวณํ  อุกฺลาปํ  โหติ  ปริเวณํ  สมฺมชฺชิตพฺพํ
สเจ    โกฏฺโก   อุกฺลาโป   โหติ   โกฏฺโก   สมฺมชฺชิตพฺโพ   สเจ
อุปฏฺานสาลา     อุกฺลาปา    โหติ    อุปฏฺานสาลา    สมฺมชฺชิตพฺพา
สเจ   อคฺคิสาลา   อุกฺลาปา   โหติ   อคฺคิสาลา   สมฺมชฺชิตพฺพา  สเจ
วจฺจกุฏี   ๑-   อุกฺลาปา   โหติ   วจฺจกุฏี  สมฺมชฺชิตพฺพา  สเจ  ปานียํ
น    โหติ    ปานียํ   อุปฏฺาเปตพฺพํ   สเจ   ปริโภชนียํ   น   โหติ
ปริโภชนียํ   อุปฏฺาเปตพฺพํ   สเจ   อาจมนกุมฺภิยา   อุทกํ   น   โหติ
อาจมนกุมฺภิยา อุทกํ อาสิญฺจิตพฺพํ
     {๔๓๑.๕}   สเจ   วุฑฺเฒน  สทฺธึ  เอกวิหาเร  วิหรติ  น  วุฑฺฒํ
อนาปุจฺฉา   อุทฺเทโส   ทาตพฺโพ  น  ปริปุจฺฉา  ทาตพฺพา  น  สชฺฌาโย
กาตพฺโพ   น   ธมฺโม   ภาสิตพฺโพ   น   ปทีโป  กาตพฺโพ  น  ปทีโป
วิชฺฌาเปตพฺโพ   น   วาตปานา   วิวริตพฺพา  น  วาตปานา  ถเกตพฺพา
สเจ   วุฑฺเฒน   สทฺธึ   เอกจงฺกเม   จงฺกมติ   เยน   วุฑฺโฒ   เตน
ปริวตฺติตพฺพํ น จ วุฑฺโฒ สงฺฆาฏิกณฺเณน ฆฏฺเฏตพฺโพ
     {๔๓๑.๖}   อิทํ  โข  ภิกฺขเว  ภิกฺขูนํ  เสนาสนวตฺตํ  ยถา  ภิกฺขูหิ
เสนาสเน สมฺมา วตฺติตพฺพนฺติ ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๗ หน้าที่ ๒๓๕-๒๓๙. https://84000.org/tipitaka/read/pali_read.php?B=7&A=4727&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=7&A=4727&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=7&item=430&items=2              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=7&siri=65              ศึกษาอรรถกถานี้ได้ที่ :- https://84000.org/tipitaka/attha/attha.php?b=7&i=430              สารบัญพระไตรปิฎกเล่มที่ ๗ https://84000.org/tipitaka/read/?index_7 https://84000.org/tipitaka/english/?index_7

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]