ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ฉบับหลวง   ฉบับมหาจุฬาฯ   บาลีอักษรไทย   PaliRoman 
อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย
พระไตรปิฎกเล่มที่ ๗ ภาษาบาลี อักษรไทย พระวินัยปิฎกเล่มที่ ๗ วินย. จุลฺลวคฺโค (๒)

     [๑๑๐]   เตน  โข  ปน  สมเยน  วฑฺโฒ  ลิจฺฉวิ เมตฺติยภุมฺมชกานํ
ภิกฺขูนํ  สหาโย  โหติ  ฯ  อถโข  วฑฺโฒ ลิจฺฉวิ ๓- เยน เมตฺติยภุมฺมชกา
ภิกฺขู   เตนุปสงฺกมิ   อุปสงฺกมิตฺวา   เมตฺติยภุมฺมชเก   ภิกฺขู  เอตทโวจ
วนฺทามิ  อยฺยาติ  ฯ  เอวํ วุตฺเต เมตฺติยภุมฺมชกา ภิกฺขู นาลปึสุ ฯ ทุติยมฺปิ
โข  วฑฺโฒ  ลิจฺฉวิ ๓- เมตฺติยภุมฺมชเก ภิกฺขู เอตทโวจ วนฺทามิ อยฺยาติ ฯ
ทุติยมฺปิ   โข  เมตฺติยภุมฺมชกา  ภิกฺขู  นาลปึสุ  ฯ  ตติยมฺปิ  โข  วฑฺโฒ
ลิจฺฉวิ  เมตฺติยภุมฺมชเก  ภิกฺขู  เอตทโวจ  วนฺทามิ อยฺยาติ ฯ ตติยมฺปิ โข
@เชิงอรรถ:  ม. ยุ. เอกตฺถรณาปิ ตุวฏฺเฏนฺติ ฯ เอกปาวุรณาปิ ตุวฏฺเฏนฺติ ฯ
@เอกตฺถรณปาวุรณาปิ ตุวฏฺเฏนฺติ ฯ  ม. ยุ. น เอกตฺถรณา ตุวฏฺฏิตพฺพํ ฯ
@น เอกปาวุรณา ตุวฏฺฏิตพฺพํ ฯ น เอกตฺถรณปาวุรณา ตุวฏฺฏิตพฺพํ ฯ
@ ม. ลิจฺฉวี ฯ เอวมุปริ ฯ
เมตฺติยภุมฺมชกา    ภิกฺขู   นาลปึสุ   ฯ   กฺยาหํ   อยฺยานํ   อปรชฺฌามิ
กิสฺส   มํ   อยฺยา   นาลปนฺตีติ  ฯ  ตถา  หิ  ปน  ตฺวํ  อาวุโส  วฑฺฒ
อเมฺห   ทพฺเพน   มลฺลปุตฺเตน   วิเหิยมาเน  อชฺฌุเปกฺขสีติ  ฯ  กฺยาหํ
อยฺยา   กโรมีติ   ฯ   สเจ   โข   ตฺวํ   อาวุโส  วฑฺฒ  อิจฺเฉยฺยาสิ
อชฺเชว   ภควา  อายสฺมนฺตํ  ทพฺพํ  มลฺลปุตฺตํ  นาสาเปยฺยาติ  ฯ  กฺยาหํ
อยฺยา   กโรมิ   กึ   มยา   สกฺกา   กาตุนฺติ  ฯ  เอหิ  ตฺวํ  อาวุโส
วฑฺฒ     เยน     ภควา     เตนุปสงฺกมิ    อุปสงฺกมิตฺวา    ภควนฺตํ
เอวํ    วเทหิ    อิทํ    ภนฺเต   นจฺฉนฺนํ   นปฺปฏิรูปํ   ยายํ   ภนฺเต
ทิสา   อภยา   อนีติกา   อนุปทฺทวา   สายํ   ทิสา   สภยา   สอีติกา
สอุปทฺทวา    ยโต   นีวาตํ   ตโต   ปวาตํ   อุทกํ   มญฺเ   อาทิตฺตํ
อยฺเยน   เม   ทพฺเพน   มลฺลปุตฺเตน   ปชาปติ   ทูสิตาติ   ฯ   เอวํ
อยฺยาติ   โข   วฑฺโฒ   ลิจฺฉวิ   เมตฺติยภุมฺมชกานํ   ภิกฺขูนํ  ปฏิสฺสุตฺวา
เยน    ภควา    เตนุปสงฺกมิ   อุปสงฺกมิตฺวา   ภควนฺตํ   อภิวาเทตฺวา
เอกมนฺตํ   นิสีทิ   ฯ   เอกมนฺตํ  นิสินฺโน  โข  วฑฺโฒ  ลิจฺฉวิ  ภควนฺตํ
เอตทโวจ   อิทํ   ภนฺเต   นจฺฉนฺนํ   นปฺปฏิรูปํ   ยายํ   ภนฺเต   ทิสา
อภยา   อนีติกา   อนุปทฺทวา   สายํ  ทิสา  สภยา  สอีติกา  สอุปทฺทวา
ยโต   นีวาตํ   ตโต   ปวาตํ   อุทกํ   มญฺเ   อาทิตฺตํ  อยฺเยน  เม
ทพฺเพน มลฺลปุตฺเตน ปชาปติ ทูสิตาติ ฯ
     [๑๑๑]   อถโข   ภควา   เอตสฺมึ   นิทาเน   เอตสฺมึ  ปกรเณ
ภิกฺขุสงฺฆํ    สนฺนิปาตาเปตฺวา   อายสฺมนฺตํ   ทพฺพํ   มลฺลปุตฺตํ   ปฏิปุจฺฉิ
สรสิ   ตฺวํ   ทพฺพ   เอวรูปํ  กตฺตา  ยถายํ  วฑฺโฒ  อาหาติ  ฯ  ยถา
มํ   ภนฺเต  ภควา  ชานาตีติ  ฯ  ทุติยมฺปิ  โข  ภควา  ฯเปฯ  ตติยมฺปิ
โข   ภควา   อายสฺมนฺตํ  ทพฺพํ  มลฺลปุตฺตํ  เอตทโวจ  สรสิ  ตฺวํ  ทพฺพ
เอวรูปํ   กตฺตา   ยถายํ  วฑฺโฒ  อาหาติ  ฯ  ยถา  มํ  ภนฺเต  ภควา
ชานาตีติ  ฯ  น  โข  ทพฺพ  ทพฺพา  เอวํ  นิพฺเพเนฺติ  สเจ  ตยา กตํ
กตนฺติ  วเทหิ  สเจ  อกตํ  อกตนฺติ  วเทหีติ  ฯ ยโตหํ ๑- ภนฺเต ชาโต
นาภิชานามิ สุปินนฺเตนปิ เมถุนํ ธมฺมํ ปฏิเสวิตา ปเคว ชาคโรติ ฯ
     [๑๑๒]   อถโข  ภควา  ภิกฺขู  อามนฺเตสิ  เตนหิ  ภิกฺขเว  สงฺโฆ
วฑฺฒสฺส ลิจฺฉวิสฺส ปตฺตํ นิกฺกุชฺชตุ อสมฺโภคํ สงฺเฆน กโรตุ ฯ
     [๑๑๓]   อฏฺหิ   ภิกฺขเว   องฺเคหิ   สมนฺนาคตสฺส   อุปาสกสฺส
ปตฺโต     นิกฺกุชฺชิตพฺโพ     ภิกฺขูนํ    อลาภาย    ปริสกฺกติ    ภิกฺขูนํ
อนตฺถาย    ปริสกฺกติ    ภิกฺขูนํ   อนาวาสาย   ๒-   ปริสกฺกติ   ภิกฺขู
อกฺโกสติ   ปริภาสติ   ภิกฺขู   ภิกฺขูหิ   เภเทติ  พุทฺธสฺส  อวณฺณํ  ภาสติ
ธมฺมสฺส    อวณฺณํ    ภาสติ    สงฺฆสฺส    อวณฺณํ   ภาสติ   อนุชานามิ
ภิกฺขเว    อิเมหิ    อฏฺหงฺเคหิ    สมนฺนาคตสฺส    อุปาสกสฺส   ปตฺตํ
นิกฺกุชฺชิตุํ ฯ
     [๑๑๔]   เอวญฺจ   ปน   ภิกฺขเว   นิกฺกุชฺชิตพฺโพ   ฯ  พฺยตฺเตน
@เชิงอรรถ:  ม. ยโต อหํ ฯ  ม. ยุ. อวาสาย ฯ
ภิกฺขุนา ปฏิพเลน สงฺโฆ าเปตพฺโพ
     {๑๑๔.๑}   สุณาตุ  เม  ภนฺเต  สงฺโฆ  วฑฺโฒ  ลิจฺฉวิ  อายสฺมนฺตํ
ทพฺพํ   มลฺลปุตฺตํ   อมูลิกาย   สีลวิปตฺติยา   อนุทฺธํเสติ   ยทิ   สงฺฆสฺส
ปตฺตกลฺลํ   สงฺโฆ   วฑฺฒสฺส   ลิจฺฉวิสฺส   ปตฺตํ   นิกฺกุชฺเชยฺย  อสมฺโภคํ
สงฺเฆน กเรยฺย ฯ เอสา ตฺติ ฯ
     {๑๑๔.๒}   สุณาตุ  เม  ภนฺเต  สงฺโฆ  วฑฺโฒ  ลิจฺฉวิ  อายสฺมนฺตํ
ทพฺพํ    มลฺลปุตฺตํ    อมูลิกาย   สีลวิปตฺติยา   อนุทฺธํเสติ   ฯ   สงฺโฆ
วฑฺฒสฺส   ลิจฺฉวิสฺส   ปตฺตํ   นิกฺกุชฺชติ   อสมฺโภคํ   สงฺเฆน  กโรติ  ฯ
ยสฺสายสฺมโต    ขมติ    วฑฺฒสฺส    ลิจฺฉวิสฺส    ปตฺตสฺส    นิกฺกุชฺชนา
อสมฺโภคํ สงฺเฆน กรณํ โส ตุณฺหสฺส ยสฺส นกฺขมติ โส ภาเสยฺย ฯ
     {๑๑๔.๓}   นิกฺกุชฺชิโต  สงฺเฆน  วฑฺฒสฺส ลิจฺฉวิสฺส ปตฺโต อสมฺโภโค
สงฺเฆน ขมติ สงฺฆสฺส ตสฺมา ตุณฺหี ฯ เอวเมตํ ธารยามีติ ๑- ฯ
     [๑๑๕]   อถโข   อายสฺมา   อานนฺโท  ปุพฺพณฺหสมยํ  นิวาเสตฺวา
ปตฺตจีวรมาทาย    เยน    วฑฺฒสฺส   ลิจฺฉวิสฺส   นิเวสนํ   เตนุปสงฺกมิ
อุปสงฺกมิตฺวา    วฑฺฒํ    ลิจฺฉวึ   เอตทโวจ   สงฺเฆน   เต   อาวุโส
วฑฺฒ    ปตฺโต    นิกฺกุชฺชิโต    อสมฺโภโคสิ   สงฺเฆนาติ   ฯ   อถโข
วฑฺโฒ   ลิจฺฉวิ   สงฺเฆน   กิร   เม  ปตฺโต  นิกฺกุชฺชิโต  อสมฺโภโคมฺหิ
กิร    สงฺเฆนาติ   ตตฺเถว   มุจฺฉิโต   ปปโต   ฯ   อถโข   วฑฺฒสฺส
@เชิงอรรถ:  อิโต ปรํ อถโข สงฺโฆ วฑฺฒสฺส ลิจฺฉวิสฺส ปตฺตํ นิกฺกุชฺชิ อสมฺโภคํ สงฺเฆน
@อกาสีติ ปาโ ภวิตุํ อรหติเยว ฯ
ลิจฺฉวิสฺส      มิตฺตามจฺจา      าติสาโลหิตา      วฑฺฒํ      ลิจฺฉวึ
เอตทโวจุํ   อลํ   อาวุโส   วฑฺฒ   มา   โสจิ   มา   ปริเทวิ   มยํ
ภควนฺตํ   ปสาเทสฺสาม   ภิกฺขุสงฺฆญฺจาติ   ฯ   อถโข   วฑฺโฒ   ลิจฺฉวิ
สปุตฺตทาโร    สมิตฺตามจฺโจ   สาติสาโลหิโต   อลฺลวตฺโถ   อลฺลเกโส
เยน     ภควา    เตนุปสงฺกมิ    อุปสงฺกมิตฺวา    ภควโต    ปาเทสุ
สิรสา   นิปติตฺวา   ภควนฺตํ   เอตทโวจ  อจฺจโย  มํ  ภนฺเต  อจฺจคมา
ยถาพาลํ    ยถามูฬฺหํ    ยถาอกุสลํ    โยหํ   อยฺยํ   ทพฺพํ   มลฺลปุตฺตํ
อมูลิกาย    สีลวิปตฺติยา    อนุทฺธํเสสึ    ตสฺส   เม   ภนฺเต   ภควา
อจฺจยํ   อจฺจยโต   ปฏิคฺคณฺหาตุ  อายตึ  สํวรายาติ  ฯ  อิงฺฆ  ๑-  ตฺวํ
อาวุโส   วฑฺฒ   อจฺจโย   อจฺจคมา   ยถาพาลํ   ยถามูฬฺหํ  ยถาอกุสลํ
ยํ   ตฺวํ   ทพฺพํ   มลฺลปุตฺตํ   อมูลิกาย   สีลวิปตฺติยา  อนุทฺธํเสสิ  ยโต
จ   โข   ตฺวํ   อาวุโส   วฑฺฒ   อจฺจยํ   อจฺจยโต  ทิสฺวา  ยถาธมฺมํ
ปฏิกโรสิ    ตนฺเต    มยํ    ปฏิคฺคณฺหาม    วุฑฺฒิ    เหสา   อาวุโส
วฑฺฒ   อริยสฺส   วินเย   โย   อจฺจยํ   อจฺจยโต   ทิสฺวา   ยถาธมฺมํ
ปฏิกโรติ อายตึ สํวรํ อาปชฺชตีติ ฯ
     [๑๑๖]   อถโข   ภควา  ภิกฺขู  อามนฺเตสิ  เตนหิ  ๒-  ภิกฺขเว
สงฺโฆ    วฑฺฒสฺส    ลิจฺฉวิสฺส    ปตฺตํ   อุกฺกุชฺชตุ   สมฺโภคํ   สงฺเฆน
กโรตุ    ฯ    อฏฺหิ   ภิกฺขเว   องฺเคหิ   สมนฺนาคตสฺส   อุปาสกสฺส
ปตฺโต    อุกฺกุชฺชิตพฺโพ    น    ภิกฺขูนํ    อลาภาย    ปริสกฺกติ    น
@เชิงอรรถ:  ม. ยุ. ตคฺฆ ฯ  ม. ยุ. เตน หิ ฯ
ภิกฺขูนํ   อนตฺถาย   ปริสกฺกติ   น   ภิกฺขูนํ  อนาวาสาย  ๑-  ปริสกฺกติ
น   ภิกฺขู   อกฺโกสติ  ปริภาสติ  น  ภิกฺขู  ภิกฺขูหิ  เภเทติ  น  พุทฺธสฺส
อวณฺณํ   ภาสติ   น   ธมฺมสฺส   อวณฺณํ   ภาสติ   น   สงฺฆสฺส  อวณฺณํ
ภาสติ    อนุชานามิ    ภิกฺขเว    อิเมหิ   อฏฺหงฺเคหิ   สมนฺนาคตสฺส
อุปาสกสฺส ปตฺตํ อุกฺกุชฺชิตุํ ฯ
     [๑๑๗]   เอวญฺจ  ปน  ภิกฺขเว  อุกฺกุชฺชิตพฺโพ  ฯ  เตน  ภิกฺขเว
วฑฺเฒน   ลิจฺฉวินา   สงฺฆํ   อุปสงฺกมิตฺวา  เอกํสํ  อุตฺตราสงฺคํ  กริตฺวา
ภิกฺขูนํ   ปาเท   วนฺทิตฺวา   อุกฺกุฏิกํ   นิสีทิตฺวา   อญฺชลึ   ปคฺคเหตฺวา
เอวมสฺส  วจนีโย  สงฺเฆน  เม  ภนฺเต  ปตฺโต  นิกฺกุชฺชิโต อสมฺโภโคมฺหิ
สงฺเฆน  โสหํ  ภนฺเต  สมฺมา  วตฺตามิ  โลมํ  ปาเตมิ  เนตฺถารํ วตฺตามิ
สงฺฆํ   ปตฺตุกฺกุชฺชนํ   ยาจามีติ   ฯ   ทุติยมฺปิ  ยาจิตพฺพา  ๒-  ตติยมฺปิ
ยาจิตพฺพา ๒- ฯ
     [๑๑๘]   พฺยตฺเตน ภิกฺขุนา ปฏิพเลน สงฺโฆ าเปตพฺโพ
     {๑๑๘.๑}   สุณาตุ  เม  ภนฺเต  สงฺโฆ  สงฺเฆน  วฑฺฒสฺส ลิจฺฉวิสฺส
ปตฺโต   นิกฺกุชฺชิโต   อสมฺโภโค  สงฺเฆน  ฯ  โส  สมฺมา  วตฺตติ  โลมํ
ปาเตติ   เนตฺถารํ  วตฺตติ  สงฺฆํ  ปตฺตุกฺกุชฺชนํ  ยาจติ  ฯ  ยทิ  สงฺฆสฺส
ปตฺตกลฺลํ   สงฺโฆ   วฑฺฒสฺส   ลิจฺฉวิสฺส   ปตฺตํ   อุกฺกุชฺเชยฺย   สมฺโภคํ
สงฺเฆน กเรยฺย ฯ เอสา ตฺติ ฯ
     {๑๑๘.๒}   สุณาตุ     เม     ภนฺเต     สงฺโฆ    สงฺเฆน
วฑฺฒสฺส       ลิจฺฉวิสฺส       ปตฺโต      นิกฺกุชฺชิโต      อสมฺโภโค
สงฺเฆน    ฯ    โส    สมฺมา    วตฺตติ   โลมํ   ปาเตติ   เนตฺถารํ
@เชิงอรรถ:  ม. ยุ. อวาสาย ฯ  ม. ยาจิตพฺโพ ฯ
วตฺตติ   สงฺฆํ   ปตฺตุกฺกุชฺชนํ   ยาจติ   ฯ   สงฺโฆ   วฑฺฒสฺส  ลิจฺฉวิสฺส
ปตฺตํ   อุกฺกุชฺชติ   สมฺโภคํ   สงฺเฆน   กโรติ   ฯ  ยสฺสายสฺมโต  ขมติ
วฑฺฒสฺส    ลิจฺฉวิสฺส   ปตฺตสฺส   อุกฺกุชฺชนา   สมฺโภคํ   สงฺเฆน   กรณํ
โส ตุณฺหสฺส ยสฺส นกฺขมติ โส ภาเสยฺย ฯ
     {๑๑๘.๓}   อุกฺกุชฺชิโต   สงฺเฆน   วฑฺฒสฺส   ลิจฺฉวิสฺส   ปตฺโต
สมฺโภโค สงฺเฆน ขมติ สงฺฆสฺส ตสฺมา ตุณฺหี ฯ เอวเมตํ ธารยามีติ ฯ
     [๑๑๙]   อถโข  ภควา  เวสาลิยํ  ยถาภิรนฺตํ วิหริตฺวา เยน ภคฺคา
เตน   จาริกํ   ปกฺกามิ   อนุปุพฺเพน   จาริกํ   จรมาโน  เยน  ภคฺคา
ตทวสริ   ฯ   ตตฺร   สุทํ   ภควา   ภคฺเคสุ  วิหรติ  สุํสุมารคิเร  ๑-
เภสกฬาวเน มิคทาเย ฯ


             เนื้อความพระไตรปิฎกฉบับภาษาบาลี อักษรไทย เล่มที่ ๗ หน้าที่ ๔๐-๔๖. https://84000.org/tipitaka/read/pali_read.php?B=7&A=781&w=&modeTY=1              อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=7&A=781&modeTY=1              อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=7&item=110&items=10              อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=7&siri=11              สารบัญพระไตรปิฎกเล่มที่ ๗ https://84000.org/tipitaka/read/?index_7 https://84000.org/tipitaka/english/?index_7

อ่านหน้า[ต่าง] แรกอ่านหน้า[ต่าง] ที่แล้วแสดงหมายเลขหน้า
ในกรณี :- 
   บรรทัดแรกของแต่ละหน้าอ่านหน้า[ต่าง] ถัดไปอ่านหน้า[ต่าง] สุดท้าย คลิกเพื่อเปลี่ยน ฐญ เป็นแบบไทย

บันทึก ๖ ธันวาคม พ.ศ. ๒๕๕๙. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย. หากพบข้อผิดพลาด กรุณาแจ้งได้ที่ [email protected]