พระไตรปิฎกเล่มที่ ๘ ภาษาบาลี อักษรไทย
 พระวินัยปิฎกเล่มที่ ๘ วินย. ปริวาโร

     [๑๑๗๒]   กติ   นุ   โข   ภนฺเต  อธมฺมิกา  ทิฏฺาวิกมฺมาติ  ฯ
ปญฺจิเม    อุปาลิ   อธมฺมิกา   ทิฏฺาวิกมฺมา   ฯ   กตเม   ปญฺจ   ฯ
อนาปตฺติยา   ทิฏฺึ   อาวิกโรติ   อเทสนาคามินิยา   อาปตฺติยา   ทิฏฺึ
อาวิกโรติ   เทสิตาย   อาปตฺติยา   ทิฏฺึ   อาวิกโรติ   จตูหิ   ปญฺจหิ
ทิฏฺึ   อาวิกโรติ   มโนมานเสน   ทิฏฺึ   อาวิกโรติ   ฯ   อิเม  โข
อุปาลิ   ปญฺจ   อธมฺมิกา   ทิฏฺาวิกมฺมา   ฯ  ปญฺจิเม  อุปาลิ  ธมฺมิกา
ทิฏฺาวิกมฺมา   ฯ   กตเม   ปญฺจ   ฯ   อาปตฺติยา   ทิฏฺึ  อาวิกโรติ
เทสนาคามินิยา   อาปตฺติยา   ทิฏฺึ   อาวิกโรติ  อเทสิตาย  อาปตฺติยา
ทิฏฺึ    อาวิกโรติ    น    จตูหิ    ปญฺจหิ    ทิฏฺึ   อาวิกโรติ   น
มโนมานเสน   ทิฏฺึ   อาวิกโรติ  ฯ  อิเม  โข  อุปาลิ  ปญฺจ  ธมฺมิกา
ทิฏฺาวิกมฺมา   ฯ   อปเรปิ   อุปาลิ  ปญฺจ  อธมฺมิกา  ทิฏฺาวิกมฺมา  ฯ
กตเม    ปญฺจ    ฯ    นานาสํวาสกสฺส   สนฺติเก   ทิฏฺึ   อาวิกโรติ
นานาสีมาย    ิตสฺส    สนฺติเก    ทิฏฺึ    อาวิกโรติ    อปกตตฺตสฺส
สนฺติเก    ทิฏฺึ    อาวิกโรติ    จตูหิ    ปญฺจหิ    ทิฏฺึ   อาวิกโรติ
มโนมานเสน   ทิฏฺึ  อาวิกโรติ  ฯ  อิเม  โข  อุปาลิ  ปญฺจ  อธมฺมิกา
ทิฏฺาวิกมฺมา   ฯ   ปญฺจิเม   อุปาลิ  ธมฺมิกา  ทิฏฺาวิกมฺมา  ฯ  กตเม
ปญฺจ   ฯ   สมานสํวาสกสฺส   สนฺติเก   ทิฏฺึ   อาวิกโรติ  สมานสีมาย
ิตสฺส    สนฺติเก    ทิฏฺึ    อาวิกโรติ   ปกตตฺตสฺส   สนฺติเก   ทิฏฺึ
อาวิกโรติ   น   จตูหิ   ปญฺจหิ   ทิฏฺึ   อาวิกโรติ   น  มโนมานเสน
ทิฏฺึ อาวิกโรติ ฯ อิเม โข อุปาลิ ปญฺจ ธมฺมิกา ทิฏฺาวิกมฺมาติ ฯ
     [๑๑๗๓]   กติ  นุ  โข  ภนฺเต  อธมฺมิกา  ปฏิคฺคหาติ  ฯ  ปญฺจิเม
อุปาลิ   อธมฺมิกา   ปฏิคฺคหา   ฯ   กตเม  ปญฺจ  ฯ  กาเยน  ทียมานํ
กาเยน   อปฺปฏิคฺคหิตํ   กาเยน   ทียมานํ   กายปฏิพทฺเธน  อปฺปฏิคฺคหิตํ
กายปฏิพทฺเธน     ทียมานํ    กาเยน    อปฺปฏิคฺคหิตํ    กายปฏิพทฺเธน
ทียมานํ     กายปฏิพทฺเธน     อปฺปฏิคฺคหิตํ     นิสฺสคฺคิเยน    ทียมานํ
กาเยน   วา   กายปฏิพทฺเธน  วา  อปฺปฏิคฺคหิตํ  ฯ  อิเม  โข  อุปาลิ
ปญฺจ   อธมฺมิกา   ปฏิคฺคหา  ฯ  ปญฺจิเม  อุปาลิ  ธมฺมิกา  ปฏิคฺคหา  ฯ
กตเม    ปญฺจ   ฯ   กาเยน   ทียมานํ   กาเยน   ปฏิคฺคหิตํ  กาเยน
ทียมานํ   กายปฏิพทฺเธน   ปฏิคฺคหิตํ   กายปฏิพทฺเธน   ทียมานํ  กาเยน
ปฏิคฺคหิตํ     กายปฏิพทฺเธน     ทียมานํ    กายปฏิพทฺเธน    ปฏิคฺคหิตํ
นิสฺสคฺคิเยน   ทียมานํ   กาเยน  วา  กายปฏิพทฺเธน  วา  ปฏิคฺคหิตํ  ฯ
อิเม โข อุปาลิ ปญฺจ ธมฺมิกา ปฏิคฺคหาติ ฯ
     [๑๑๗๔]   กติ  นุ  โข  ภนฺเต  อนติริตฺตาติ  ฯ   ปญฺจิเม  อุปาลิ
อนติริตฺตา   ฯ   กตเม   ปญฺจ   ฯ   อกปฺปิยกตํ  โหติ  อปฺปฏิคฺคหิตกตํ
โหติ    อนุจฺจาริตกตํ    โหติ    อหตฺถปาเส    กตํ   โหติ   อลเมตํ
สพฺพนฺติ   อวุตฺตํ   โหติ   ฯ   อิเม  โข  อุปาลิ  ปญฺจ  อนติริตฺตา  ฯ
ปญฺจิเม   อุปาลิ   อติริตฺตา   ฯ   กตเม   ปญฺจ   ฯ  กปฺปิยกตํ  โหติ
ปฏิคฺคหิตกตํ    โหติ    อุจฺจาริตกตํ    โหติ   หตฺถปาเส   กตํ   โหติ
อลเมตํ สพฺพนฺติ วุตฺตํ โหติ ฯ อิเม โข อุปาลิ ปญฺจ อติริตฺตาติ ฯ
     [๑๑๗๕]   กตีหิ  นุ  โข  ภนฺเต  อากาเรหิ ปวารณา ปญฺายตีติ ฯ
ปญฺจหุปาลิ     อากาเรหิ     ปวารณา     ปญฺายติ    ฯ    กตเมหิ
ปญฺจหิ    ฯ    อสนํ    ปญฺายติ    โภชนํ    ปญฺายติ    หตฺถปาเส
ิโต    อภิหรติ    ปฏิกฺเขโป   ปญฺายติ   ฯ   อิเมหิ   โข   อุปาลิ
ปญฺจหากาเรหิ ปวารณา ปญฺายตีติ ฯ
     [๑๑๗๖]   กติ   นุ   โข  ภนฺเต  อธมฺมิกา  ปฏิญฺาตกรณาติ  ฯ
ปญฺจิเม   อุปาลิ   อธมฺมิกา   ปฏิญฺาตกรณา   ฯ   กตเม   ปญฺจ   ฯ
ภิกฺขุ    ปาราชิกํ    อชฺฌาปนฺโน    โหติ    ปาราชิเกน   โจทิยมาโน
สงฺฆาทิเสสํ    อชฺฌาปนฺโน    ปฏิชานาติ   ตํ   สงฺโฆ   สงฺฆาทิเสเสน
กาเรติ    อธมฺมิกํ    ปฏิญฺาตกรณํ    ภิกฺขุ    ปาราชิกํ   อชฺฌาปนฺโน
โหติ    ปาราชิเกน    โจทิยมาโน    ปาจิตฺติยํ   ปาฏิเทสนียํ   ทุกฺกฏํ
อชฺฌาปนฺโน    ปฏิชานาติ   ตํ   สงฺโฆ   ทุกฺกเฏน   กาเรติ   อธมฺมิกํ
ปฏิญฺาตกรณํ   ฯ   ภิกฺขุ   สงฺฆาทิเสสํ   ปาจิตฺติยํ  ปาฏิเทสนียํ  ทุกฺกฏํ
อชฺฌาปนฺโน    โหติ   ทุกฺกเฏน   โจทิยมาโน   ปาราชิกํ   อชฺฌาปนฺโน
ปฏิชานาติ   ตํ  สงฺโฆ  ปาราชิเกน  กาเรติ  อธมฺมิกํ  ปฏิญฺาตกรณํ  ฯ
ภิกฺขุ     ทุกฺกฏํ     อชฺฌาปนฺโน     โหติ    ทุกฺกเฏน    โจทิยมาโน
สงฺฆาทิเสสํ    ปาจิตฺติยํ    ปาฏิเทสนียํ   อชฺฌาปนฺโน   ปฏิชานาติ   ตํ
สงฺโฆ   ปาฏิเทสนีเยน   กาเรติ   อธมฺมิกํ   ปฏิญฺาตกรณํ   ฯ   อิเม
โข   อุปาลิ   ปญฺจ   อธมฺมิกา   ปฏิญฺาตกรณา   ฯ   ปญฺจิเม  อุปาลิ
ธมฺมิกา    ปฏิญฺาตกรณา   ฯ   กตเม   ปญฺจ   ฯ   ภิกฺขุ   ปาราชิกํ
อชฺฌาปนฺโน   โหติ   ปาราชิเกน   โจทิยมาโน   ปาราชิกํ  อชฺฌาปนฺโน
ปฏิชานาติ   ตํ   สงฺโฆ  ปาราชิเกน  กาเรติ  ธมฺมิกํ  ปฏิญฺาตกรณํ  ฯ
ภิกฺขุ       สงฺฆาทิเสสํ       ปาจิตฺติยํ      ปาฏิเทสนียํ      ทุกฺกฏํ
อชฺฌาปนฺโน    โหติ    ทุกฺกเฏน    โจทิยมาโน   ทุกฺกฏํ   อชฺฌาปนฺโน
ปฏิชานาติ   ตํ   สงฺโฆ   ทุกฺกเฏน   กาเรติ  ธมฺมิกํ  ปฏิญฺาตกรณํ  ฯ
อิเม โข อุปาลิ ปญฺจ ธมฺมิกา ปฏิญฺาตกรณาติ ฯ
     [๑๑๗๗]   กตีหิ  นุ  โข  ภนฺเต  องฺเคหิ  สมนฺนาคตสฺส  ภิกฺขุโน
โอกาสกมฺมํ   การาเปนฺตสฺส  นาลํ  โอกาสกมฺมํ  กาตุนฺติ  ฯ  ปญฺจหุปาลิ
องฺเคหิ     สมนฺนาคตสฺส     ภิกฺขุโน    โอกาสกมฺมํ    การาเปนฺตสฺส
นาลํ   โอกาสกมฺมํ   กาตุํ   ฯ   กตเมหิ  ปญฺจหิ  ฯ  อลชฺชี  จ  โหติ
พาโล    จ   อปกตตฺโต   จ   จาวนาธิปฺปาโย   วตฺตา   โหติ   โน
วุฏฺานาธิปฺปาโย   ฯ   อิเมหิ   โข  อุปาลิ  ปญฺจหงฺเคหิ  สมนฺนาคตสฺส
ภิกฺขุโน   โอกาสกมฺมํ   การาเปนฺตสฺส   นาลํ   โอกาสกมฺมํ   กาตุํ  ฯ
ปญฺจหุปาลิ   องฺเคหิ  สมนฺนาคตสฺส  ภิกฺขุโน  โอกาสกมฺมํ  การาเปนฺตสฺส
อลํ   โอกาสกมฺมํ   กาตุํ   ฯ   กตเมหิ   ปญฺจหิ   ฯ  ลชฺชี  จ  โหติ
ปณฺฑิโต   จ   ปกตตฺโต   จ   วุฏฺานาธิปฺปาโย   วตฺตา   โหติ   โน
จาวนาธิปฺปาโย   ฯ   อิเมหิ   โข   อุปาลิ  ปญฺจหงฺเคหิ  สมนฺนาคตสฺส
ภิกฺขุโน โอกาสกมฺมํ การาเปนฺตสฺส อลํ โอกาสกมฺมํ กาตุนฺติ ฯ
     [๑๑๗๘]   กตีหิ  นุ  โข  ภนฺเต  องฺเคหิ  สมนฺนาคเตน  ภิกฺขุนา
สทฺธึ    วินโย    น    สากจฺฉาตพฺโพติ    ฯ    ปญฺจหุปาลิ   องฺเคหิ
สมนฺนาคเตน   ภิกฺขุนา   สทฺธึ   วินโย  น  สากจฺฉาตพฺโพ  ฯ  กตเมหิ
ปญฺจหิ   ฯ   วตฺถุํ   น   ชานาติ   นิทานํ   น   ชานาติ  ปญฺตฺตึ  น
ชานาติ   ปทปจฺฉาภฏฺ   น   ชานาติ   อนุสนฺธิวจนปถํ  น  ชานาติ  ฯ
อิเมหิ    โข    อุปาลิ   ปญฺจหงฺเคหิ   สมนฺนาคเตน   ภิกฺขุนา   สทฺธึ
วินโย   น   สากจฺฉาตพฺโพ   ฯ   ปญฺจหุปาลิ   องฺเคหิ   สมนฺนาคเตน
ภิกฺขุนา    สทฺธึ   วินโย   สากจฺฉาตพฺโพ   ฯ   กตเมหิ   ปญฺจหิ   ฯ
วตฺถุํ    ชานาติ   นิทานํ   ชานาติ   ปญฺตฺตึ   ชานาติ   ปทปจฺฉาภฏฺ
ชานาติ   อนุสนฺธิวจนปถํ   ชานาติ  ฯ  อิเมหิ  โข  อุปาลิ  ปญฺจหงฺเคหิ
สมนฺนาคเตน ภิกฺขุนา สทฺธึ วินโย สากจฺฉาตพฺโพติ ฯ
     [๑๑๗๙]   กติ  นุ  โข  ภนฺเต  ปญฺหปุจฺฉาติ  ๑- ฯ ปญฺจิมา อุปาลิ
ปญฺหปุจฺฉา    ฯ    กตมา   ปญฺจ   ฯ   มนฺทตฺตา   โมมูหตฺตา   ปญฺหํ
ปุจฺฉติ    ปาปิจฺโฉ    อิจฺฉาปกโต    ปญฺหํ    ปุจฺฉติ   ปริภวา   ปญฺหํ
@เชิงอรรถ: ๑ โป. ม. ปญฺหาปุจฺฉาติ ฯ อปรํปิ อีทิสเมว ฯ
ปุจฺฉติ    อญฺาตุกาโม    ปญฺหํ   ปุจฺฉติ   สเจ   เม   ปญฺหํ   ปุฏฺโ
สมฺมเทว    พฺยากริสฺสติ    อิจฺเจตํ    กุสลํ   โน   เจ   เม   ปญฺหํ
ปุฏฺโ    สมฺมเทว   พฺยากริสฺสติ   อหมสฺส   สมฺมเทว   พฺยากริสฺสามีติ
ปญฺหํ  ปุจฺฉติ  ฯ  อิมา  โข  อุปาลิ  ปญฺจ  ปญฺหปุจฺฉาติ  ฯ  กติ  นุ โข
ภนฺเต    อญฺพฺยากรณาติ   ฯ   ปญฺจิเม   อุปาลิ   อญฺพฺยากรณา   ฯ
กตเม    ปญฺจ    ฯ    มนฺทตฺตา    โมมูหตฺตา    อญฺ    พฺยากโรติ
ปาปิจฺโฉ   อิจฺฉาปกโต   อญฺ   พฺยากโรติ  อุมฺมาทา  จิตฺตกฺเขปา  ๑-
อญฺ    พฺยากโรติ    อธิมาเนน    อญฺ    พฺยากโรติ    ภูตํ   อญฺ
พฺยากโรติ ฯ อิเม โข อุปาลิ ปญฺจ อญฺพฺยากรณาติ ฯ
     [๑๑๘๐]   กติ   นุ  โข  ภนฺเต  วิสุทฺธิโยติ  ฯ  ปญฺจิมา  อุปาลิ
วิสุทฺธิโย   ฯ   กตมา   ปญฺจ   ฯ  นิทานํ  อุทฺทิสิตฺวา  อวเสสํ  สุเตน
สาเวตพฺพํ   อยํ   ปมา   วิสุทฺธิ   ฯ   นิทานํ   อุทฺทิสิตฺวา   จตฺตาริ
ปาราชิกานิ   อุทฺทิสิตฺวา   อวเสสํ   สุเตน   สาเวตพฺพํ   อยํ   ทุติยา
วิสุทฺธิ    ฯ   นิทานํ   อุทฺทิสิตฺวา   จตฺตาริ   ปาราชิกานิ   อุทฺทิสิตฺวา
เตรส   สงฺฆาทิเสเส   อุทฺทิสิตฺวา   อวเสสํ   สุเตน   สาเวตพฺพํ  อยํ
ตติยา   วิสุทฺธิ  ฯ  นิทานํ  อุทฺทิสิตฺวา  จตฺตาริ  ปาราชิกานิ  อุทฺทิสิตฺวา
เตรส   สงฺฆาทิเสเส   อุทฺทิสิตฺวา   เทฺว  อนิยเต  อุทฺทิสิตฺวา  อวเสสํ
สุเตน   สาเวตพฺพํ  อยํ  จตุตฺถา  วิสุทฺธิ  ฯ  วิตฺถาเรเนว  ปญฺจมี   ฯ
อิมา โข อุปาลิ ปญฺจ วิสุทฺธิโยติ ฯ
     [๑๑๘๑]   กติ   นุ   โข  ภนฺเต  โภชนาติ  ฯ  ปญฺจิเม  อุปาลิ
@เชิงอรรถ: ๑ โป. จิตฺตุกฺเขปา ฯ
โภชนา   ฯ   กตเม   ปญฺจ   ฯ   โอทโน   กุมฺมาโส   สตฺตุ  มจฺโฉ
มํสํ ฯ อิเม โข อุปาลิ ปญฺจ โภชนาติ ฯ
                        ทิฏฺาวิกมฺมวคฺโค จตุตฺโถ ฯ
                                  ตสฺสุทฺทานํ
     [๑๑๘๒]   ทิฏฺาวิกมฺมา อปเร       ปฏิคฺคหา อติริตฺตา ๑-
         ปวารณา ปฏิญฺาตํ            โอกาสํ สากจฺเฉน จ
         ปญฺหํ อญฺพฺยากรณา        วิสุทฺธิ จาปิ โภชนาติ ฯ

             เนื้อความพระไตรปิฎกฉบับภาษาบาลี อักษรไทย เล่มที่ ๘ หน้าที่ ๔๕๙-๔๖๕.
https://84000.org/tipitaka/read/pali_read.php?B=8&A=9286&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=8&A=9286&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=8&item=1172&items=11
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=8&siri=109
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=8&i=1172
             สารบัญพระไตรปิฎกเล่มที่ ๘
https://84000.org/tipitaka/read/?index_8
https://84000.org/tipitaka/english/?index_8