บาลีพระไตรปิฎกเล่มที่ ๗ - พระวินัยปิฎกเล่มที่ ๗

     [๔๓๔]   เตน   โข   ปน  สมเยน  อญฺตโร  ภิกฺขุ  พฺราหฺมณ-
ชาติโก   วจฺจํ   กตฺวา   น   อิจฺฉติ   อาจเมตุํ   โก   อิมํ   วสลํ
@เชิงอรรถ: ^๑ ม. ยุ. รา. ปิสทฺโท นตฺถิ ฯ ^๒ ม. อุปริโตปิ ฯ ยุ. อุปริโต ฯ
ทุคฺคนฺธํ   อามสิสฺสตีติ   ฯ   ตสฺส  วจฺจมคฺเค  กิมิ  สณฺาสิ  ฯ  อถโข
โส   ภิกฺขุ   ภิกฺขูนํ   เอตมตฺถํ   อาโรเจสิ  ฯ  กึ  ปน  ตฺวํ  อาวุโส
วจฺจํ   กตฺวา   น   อาจเมสีติ   ฯ  เอวมาวุโสติ  ฯ  เย  เต  ภิกฺขู
อปฺปิจฺฉา    ฯเปฯ   เต   อุชฺฌายนฺติ   ขียนฺติ   วิปาเจนฺติ   กถํ   หิ
นาม   ภิกฺขุ   วจฺจํ   กตฺวา   น   อาจมิสฺสตีติ  ฯ  อถโข  เต  ภิกฺขู
ภควโต   เอตมตฺถํ   อาโรเจสุํ   ฯเปฯ   สจฺจํ  กิร  ตฺวํ  ภิกฺขุ  วจฺจํ
กตฺวา   น   อาจเมสีติ   ฯ   สจฺจํ  ภควาติ  ฯเปฯ  วิครหิตฺวา  ธมฺมึ
กถํ   กตฺวา   ภิกฺขู   อามนฺเตสิ   น   ภิกฺขเว   วจฺจํ   กตฺวา   สติ
อุทเก น อาจเมตพฺพํ โย นาจเมยฺย อาปตฺติ ทุกฺกฏสฺสาติ ฯ
     [๔๓๕]   เตน   โข   ปน  สมเยน  ภิกฺขู  วจฺจกุฏิยา  ยถาวุฑฺฒํ
วจฺจํ    กโรนฺติ   ฯ   นวกา   ภิกฺขู   ปมตรํ   อาคนฺตฺวา   วจฺจิตา
อาคเมนฺติ   ฯ  เต  วจฺจํ  สนฺธาเรนฺตา  มุจฺฉิตา  ปปตนฺติ  ฯ  ภควโต
เอตมตฺถํ   อาโรเจสุํ   ฯเปฯ   สจฺจํ   กิร  ภิกฺขเว  ภิกฺขู  วจฺจกุฏิยา
ยถาวุฑฺฒํ    วจฺจํ    กโรนฺติ    นวกา    ภิกฺขู   ปมตรํ   อาคนฺตฺวา
วจฺจิตา   อาคเมนฺติ   เต   วจฺจํ  สนฺธาเรนฺตา  มุจฺฉิตา  ปปตนฺตีติ  ฯ
สจฺจํ   ภควาติ   ฯเปฯ   น   ภิกฺขเว   วจฺจกุฏิยา   ยถาวุฑฺฒํ  วจฺโจ
กาตพฺโพ    โย   กเรยฺย   อาปตฺติ   ทุกฺกฏสฺส   อนุชานามิ   ภิกฺขเว
อาคตปฏิปาฏิยา วจฺจํ กาตุนฺติ ฯ
     [๔๓๖]   เตน   โข  ปน  สมเยน  ฉพฺพคฺคิยา  ภิกฺขู  อติสหสาปิ
วจฺจกุฏึ    ปวิสนฺติ   อุพฺภุชิตฺวาปิ   ^๑-   ปวิสนฺติ   นิตฺถุนนฺตาปิ   วจฺจํ
@เชิงอรรถ: ^๑ ม. อุพฺภชิตฺวา ฯ
กโรนฺติ     ทนฺตกฏฺ     ขาทนฺตาปิ     วจฺจํ    กโรนฺติ    พหิทฺธาปิ
วจฺจโทณิกาย    วจฺจํ   กโรนฺติ   พหิทฺธาปิ   ปสฺสาวโทณิกาย   ปสฺสาวํ
กโรนฺติ    ปสฺสาวโทณิกายปิ    เขฬํ    กโรนฺติ    ผรุเสนปิ   กฏฺเน
อวเลขนฺติ     อวเลขนกฏฺมฺปิ    วจฺจกูปมฺหิ    ปาเตนฺติ    อติสหสาปิ
นิกฺขมนฺติ    อุพฺภุชิตฺวาปิ   นิกฺขมนฺติ   จปุจปุการกาปิ   ^๑-   อาจเมนฺติ
อาจมนสราวเกปิ อุทกํ เสเสนฺติ ฯ
     {๔๓๖.๑}   เย  เต  ภิกฺขู  อปฺปิจฺฉา  ฯเปฯ เต อุชฺฌายนฺติ ขียนฺติ
วิปาเจนฺติ   กถํ   หิ   นาม   ฉพฺพคฺคิยา   ภิกฺขู   อติสหสาปิ  วจฺจกุฏึ
ปวิสิสฺสนฺติ   อุพฺภุชิตฺวาปิ   ปวิสิสฺสนฺติ   นิตฺถุนนฺตาปิ  วจฺจํ  กริสฺสนฺติ
ทนฺตกฏฺ   ขาทนฺตาปิ   วจฺจํ   กริสฺสนฺติ  พหิทฺธาปิ  วจฺจโทณิกาย  วจฺจํ
กริสฺสนฺติ      พหิทฺธาปิ     ปสฺสาวโทณิกาย     ปสฺสาวํ     กริสฺสนฺติ
ปสฺสาวโทณิกายปิ   เขฬํ   กริสฺสนฺติ   ผรุเสนปิ   กฏฺเน  อวเลขิสฺสนฺติ
อวเลขนกฏฺปิ    วจฺจกูปมฺหิ    ปาเตสฺสนฺติ    อติสหสาปิ   นิกฺขมิสฺสนฺติ
อุพฺภุชิตฺวาปิ     นิกฺขมิสฺสนฺติ     จปุจปุการกาปิ    ^๑-    อาจเมสฺสนฺติ
อาจมนสราวเกปิ   อุทกํ   เสเสสฺสนฺตีติ  ฯ  อถโข  เต  ภิกฺขู  ภควโต
เอตมตฺถํ  อาโรเจสุํ  ฯเปฯ  สจฺจํ กิร ภิกฺขเว ฯเปฯ สจฺจํ ภควาติ ฯเปฯ
วิครหิตฺวา   ธมฺมึ   กถํ   กตฺวา   ภิกฺขู   อามนฺเตสิ   เตนหิ  ภิกฺขเว
ภิกฺขูนํ    วจฺจกุฏีวตฺตํ    ปญฺาเปสฺสามิ    ยถา    ภิกฺขูหิ   วจฺจกุฏิยา
สมฺมา วตฺติตพฺพํ ฯ
@เชิงอรรถ: ^๑ ม. จปุจปุการกํปิ ฯ ยุ. จปุจปุการกมฺปิ ฯ
     [๔๓๗]   โย  วจฺจกุฏึ  คจฺฉติ  เตน  ^๑-  พหิฏฺิเตน  อุกฺกาสิตพฺพํ
อนฺโต   นิสินฺเนนปิ   อุกฺกาสิตพฺพํ   จีวรวํเส   วา   จีวรรชฺชุยา   วา
จีวรํ   นิกฺขิปิตฺวา   สาธุกํ  อตรมาเนน  วจฺจกุฏี  ปวิสิตพฺพา  นาติสหสา
ปวิสิตพฺพา    น    อุพฺภุชิตฺวา    ปวิสิตพฺพา    วจฺจปาทุกาย    ิเตน
อุพฺภุชิตพฺพํ    น    นิตฺถุนนฺเตน    วจฺโจ    กาตพฺโพ   น   ทนฺตกฏฺ
ขาทนฺเตน    วจฺโจ   กาตพฺโพ   น   พหิทฺธา   วจฺจโทณิกาย   วจฺโจ
กาตพฺโพ    น    พหิทฺธา    ปสฺสาวโทณิกาย    ปสฺสาโว    กาตพฺโพ
น    ปสฺสาวโทณิกาย    เขโฬ    กาตพฺโพ    น   ผรุเสน   กฏฺเน
อวเลขิตพฺพํ      น      อวเลขนกฏฺ      วจฺจกูปมฺหิ     ปาเตตพฺพํ
วจฺจปาทุกาย     ิเตน     ปฏิจฺฉาเทตพฺพํ    นาติสหสา    นิกฺขมิตพฺพํ
น    อุพฺภุชิตฺวา    นิกฺขมิตพฺพํ    อาจมนปาทุกาย   ิเตน   อุพฺภุชิตพฺพํ
น    จปุจปุการเกน   ^๒-   อาจเมตพฺพํ   น   อาจมนสราวเก   อุทกํ
เสเสตพฺพํ อาจมนปาทุกาย ิเตน ปฏิจฺฉาเทตพฺพํ
     {๔๓๗.๑}   สเจ วจฺจกุฏี อูหตา โหติ โธวิตพฺพา สเจ อวเลขนปิโร
ปูโร   โหติ   อวเลขนกฏฺ  ฉฑฺเฑตพฺพํ  สเจ  วจฺจกุฏี  อุกฺลาปา  โหติ
วจฺจกุฏี    สมฺมชฺชิตพฺพา    สเจ   ปริภณฺฑํ   อุกฺลาปํ   โหติ   ปริภณฺฑํ
สมฺมชฺชิตพฺพํ   สเจ   ปริเวณํ   อุกฺลาปํ   โหติ   ปริเวณํ   สมฺมชฺชิตพฺพํ
สเจ     โกฏฺโก     อุกฺลาโป    โหติ    โกฏฺโก    สมฺมชฺชิตพฺโพ
สเจ    อาจมนกุมฺภิยา    อุทกํ    น    โหติ   อาจมนกุมฺภิยา   อุทกํ
@เชิงอรรถ: ^๑ ยุ. เตนาติสทฺโท นตฺถิ ฯ ^๒ ม. ยุ. จปุจปุการกํ ฯ
อาสิญฺจิตพฺพํ
     {๔๓๗.๒}   อิทํ  โข  ภิกฺขเว  ภิกฺขูนํ  วจฺจกุฏีวตฺตํ  ยถา  ภิกฺขูหิ
วจฺจกุฏิยา สมฺมา วตฺติตพฺพนฺติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๗ หน้าที่ ๒๔๑-๒๔๕. https://84000.org/tipitaka/read/pali_read.php?B=7&A=4851&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=7&A=4851&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=7&item=434&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=7&siri=67 ศึกษาอรรถกถานี้ได้ที่ :- https://84000.org/tipitaka/attha/attha.php?b=7&i=434 สารบัญพระไตรปิฎกเล่มที่ ๗ https://84000.org/tipitaka/read/?index_7 https://84000.org/tipitaka/english/?index_7