พระไตรปิฎกเล่มที่ ๙ ภาษาบาลี อักษรไทย
 พระสุตตันตปิฎกเล่มที่ ๑ สุตฺต. ที. สีลกฺขนฺธวคฺโค

                   มหาสีหนาทสุตฺตํ อฏฺมํ
     [๒๖๐]  เอวมฺเม  สุตํ  ฯ  เอกํ  สมยํ  ภควา  อุชุญฺายํ  วิหรติ
กณฺณกถเล   มิคทาเย   ฯ   อถโข   อเจโล   กสฺสโป   เยน  ภควา
เตนุปสงฺกมิ   อุปสงฺกมิตฺวา   ภควตา   สทฺธึ   สมฺโมทิ  สมฺโมทนียํ  กถํ
สาราณียํ   วีติสาเรตฺวา   เอกมนฺตํ   อฏฺาสิ  ฯ  เอกมนฺตํ  ิโต  โข
อเจโล   กสฺสโป   ภควนฺตํ   เอตทโวจ   สุตเมตํ  โภ  โคตม  สมโณ
โคตโม   สพฺพนฺตปํ   ครหติ  สพฺพนฺตปสฺสึ  ลูขาชีวึ  เอกํเสน  อุปกฺโกสติ
อุปวทตีติ    เย    เต   โภ   โคตม   เอวมาหํสุ   สมโณ   โคตโม
สพฺพนฺตปํ    ครหติ    สพฺพนฺตปสฺสึ    ลูขาชีวึ    เอกํเสน   อุปกฺโกสติ
อุปวทตีติ   กจฺจิ   เต   โภโต   โคตมสฺส  วุตฺตวาทิโน  น  จ  ภวนฺตํ
โคตมํ   อภูเตน   อพฺภาจิกฺขนฺติ   ธมฺมสฺส   จ   อนุธมฺมํ   พฺยากโรนฺติ
น   จ   โกจิ   สหธมฺมิโก   วาทานุวาโท   คารยฺหํ   านํ  อาคจฺฉติ
อนพฺภกฺขาตุกามา หิ มยํ ภวนฺตํ โคตมนฺติ ฯ
     {๒๖๐.๑}  เย  เต  กสฺสป  เอวมาหํสุ  สมโณ  โคตโม สพฺพนฺตปํ
ครหติ   สพฺพนฺตปสฺสึ   ลูขาชีวึ  เอกํเสน  อุปกฺโกสติ  อุปวทตีติ  น  เม
เต  วุตฺตวาทิโน  อพฺภาจิกฺขนฺติ น จ มํ เต อสตา อภูเตน ฯ อิธาหํ กสฺสป
เอกจฺจํ ตปสฺสึ ลูขาชีวึ ปสฺสามิ ทิพฺเพน จกฺขุนา วิสุทฺเธน อติกฺกนฺตมานุสเกน
กายสฺส  เภทา  ปรํ  มรณา  อปายํ  ทุคฺคตึ  วินิปาตํ  นิรยํ  อุปปนฺนํ อิธ
ปนาหํ   กสฺสป   เอกจฺจํ   ตปสฺสึ   ลูขาชีวึ  ปสฺสามิ  ทิพฺเพน  จกฺขุนา
วิสุทฺเธน   อติกฺกนฺตมานุสเกน   กายสฺส   เภทา   ปรํ   มรณา   สุคตึ
สคฺคํ โลกํ อุปปนฺนํ ฯ
     {๒๖๐.๒}   อิธ   ปนาหํ  กสฺสป  เอกจฺจํ  ตปสฺสึ  อปฺปทุกฺขวิหารึ
ปสฺสามิ    ทิพฺเพน   จกฺขุนา   วิสุทฺเธน   อติกฺกนฺตมานุสเกน   กายสฺส
เภทา  ปรํ  มรณา  อปายํ  ทุคฺคตึ  วินิปาตํ  นิรยํ  อุปปนฺนํ ฯ อิธ ปนาหํ
กสฺสป   เอกจฺจํ   ตปสฺสึ   อปฺปทุกฺขวิหารึ   ปสฺสามิ   ทิพฺเพน  จกฺขุนา
วิสุทฺเธน   อติกฺกนฺตมานุสเกน   กายสฺส   เภทา   ปรํ   มรณา   สุคตึ
สคฺคํ  โลกํ  อุปปนฺนํ  ฯ  โสหํ  กสฺสป  อิเมสํ  ตปสฺสีนํ  เอวํ  อาคติญฺจ
คติญฺจ   จุติญฺจ   อุปปตฺติญฺจ   ยถาภูตํ   ปชานามิ   โสหํ  กึ  สพฺพนฺตปํ
ครหิสฺสามิ     สพฺพนฺตปสฺสึ     ลูขาชีวึ     เอกํเสน    อุปกฺโกสิสฺสามิ
อุปวทิสฺสามิ ฯ
     [๒๖๑]   สนฺติ   กสฺสป   เอเก  สมณพฺราหฺมณา  ปณฺฑิตา  นิปุณา
กตปรปฺปวาทา  วาลเวธิรูปา  เต  ภินฺทนฺตา  มญฺเ  จรนฺติ  ปญฺาคเตน
ทิฏฺิคตานิ    ฯ    เตหิปิเม    สทฺธึ   เอกจฺเจสุ   าเนสุ   สเมนฺติ
เอถจฺเจสุ  าเนสุ  น  สเมนฺติ  ฯ  ยนฺเต  เอกจฺจํ  ๑- วเทนฺติ สาธูติ
มยํปิ   ตํ   เอกจฺจํ   วเทม   สาธูติ  ฯ  ยนฺเต  เอกจฺจํ  วเทนฺติ  น
สาธูติ   มยํปิ   ตํ   เอกจฺจํ   วเทม   น  สาธูติ  ฯ  ยนฺเต  เอกจฺจํ
วเทนฺติ  สาธูติ  มยํ  ตํ  เอกจฺจํ  วเทม  น  สาธูติ  ฯ  ยนฺเต เอกจฺจํ
วเทนฺติ   น   สาธูติ   มยํ   ตํ   เอกจฺจํ  วเทม  สาธูติ  ฯ  ยํ  มยํ
เอกจฺจํ   วเทม   สาธูติ   ปเรปิ  ตํ  เอกจฺจํ  วเทนฺติ  สาธูติ  ฯ  ยํ
@เชิงอรรถ: ๑ สี. ยนฺเตกจฺเจ ฯ
มยํ   เอกจฺจํ   วเทม   น   สาธูติ   ปเรปิ  ตํ  เอกจฺจํ  วเทนฺติ  น
สาธูติ   ฯ   ยํ   มยํ   เอกจฺจํ   วเทม   สาธูติ  ปเรปิ  ตํ  เอกจฺจํ
วเทนฺติ   น   สาธูติ   ฯ  ยํ  มยํ  เอกจฺจํ  วเทม  น  สาธูติ  ปเรปิ
ตํ เอกจฺจํ วเทนฺติ สาธูติ ฯ
     {๒๖๑.๑}  ตฺยาหํ  อุปสงฺกมิตฺวา  เอวํ  วทามิ  เยสุ  โน อาวุโส
าเนสุ   น   สเมนฺติ  ติฏฺนฺตุ  ตานิ  านานิ  เยสุ  าเนสุ  สเมนฺติ
ตตฺถ      วิญฺู      สมนุยุญฺชนฺตํ      สมนุคฺคาหนฺตํ      สมนุภาสนฺตํ
สตฺถารา   วา   สตฺถารํ   สํเฆน  วา  สํฆํ  เย  อิเมสํ  ภวตํ  ธมฺมา
อกุสลา     อกุสลสํขาตา    สาวชฺชา    สาวชฺชสํขาตา    อเสวิตพฺพา
อเสวิตพฺพสํขาตา    นอลมริยา   นอลมริยสํขาตา   กณฺหา   กณฺหสํขาตา
โก   อิเม   ธมฺเม   อนวเสสํ   ปหาย  วตฺตติ  สมโณ  โคตโม  ปเร
วา ปน โภนฺโต คณาจริยาติ ฯ
     [๒๖๒]  านํ  โข  ปเนตํ  กสฺสป  วิชฺชติ  ยํ  วิญฺู สมนุยุญฺชนฺตา
สมนุคฺคาหนฺตา    สมนุภาสนฺตา   เอวํ   วเทยฺยุํ   เย   อิเมสํ   ภวตํ
ธมฺมา   อกุสลา   อกุสลสํขาตา   สาวชฺชา  สาวชฺชสํขาตา  อเสวิตพฺพา
อเสวิตพฺพสํขาตา    นอลมริยา   นอลมริยสํขาตา   กณฺหา   กณฺหสํขาตา
สมโณ   โคตโม   อิเม  ธมฺเม  อนวเสสํ  ปหาย  วตฺตติ  ยํ  วา  ปน
โภนฺโต   ปเร   คณาจริยาติ   ฯ   อิติห   กสฺสป  วิญฺู  สมนุยุญฺชนฺตา
สมนุคฺคาหนฺตา สมนุภาสนฺตา อเมฺห ว ตตฺถ เยภุยฺเยน ปสํเสยฺยุํ ฯ
     [๒๖๓]   อปรํปิ   โน   กสฺสป  วิญฺู  สมนุยุญฺชนฺตํ  สมนุคฺคาหนฺตํ
สมนุภาสนฺตํ   สตฺถารา   วา   สตฺถารํ   สํเฆน  วา  สํฆํ  เย  อิเมสํ
ภวตํ    ธมฺมา    กุสลา    กุสลสํขาตา    อนวชฺชสํขาตา   เสวิตพฺพา
เสวิตพฺพสํขาตา    อลมริยา    อลมริยสํขาตา    สุกฺกา    สุกฺกสํขาตา
โก  อิเม  ธมฺเม  อนวเสสํ  โภนฺโต  สมาทาย  วตฺตติ  สมโณ  โคตโม
ปเร วา ปน โภนฺโต คณาจริยาติ ฯ
     {๒๖๓.๑}  านํ  โข  ปเนตํ  กสฺสป  วิชฺชติ ยํ วิญฺู สมนุยุญฺชนฺตา
สมนุคฺคาหนฺตา  สมนุภาสนฺตา  เอวํ  วเทยฺยุํ เย อิเมสํ ภวตํ ธมฺมา กุสลา
กุสลสํขาตา    อนวชฺชา   อนวชฺชสํขาตา   เสวิตพฺพา   เสวิตพฺพสํขาตา
อลมริยา    อลมริยสํขาตา    สุกฺกา    สุกฺกสํขาตา   สมโณ   โคตโม
อิเม   ธมฺเม  อนวเสสํ  สมาทาย  วตฺตติ  ยํ  วา  ปน  โภนฺโต  ปเร
คณาจริยาติ   ฯ   อิติห   กสฺสป   วิญฺู   สมนุยุญฺชนฺตา  สมนุคฺคาหนฺตา
สมนุภาสนฺตา อเมฺห ว ตตฺถ เยภุยฺเยน ปสํเสยฺยุํ ฯ
     [๒๖๔]   อปรํปิ   โน   กสฺสป  วิญฺู  สมนุยุญฺชนฺตํ  สมนุคฺคาหนฺตํ
สมนุภาสนฺตํ   สตฺถารา   วา   สตฺถารํ   สํเฆน  วา  สํฆํ  เย  อิเมสํ
ภวตํ    ธมฺมา    กุสลา    กุสลสํขาตา    สาวชฺชา    สาวชฺชสํขาตา
อเสวิตพฺพา      อเสวิตพฺพสํขาตา      นอลมริยา     นอลมริยสํขาตา
กณฺหา   กณฺหสํขาตา   โก   อิเม   ธมฺเม   อนวเสสํ   ปหาย  วตฺตติ
โคตมสาวกสํโฆ   วา  ปเร  วา  ปน  โภนฺโต  คณาจริยสาวกสํฆาติ  ฯ
านํ  โข  ปเนตํ  กสฺสป  วิชฺชติ  ยํ  วิญฺู  สมนุยุญฺชนฺตา สมนุคฺคาหนฺตา
สมนุภาสนฺตา   เอวํ   วเทยฺยุํ   เย   อิเมสํ   ภวตํ   ธมฺมา  อกุสลา
อกุสลสํขาตา        สาวชฺชา       สาวชฺชสํขาตา       อเสวิตพฺพา
อเสวิตพฺพสํขาตา    นอลมริยา   นอลมริยสํขาตา   กณฺหา   กณฺหสํขาตา
โคตมสาวกสํโฆ   อิเม   ธมฺเม   อนวเสสํ   ปหาย   วตฺตติ   ยํ  วา
ปน   โภนฺโต   ปเร   คณาจริยสาวกสํฆาติ   ฯ   อิติห   กสฺสป  วิญฺู
สมนุยุญฺชนฺตา    สมนุคฺคาหนฺตา    สมนุภาสนฺตา    อเมฺห    ว   ตตฺถ
เยภุยฺเยน ปสํเสยฺยุํ ฯ
     [๒๖๕]   อปรํปิ   โน   กสฺสป  วิญฺู  สมนุยุญฺชนฺตํ  สมนุคฺคาหนฺตํ
สมนุภาสนฺตํ  สตฺถารา  วา  สตฺถารํ  สํเฆน  วา  สํฆํ  เย  อิเมสํ ภวตํ
ธมฺมา    กุสลา   กุสลสํขาตา   อนวชฺชา   อนวชฺชสํขาตา   เสวิตพฺพา
เสวิตพฺพสํขาตา   อลมริยา   อลมริยสํขาตา   สุกฺกา   สุกฺกสํขาตา  โก
อิเม  ธมฺเม  อนวเสสํ  สมาทาย  วตฺตติ  โคตมสาวกสํโฆ  วา ปเร วา
ปน โภนฺโต คณาจริยสาวกสํฆาติ ฯ
     {๒๖๕.๑}  านํ  โข  ปเนตํ  กสฺสป  วิชฺชติ ยํ วิญฺู สมนุยุญฺชนฺตา
สมนุคฺคาหนฺตา   สมนุภาสนฺตา  เอวํ  วเทยฺยุํ  เย  อิเมสํ  ภวตํ  ธมฺมา
กุสลา  กุสลสํขาตา  อนวชฺชา  อนวชฺชสํขาตา  เสวิตพฺพา เสวิตพฺพสํขาตา
อลมริยา    อลมริยสํขาตา    สุกฺกา    สุกฺกสํขาตา    โคตมสาวกสํโฆ
อิเม   ธมฺเม  อนวเสสํ  สมาทาย  วตฺตติ  ยํ  วา  ปน  โภนฺโต  ปเร
คณาจริยสาวกสํฆาติ     ฯ    อิติห    กสฺสป    วิญฺู    สมนุยุญฺชนฺตา
สมนุคฺคาหนฺตา สมนุภาสนฺตา อเมฺห ว ตตฺถ เยภุยฺเยน ปสํเสยฺยุํ ฯ
     {๒๖๕.๒}   อตฺถิ   กสฺสป   มคฺโค  อตฺถิ  ปฏิปทา  ยถาปฏิปนฺโน
สามญฺเว      สฺสติ      สามํ      ทกฺขติ     สมโณ     โคตโม
กาลวาที   ภูตวาที   อตฺถวาที   ธมฺมวาที   วินยวาทีติ   ฯ  กตโม  จ
กสฺสป    มคฺโค    กตมา    จ   ปฏิปทา   ยถาปฏิปนฺโน   สามญฺเว
สฺสติ   สามํ   ทกฺขติ   สมโณ   โคตโม  กาลวาที  ภูตวาที  อตฺถวาที
ธมฺมวาที   วินยวาทีติ  ฯ  อยเมว  อริโย  อฏฺงฺคิโก  มคฺโค  เสยฺยถีทํ
สมฺมาทิฏฺิ   สมฺมาสงฺกปฺโป   สมฺมาวาจา   สมฺมากมฺมนฺโต  สมฺมาอาชีโว
สมฺมาวายาโม   สมฺมาสติ   สมฺมาสมาธิ   ฯ   อยํ  โข  กสฺสป  มคฺโค
อยํ    ปฏิปทา    ยถาปฏิปนฺโน    สามญฺเว   สฺสติ   สามํ   ทกฺขติ
สมโณ โคตโม กาลวาที ภูตวาที อตฺถวาที ธมฺมวาที วินยวาทีติ ฯ
     [๒๖๖]  เอวํ  วุตฺเต  อเจโล  กสฺสโป  ภควนฺตํ เอตทโวจ อิเมปิ
โข  อาวุโส  โคตม  ตโปปกฺกมา  เอเตสํ สมณพฺราหฺมณานํ สามญฺสํขาตา
จ  พฺรหฺมญฺสํขาตา  จ  อเจลโก  จ  โหติ มุตฺตาจาโร หตฺถาวเลขโน น
เอหิภทนฺติโก   น  ติฏฺภทนฺติโก  นาภิหตํ  น  อุทฺทิสฺส  กตํ  น  นิมนฺตนํ
สาทิยติ   โส   น   กุมฺภิมุขา  ปฏิคฺคณฺหาติ  น  กโลปิมุขา  ปฏิคฺคณฺหาติ
น  เอฬกมนฺตรํ  น  ทณฺฑกมนฺตรํ  น  มุสลมนฺตรํ  น  ทฺวินฺนํ  ภุญฺชมานานํ
น  คพฺภินิยา  น  ปายมานาย  น  ปุริสนฺตรคตาย  น สํกิตฺตีสุ น ยตฺถ สา
อุปฏฺิโต  โหติ  น  ยตฺถ  มกฺขิกา  สณฺฑสณฺฑจารินี  น มจฺฉํ น มํสํ น สุรํ
น  เมรยํ  น  ถุโสทกํ  ปิวติ  ฯ โส เอกาคาริโก วา โหติ เอกาโลปิโก
ทฺวาคาริโก  วา  โหติ  ทฺวาโลปิโก  สตฺตาคาริโก วา โหติ สตฺตาโลปิโก
เอกิสฺสาปิ    ทตฺติยา    ยาเปติ   ทฺวีหิปิ   ทตฺตีหิ   ยาเปติ   สตฺตหิปิ
ทตฺตีหิ   ยาเปติ   เอกาหิกํปิ   อาหารํ   อาหาเรติ   ทฺวีหิกํปิ  อาหารํ
อาหาเรติ  สตฺตาหิกํปิ  อาหารํ  อาหาเรติ  ฯ  อิติ  เอวรูปํ อทฺธมาสิกํปิ
ปริยายภตฺตโภชนานุโยคมนุยุตฺโต   วิหรติ   อิเมปิ   โข  อาวุโส  โคตม
ตโปปกฺกมา     เอเตสํ     สมณพฺราหฺมณานํ     สามญฺสํขาตา     จ
พฺรหฺมญฺสํขาตา   จ   สากภกฺโข   วา  โหติ  สามากภกฺโข  วา  โหติ
นิวารภกฺโข  วา  โหติ  ททฺทุลภกฺโข  วา  โหติ  นิยาสภกฺโข  วา  โหติ
หตภกฺโข   วา   โหติ  กณฺณภกฺโข  วา  โหติ  อาจามภกฺโข  วา  โหติ
ปิญฺากภกฺโข   วา  โหติ  ติณภกฺโข  วา  โหติ  โคมยภกฺโข  วา  โหติ
วนมูลผลาหาโร ยาเปติ ปวตฺตผลโภชี ฯ
     {๒๖๖.๑}   อิเม   โข   อาวุโส   โคตม  ตโปปกฺกมา  เอเตสํ
สมณพฺราหฺมณานํ      สามญฺสํขาตา     จ     พฺรหฺมญฺสํขาตา     จ
สาณานิปิ    ธาเรติ    มสาณานิปิ    ธาเรติ    ฉวทุสฺสานิปิ   ธาเรติ
ปํสุกูลานิปิ     ธาเรติ    ติริฏานิปิ    ธาเรติ    อชินานิปิ    ธาเรติ
อชินกฺขิปํปิ   ธาเรติ   กุสจีรํปิ   ธาเรติ   วากจีรํปิ  ธาเรติ  ผลกจีรํปิ
ธาเรติ    เกสกมฺพลํปิ    ธาเรติ   วาลกมฺพลํปิ   ธาเรติ   อุลูกปกฺขํปิ
ธาเรติ     เกสมสฺสุโลจโกปิ     โหติ    เกสมสฺสุโลจนานุโยคมนุยุตฺโต
อุพฺภฏฺโกปิ    โหติ   อาสนปฏิกฺขิตฺโต   อุกฺกุฏิโกปิ   โหติ   อุกฺกุฏิกปฺ-
ปธานมนุยุตฺโต       กณฺฏกปสฺสยิโกปิ       โหติ       กณฺฏกปสฺสเย
เสยฺยํ    กปฺเปติ    ผลกเสยฺยํปิ    กปฺเปติ    ตณฺฑิลเสยฺยํปิ   กปฺเปติ
เอกปสฺสยิโกปิ   โหติ   รโชชลฺลธโร  อพฺโภกาสิโก  โหติ  ยถาสนฺถติโก
เวกฏิโกปิ    โหติ    วิกฏโภชนานุโยคมนุยุตฺโต    อาปานโกปิ    โหติ
อาปานกมนุยุตฺโต      สายํ     ตติยกํปิ     อุทโกโรหนานุโยคมนุยุตฺโต
วิหรตีติ ฯ
     [๒๖๗]  อเจลโก  เจปิ  กสฺสป  โหติ  มุตฺตาจาโร หตฺถาวเลขโน
ฯเปฯ    อิติ   เอวรูปํ   อทฺธมาสิกํปิ   ปริยายภตฺตโภชนานุโยคมนุยุตฺโต
วิหรติ    ฯ    ตสฺส   วายํ   สีลสมฺปทา   จิตฺตสมฺปทา   ปญฺาสมฺปทา
อภาวิตา   โหติ   อสจฺฉิกตา   ฯ   อถโข  โส  อารกา  จ  สามญฺา
อารกา  จ  พฺรหฺมญฺา  ฯ  ยโต  โข  กสฺสป  ภิกฺขุ  อเวรํ  อพฺยาปชฺฌํ
เมตฺตจิตฺตํ     ภาเวติ     อาสวานญฺจ    ขยา    อนาสวญฺเจโตวิมุตฺตึ
ปญฺาวิมุตฺตึ   ทิฏฺเ   ว   ธมฺเม  สยํ  อภิญฺา  สจฺฉิกตฺวา  อุปสมฺปชฺช
วิหรติ ฯ อยํ วุจฺจติ กสฺสป ภิกฺขุ สมโณ อิติปิ พฺราหฺมโณ อิติปิ ฯ
     {๒๖๗.๑}   สากภกฺโข  เจปิ  กสฺสป  โหติ  สามากภกฺโข  ฯเปฯ
วนมูลผลาหาโร   ยาเปติ   ปวตฺตผลโภชี   ฯ   ตสฺส  วายํ  สีลสมฺปทา
จิตฺตสมฺปทา   ปญฺาสมฺปทา   อภาวิตา   โหติ   อสจฺฉิกตา   ฯ  อถโข
โส   อารกา   จ   สามญฺา   อารกา  จ  พฺรหฺมญฺา  ฯ  ยโต  โข
กสฺสป   ภิกฺขุ   อเวรํ   อพฺยาปชฺฌํ   เมตฺตจิตฺตํ   ภาเวติ  อาสวานญฺจ
ขยา    อนาสวญฺเจโตวิมุตฺตึ   ปญฺาวิมุตฺตึ   ทิฏฺเ   ว   ธมฺเม   สยํ
อภิญฺา   สจฺฉิกตฺวา   อุปสมฺปชฺช   วิหรติ   ฯ   อยํ   วุจฺจติ   กสฺสป
ภิกฺขุ สมโณ อิติปิ พฺราหฺมโณ อิติปิ ฯ
     {๒๖๗.๒}    สาณานิ    เจปิ    กสฺสป    ธาเรติ   มสาณานิปิ
ธาเรติ     ฯเปฯ     สายํ     ตติยกํปิ    อุทโกโรหนานุโยคมนุยุตฺโต
วิหรติ    ฯ    ตสฺส   วายํ   สีลสมฺปทา   จิตฺตสมฺปทา   ปญฺาสมฺปทา
อภาวิตา   โหติ   อสจฺฉิกตา   ฯ   อถโข  โส  อารกา  จ  สามญฺา
อารกา  จ  พฺรหฺมญฺา  ฯ  ยโต  โข  กสฺสป ภิกฺขุ *- อเวรํ อพฺยาปชฺฌํ
เมตฺตจิตฺตํ     ภาเวติ     อาสวานญฺจ    ขยา    อนาสวญฺเจโตวิมุตฺตึ
ปญฺาวิมุตฺตึ   ทิฏฺเ   ว   ธมฺเม  สยํ  อภิญฺา  สจฺฉิกตฺวา  อุปสมฺปชฺช
วิหรติ ฯ อยํ วุจฺจติ กสฺสป ภิกฺขุ สมโณ อิติปิ พฺราหฺมโณ อิติปีติ ฯ
     [๒๖๘]   เอวํ   วุตฺเต   อเจโล   กสฺสโป  ภควนฺตํ  เอตทโวจ
ทุกฺกรํ   โภ   โคตม   สามญฺ   ทุกฺกรํ   พฺรหฺมญฺนฺติ   ฯ  ปกติ  โข
เอสา   กสฺสป   โลกสฺมึ   ทุกฺกรํ   สามญฺ   ทุกฺกรํ   พฺรหฺมญฺนฺติ  ฯ
อเจลโก   เจปิ   กสฺสป   โหติ   มุตฺตาจาโร   หตฺถาวเลขโน  ฯเปฯ
อิติ   เอวรูปํ   อทฺธมาสิกํปิ  ปริยายภตฺตโภชนานุโยคมนุยุตฺโต  วิหรติ  ฯ
อิมาย   จ   กสฺสป   มตฺตาย   อิมินา  จ  ตโปปกฺกเมน  สามญฺ  วา
อภวิสฺส    พฺรหฺมญฺ   วา   ทุกฺกรํ   สุทุกฺกรํ   เนตํ   อภวิสฺส   กลฺลํ
วจนาย   ทุกฺกรํ   สามญฺ   ทุกฺกรํ   พฺรหฺมญฺนฺติ   สกฺกา   จ  ปเนตํ
อภวิสฺส    กาตุํ    คหปตินา    วา    คหปติปุตฺเตน   วา   อนฺตมโส
กุมฺภทาสิยาปิ   หนฺทาหํ   อเจลโก   โหมิ   มุตฺตาจาโร  หตฺถาวเลขโน
ฯเปฯ    อิติ   เอวรูปํ   อทฺธมาสิกํปิ   ปริยายภตฺตโภชนานุโยคมนุยุตฺโต
วิหรามีติ ฯ
     {๒๖๘.๑}  ยสฺมา  จ  โข  กสฺสป  อญฺเตฺรว  อิมาย  จ มตฺตาย
อญฺตฺร   อิมินา   จ   ตโปปกฺกเมน   สามญฺ   วา   โหติ  พฺรหฺมญฺ
@เชิงอรรถ: * มีการแก้ไขคำ ภกฺขุ  เป็น ภิกฺขุ
วา   ทุกฺกรํ   สุทุกฺกรํ   ตสฺมา   เอตํ  กลฺลํ  วจนาย  ทุกฺกรํ  สามญฺ
ทุกฺกรํ   พฺรหฺมญฺนฺติ   ฯ   ยโต  โข  กสฺสป  ภิกฺขุ  อเวรํ  อพฺยาปชฺฌํ
เมตฺตจิตฺตํ     ภาเวติ     อาสวานญฺจ    ขยา    อนาสวญฺเจโตวิมุตฺตึ
ปญฺาวิมุตฺตึ   ทิฏฺเ   ว   ธมฺเม  สยํ  อภิญฺา  สจฺฉิกตฺวา  อุปสมฺปชฺช
วิหรติ ฯ อยํ วุจฺจติ กสฺสป ภิกฺขุ สมโณ อิติปิ พฺราหฺมโณ อิติปิ ฯ
     {๒๖๘.๒}   สากภกฺโข  เจปิ  กสฺสป  โหติ  สามากภกฺโข  ฯเปฯ
วนมูลผลาหาโร   ยาเปติ  ปวตฺตผลโภชี  ฯ  อิมาย  จ  กสฺสป  มตฺตาย
อิมินา   จ   ตโปปกฺกเมน   สามญฺ   วา   อภวิสฺส   พฺรหฺมญฺ   วา
ทุกฺกรํ   สุทุกฺกรํ   เนตํ   อภวิสฺส   กลฺลํ   วจนาย   ทุกฺกรํ   สามญฺ
ทุกฺกรํ   พฺรหฺมญฺนฺติ   ฯ   สกฺกา  จ  ปเนตํ  อภวิสฺส  กาตุํ  คหปตินา
วา   คหปติปุตฺเตน   วา   อนฺตมโส  กุมฺภทาสิยาปิ  หนฺทาหํ  สากภกฺโข
โหมิ สามากภกฺโข วา ฯเปฯ วนมูลผลาหาโร ยาเปมิ ปวตฺตผลโภชีติ ฯ
     {๒๖๘.๓}   ยสฺมา   จ  โข  กสฺสป  อญฺเตฺรว  อิมาย  มตฺตาย
อญฺตฺร   อิมินา   จ   ตโปปกฺกเมน   สามญฺ   วา   โหติ  พฺรหฺมญฺ
วา   ทุกฺกรํ   สุทุกฺกรํ   ตสฺมา   เอตํ  กลฺลํ  วจนาย  ทุกฺกรํ  สามญฺ
ทุกฺกรํ   พฺรหฺมญฺนฺติ   ฯ   ยโต  โข  กสฺสป  ภิกฺขุ  อเวรํ  อพฺยาปชฺฌํ
เมตฺตจิตฺตํ     ภาเวติ     อาสวานญฺจ    ขยา    อนาสวญฺเจโตวิมุตฺตึ
ปญฺาวิมุตฺตึ   ทิฏฺเ   ว   ธมฺเม  สยํ  อภิญฺา  สจฺฉิกตฺวา  อุปสมฺปชฺช
วิหรติ ฯ อยํ วุจฺจติ กสฺสป ภิกฺขุ สมโณ อิติปิ พฺราหฺมโณ อิติปิ ฯ
     {๒๖๘.๔}  สาณานิ  เจปิ  กสฺสป ธาเรติ มสาณานิปิ ธาเรติ ฯเปฯ
สายํ   ตติยกํปิ   อุทโกโรหนานุโยคมนุยุตฺโต   วิหรติ   ฯ   อิมาย   จ
กสฺสป   มตฺตาย   อิมินา   จ   ตโปปกฺกเมน   สามญฺ   วา  อภวิสฺส
พฺรหฺมญฺ   วา   ทุกฺกรํ  สุทุกฺกรํ  เนตํ  อภวิสฺส  กลฺลํ  วจนาย  ทุกฺกรํ
สามญฺ   ทุกฺกรํ   พฺรหฺมญฺนฺติ   ฯ   สกฺกา  จ  ปเนตํ  อภวิสฺส  กาตุํ
คหปตินา   วา   คหปติปุตฺเตน   วา   อนฺตมโส  กุมฺภทาสิยาปิ  หนฺทาหํ
สาณานิปิ    ธาเรมิ    มสาณานิปิ   ธาเรมิ   ฯเปฯ   สายํ   ตติยกํปิ
อุทโกโรหนานุโยคมนุยุตฺโต วิหรามีติ ฯ
     {๒๖๘.๕}  ยสฺมา  จ  โข  กสฺสป  อญฺเตฺรว  อิมาย  จ มตฺตาย
อญฺตฺร   อิมินา   จ   ตโปปกฺกเมน   สามญฺ   วา   โหติ  พฺรหฺมญฺ
วา   ทุกฺกรํ   สุทุกฺกรํ   ตสฺมา   เอตํ  กลฺลํ  วจนาย  ทุกฺกรํ  สามญฺ
ทุกฺกรํ   พฺรหฺมญฺนฺติ   ฯ   ยโต  โข  กสฺสป  ภิกฺขุ  อเวรํ  อพฺยาปชฺฌํ
เมตฺตจิตฺตํ     ภาเวติ     อาสวานญฺจ    ขยา    อนาสวญฺเจโตวิมุตฺตึ
ปญฺาวิมุตฺตึ   ทิฏฺเ   ว   ธมฺเม  สยํ  อภิญฺา  สจฺฉิกตฺวา  อุปสมฺปชฺช
วิหรติ ฯ อยํ วุจฺจติ กสฺสป ภิกฺขุ สมโณ อิติปิ พฺราหฺมโณ อิติปีติ ฯ
     [๒๖๙]   เอวํ   วุตฺเต   อเจโล   กสฺสโป  ภควนฺตํ  เอตทโวจ
ทุชฺชาโน   โภ   โคตม   สมโณ  ทุชฺชาโน  พฺราหฺมโณติ  ฯ  ปกติ  โข
เอสา   กสฺสป   โลกสฺมึ   ทุชฺชาโน  สมโณ  ทุชฺชาโน  พฺราหฺมโณติ  ฯ
อเจลโก   เจปิ   กสฺสป   โหติ   มุตฺตาจาโร   หตฺถาวเลขโน  ฯเปฯ
อิติ    เอวรูปํ   อทฺธมาสิกํปิ   ปริยายภตฺตโภชนานุโยคมนุยุตฺโต   วิหรติ
อิมาย   จ   กสฺสป   มตฺตาย   อิมินา   จ  ตโปปกฺกเมน  สมโณ  วา
อภวิสฺส   พฺราหฺมโณ   วา   ทุชฺชาโน  สุทุชฺชาโน  เนตํ  อภวิสฺส  กลฺลํ
วจนาย   ทุชฺชาโน   สมโณ   ทุชฺชาโน   พฺราหฺมโณติ   ฯ   สกฺกา  จ
ปเนตํ   อภวิสฺส   าตุํ   คหปตินา   วา  คหปติปุตฺเตน  วา  อนฺตมโส
กุมฺภทาสิยาปิ   อยํปิ   อเจโล  มุตฺตาจาโร  หตฺถาวเลขโน  ฯเปฯ  อิติ
เอวรูปํ อทฺธมาสิกํปิ ปริยายภตฺตโภชนานุโยคมนุยุตฺโต วิหรตีติ ฯ
     {๒๖๙.๑}  ยสฺมา จ โข กสฺสป อญฺเตฺรว อิมาย จ มตฺตาย อญฺตฺร
อิมินา   จ  ตโปปกฺกเมน  สมโณ  วา  โหติ  พฺราหฺมโณ  วา  ทุชฺชาโน
สุทุชฺชาโน   ตสฺมา   เอตํ   กลฺลํ  วจนาย  ทุชฺชาโน  สมโณ  ทุชฺชาโน
พฺราหฺมโณติ  ฯ  ยโต  โข  กสฺสป  ภิกฺขุ  อเวรํ  อพฺยาปชฺฌํ  เมตฺตจิตฺตํ
ภาเวติ   อาสวานญฺจ   ขยา   อนาสวญฺเจโตวิมุตฺตึ  ปญฺาวิมุตฺตึ  ทิฏฺเ
ว  ธมฺเม  สยํ  อภิญฺา  สจฺฉิกตฺวา  อุปสมฺปชฺช  วิหรติ  ฯ  อยํ  วุจฺจติ
กสฺสป ภิกฺขุ สมโณ อิติปิ พฺราหฺมโณ อิติปิ ฯ
     {๒๖๙.๒}   สากภกฺโข  เจปิ  กสฺสป  โหติ  สามากภกฺโข  ฯเปฯ
วนมูลผลาหาโร   ยาเปติ  ปวตฺตผลโภชี  ฯ  อิมาย  จ  กสฺสป  มตฺตาย
อิมินา  จ  ตโปปกฺกเมน  สมโณ  วา  อภวิสฺส  พฺราหฺมโณ  วา ทุชฺชาโน
สุทุชฺชาโน   เนตํ   อภวิสฺส  กลฺลํ  วจนาย  ทุชฺชาโน  สมโณ  ทุชฺชาโน
พฺราหฺมโณติ   ฯ   สกฺกา   จ   ปเนโส  อภวิสฺส  าตุํ  คหปตินา  วา
คหปติปุตฺเตน   วา  อนฺตมโส  กุมฺภทาสิยาปิ  อยํ  สากภกฺโข  วา  โหติ
สามากภกฺโข   ฯเปฯ   วนมูลผลาหาโร   ยาเปติ   ปวตฺตผลโภชีติ   ฯ
ยสฺมา  จ  โข  กสฺสป  อญฺเตฺรว   อิมาย  จ มตฺตาย อญฺตฺร อิมินา จ
ตโปปกฺกเมน    สมโณ    วา    โหติ    พฺราหฺมโณ   วา   ทุชฺชาโน
สุทุชฺชาโน    ตสฺมา    เอตํ    กลฺลํ    วจนาย    ทุชฺชาโน   สมโณ
ทุชฺชาโน   พฺราหฺมโณติ   ฯ   ยโต   จ   โข   กสฺสป   ภิกฺขุ  อเวรํ
อพฺยาปชฺฌํ       เมตฺตจิตฺตํ      ภาเวติ      อาสวานญฺจ      ขยา
อนาสวญฺเจโตวิมุตฺตึ     ปญฺาวิมุตฺตึ     ทิฏฺเ    ว    ธมฺเม    สยํ
อภิญฺา     สจฺฉิกตฺวา    อุปสมฺปชฺช    วิหรติ    ฯ    อยํ    วุจฺจติ
กสฺสป ภิกฺขุ สมโณ อิติปิ พฺราหฺมโณ อิติปิ ฯ
     {๒๖๙.๓}  สาณานิ  เจปิ  กสฺสป ธาเรติ มสาณานิปิ ธาเรติ ฯเปฯ
สายํ   ตติยกํปิ   อุทโกโรหนานุโยคมนุยุตฺโต   วิหรติ   ฯ   อิมาย   จ
กสฺสป   มตฺตาย   อิมินา   จ   ตโปปกฺกเมน   สมโณ   วา   อภวิสฺส
พฺราหฺมโณ   วา   ทุชฺชาโน   สุทุชฺชาโน  เนตํ  อภวิสฺส  กลฺลํ  วจนาย
ทุชฺชาโน   สมโณ   ทุชฺชาโน   พฺราหฺมโณติ   ฯ   สกฺกา   จ  ปเนโส
อภวิสฺส    าตุํ    คหปตินา    วา    คหปติปุตฺเตน   วา   อนฺตมโส
กุมฺภทาสิยาปิ   อยํ   สาณานิปิ   ธาเรติ   มสาณานิปิ   ธาเรติ  ฯเปฯ
สายํ ตติยกํปิ อุทโกโรหนานุโยคมนุยุตฺโต วิหรตีติ ฯ
     {๒๖๙.๔}  ยสฺมา จ โข กสฺสป อญฺเตฺรว อิมาย จ มตฺตาย อญฺตฺร
อิมินา   จ  ตโปปกฺกเมน  สมโณ  วา  โหติ  พฺราหฺมโณ  วา  ทุชฺชาโน
สุทุชฺชาโน   ตสฺมา   เอตํ   กลฺลํ  วจนาย  ทุชฺชาโน  สมโณ  ทุชฺชาโน
พฺราหฺมโณติ  ยโต  จ  โข  กสฺสป  ภิกฺขุ  อเวรํ  อพฺยาปชฺฌํ  เมตฺตจิตฺตํ
ภาเวติ   อาสวานญฺจ   ขยา   อนาสวญฺเจโตวิมุตฺตึ  ปญฺาวิมุตฺตึ  ทิฏฺเ
ว  ธมฺเม  สยํ  อภิญฺา  สจฺฉิกตฺวา  อุปสมฺปชฺช  วิหรติ  ฯ  อยํ  วุจฺจติ
กสฺสป ภิกฺขุ สมโณ อิติปิ พฺราหฺมโณ อิติปีติ ฯ
     [๒๗๐]  เอวํ  วุตฺเต  อเจโล  กสฺสโป  ภควนฺตํ เอตทโวจ กตมา
ปน    สา   โภ   โคตม   สีลสมฺปทา   กตมา   จิตฺตสมฺปทา   กตมา
ปญฺาสมฺปทาติ   ฯ   อิธ   กสฺสป   ตถาคโต   โลเก  อุปฺปชฺชติ  อรหํ
สมฺมาสมฺพุทฺโธ ฯเปฯ วิตฺถาเรตพฺโพ ฯ
     {๒๗๐.๑}   กถญฺจ  กสฺสป  ภิกฺขุ  สีลสมฺปนฺโน  โหติ  อิธ  กสฺสป
ภิกฺขุ   ปาณาติปาตํ   ปหาย   ปาณาติปาตา  ปฏิวิรโต  โหติ  นิหิตทณฺโฑ
นิหิตสตฺโถ   ลชฺชี   ทยาปนฺโน   สพฺพปาณภูตหิตานุกมฺปี   วิหรติ  อิทํปิสฺส
โหติ  สีลสมฺปทาย  ฯเปฯ  โส  อิมินา  อริเยน  สีลกฺขนฺเธน สมนฺนาคโต
อชฺฌตฺตํ   อนวชฺชสุขํ   ปฏิสํเวเทติ   เอวํ   กสฺสป   ภิกฺขุ  สีลสมฺปนฺโน
โหติ  อยํ  โข  สา  กสฺสป  สีลสมฺปทา  ฯเปฯ  ปมํ  ฌานํ  อุปสมฺปชฺช
วิหรติ   อิทํปิสฺส   โหติ   จิตฺตสมฺปทาย   อยํ  โข  กสฺสป  จิตฺตสมฺปทา
ฯเปฯ    าณทสฺสนาย    จิตฺตํ    อภินีหรติ    อภินินฺนาเมติ   อิทํปิสฺส
โหติ    ปญฺาสมฺปทาย    ฯเปฯ    นาปรํ    อิตฺถตฺตายาติ   ปชานาติ
อิทํปิสฺส   โหติ   ปญฺาสมฺปทา   อยํ   โข   กสฺสป   าณสมฺปทา   ฯ
อิมาย    จ    กสฺสป    สีลสมฺปทาย    จิตฺตสมฺปทาย   ปญฺาสมฺปทาย
อญฺา    สีลสมฺปทา    จิตฺตสมฺปทา    ปญฺาสมฺปทา   อุตฺตริตรา   วา
ปณีตตรา วา นตฺถิ ฯ
     [๒๗๑]   สนฺติ   กสฺสป   เอเก   สมณพฺราหฺมณา  สีลวาทา  เต
อเนกปริยาเยน   สีลวณฺณํ   ภาสนฺติ   ฯ   ยาวตา  กสฺสป  อริยํ  ปรมํ
สีลํ   นาหํ   ตตฺถ   อตฺตโน  สมสมํ  สมนุปสฺสามิ  กุโต  ภิยฺโย  อถโข
อหเมว   ตตฺถ   ภิยฺโย   ยทิทํ   อธิสีลํ   ฯ   สนฺติ   กสฺสป   เอเก
สมณพฺราหฺมณา   ตโปชิคุจฺฉวาทา   เต   อเนกปริยาเยน   ตโปชิคุจฺฉาย
วณฺณํ   ภาสนฺติ   ฯ   ยาวตา   กสฺสป   อริยา   ปรมา   ตโปชิคุจฺฉา
นาหํ   ตตฺถ   อตฺตโน   สมสมํ   สมนุปสฺสามิ   กุโต   ภิยฺโย   อถโข
อหเมว   ตตฺถ   ภิยฺโย   ยทิทํ   อธิเชคุจฺฉํ   ฯ  สนฺติ  กสฺสป  เอเก
สมณพฺราหฺมณา     ปญฺาวาทา     เต     อเนกปริยาเยน    ปญฺาย
วณฺณํ   ภาสนฺติ  ฯ  ยาวตา  กสฺสป  อริยา  ปรมา  ปญฺา  นาหํ  ตตฺถ
อตฺตโน   สมสมํ   สมนุปสฺสามิ   กุโต   ภิยฺโย   อถโข  อหเมว  ตตฺถ
ภิยฺโย   ยทิทํ   อธิปญฺ   ฯ   สนฺติ   กสฺสป   เอเก   สมณพฺราหฺมณา
วิมุตฺติวาทา    เต   อเนกปริยาเยน   วิมุตฺติยา   วณฺณํ   ภาสนฺติ   ฯ
ยาวตา   กสฺสป   อริยา   ปรมา  วิมุตฺติ  นาหํ  ตตฺถ  อตฺตโน  สมสมํ
สมนุปสฺสามิ กุโต ภิยฺโย อถโข อหเมว ตตฺถ ภิยฺโย ยทิทํ อธิวิมุตฺติ ฯ
     [๒๗๒]   านํ   โข   ปเนตํ   กสฺสป   วิชฺชติ  ยํ  อญฺติตฺถิยา
ปริพฺพาชกา   เอวํ   วเทยฺยุํ   สีหนาทํ   โข   สมโณ   โคตโม  นทติ
ตญฺจ   โข   สุญฺาคาเร   นทติ   โน   จ   ปริสาสูติ   ฯ  เต  มา
เหวนฺติสฺสุ   วจนียา   ฯ   สีหนาทญฺจ   สมโณ  โคตโม  นทติ  ปริสาสุ
จ   นทติ   โน  จ  สุญฺาคาเร  นทตีติ  เอวมสฺสุ  กสฺสป  วจนียา  ฯ
านํ   โข   ปเนตํ   กสฺสป   วิชฺชติ   ยํ   อญฺติตฺถิยา   ปริพฺพาชกา
เอวํ   วเทยฺยุํ   สีหนาทํ   สมโณ   โคตโม   นทติ  ปริสาสุ  จ  นทติ
โน   จ   โข  วิสารโท  นทตีติ  ฯ  เต  มา  เหวนฺติสฺสุ  วจนียา  ฯ
สีหนาทญฺจ   สมโณ   โคตโม   นทติ   ปริสาสุ  จ  นทติ  วิสารโท  จ
นทตีติ เอวมสฺสุ กสฺสป วจนียา ฯ
     {๒๗๒.๑}   านํ   โข   ปเนตํ  กสฺสป  วิชฺชติ  ยํ  อญฺติตฺถิยา
ปริพฺพาชกา    เอวํ    วเทยฺยุํ   สีหนาทญฺจ   สมโณ   โคตโม   นทติ
ปริสาสุ  จ  นทติ  วิสารโท  จ  นทติ  โน  จ  โข  นํ  ปญฺหํ  ปุจฺฉนฺติ
ปญฺหญฺจ   นํ   ปุจฺฉนฺติ   โน   จ  โข  เนสํ  ปญฺหํ  ปุฏฺโ  พฺยากโรติ
ปญฺหญฺจ   เนสํ   ปุฏฺโ   พฺยากโรติ   โน   จ   ปญฺหสฺส  พฺยากรเณน
จิตฺตํ   อาราเธติ   ปญฺหสฺส  จ  พฺยากรเณน  จิตฺตํ  อาราเธติ  โน  จ
โข   โสตพฺพํ   มญฺนฺติ   โสตพฺพญฺจสฺส   มญฺนฺติ  โน  จ  โข  สุตฺวา
ปสีทนฺติ   สุตฺวา   จสฺส   ปสีทนฺติ   โน  จ  โข  ปสนฺนา  ปสนฺนาการํ
กโรนฺติ   ปสนฺนา   จ   ปสนฺนาการํ   กโรนฺติ  โน  จ  โข  ตถตฺตาย
ปฏิปชฺชนฺติ    ตถตฺตาย    จ   ปฏิปชฺชนฺติ   โน   จ   โข   ปฏิปนฺนา
อาราเธนฺตีติ   ฯ  เต  มา  เหวนฺติสฺสุ  วจนียา  ฯ  สีหนาทญฺจ  สมโณ
โคตโม   นทติ   ปริสาสุ   จ   นทติ  วิสารโท  จ  นทติ  ปญฺหญฺจ  นํ
ปุจฺฉนฺติ   ปญฺหญฺจ  เนสํ  ปุฏฺโ  พฺยากโรติ  ปญฺหสฺส  จ  เวยฺยากรเณน
จิตฺตํ    อาราเธติ   โสตพฺพญฺจสฺส   มญฺนฺติ   สุตฺวา   จสฺส   ปสีทนฺติ
ปสนฺนา   จ   ปสนฺนาการํ   กโรนฺติ   ตถตฺตาย   ปฏิปชฺชนฺติ  ปฏิปนฺนา
จ อาราเธนฺตีติ เอวมสฺสุ กสฺสป วจนียา ฯ
     {๒๗๒.๒} เอกมิทาหํ กสฺสป สมยํ ราชคเห วิหรามิ คิชฺฌกูเฏ ปพฺพเต ฯ
ตตฺร   มํ   อญฺตโร   เต   สพฺรหฺมจารี  นิโคฺรโธ  นาม  ปริพฺพาชโก
อธิเชคุจฺเฉ   ปญฺหํ  ปุจฺฉิ  ตสฺสาหํ  อธิเชคุจฺเฉ  ปญฺหํ  ปุฏฺโ  พฺยากาสึ
พฺยากเต จ ปน เม อตฺตมโน อโหสิ ปรํ วิย มตฺตายาติ ฯ
     [๒๗๓]  โก  หิ  ภนฺเต  ภควโต  ธมฺมํ  สุตฺวา  น อตฺตมโน อสฺส
ปรํ   วิย   มตฺตาย   อหํปิ   ภนฺเต   ภควโต  ธมฺมํ  สุตฺวา  อตฺตมโน
ปรํ   วิย   มตฺตาย   อภิกฺกนฺตํ   ภนฺเต   อภิกฺกนฺตํ  ภนฺเต  เสยฺยถาปิ
ภนฺเต   นิกฺกุชฺชิตํ   วา  อุกฺกุชฺเชยฺย  ปฏิจฺฉนฺนํ  วา  วิวเรยฺย  มูฬฺหสฺส
วา  มคฺคํ  อาจิกฺเขยฺย  อนฺธกาเร  วา  เตลปชฺโชตํ ธาเรยฺย จกฺขุมนฺโต
รูปานิ   ทกฺขนฺตีติ   เอวเมว  ภควตา  อเนกปริยาเยน  ธมฺโม  เทสิโต
เอสาหํ    ภนฺเต    ภควนฺตํ    สรณํ   คจฺฉามิ   ธมฺมญฺจ   ภิกฺขุสํฆญฺจ
ลเภยฺยาหํ ภนฺเต ภควโต สนฺติเก ปพฺพชฺชํ ลเภยฺยํ อุปสมฺปทนฺติ ฯ
     [๒๗๔]   โย   โข   กสฺสป  อญฺติตฺถิยปุพฺโพ  อิมสฺมึ  ธมฺมวินเย
อากงฺขติ    ปพฺพชฺชํ    อากงฺขติ   อุปสมฺปทํ   โส   จตฺตาโร   มาเส
ปริวสติ   จตุนฺนํ   มาสานํ   อจฺจเยน  อารทฺธจิตฺตา  ภิกฺขู  ปพฺพาเชนฺติ
อุปสมฺปาเทนฺติ   ภิกฺขุภาวาย  อปิจ  เมตฺถ  ปุคฺคลเวมตฺตตา  วิทิตาติ  ฯ
สเจ   ภนฺเต   อญฺติตฺถิยปุพฺโพ   อิมสฺมึ  ธมฺมวินเย  อากงฺขติ  ปพฺพชฺชํ
อากงฺขติ  อุปสมฺปทํ  จตฺตาโร  มาเส  ปริวสติ  จตุนฺนํ  มาสานํ อจฺจเยน
อารทฺธจิตฺตา   ภิกฺขู   ปพฺพาเชนฺติ   อุปสมฺปาเทนฺติ   ภิกฺขุภาวาย   อหํ
จตฺตาริ   วสฺสานิ  ปริวสิสฺสามิ  จตุนฺนํ  วสฺสานํ  อจฺจเยน  อารทฺธจิตฺตา
ภิกฺขู   ปพฺพาเชนฺติ   อุปสมฺปาเทนฺติ   ภิกฺขุภาวายาติ   ฯ   อลตฺถ  โข
อเจโล   กสฺสโป   ภควโต   สนฺติเก   ปพฺพชฺชํ   อลตฺถ  อุปสมฺปทํ  ฯ
อจิรูปสมฺปนฺโน   โข   ปนายสฺมา  กสฺสโป  เอโก  วูปกฏฺโ  อปฺปมตฺโต
อาตาปี  ปหิตตฺโต  วิหรนฺโต  นจิรสฺเสว  ยสฺสตฺถาย  กุลปุตฺตา  สมฺมเทว
อคารสฺมา    อนคาริยํ    ปพฺพชนฺติ    ตทนุตฺตรํ    พฺรหฺมจริยปริโยสานํ
ทิฏฺเ   ว   ธมฺเม   สยํ   อภิญฺา   สจฺฉิกตฺวา   อุปสมฺปชฺช   วิหรติ
ขีณา   ชาติ   วุสิตํ   พฺรหฺมจริยํ   กตํ   กรณียํ   นาปรํ  อิตฺถตฺตายาติ
อพฺภญฺาสิ ฯ อญฺตโร โข ปนายสฺมา กสฺสโป อรหตํ อโหสีติ ฯ
                มหาสีหนาทสุตฺตํ อฏฺมํ นิฏฺิตํ ฯ
                         ---------------

             เนื้อความพระไตรปิฎกฉบับภาษาบาลี อักษรไทย เล่มที่ ๙ หน้าที่ ๒๐๕-๒๒๒.
https://84000.org/tipitaka/read/pali_read.php?B=9&A=4073&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=9&A=4073&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=9&item=260&items=15
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=9&siri=8
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=9&i=260
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=4&A=7552
             The Pali Atthakatha in Roman :-
https://84000.org/tipitaka/atthapali/read_rm.php?B=4&A=7552
             สารบัญพระไตรปิฎกเล่มที่ ๙
https://84000.org/tipitaka/read/?index_9
https://84000.org/tipitaka/english/?index_9