[231] Athakho bhagava vaggumudatiriye bhikkhu anekapariyayena
vigarahitva dubbharataya dupposataya .pe. evanca pana bhikkhave
imam sikkhapadam uddiseyyatha
{231.1} yo pana bhikkhu anabhijanam uttarimanussadhammam attupanayikam
alamariyananadassanam samudacareyya iti janami iti passamiti tato aparena samayena
samanuggahiyamano va asamanuggahiyamano va apanno visuddhapekkho 1-
evam vadeyya ajanamevam avuso avacam janami apassam passami tuccham musa
vilapinti ayampi parajiko hoti asamvasoti.
{231.2} Evancidam bhagavata bhikkhunam sikkhapadam pannattam hoti.
[232] Tena kho pana samayena sambahula bhikkhu aditthe ditthasannino
apatte pattasannino anadhigate adhigatasannino asacchikate
@Footnote: 1 visuddhapekhotipi patho.
Sacchikatasannino adhimanena annam byakarimsu . tesam aparena
samayena ragayapi cittam namati dosayapi cittam namati mohayapi
cittam namati . tesam kukkuccam ahosi bhagavata sikkhapadam pannattam
mayancamha aditthe ditthasannino apatte pattasannino anadhigate
adhigatasannino asacchikate sacchikatasannino adhimanena annam
byakarimha kacci nu kho mayam parajikam apattim apannati .
Te 1- ayasmato anandassa etamattham arocesum . ayasma
anando bhagavato etamattham arocesi . hontiyevananda 2- bhikkhu
aditthe ditthasannino apatte pattasannino anadhigate adhigatasannino
asacchikate sacchikatasannino adhimanena annam byakaronti
tanca kho etam abboharikanti . athakho bhagava etasmim nidane
etasmim pakarane dhammim katham katva bhikkhu amantesi .pe. evanca
pana bhikkhave imam sikkhapadam uddiseyyatha
{232.1} yo pana bhikkhu anabhijanam uttarimanussadhammam attupanayikam
alamariyananadassanam samudacareyya iti janami iti passamiti tato aparena
samayena samanuggahiyamano va asamanuggahiyamano va apanno
visuddhapekkho evam vadeyya ajanamevam avuso avacam janami apassam
passami tuccham musa vilapinti annatra adhimana ayampi parajiko
hoti asamvasoti.
@Footnote: 1 Yu. Ma. potthakesu ayam patho na hoti. 2 Yu. Ma. hete ananda.
[233] Yo panati yo yadiso .pe. bhikkhuti .pe. ayam
imasmim atthe adhippeto bhikkhuti . anabhijananti asantam abhutam
asamvijjamanam ajananto apassanto attani kusalam dhammam atthi
me kusala 1- dhammati . uttarimanussadhammo nama jhanam vimokkham
samadhi samapatti nanadassanam maggabhavana phalasacchikiriya
kilesappahanam vinivaranata cittassa sunnagare abhirati .
Attupanayikanti te va kusale dhamme attani upaneti attanam
va tesu kusalesu dhammesu upaneti . nananti tisso vijja .
Dassananti yam nanam tam dassanam yam dassanam tam nanam . Samudacareyyati
aroceyya itthiya va purisassa va gahatthassa va pabbajitassa
va . iti janami iti passamiti janamaham ete dhamme passamaham
ete dhamme atthi ca me ete dhamma ahanca etesu dhammesu
sandissamiti.
[234] Tato aparena samayenati yasmim khane samudacinnam hoti
tam khanam tam layam tam muhuttam vitivatte . samanuggahiyamanoti yam
vatthum patinnatam hoti tasmim vatthusmim samanuggahiyamano kim
te adhigatam kinti te adhigatam kada te adhigatam kattha te adhigatam
katame te kilesa pahina katamesam tvam dhammanam labhiti .
Asamanuggahiyamanoti na kenaci vuccamano . apannoti papiccho
@Footnote: 1 tisupi potthakesu ekavacananiddeso kato.
Icchapakato asantam abhutam uttarimanussadhammam ullapitva parajikam
apattim apanno hoti . visuddhapekkhoti gihi va hotukamo
upasako va hotukamo aramiko va hotukamo samanero
va hotukamo . ajanamevam avuso avacam janami apassam
passamiti naham ete dhamme janami naham ete dhamme passami
natthi ca me ete dhamma na caham etesu dhammesu sandissamiti.
Tuccham musa vilapinti tucchakam maya bhanitam musa maya bhanitam
abhutam maya bhanitam asantam maya bhanitam 1- ajanantena maya
bhanitam. Annatra adhimanati thapetva adhimanam.
The Pali Tipitaka in Roman Character Volume 1 page 171-174.
https://84000.org/tipitaka/read/roman_item.php?book=1&item=231&items=4
Classified by [Item Number] :-
http://84000.org/tipitaka/read/roman_item.php?book=1&item=231&items=4&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=1&item=231&items=4
Compare with The Royal Version of Thai Tipitaka :-
https://84000.org/tipitaka/read/byitem.php?book=1&item=231&items=4
Study Atthakatha :-
https://84000.org/tipitaka/attha/attha.php?b=1&i=231
Contents of The Tipitaka Volume 1
https://84000.org/tipitaka/read/?index_1
https://84000.org/tipitaka/english/?index_1
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
