บาลีพระไตรปิฎกเล่มที่ ๘ - พระวินัยปิฎกเล่มที่ ๘

     [๘๗๔]   สีลวิปตฺติปจฺจยา กติ อาปตฺติโย อาปชฺชติ ฯ สีลวิปตฺติปจฺจยา
จตสฺโส     อาปตฺติโย     อาปชฺชติ     ภิกฺขุนี     ชานํ    ปาราชิกํ
ธมฺมํ   ปฏิจฺฉาเทติ   อาปตฺติ   ปาราชิกสฺส   ฯ  เวมติกา  ปฏิจฺฉาเทติ
อาปตฺติ   ถุลฺลจฺจยสฺส   ฯ   ภิกฺขุ   สงฺฆาทิเสสํ   ปฏิจฺฉาเทติ  อาปตฺติ
ปาจิตฺติยสฺส   ฯ   อตฺตโน   ทุฏฺฐุลฺลํ   อาปตฺตึ   ปฏิจฺฉาเทติ   อาปตฺติ
ทุกฺกฏสฺส   ฯ  สีลวิปตฺติปจฺจยา  อิมา  จตสฺโส  อาปตฺติโย  อาปชฺชติ  ฯ
ตา      อาปตฺติโย      จตุนฺนํ      วิปตฺตีนํ      กติ     วิปตฺติโย
ภชนฺติ ฯเปฯ สตฺตนฺนํ สมถานํ กตีหิ สมเถหิ สมฺมนฺติ ฯ
     {๘๗๔.๑}   ตา  อาปตฺติโย  จตุนฺนํ  วิปตฺตีนํ  เทฺว วิปตฺติโย ภชนฺติ
สิยา   สีลวิปตฺตึ   สิยา   อาจารวิปตฺตึ   ฯ   สตฺตนฺนํ  อาปตฺติกฺขนฺธานํ
จตูหิ    อาปตฺติกฺขนฺเธหิ    สงฺคหิตา    สิยา    ปาราชิกาปตฺติกฺขนฺเธน
สิยา    ถุลฺลจฺจยาปตฺติกฺขนฺเธน    สิยา   ปาจิตฺติยาปตฺติกฺขนฺเธน   สิยา
ทุกฺกฏาปตฺติกฺขนฺเธน   ฯ  ฉนฺนํ  อาปตฺติสมุฏฺานานํ  เอเกน  สมุฏฺาเนน
สมุฏฺหนฺติ  กายโต  จ  วาจโต  จ  จิตฺตโต  จ  สมุฏฺหนฺติ  ฯ  จตุนฺนํ
อธิกรณานํ   อาปตฺตาธิกรณํ  ฯ  สตฺตนฺนํ  สมถานํ  ตีหิ  สมเถหิ  สมฺมนฺติ
สิยา   สมฺมุขาวินเยน  จ  ปฏิญฺาตกรเณน  จ  สิยา  สมฺมุขาวินเยน  จ
ติณวตฺถารเกน จ ฯ
     [๘๗๕]   อาจารวิปตฺติปจฺจยา   กติ   อาปตฺติโย   อาปชฺชติ   ฯ
อาจารวิปตฺติปจฺจยา     เอกํ     อาปตฺตึ    อาปชฺชติ    อาจารวิปตฺตึ
ปฏิจฺฉาเทติ    อาปตฺติ    ทุกฺกฏสฺส    ฯ    อาจารวิปตฺติปจฺจยา   อิมํ
เอกํ   อาปตฺตึ   อาปชฺชติ   ฯ   สา   อาปตฺติ   จตุนฺนํ  วิปตฺตีนํ  กติ
วิปตฺติโย   ภชติ   ฯเปฯ   สตฺตนฺนํ  สมถานํ  กตีหิ  สมเถหิ  สมฺมติ  ฯ
สา   อาปตฺติ   จตุนฺนํ   วิปตฺตีนํ  เอกํ  วิปตฺตึ  ภชติ  อาจารวิปตฺตึ  ฯ
สตฺตนฺนํ     อาปตฺติกฺขนฺธานํ    เอเกน    อาปตฺติกฺขนฺเธน    สงฺคหิตา
ทุกฺกฏาปตฺติกฺขนฺเธน     ฯ     ฉนฺนํ     อาปตฺติสมุฏฺานานํ    เอเกน
สมุฏฺาเนน  สมุฏฺาติ  กายโต  จ  วาจโต  จ  จิตฺตโต  จ สมุฏฺาติ ฯ
จตุนฺนํ    อธิกรณานํ    อาปตฺตาธิกรณํ    ฯ   สตฺตนฺนํ   สมถานํ   ตีหิ
สมเถหิ    สมฺมติ    สิยา   สมฺมุขาวินเยน   จ   ปฏิญฺาตกรเณน   จ
สิยา สมฺมุขาวินเยน จ ติณวตฺถารเกน จ ฯ
     [๘๗๖]   ทิฏฺิวิปตฺติปจฺจยา    กติ   อาปตฺติโย   อาปชฺชติ   ฯ
ทิฏฺิวิปตฺติปจฺจยา    เทฺว   อาปตฺติโย   อาปชฺชติ   ปาปิกาย   ทิฏฺิยา
ยาวตติยํ    สมนุภาสนาย    นปฺปฏินิสฺสชฺชติ    ตฺติยา   ทุกฺกฏํ   ทฺวีหิ
กมฺมวาจาหิ     ทุกฺกฏา     ^๑-     กมฺมวาจาปริโยสาเน     อาปตฺติ
ปาจิตฺติยสฺส  ฯ  ทิฏฺิวิปตฺติปจฺจยา  อิมา  เทฺว  อาปตฺติโย  อาปชฺชติ  ฯ
ตา  อาปตฺติโย  จตุนฺนํ  วิปตฺตีนํ  กติ  วิปตฺติโย  ภชนฺติ  ฯเปฯ  สตฺตนฺนํ
สมถานํ   กตีหิ   สมเถหิ  สมฺมนฺติ  ฯ  ตา  อาปตฺติโย  จตุนฺนํ  วิปตฺตีนํ
เอกํ   วิปตฺตึ   ภชนฺติ   อาจารวิปตฺตึ   ฯ   สตฺตนฺนํ   อาปตฺติกฺขนฺธานํ
ทฺวีหิ    อาปตฺติกฺขนฺเธหิ    สงฺคหิตา    สิยา    ปาจิตฺติยาปตฺติกฺขนฺเธน
@เชิงอรรถ: ^๑ ม. ยุ. ทฺวีหิ ... ทุกฺกฏาติ ปาตฺตยํ น ทิสฺสติ ฯ
สิยา      ทุกฺกฏาปตฺติกฺขนฺเธน     ฯ     ฉนฺนํ     อาปตฺติสมุฏฺานานํ
เอเกน    สมุฏฺาเนน    สมุฏฺหนฺติ    กายโต    จ    วาจโต   จ
จิตฺตโต   จ   สมุฏฺหนฺติ   ฯ   จตุนฺนํ   อธิกรณานํ  อาปตฺตาธิกรณํ  ฯ
สตฺตนฺนํ   สมถานํ   ตีหิ   สมเถหิ   สมฺมนฺติ   สิยา  สมฺมุขาวินเยน  จ
ปฏิญฺาตกรเณน จ สิยา สมฺมุขาวินเยน จ ติณวตฺถารเกน จ ฯ
     [๘๗๗]   อาชีววิปตฺติปจฺจยา   กติ   อาปตฺติโย   อาปชฺชติ   ฯ
อาชีววิปตฺติปจฺจยา   ฉ   อาปตฺติโย  อาปชฺชติ  อาชีวเหตุ  อาชีวการณา
ปาปิจฺโฉ    อิจฺฉาปกโต    อสนฺตํ    อภูตํ   อุตฺตริมนุสฺสธมฺมํ   อุลฺลปติ
อาปตฺติ    ปาราชิกสฺส    ฯ    อาชีวเหตุ    อาชีวการณา   สญฺจริตฺตํ
สมาปชฺชติ    อาปตฺติ   สงฺฆาทิเสสสฺส   ฯ   อาชีวเหตุ   อาชีวการณา
โย   เต   วิหาเร   วสติ   โส  ภิกฺขุ  อรหาติ  ภณติ  ปฏิวิชานนฺตสฺส
อาปตฺติ ถุลฺลจฺจยสฺส ฯ
     {๘๗๗.๑}   อาชีวเหตุ  อาชีวการณา  ภิกฺขุ  ปณีตโภชนานิ  อตฺตโน
อตฺถาย   วิญฺาเปตฺวา   ภุญฺชติ   อาปตฺติ   ปาจิตฺติยสฺส  ฯ  อาชีวเหตุ
อาชีวการณา   ภิกฺขุนี   ปณีตโภชนานิ   อตฺตโน   อตฺถาย  วิญฺาเปตฺวา
ภุญฺชติ  อาปตฺติ  ปาฏิเทสนียสฺส  ฯ  อาชีวเหตุ  อาชีวการณา  ภิกฺขุ  ^๑-
สูปํ  วา  โอทนํ  วา  อคิลาโน  อตฺตโน  อตฺถาย  วิญฺาเปตฺวา  ภุญฺชติ
อาปตฺติ ทุกฺกฏสฺส ฯ อาชีววิปตฺติปจฺจยา อิมา ฉ อาปตฺติโย อาปชฺชติ ฯ
     {๘๗๗.๒}   ตา อาปตฺติโย จตุนฺนํ วิปตฺตีนํ กติ วิปตฺติโย ภชนฺติ ฯเปฯ สตฺตนฺนํ
สมถานํ  กตีหิ  สมเถหิ  สมฺมนฺติ  ฯ  ตา  อาปตฺติโย จตุนฺนํ วิปตฺตีนํ เทฺว
@เชิงอรรถ: ^๑ ม. ยุ. อยํ ปาโ น ทิสฺสติ ฯ
วิปตฺติโย    ภชนฺติ    สิยา    สีลวิปตฺตึ    สิยา    อาจารวิปตฺตึ   ฯ
สตฺตนฺนํ    อาปตฺติกฺขนฺธานํ    ฉหิ   อาปตฺติกฺขนฺเธหิ   สงฺคหิตา   สิยา
ปาราชิกาปตฺติกฺขนฺเธน     สิยา     สงฺฆาทิเสสาปตฺติกฺขนฺเธน     สิยา
ถุลฺลจฺจยาปตฺติกฺขนฺเธน      สิยา      ปาจิตฺติยาปตฺติกฺขนฺเธน     สิยา
ปาฏิเทสนียาปตฺติกฺขนฺเธน สิยา ทุกฺกฏาปตฺติกฺขนฺเธน ฯ
     {๘๗๗.๓}   ฉนฺนํ    อาปตฺติสมุฏฺานานํ    ฉหิ    สมุฏฺาเนหิ
สมุฏฺหนฺติ   สิยา   กายโต   สมุฏฺหนฺติ   น   วาจโต   น   จิตฺตโต
สิยา   วาจโต  สมุฏฺหนฺติ  น  กายโต  น  จิตฺตโต  สิยา  กายโต  จ
วาจโต   จ   สมุฏฺหนฺติ   น  จิตฺตโต  สิยา  กายโต  จ  จิตฺตโต  จ
สมุฏฺหนฺติ   น  วาจโต  สิยา  วาจโต  จ  จิตฺตโต  จ  สมุฏฺหนฺติ  น
กายโต  สิยา  กายโต  จ  วาจโต  จ  จิตฺตโต  จ สมุฏฺหนฺติ ฯ จตุนฺนํ
อธิกรณานํ    อาปตฺตาธิกรณํ    ฯ   สตฺตนฺนํ   สมถานํ   ตีหิ   สมเถหิ
สมฺมนฺติ    สิยา    สมฺมุขาวินเยน    จ   ปฏิญฺาตกรเณน   จ   สิยา
สมฺมุขาวินเยน จ ติณวตฺถารเกน จ ฯ
                      วิปตฺติปจฺจยวารํ นิฏฺิตํ จตุตฺถํ ฯ
เนื้อความพระไตรปิฎกฉบับภาษาบาลี อักษรไทย เล่มที่ ๘ หน้าที่ ๒๕๒-๒๕๕. https://84000.org/tipitaka/read/pali_read.php?B=8&A=5113&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=8&A=5113&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=8&item=874&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=8&siri=66 ศึกษาอรรถกถานี้ได้ที่ :- https://84000.org/tipitaka/attha/attha.php?b=8&i=874 สารบัญพระไตรปิฎกเล่มที่ ๘ https://84000.org/tipitaka/read/?index_8 https://84000.org/tipitaka/english/?index_8