paliTIPITAKA Volume 12 - Sutta Pitaka 4

page590.

Brahmanimantanikasuttam [551] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. [552] Bhagava etadavoca ekamidaham bhikkhave samayam ukkatthayam viharami subhagavane salarajamule . tena kho pana bhikkhave samayena bakassa brahmuno evarupam papakam ditthigatam uppannam hoti idam niccam idam dhuvam idam sassatam idam kevalam idam acavanadhammam idam hi na jayati na jiyati na miyati na cavati na upapajjati ito ca panannam uttarim nissaranam natthiti . atha khvaham bhikkhave bakassa brahmuno cetasa ceto parivitakkamannaya seyyathapi nama balava puriso samminjitam va baham pasareyya pasaritam va baham samminjeyya evameva ukkatthayam subhagavane salarajamule antarahito tasmim brahmaloke paturahosi. {552.1} Addasa kho mam bhikkhave bako brahma duratova agacchantam disvana mam etadavoca ehi kho marisa svagatam marisa cirassam kho marisa imam pariyayamakasi yadidam adhagamanaya idam hi marisa niccam idam dhuvam idam sassatam idam kevalam idam acavanadhammam idam hi na jayati na jiyati na miyati na cavati na upapajjati ito ca panannam uttarim nissaranam natthiti . evam vutte aham bhikkhave bakam brahmanam

--------------------------------------------------------------------------------------------- page591.

Etadavocam avijjagato vata bho bako brahma avijjagato vata bho bako brahma yatra hi nama aniccamyeva samanam niccanti vakkhati adhuvamyeva samanam dhuvanti vakkhati assassatamyeva samanam sassatanti vakkhati akevalamyeva samanam kevalanti vakkhati cavanadhammamyeva samanam acavanadhammanti vakkhati yattha ca pana jayati ca ^1- jiyati ca miyati ca cavati ca upapajjati ca tam tatha ^2- vakkhati idam hi na jayati na jiyati na miyati na cavati na upapajjatiti santanca panannam uttarim nissaranam natthannam uttarim nissarananti vakkhatiti. [553] Atha kho bhikkhave maro papima annataram brahmaparisajjam anvavisitva mam etadavoca bhikkhu bhikkhu metamasado metamasado eso hi bhikkhu brahma mahabrahma abhibhu anabhibhuto annadatthu daso vasavatti issaro katta nimmita ^3- settho sajjita ^4- vasi pita bhuta bhabyanam . ahesum kho ^[5]- bhikkhu taya pubbe samanabrahmana lokasmim pathavigarahaka pathavijigucchaka apagarahaka apajigucchaka tejagarahaka tejajigucchaka vayagarahaka vayajigucchaka bhutagarahaka bhutajigucchaka devagarahaka devajigucchaka pajapatigarahaka pajapatijigucchaka brahmagarahaka brahmajigucchaka te kayassa bheda panupaccheda hine kaye patitthita. {553.1} Ahesum kho pana bhikkhu taya pubbe samanabrahmana lokasmim pathavipasamsaka pathavabhinandino apapasamsaka apabhinandino tejapasamsaka tejabhinandino vayapasamsaka @Footnote: ¹ Ma. ime casamuccayasadda natthi. ² Po. Ma. tanca vakkhati. ³ Ma. Yu. nimmata. @⁴ Ma. sajita. Yu. sanjita. ⁵ Ma. ye.

--------------------------------------------------------------------------------------------- page592.

Vayabhinandino bhutapasamsaka bhutabhinandino devapasamsaka devabhinandino pajapatipasamsaka pajapatabhinandino brahmapasamsaka brahmabhinandino te kayassa bheda panupaccheda panite kaye patitthita . kintaham ^1- bhikkhu evam vadami ingha tvam marisa yadeva te brahma aha tadeva tvam karohi ma tvam brahmuno vacanam upativattittho sace kho tvam bhikkhu brahmuno vacanam upativattissasi . seyyathapi nama puriso sirim agacchantim dandena patippanameyya seyyathapi va pana bhikkhu puriso narakappapate papatanto hatthehi ca padehi ca pathavim virajeyya evam sampadamidam bhikkhu tuyham bhavissati. {553.2} Ingha tvam marisa yadeva te brahma aha tadeva tvam karohi ma tvam brahmuno vacanam upativattittho nanu tvam bhikkhu passasi brahmaparisam ^2- sannisinnanti ^3- . iti kho mam bhikkhave maro papima brahmaparisam upanesi . evam vutte aham bhikkhave maram papimantam etadavocam janami kho taham papima ma tvam mannittho na mam janatiti maro tvamasi papima yo ceva papima brahma ya ca brahmaparisa ye ca brahmaparisajja sabbeva tava hatthagata sabbe ^4- tava vasangata tuyham hi papima evam hoti esopi me assa hatthagato esopi me assa vasangatoti aham kho pana papima neva tava hatthagato neva tava vasangatoti. @Footnote: ¹ Ma. Yu. tam taham. ² Yu. brahmanim parisam. ³ Ma. sannipatitanti. @⁴ Ma. Yu. sabbeva.

--------------------------------------------------------------------------------------------- page593.

[554] Evam vutte bhikkhave bako brahma mam etadavoca aham hi marisa niccamyeva samanam niccanti vadami dhuvamyeva samanam dhuvanti vadami sassatamyeva samanam sassatanti vadami kevalamyeva samanam kevalanti vadami acavanadhammamyeva samanam acavanadhammanti vadami . yattha ca pana na jayati na jiyati na miyati na cavati na upapajjati tadevaham vadami idam hi na jayati na jiyati na miyati na cavati na upapajjati asantanca panannam uttarim nissaranam natthannam uttarim nissarananti vadami . ahesum kho bhikkhu taya pubbe samanabrahmana lokasmim yavatakam tuyham kasinam ayum tavatakam te ^1- tapokammameva ahosi. {554.1} Te kho evam janeyyum santam ^2- va annam uttarim nissaranam atthannam uttarim nissarananti asantam va annam uttarim nissaranam natthannam uttarim nissarananti . kintaham ^3- bhikkhu evam vadami na cevannam uttarim nissaranam dakkhissasi yavadeva ca pana kilamathassa vighatassa bhagi bhavissasi . sace kho tvam bhikkhu pathavim ajjhosissasi opasayiko me bhavissasi vatthusayiko yathakamakaraniyo bahiteyyo . sace pana ^4- apam tejam vayam bhute deve pajapatim brahmam ajjhosissasi opasayiko me bhavissasi vatthusayiko yathakamakaraniyo bahiteyyoti. {554.2} Ahampi kho etam ^5- brahme janami. Sace pathavim ajjhosissami opasayiko te bhavissami vatthusayiko @Footnote: ¹ Ma. Yu. tesam. ² Ma. santanca panannam. ³ Ma. Yu. tam taham. @⁴ Ma. Yu. panasaddo natthi. ⁵ Ma. evam.

--------------------------------------------------------------------------------------------- page594.

Yathakamakaraniyo bahiteyyo . sace pana apam tejam vayam bhute deve pajapatim brahmam ajjhosissami opasayiko te bhavissami vatthusayiko yathakamakaraniyo bahiteyyo ^1- . apica te aham brahme gatinca pajanami jutinca pajanami evam mahiddhiko bako brahma evam mahanubhavo bako brahma evam mahesakkho bako brahmati. {554.3} Yathakatham pana me tvam marisa gatinca pajanasi jutinca pajanasi evam mahiddhiko bako brahma evam mahanubhavo bako brahma evam mahesakkho bako brahmati. Yavata candimasuriya pariharanti disa bhanti virocana tava sahassadha loko ettha te vattati ^2- vaso paroparanca janasi atho raga viraginam itthabhavannathabhavam sattanam agatim gatinti. Evam kho te aham brahme gatinca pajanami jutinca pajanami evam mahiddhiko bako brahma evam mahanubhavo bako brahma evam mahesakkho bako brahmati. {554.4} Atthi kho brahme anne tayo kaya tattha ^3- tvam na janasi na passasi tyaham janami passami . atthi kho brahme abhassara nama kayo . yato tvam cuto idhupapanno tassa te aticiranivasena sa sati muttha tena tam tvam na janasi na passasi tamaham janami passami . evampi kho aham brahme neva te samasamo abhinnaya kuto niceyyam @Footnote: ¹ Ma. bahiteyyoti. ² Ma. vattate. ³ Po. Ma. tam.

--------------------------------------------------------------------------------------------- page595.

Atha kho ahameva taya bhiyyo . atthi kho brahme subhakinha nama kayo vehapphala nama kayo ^[1]- tam tvam na janasi na passasi tamaham janami passami . evampi kho aham brahme neva te samasamo abhinnaya kuto niceyyam atha kho ahameva taya bhiyyo . Pathavi kho aham brahme pathavito abhinnaya yavata pathaviya pathavittena ^2- ananubhutam tadabhinnaya pathavi ^3- nahosim pathaviya nahosim pathavito nahosim pathavi meti nahosim pathavim nabhivadim. {554.5} Evampi kho aham brahme neva te samasamo abhinnaya kuto niceyyam atha kho ahameva taya bhiyyo . Apam kho aham brahme .pe. tejam kho aham brahme ... Vayam kho aham brahme ... Bhute kho aham brahme ... deve kho aham brahme ... pajapatim kho aham brahme ... brahmam kho aham brahme ... abhassare kho aham brahme ... subhakinhe kho aham brahme ... vehapphale kho aham brahme ... abhibhum kho aham brahme ... sabbam kho aham brahme sabbato abhinnaya yavata sabbassa sabbattena ananubhutam tadabhinnaya sabbam nahosim sabbasmim nahosim sabbato nahosim sabbam meti nahosim sabbam nabhivadim . evam ^4- kho aham brahme neva te samasamo abhinnaya kuto niceyyam atha kho ahameva taya bhiyyoti . sace kho te marisa sabbassa sabbattena ananubhutam tadabhinnaya ma heva te rittakameva ahosi tucchakameva @Footnote: ¹ Ma. abhibhu nama kayo ... ² Ma. Yu. pathavattena. ³ Ma. pathavim napahosim @⁴ Ma. Yu. evam pi kho.

--------------------------------------------------------------------------------------------- page596.

Ahosi ^1- . vinnanam anidassanam anantam sabbatopabham pathaviya pathavittena ananubhutam apassa apattena ananubhutam tejassa tejattena ananubhutam vayassa vayattena ananubhutam bhutanam bhutattena ananubhutam devanam devattena ananubhutam pajapatissa pajapatittena ananubhutam brahmuno ^2- brahmattena ananubhutam abhassaranam abhassarattena ananubhutam subhakinhanam subhakinhattena ananubhutam vehapphalanam vehapphalattena ananubhutam abhibhussa abhibhuttena ananubhutam sabbassa sabbattena ananubhutam . handa carahi te marisa antaradhayamiti . handa carahi me tvam brahme antaradhayassu sace visahasiti. {554.6} Atha kho bhikkhave bako brahma antaradhayissami samanassa gotamassa antaradhayissami samanassa gotamassati nevassu me sakkoti antaradhayitum . evam vutte aham bhikkhave bakam brahmanam etadavocam handa carahi te brahme antaradhayamiti . Handa carahi me tvam marisa antaradhayassu sace visahasiti . atha khvaham bhikkhave tatharupam iddhabhisankharam abhisankharesim ^3- ettavata brahma ca brahmaparisa ca brahmaparisajja ca saddanca me suyyanti ^4- na ca mam dakkhantiti ^5-. Antarahito imam gatham abhasim bhavevaham bhayam disva bhavanca vibhavesinam bhavam nabhivadim kinci nandinca na upadiyanti. @Footnote: ¹ Ma. ahositi. ² Po. Ma. brahmanam. ³ Si. Ma. Yu. abhisankhasim. ⁴ Si. Ma. Yu. @sossanti. ⁵ Yu. dakkhinti.

--------------------------------------------------------------------------------------------- page597.

[555] Atha kho bhikkhave brahma ca brahmaparisa ca brahmaparisajja ca acchariyabbhutacittajata ahesum acchariyam vata bho abbhutam vata bho samanassa gotamassa mahiddhikata mahanubhavata na ca vata no ito pubbe dittho va suto va anno samano va brahmano va evam mahiddhiko evam mahanubhavo yatha cayam samano gotamo ^[1]- sakyakula pabbajito bhavaramaya vata bho pajaya bhavarataya bhavasammuditaya samulam bhavam udabbahiti. [556] Atha kho bhikkhave maro papima annataram brahmaparisajjam anvavisitva mam etadavoca sace kho tvam marisa evam pajanasi sace tvam evamanubuddho ma savake upanesi ma pabbajite ma savakanam dhammam desesi ma pabbajitanam ma savakesu gedhimakasi ma pabbajitesu . ahesum kho bhikkhu taya pubbe samanabrahmana lokasmim arahanto sammasambuddha patijanamana te savake upanesum pabbajite savakanam dhammam desesum pabbajitanam savakesu gedhimakamsu pabbajitesu savake upanetva pabbajite savakanam dhammam desetva pabbajitanam savakesu gedhikatacitta pabbajitesu kayassa bheda panupaccheda hine kaye patitthita. {556.1} Ahesum kho ^2- pana bhikkhu taya pubbe samanabrahmana lokasmim arahanto sammasambuddha patijanamana te na savake upanesum na pabbajite na savakanam dhammam desesum na pabbajitanam na @Footnote: ¹ Ma. Yu. sakyaputto. ² Ma. ye.

--------------------------------------------------------------------------------------------- page598.

Savakesu gedhimakamsu na pabbajite te na savake upanetva na pabbajite na savakanam dhammam desetva na pabbajitanam na savakesu gedhikatacitta na pabbajitesu kayassa bheda panupaccheda panite kaye patitthita . tantaham bhikkhu evam vadami ingha tvam marisa appossukko ditthadhammasukhaviharam anuyutto viharassu anakkhatam kusalam hi marisa ma param ovadahiti . evam vutte aham bhikkhave maram papimam ^1- etadavocam janami kho taham papima ma tvam mannittho na mam janatiti maro tvamasi papima na mam tvam papima hitanukampi evam vadesi ahitanukampi mam tvam papima evam vedesi . tuyham hi papima evam hoti yesam samano gotamo dhammam desessati te me visayam upativattissantiti. {556.2} Asammasambuddha ca pana te papima samanabrahmana samana sammasambuddhamhati patijanimsu aham kho pana papima sammasambuddhova samano sammasambuddhomhiti patijanami . Desentopi hi papima tathagato savakanam dhammam tadisova adesentopi hi papima tathagato savakanam dhammam tadisova upanentopi hi papima tathagato savake tadisova anupanentopi hi papima tathagato savake tadisova tam kissa hetu tathagatassa papima ye asava sankilesika ponobbhavika sadara dukkhavipaka ayatim jatijaramaraniya ^[2]- pahina ucchinnamula talavatthukata anabhavangata @Footnote: ¹ Ma. Yu. papimantam. ² Ma. Yu. te.

--------------------------------------------------------------------------------------------- page599.

Ayatim anuppadadhamma seyyathapi papima talo matthakacchinno abhabbo puna virulhiya evameva kho papima tathagatassa ye asava sankilesika ponobbhavika sadara dukkhavipaka ayatim jatijaramaraniya ^[1]- pahina ucchinnamula talavatthukata anabhavangata ayatim anuppadadhammati. Iti hidam marassa ca analapanataya brahmuno ca abhinimantanataya tasma imassa veyyakaranassa brahmanimantanikantveva adhivacananti. Brahmanimantanikasuttam nitthitam navamam. ------------- @Footnote: ¹ Ma. Yu. te.

The Pali Tipitaka in Roman Character Volume 12 page 590-599. https://84000.org/tipitaka/read/roman_item.php?book=12&item=551&items=6&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=12&item=551&items=6&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=12&item=551&items=6&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=12&item=551&items=6&pagebreak=1&modeTY=2 Study Atthakatha :- https://84000.org/tipitaka/attha/attha.php?b=12&i=551 Contents of The Tipitaka Volume 12 https://84000.org/tipitaka/read/?index_12 https://84000.org/tipitaka/english/?index_12