พระไตรปิฎกเล่มที่ ๘ ภาษาบาลี อักษรไทย
 พระวินัยปิฎกเล่มที่ ๘ วินย. ปริวาโร

                              วินยปิฏเก  ปริวาโร
                                     --------
              นโม ตสฺส ภควโต อรหโต สมฺมาสมฺพุทฺธสฺส ฯ
                         มหาวิภงฺเค  โสฬส  มหาวารา
     [๑]   ยนฺเตน  ภควตา  ชานตา  ปสฺสตา อรหตา สมฺมาสมฺพุทฺเธน
ปมํ  ปาราชิกํ  กตฺถ   ปญฺตฺตํ  ฯ  กํ  อารพฺภ  ฯ  กิสฺมึ  วตฺถุสฺมึ  ฯ
อตฺถิ    ตตฺถ    ปญฺตฺติ    อนุปฺปญฺตฺติ    อนุปฺปนฺนปญฺตฺติ    สพฺพตฺถ
ปญฺตฺติ      ปเทสปญฺตฺติ       สาธารณปญฺตฺติ     อสาธารณปญฺตฺติ
เอกโตปญฺตฺติ    อุภโตปญฺตฺติ    ฯ    ปญฺจนฺนํ     ปาติโมกฺขุทฺเทสานํ
กตฺโถคธํ กตฺถ ปริยาปนฺนํ  กตเมน อุทฺเทเสน อุทฺเทสํ อาคจฺฉติ ฯ
     {๑.๑}   จตุนฺนํ  วิปตฺตีนํ  กตมา  วิปตฺติ ฯ สตฺตนฺนํ อาปตฺติกฺขนฺธานํ
กตโม   อาปตฺติกฺขนฺโธ  ฯ  ฉนฺนํ  อาปตฺติสมุฏฺานานํ  กตีหิ  สมุฏฺาเนหิ
สมุฏฺาติ   ฯ   จตุนฺนํ  อธิกรณานํ  กตมํ  อธิกรณํ  ฯ  สตฺตนฺนํ  สมถานํ
กตีหิ  สมเถหิ  สมฺมติ  ฯ  โก  ตตฺถ  วินโย  โก ตตฺถ อภิวินโย กึ ตตฺถ
ปาติโมกฺขํ   กึ   ตตฺถ  อธิปาติโมกฺขํ    กา  วิปตฺติ   กา สมฺปตฺติ  กา
ปฏิปตฺติ  ฯ  กติ  อตฺถวเส  ปฏิจฺจ  ภควตา  ปมํ  ปาราชิกํ  ปญฺตฺตํ ฯ
เก สิกฺขนฺติ ฯ เก สิกฺขิตสิกฺขา ฯ กตฺถ ิตํ ฯ เก ธาเรนฺติ ฯ กสฺส วจนํ ฯ
เกนาภฏนฺติ ฯ
     [๒]   ยนฺเตน  ภควตา  ชานตา  ปสฺสตา  อรหตา สมฺมาสมฺพุทฺเธน
ปมํ   ปาราชิกํ   กตฺถ   ปญฺตฺตนฺติ   ฯ   เวสาลิยา  ปญฺตฺตํ  ฯ  กํ
อารพฺภาติ   ฯ   สุทินฺนํ   กลนฺทปุตฺตํ  อารพฺภ  ฯ  กิสฺมึ  วตฺถุสฺมินฺติ  ฯ
สุทินฺโน   กลนฺทปุตฺโต   ปุราณทุติยิกาย   เมถุนํ   ธมฺมํ  ปฏิเสวิ   ตสฺมึ
วตฺถุสฺมึ   ฯ   อตฺถิ   ตตฺถ  ปญฺตฺติ  อนุปฺปญฺตฺติ  อนุปฺปนฺนปญฺตฺตีติ  ฯ
เอกา    ปญฺตฺติ    เทฺว    อนุปฺปญฺตฺติโย    อนุปฺปนฺนปญฺตฺติ   ตสฺมึ
นตฺถิ   ฯ   สพฺพตฺถ   ปญฺตฺติ  ปเทสปญฺตฺตีติ  ฯ  สพฺพตฺถ  ปญฺตฺติ  ฯ
สาธารณปญฺตฺติ     อสาธารณปญฺตฺตีติ     ฯ    สาธารณปญฺตฺติ    ฯ
เอกโตปญฺตฺติ    อุภโตปญฺตฺตีติ    ฯ    อุภโตปญฺตฺติ    ฯ   ปญฺจนฺนํ
ปาติโมกฺขุทฺเทสานํ    กตฺโถคธํ   กตฺถ   ปริยาปนฺนนฺติ   ฯ   นิทาโนคธํ
นิทานปริยาปนฺนํ ฯ กตเมน อุทฺเทเสน อุทฺเทสํ อาคจฺฉตีติ ฯ
     {๒.๑}   ทุติเยน  อุทฺเทเสน  อุทฺเทสํ  อาคจฺฉติ  ฯ จตุนฺนํ วิปตฺตีนํ
กตมา   วิปตฺตีติ   ฯ   สีลวิปตฺติ   ฯ  สตฺตนฺนํ  อาปตฺติกฺขนฺธานํ  กตโม
อาปตฺติกฺขนฺโธติ   ฯ  ปาราชิกาปตฺติกฺขนฺโธ  ฯ  ฉนฺนํ  อาปตฺติสมุฏฺานานํ
กตีหิ  สมุฏฺาเนหิ  สมุฏฺาตีติ  ฯ  เอเกน สมุฏฺาเนน สมุฏฺาติ  กายโต
จ  จิตฺตโต จ สมุฏฺาติ  น วาจโต ฯ จตุนฺนํ อธิกรณานํ กตมํ อธิกรณนฺติ ฯ
อาปตฺตาธิกรณํ   ฯ  สตฺตนฺนํ  สมถานํ  กตีหิ  สมเถหิ  สมฺมตีติ  ฯ  ทฺวีหิ
สมเถหิ   สมฺมติ   สมฺมุขาวินเยน   จ   ปฏิญฺาตกรเณน   จ   ฯ  โก
ตตฺถ   วินโย    โก   ตตฺถ   อภิวินโยติ  ฯ  ปญฺตฺติ  วินโย   วิภตฺติ
อภิวินโย ฯ
     {๒.๒}   กึ  ตตฺถ  ปาติโมกฺขํ  กึ  ตตฺถ อธิปาติโมกฺขนฺติ ฯ ปญฺตฺติ
ปาติโมกฺขํ  วิภตฺติ  อธิปาติโมกฺขํ  ฯ  กา  วิปตฺตีติ  ฯ  อสํวโร วิปตฺติ ฯ
กา   สมฺปตฺตีติ  ฯ  สํวโร  สมฺปตฺติ  ฯ  กา  ปฏิปตฺตีติ  ฯ  น  เอวรูปํ
กริสฺสามีติ   ยาวชีวํ   อาปาณโกฏิกํ   สมาทาย  สิกฺขติ  สิกฺขาปเทสุ  ฯ
กติ   อตฺถวเส   ปฏิจฺจ   ภควตา   ปมํ   ปาราชิกํ   ปญฺตฺตนฺติ   ฯ
ทส    อตฺถวเส    ปฏิจฺจ    ภควตา    ปมํ    ปาราชิกํ    ปญฺตฺตํ
สงฺฆสุฏฺฐุตาย      สงฺฆผาสุตาย     ทุมฺมงฺกูนํ    ปุคฺคลานํ    นิคฺคหาย
เปสลานํ   ภิกฺขูนํ   ผาสุวิหาราย    ทิฏฺธมฺมิกานํ   อาสวานํ   สํวราย
สมฺปรายิกานํ   อาสวานํ   ปฏิฆาตาย    อปฺปสนฺนานํ   [๑]-  ปสาทาย
ปสนฺนานํ   [๑]-   ภิยฺโยภาวาย    สทฺธมฺมฏฺิติยา   วินยานุคฺคหาย  ฯ
เก   สิกฺขนฺตีติ  ฯ  เสกฺขา  จ  ปุถุชฺชนกลฺยาณกา  จ  สิกฺขนฺติ  ฯ  เก
สิกฺขิตสิกฺขาติ    ฯ   อรหนฺโต   สิกฺขิตสิกฺขา   ฯ   กตฺถ   ิตนฺติ   ฯ
สิกฺขากาเมสุ  ิตํ  ฯ  เก  ธาเรนฺตีติ  ฯ  เยสํ  วตฺตติ เต ธาเรนฺติ ฯ
กสฺส   วจนนฺติ   ฯ   ภควโต   วจนํ   อรหโต   สมฺมาสมฺพุทฺธสฺส   ฯ
เกนาภฏนฺติ ฯ ปรมฺปราภฏํ ฯ
     [๓]   อุปาลิ ทาสโก เจว              โสณโก สิคฺคโว ตถา
         โมคฺคลีปุตฺเตน ๒- ปญฺจมา   เอเต ชมฺพุสิริวฺหเย ฯ
         ตโต มหินฺโท อิฏฺฏิโย            อุตฺติโย เจว สมฺพโล ๓-
                            ภทฺทนาโม จ ปณฺฑิโต
         เอเต นาคา มหาปญฺา        ชมฺพุทีปา อิธาคตา
         วินยํ เต วาจยึสุ                    ปิฏกํ ตมฺพปณฺณิยา
@เชิงอรรถ: ๑ โป. วา. ฯ   ๒ ม. ยุ. โมคฺคลิ- ฯ   ๓ ม. ยุ. อุตฺติโย สมฺพโล ตถา ฯ
@อปราปรํปิ อีทิสเมว ฯ
         นิกาเย ปญฺจ วาเจสุํ             สตฺต เจว ปกรเณ ฯ
         ตโต อริฏฺโ เมธาวี               ติสฺสทตฺโต จ ปณฺฑิโต
         วิสารโท กาฬสุมโน              เถโร จ ทีฆนามโก
                            ทีฆสุมโน จ ปณฺฑิโต
         ปุนเรว กาฬสุมโน                นาคตฺเถโร จ พุทฺธรกฺขิโต
         ติสฺสตฺเถโร จ เมธาวี             เทวตฺเถโร จ ปณฺฑิโต
         ปุนเรว สุมโน เมธาวี             วินเย จ วิสารโท
         พหุสฺสุโต จูฬนาโค               คโชว ทุปฺปธํสิโย
         ธมฺมปาลิตนาโม จ               โรหเณ สาธุปูชิโต
         ตสฺส สิสฺโส มหาปญฺโ        เขมนาโม ติเปฏกี ๑-
         ทีเป ตารกราชาว                  ปญฺาย อติโรจติ ๒-
         อุปติสฺโส จ เมธาวี                ปุสฺสเทโว มหากถี
         ปุนเรว สุมโน เมธาวี             ปุปฺผนาโม พหุสฺสุโต
         มหากถี มหาสีโว                  ปิฏเก สพฺพตฺถ โกวิโท
         ปุนเรว อุปาลิ เมธาวี             วินเย จ วิสารโท
         มหานาโค มหาปญฺโ         สทฺธมฺมวํสโกวิโท
         ปุนเรว อภโย เมธาวี             ปิฏเก สพฺพตฺถ โกวิโท
         ติสฺสตฺเถโร จ เมธาวี              วินเย จ วิสารโท
         ตสฺส สิสฺโส มหาปญฺโ        ปุสฺสนาโม ๓- พหุสฺสุโต
@เชิงอรรถ: ๑ ม. ติเปฏโก ฯ   ๒ ม. ยุ. อติโรจถ ฯ   ๓ ม. ยุ. ปุปฺผนาโม ฯ
         สาสนํ อนุรกฺขนฺโต               ชมฺพุทีเป ปติฏฺิโต
         จูฬาภโย จ เมธาวี                วินเย จ วิสารโท
         ติสฺสตฺเถโร จ เมธาวี             สทฺธมฺมวํสโกวิโท
         จูฬาเทโว ๑- จ เมธาวี           วินเย จ วิสารโท
         สีวตฺเถโร จ เมธาวี                วินเย สพฺพตฺถ โกวิโท
         เอเต นาคา มหาปญฺา        วินยญฺู มคฺคโกวิทา
         วินยํ ทีเป ปกาเสสุํ               ปิฏกํ ตมฺพปณฺณิยาติ ฯ
     [๔]   ยนฺเตน  ภควตา  ชานตา  ปสฺสตา  อรหตา สมฺมาสมฺพุทฺเธน
ทุติยํ   ปาราชิกํ   กตฺถ   ปญฺตฺตนฺติ   ฯ   ราชคเห   ปญฺตฺตํ  ฯ  กํ
อารพฺภาติ  ฯ  ธนิยํ  กุมฺภการปุตฺตํ  อารพฺภ  ฯ กิสฺมึ วตฺถุสฺมินฺติ ฯ ธนิโย
กุมฺภการปุตฺโต   รญฺโ   ทารูนิ   อทินฺนานิ   อาทิยิ  ตสฺมึ  วตฺถุสฺมึ  ฯ
เอกา   ปญฺตฺติ   เอกา   อนุปฺปญฺตฺติ  นตฺถิ  อนุปฺปนฺนปญฺตฺติ  ฯ  ๒-
ฉนฺนํ  อาปตฺติสมุฏฺานานํ  [๓]-  ตีหิ  สมุฏฺาเนหิ สมุฏฺาติ สิยา กายโต
จ   จิตฺตโต  จ  สมุฏฺาติ  น  วาจโต  สิยา  วาจโต  จ  จิตฺตโต  จ
สมุฏฺาติ   น   กายโต   สิยา  กายโต   จ  วาจโต  จ  จิตฺตโต  จ
สมุฏฺาติ ฯเปฯ
     [๕]   ตติยํ  ปาราชิกํ  กตฺถ  ปญฺตฺตนฺติ  ฯ  เวสาลิยา ปญฺตฺตํ ฯ
กํ   อารพฺภาติ   ฯ  สมฺพหุเล  ภิกฺขู  อารพฺภ  ฯ  กิสฺมึ  วตฺถุสฺมินฺติ  ฯ
สมฺพหุลา  ภิกฺขู  อญฺมญฺ  ชีวิตา  โวโรเปสุํ  ตสฺมึ  วตฺถุสฺมึ  ฯ  เอกา
ปญฺตฺติ    เอกา    อนุปฺปญฺตฺติ    นตฺถิ   อนุปฺปนฺนปญฺตฺติ   ๒-   ฯ
@เชิงอรรถ: ๑ โป. ม. ยุ. จุฬเทโว ฯ    ๒ ม. ยุ. อิทํ ปาทฺวยํ นตฺถิ ฯ   ๓ ม. ยุ.
@ถตีหิ สมุฏฺาเนหิ สมุฏฺาตีติ ฯ
ฉนฺนํ   อาปตฺติสมุฏฺานานํ   ตีหิ   สมุฏฺาเนหิ  สมุฏฺาติ  สิยา  กายโต
จ   จิตฺตโต  จ  สมุฏฺาติ  น  วาจโต  สิยา  วาจโต  จ  จิตฺตโต  จ
สมุฏฺาติ   น   กายโต   สิยา   กายโต  จ  วาจโต  จ  จิตฺตโต  จ
สมุฏฺาติ ฯเปฯ
     [๖]   จตุตฺถํ  ปาราชิกํ  กตฺถ  ปญฺตฺตนฺติ  ฯ เวสาลิยา ปญฺตฺตํ ฯ
กํ  อารพฺภาติ  ฯ  วคฺคุมุทาตีริเย  ภิกฺขู  อารพฺภ  ฯ  กิสฺมึ วตฺถุสฺมินฺติ ฯ
วคฺคุมุทาตีริยา     ภิกฺขู     คิหีนํ    อญฺมญฺสฺส    อุตฺตริมนุสฺสธมฺมสฺส
วณฺณํ   ภาสึสุ   ตสฺมึ  วตฺถุสฺมึ  ฯ  เอกา  ปญฺตฺติ  เอกา  อนุปฺปญฺตฺติ
นตฺถิ   อนุปฺปนฺนปญฺตฺติ   ๑-  ฯ  ฉนฺนํ  อาปตฺติสมุฏฺานานํ  [๒]-  ตีหิ
สมุฏฺาเนหิ   สมุฏฺาติ   สิยา   กายโต  จ  จิตฺตโต  จ  สมุฏฺาติ  น
วาจโต   สิยา   วาจโต  จ  จิตฺตโต  จ  สมุฏฺาติ  น  กายโต  สิยา
กายโต จ วาจโต จ จิตฺตโต จ สมุฏฺาติ ฯเปฯ
                        จตฺตาโร ปาราชิกา นิฏฺิตา ฯ
                                   ตสฺสุทฺทานํ
     [๗]   เมถุนาทินฺนทานญฺจ       มนุสฺสวิคฺคหุตฺตริ
             ปาราชิกานิ จตฺตาริ           เฉชฺชวตฺถู อสํสยาติ ฯ
                                    ----------

             เนื้อความพระไตรปิฎกฉบับภาษาบาลี อักษรไทย เล่มที่ ๘ หน้าที่ ๑-๖.
https://84000.org/tipitaka/read/pali_read.php?B=8&A=1&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=8&A=1&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=8&item=1&items=7
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=8&siri=1
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=8&i=1
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=3&A=9420
             The Pali Atthakatha in Roman :-
https://84000.org/tipitaka/atthapali/read_rm.php?B=3&A=9420
             สารบัญพระไตรปิฎกเล่มที่ ๘
https://84000.org/tipitaka/read/?index_8
https://84000.org/tipitaka/english/?index_8