บาลีพระไตรปิฎกเล่มที่ ๘ - พระวินัยปิฎกเล่มที่ ๘

     [๒๖๑]   อติเรกจีวรํ   ทสาหํ   อติกฺกาเมนฺโต   เอกํ   อาปตฺตึ
อาปชฺชติ นิสฺสคฺคิยํ ปาจิตฺติยํ ฯ
     [๒๖๒]   เอกรตฺตึ  ติจีวเรน  วิปฺปวสนฺโต  เอกํ  อาปตฺตึ อาปชฺชติ
นิสฺสคฺคิยํ ปาจิตฺติยํ ฯ
     [๒๖๓]   อกาลจีวรํ   ปฏิคฺคเหตฺวา   มาสํ  อติกฺกาเมนฺโต  เอกํ
อาปตฺตึ อาปชฺชติ นิสฺสคฺคิยํ ปาจิตฺติยํ ฯ
     [๒๖๔]   อญฺาติกาย    ภิกฺขุนิยา    ปุราณจีวรํ   โธวาเปนฺโต
เทฺว   อาปตฺติโย   อาปชฺชติ   โธวาเปติ   ปโยเค  ทุกฺกฏํ  โธวาปิเต
นิสฺสคฺคิยํ ปาจิตฺติยํ ฯ
     [๒๖๕]   อญฺาติกาย    ภิกฺขุนิยา   หตฺถโต  จีวรํ  ปฏิคฺคณฺหนฺโต
เทฺว    อาปตฺติโย    อาปชฺชติ    คณฺหาติ   ปโยเค   ทุกฺกฏํ   คหิเต
นิสฺสคฺคิยํ ปาจิตฺติยํ ฯ
     [๒๖๖]   อญฺาตกํ  คหปตึ  วา  คหปตานึ  วา  จีวรํ วิญฺาเปนฺโต
เทฺว     อาปตฺติโย     อาปชฺชติ     วิญฺาเปติ    ปโยเค    ทุกฺกฏํ
วิญฺาปิเต นิสฺสคฺคิยํ ปาจิตฺติยํ ฯ
     [๒๖๗]   อญฺาตกํ   คหปตึ   วา  คหปตานึ  วา  ตทุตฺตรึ  จีวรํ
วิญฺาเปนฺโต    เทฺว    อาปตฺติโย    อาปชฺชติ   วิญฺาเปติ   ปโยเค
ทุกฺกฏํ วิญฺาปิเต นิสฺสคฺคิยํ ปาจิตฺติยํ ฯ
     [๒๖๘]   ปุพฺเพ   อปฺปวาริโต   อญฺาตกํ  คหปติกํ  อุปสงฺกมิตฺวา
จีวเร    วิกปฺปํ   อาปชฺชนฺโต   เทฺว   อาปตฺติโย   อาปชฺชติ   วิกปฺปํ
อาปชฺชติ ปโยเค ทุกฺกฏํ วิกปฺปํ อาปนฺเน นิสฺสคฺคิยํ ปาจิตฺติยํ ฯ
     [๒๖๙]   ปุพฺเพ  อปฺปวาริโต  อญฺาตเก  คหปติเก  อุปสงฺกมิตฺวา
จีวเร     วิกปฺปํ     อาปชฺชนฺโต     เทฺว    อาปตฺติโย    อาปชฺชติ
วิกปฺปํ    อาปชฺชติ    ปโยเค   ทุกฺกฏํ   วิกปฺปํ   อาปนฺเน   นิสฺสคฺคิยํ
ปาจิตฺติยํ ฯ
     [๒๗๐]   อติเรกติกฺขตฺตุํ    โจทนาย   อติเรกฉกฺขตฺตุํ   าเนน
จีวรํ    อภินิปฺผาเทนฺโต   เทฺว   อาปตฺติโย   อาปชฺชติ   อภินิปฺผาเทติ
ปโยเค ทุกฺกฏํ อภินิปฺผาทิเต นิสฺสคฺคิยํ ปาจิตฺติยํ ฯ
                              กินวคฺโค ปโม ฯ
     [๒๗๑]   โกสิยมิสฺสกํ   สนฺถตํ   การาเปนฺโต   เทฺว  อาปตฺติโย
อาปชฺชติ    การาเปติ    ปโยเค    ทุกฺกฏํ    การาปิเต    นิสฺสคฺคิยํ
ปาจิตฺติยํ ฯ
     [๒๗๒]   สุทฺธกาฬกานํ  เอฬกโลมานํ  สนฺถตํ  การาเปนฺโต  เทฺว
อาปตฺติโย    อาปชฺชติ    การาเปติ    ปโยเค    ทุกฺกฏํ   การาปิเต
นิสฺสคฺคิยํ ปาจิตฺติยํ ฯ
     [๒๗๓]   อนาทยิตฺวา   ตุลํ   โอทาตานํ   ตุลํ   โคจริยานํ  นวํ
สนฺถตํ    การาเปนฺโต    เทฺว    อาปตฺติโย    อาปชฺชติ   การาเปติ
ปโยเค ทุกฺกฏํ การาปิเต นิสฺสคฺคิยํ ปาจิตฺติยํ ฯ
     [๒๗๔]   อนุวสฺสํ  สนฺถตํ  การาเปนฺโต  เทฺว  อาปตฺติโย อาปชฺชติ
การาเปติ ปโยเค ทุกฺกฏํ การาปิเต นิสฺสคฺคิยํ ปาจิตฺติยํ ฯ
     [๒๗๕]   อนาทยิตฺวา   ปุราณสนฺถตสฺส  สามนฺตา  สุคตวิทตฺถึ  นวํ
นิสีทนสนฺถตํ   การาเปนฺโต   เทฺว   อาปตฺติโย   อาปชฺชติ   การาเปติ
ปโยเค ทุกฺกฏํ การาปิเต นิสฺสคฺคิยํ ปาจิตฺติยํ ฯ
     [๒๗๖]   เอฬกโลมานิ  ปฏิคฺคเหตฺวา  ติโยชนํ  อติกฺกาเมนฺโต เทฺว
อาปตฺติโย   อาปชฺชติ   ปมํ   ปาทํ   ติโยชนํ   อติกฺกาเมติ   อาปตฺติ
ทุกฺกฏสฺส ทุติยํ ปาทํ อติกฺกาเมติ นิสฺสคฺคิยํ ปาจิตฺติยํ ฯ
     [๒๗๗]   อญฺาติกาย   ภิกฺขุนิยา   เอฬกโลมานิ   โธวาเปนฺโต
เทฺว   อาปตฺติโย   อาปชฺชติ   โธวาเปติ   ปโยเค  ทุกฺกฏํ  โธวาปิเต
นิสฺสคฺคิยํ ปาจิตฺติยํ ฯ
     [๒๗๘]   รูปิยํ    ปฏิคฺคณฺหนฺโต   เทฺว   อาปตฺติโย   อาปชฺชติ
คณฺหาติ ปโยเค ทุกฺกฏํ คหิเต นิสฺสคฺคิยํ ปาจิตฺติยํ ฯ
     [๒๗๙]   นานปฺปการกํ    รูปิยสํโวหารํ    สมาปชฺชนฺโต   เทฺว
อาปตฺติโย    อาปชฺชติ    สมาปชฺชติ    ปโยเค    ทุกฺกฏํ   สมาปนฺเน
นิสฺสคฺคิยํ ปาจิตฺติยํ ฯ
     [๒๘๐]   นานปฺปการกํ  กยวิกฺกยํ  สมาปชฺชนฺโต  เทฺว   อาปตฺติโย
อาปชฺชติ    สมาปชฺชติ    ปโยเค    ทุกฺกฏํ    สมาปนฺเน    นิสฺสคฺคิยํ
ปาจิตฺติยํ ฯ
                             โกสิยวคฺโค ทุติโย ฯ
     [๒๘๑]   อติเรกปตฺตํ   ทสาหํ   อติกฺกาเมนฺโต   เอกํ   อาปตฺตึ
อาปชฺชติ นิสฺสคฺคิยํ ปาจิตฺติยํ ฯ
     [๒๘๒]   อูนปญฺจพนฺธเนน    ปตฺเตน    อญฺ    นวํ    ปตฺตํ
เจตาเปนฺโต   เทฺว   อาปตฺติโย  อาปชฺชติ  เจตาเปติ  ปโยเค  ทุกฺกฏํ
เจตาปิเต นิสฺสคฺคิยํ ปาจิตฺติยํ ฯ
     [๒๘๓]   เภสชฺชานิ  ปฏิคฺคเหตฺวา  สตฺตาหํ  อติกฺกาเมนฺโต  เอกํ
อาปตฺตึ อาปชฺชติ นิสฺสคฺคิยํ ปาจิตฺติยํ ฯ
     [๒๘๔]   อติเรกมาเส   เสเส   คิมฺหานํ   ^๑-  วสฺสิกสาฏิกจีวรํ
ปริเยสนฺโต   เทฺว   อาปตฺติโย   อาปชฺชติ   ปริเยสติ  ปโยเค  ทุกฺกฏํ
ปริยิฏฺเ นิสฺสคฺคิยํ ปาจิตฺติยํ ฯ
     [๒๘๕]   ภิกฺขุสฺส  สามํ  จีวรํ  ทตฺวา กุปิโต อนตฺตมโน อจฺฉินฺทนฺโต
เทฺว   อาปตฺติโย   อาปชฺชติ   อจฺฉินฺทติ   ปโยเค   ทุกฺกฏํ   อจฺฉินฺเน
นิสฺสคฺคิยํ ปาจิตฺติยํ ฯ
     [๒๘๖]   สามํ  สุตฺตํ  วิญฺาเปตฺวา  ตนฺตวาเยหิ จีวรํ วายาเปนฺโต
เทฺว   อาปตฺติโย   อาปชฺชติ   วายาเปติ   ปโยเค  ทุกฺกฏํ  วายาปิเต
นิสฺสคฺคิยํ ปาจิตฺติยํ ฯ
     [๒๘๗]   ปุพฺเพ  อปฺปวาริโต  อญฺาตกสฺส  คหปติกสฺส  ตนฺตวาเย
อุปสงฺกมิตฺวา   จีวเร   วิกปฺปํ  อาปชฺชนฺโต  เทฺว  อาปตฺติโย  อาปชฺชติ
วิกปฺปํ อาปชฺชติ ปโยเค ทุกฺกฏํ วิกปฺปํ อาปนฺเน นิสฺสคฺคิยํ ปาจิตฺติยํ ฯ
     [๒๘๘]   อจฺเจกจีวรํ  ปฏิคฺคเหตฺวา  จีวรกาลสมยํ  อติกฺกาเมนฺโต
เอกํ อาปตฺตึ อาปชฺชติ นิสฺสคฺคิยํ ปาจิตฺติยํ ฯ
@เชิงอรรถ: ^๑ ม. ยุ. คิมฺหาเน ฯ
     [๒๘๙]   ติณฺณํ   จีวรานํ   อญฺตรํ  จีวรํ  อนฺตรฆเร  นิกฺขิปิตฺวา
อติเรกฉารตฺตํ    วิปฺปวสนฺโต    เอกํ   อาปตฺตึ   อาปชฺชติ   นิสฺสคฺคิยํ
ปาจิตฺติยํ ฯ
     [๒๙๐]   ชานํ   สงฺฆิกํ   ลาภํ   ปริณตํ   อตฺตโน  ปริณาเมนฺโต
เทฺว   อาปตฺติโย   อาปชฺชติ   ปริณาเมติ   ปโยเค  ทุกฺกฏํ  ปริณามิเต
นิสฺสคฺคิยํ ปาจิตฺติยํ ฯ
                               ปตฺตวคฺโค ตติโย ฯ
                    ตึส นิสฺสคฺคิยา ปาจิตฺติยา นิฏฺิตา ฯ
เนื้อความพระไตรปิฎกฉบับภาษาบาลี อักษรไทย เล่มที่ ๘ หน้าที่ ๘๕-๘๙. https://84000.org/tipitaka/read/pali_read.php?B=8&A=1732&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=8&A=1732&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=8&item=261&items=30 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=8&siri=26 ศึกษาอรรถกถานี้ได้ที่ :- https://84000.org/tipitaka/attha/attha.php?b=8&i=261 สารบัญพระไตรปิฎกเล่มที่ ๘ https://84000.org/tipitaka/read/?index_8 https://84000.org/tipitaka/english/?index_8