|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 14 : PALI ROMAN Sutta Pitaka Vol 6 : Sutta. Ma. U.
|
|
[843] Puna caparam sariputta bhikkhuna iti patisancikkhitabbam bhavita nu kho me cattaro satipatthanati . sace sariputta bhikkhu paccavekkhamano evam janati abhavita kho me cattaro satipatthanati tena sariputta bhikkhuna catunnam satipatthananam bhavanaya vayamitabbam . Sace pana sariputta bhikkhu paccavekkhamano evam janati bhavita kho me cattaro satipatthanati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [844] Puna caparam sariputta bhikkhuna iti patisancikkhitabbam bhavita nu kho me cattaro sammappadhanati . sace sariputta bhikkhu paccavekkhamano evam janati abhavita kho me cattaro--------------------------------------------------------------------------------------------- page537.
Sammappadhanati tena sariputta bhikkhuna catunnam sammappadhananam bhavanaya vayamitabbam . sace pana sariputta bhikkhu paccavekkhamano evam janati bhavita kho me cattaro sammappadhanati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [845] Puna caparam sariputta bhikkhuna iti patisancikkhitabbam bhavita nu kho me cattaro iddhipadati . sace sariputta bhikkhu paccavekkhamano evam janati abhavita kho me cattaro iddhipadati tena sariputta bhikkhuna catunnam iddhipadanam bhavanaya vayamitabbam . sace pana sariputta bhikkhu paccavekkhamano evam janati bhavita kho me cattaro iddhipadati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [846] Puna caparam sariputta bhikkhuna iti patisancikkhitabbam bhavita nu kho me pancindriyaniti . sace sariputta bhikkhu paccavekkhamano evam janati abhavitani kho me pancindriyaniti tena sariputta bhikkhuna pancannam indriyanam bhavanaya vayamitabbam . Sace pana sariputta bhikkhu paccavekkhamano evam janati bhavitani kho me pancindriyaniti tena sariputta bhikkhuna teneva pitipamujjena vihatabbam ahorattanusikkhina kusalesu dhammesu.--------------------------------------------------------------------------------------------- page538.
[847] Puna caparam sariputta bhikkhuna iti patisancikkhitabbam bhavitani nu kho me panca balaniti . sace sariputta bhikkhu paccavekkhamano evam janati abhavitani kho me panca balaniti tena sariputta bhikkhuna pancannam balanam bhavanaya vayamitabbam . Sace pana sariputta bhikkhu paccavekkhamano evam janati bhavitani kho me panca balaniti tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [848] Puna caparam sariputta bhikkhuna iti patisancikkhitabbam bhavita nu kho me satta bojjhangati . sace sariputta bhikkhu paccavekkhamano evam janati abhavita kho me satta bojjhangati tena sariputta bhikkhuna sattannam bojjhanganam bhavanaya vayamitabbam . sace pana sariputta bhikkhu paccavekkhamano evam janati bhavita kho me satta bojjhangati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [849] Puna caparam sariputta bhikkhuna iti patisancikkhitabbam bhavito nu kho me ariyo atthangiko maggoti . sace sariputta bhikkhu paccavekkhamano evam janati abhavito kho me ariyo atthangiko maggoti tena sariputta bhikkhuna ariyassa atthangikassa maggassa bhavanaya vayamitabbam . sace pana sariputta bhikkhu paccavekkhamano evam janati bhavito kho me ariyo--------------------------------------------------------------------------------------------- page539.
Atthangiko maggoti tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [850] Puna caparam sariputta bhikkhuna iti patisancikkhitabbam bhavita nu kho me samatho ca vipassana cati . sace sariputta bhikkhu paccavekkhamano evam janati abhavita kho me samatho ca vipassana cati tena sariputta bhikkhuna samathavipassananam bhavanaya vayamitabbam . sace pana sariputta bhikkhu paccavekkhamano evam janati bhavita kho me samatho ca vipassana cati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [851] Puna caparam sariputta bhikkhuna iti patisancikkhitabbam sacchikata nu kho me vijja ca vimutti cati . sace sariputta bhikkhu paccavekkhamano evam janati asacchikata kho me vijja ca vimutti cati tena sariputta bhikkhuna vijjaya ca vimuttiya ca sacchikiriyaya vayamitabbam . sace pana sariputta bhikkhu paccavekkhamano evam janati sacchikata kho me vijja ca vimutti cati tena sariputta bhikkhuna teneva pitipamujjena vihatabbam ahorattanusikkhina kusalesu dhammesu. [852] Ye hi keci sariputta atitamaddhanam samana va brahmana va pindapatam parisodhesum sabbe te evameva--------------------------------------------------------------------------------------------- page540.
Paccavekkhitva paccavekkhitva pindapatam parisodhesum . ye 1- hi keci sariputta anagatamaddhanam samana va brahmana va pindapatam parisodhessanti sabbe te evameva paccavekkhitva paccavekkhitva pindapatam parisodhessanti . ye 2- hi keci sariputta etarahi samana va brahmana va pindapatam parisodhenti sabbe te evameva paccavekkhitva paccavekkhitva pindapatam parisodhenti . Tasmatiha 3- vo sariputta sikkhitabbam paccavekkhitva paccavekkhitva pindapatam parisodhessamati evanhi vo sariputta sikkhitabbanti. Idamavoca bhagava attamano ayasma sariputto bhagavato bhasitam abhinanditi. Pindapataparisuddhisuttam nitthitam navamam. --------- @Footnote: 1-2 Ma. Yu. yepi hi keci . 3 Yu. tenahi vo sariputta evam sikkhitabbam. @Ma. tasmatiha sariputta.--------------------------------------------------------------------------------------------- page541.
Indriyabhavanasuttam [853] Evamme sutam ekam samayam bhagava kajjangalayam viharati veluvane 1-. Atha kho uttaro manavo parasiriyantevasi 2- yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi. [854] Ekamantam nisinnam kho uttaram manavam parasiriyantevasim bhagava etadavoca deseti uttara parasiriyo brahmano savakanam indriyabhavananti . deseti bho gotama parasiriyo brahmano savakanam indriyabhavananti . yathakatham [3]- uttara deseti parasiriyo brahmano savakanam indriyabhavananti . idha bho gotama cakkhuna rupam na passati sotena saddam na sunatiti evam kho bho gotama deseti parasiriyo brahmano savakanam indriyabhavananti . Evam sante kho uttara andho bhavitindriyo bhavissati badhiro bhavitindriyo bhavissati yatha parasiriyassa brahmanassa vacanam andho hi uttara cakkhuna rupam na passati badhiro sotena saddam na sunatiti . evam vutte uttaro manavo parasiriyantevasi tunhibhuto mankubhuto pattakkhandho adhomukho pajjhayanto appatibhano nisidi. [855] Atha kho bhagava uttaram manavam parasiriyantevasim @Footnote: 1 Ma. suveluvane Ma. mukheluvane . 2 Ma. parasivi ... . 3 Ma. Yu. @etthantare panasaddo atthi.--------------------------------------------------------------------------------------------- page542.
Tunhibhutam mankubhutam pattakkhandham adhomukham pajjhayantam appatibhanam viditva ayasmantam anandam amantesi annatha kho ananda deseti parasiriyo brahmano ca savakanam indriyabhavanam annatha ca pana 1- ariyassa vinaye anuttara indriyabhavana hotiti. Etassa bhagava kalo etassa sugata kalo yam bhagava ariyassa vinaye anuttaram indriyabhavanam deseyya bhagavato sutva bhikkhu dharessantiti . Tenahananda sunahi sadhukam manasikarohi bhasissamiti . evambhanteti kho ayasma anando bhagavato paccassosi. [856] Bhagava etadavoca kathanca ananda ariyassa vinaye anuttara indriyabhavana hoti . idhananda bhikkhuno cakkhuna rupam disva uppajjati manapam uppajjati amanapam uppajjati manapamanapam . so evam pajanati uppannam kho me idam manapam uppannam amanapam uppannam manapamanapam tanca kho sankhatam olarikam paticca samuppannam etam santam etam panitam yadidam upekkhati . tassa tam uppannam manapam uppannam amanapam uppannam manapamanapam nirujjhati upekkha santhati . seyyathapi ananda cakkhuma puriso ummiletva va nimmileyya nimmiletva va ummileyya evameva kho ananda yassakassaci evam sigham evam tuvatam evam appakasirena uppannam manapam uppannam amanapam uppannam manapamanapam nirujjhati upekkha santhati ayam vuccatananda @Footnote: 1 Po. Ma. ca panananda.--------------------------------------------------------------------------------------------- page543.
Ariyassa vinaye anuttara indriyabhavana cakkhuvinneyyesu rupesu. [857] Puna caparam ananda bhikkhuno sotena saddam sutva upajjati manapam uppajjati amanapam uppajjati manapamanapam . So evam pajanati uppannam kho me idam manapam uppannam amanapam uppannam manapamanapam tanca kho sankhatam olarikam paticca samuppannam etam santam etam panitam yadidam upekkhati . Tassa tam uppannam manapam uppannam amanapam uppannam manapamanapam nirujjhati upekkha santhati . seyyathapi ananda balava puriso appakasirena 1- accharikam pahareyya evameva kho ananda yassakassaci evam sigham evam tuvatam evam appakasirena uppannam manapam uppannam amanapam uppannam manapamanapam nirujjhati upekkha santhati ayam vuccatananda ariyassa vinaye anuttara indriyabhavana sotavinneyyesu saddesu. [858] Puna caparam ananda bhikkhuno ghanena gandham ghayitva uppajjati manapam uppajjati amanapam uppajjati manapamanapam . So evam pajanati uppannam kho me idam manapam uppannam amanapam uppannam nanapamanapam tanca kho sankhatam olarikam paticca samuppannam etam santam etam panitam yadidam upekkhati . Tassa tam uppannam manapam uppannam amanapam uppannam manapamanapam nirujjhati upekkha santhati . seyyathapi ananda isakapone 2- @Footnote: 1 Ma. appakasireneva accharam . 2 Ma. isakampone.--------------------------------------------------------------------------------------------- page544.
Paduminipatte 1- udakaphusitani pavattanti na santhanti evameva kho ananda yassakassaci evam sigham evam tuvatam evam appakasirena uppannam manapam uppannam amanapam uppannam manapamanapam nirujjhati upekkha santhati ayam vuccatananda ariyassa vinaye anuttara indriyabhavana ghanavinneyyesu gandhesu. [859] Puna caparam ananda bhikkhuno jivhaya rasam sayitva uppajjati manapam uppajjati amanapam uppajjati manapamanapam . So evam pajanati uppannam kho me idam manapam uppannam amanapam uppannam manapamanapam tanca kho sankhatam olarikam paticca samuppannam etam santam etam panitam yadidam upekkhati . tassa tam uppannam manapam uppannam amanapam uppannam manapamanapam nirujjhati upekkha santhati . seyyathapi ananda balava puriso jivhagge khelapindam samyuhitva appakasirena vammeyya 2- evameva kho ananda yassakassaci evam sigham evam tuvatam evam appakasirena uppannam manapam uppannam amanapam uppannam manapamanapam nirujjhati upekkha santhati ayam vuccatananda ariyassa vinaye anuttara indriyabhavana jivhavinneyyesu rasesu. [860] Puna caparam ananda bhikkhuno kayena photthabbam phusitva uppajjati manapam uppajjati amanapam uppajjati manapamanapam . So evam pajanati uppannam kho me idam manapam uppannam amanapam @Footnote: 1 Ma. padumapalase . 2 Ma. Yu. vameyya.--------------------------------------------------------------------------------------------- page545.
Uppannam manapamanapam tanca kho sankhatam olarikam paticca samuppannam etam santam etam panitam yadidam upekkhati . tassa tam uppannam manapam uppannam amanapam uppannam manapamanapam nirujjhati upekkha santhati . seyyathapi ananda balava puriso samminjitam va baham pasareyya pasaritam va baham samminjeyya evameva kho ananda yassakassaci evam sigham evam tuvatam evam appakasirena uppannam manapam uppannam amanapam uppannam manapamanapam nirujjhati upekkha santhati ayam vuccatananda ariyassa vinaye anuttara indriyabhavana kayavinneyyesu photthabbesu. [861] Puna caparam ananda bhikkhuno manasa dhammam vinnaya uppajjati manapam uppajjati amanapam uppajjati manapamanapam . So evam pajanati uppannam kho me idam manapam uppannam amanapam uppannam manapamanapam tanca kho sankhatam olarikam paticca samuppannam etam santam etam panitam yadidam upekkhati . tassa tam uppannam manapam uppannam amanapam uppannam manapamanapam nirujjhati upekkha santhati . seyyathapi ananda balava puriso divasam santatte ayokatahe 1- dve va tini va udakaphusitani nipateyya dandho ananda udakaphusitanam nipato atha kho tam khippameva parikkhayam pariyadanam gaccheyya evameva kho ananda yassakassaci evam sigham evam tuvatam evam appakasirena uppannam manapam @Footnote: 1 Yu. ayothale..--------------------------------------------------------------------------------------------- page546.
Uppannam amanapam uppannam manapamanapam nirujjhati upekkha santhati ayam vuccatananda ariyassa vinaye anuttara indriyabhavana manovinneyyesu dhammesu . evam kho ananda ariyassa vinaye anuttara indriyabhavana hoti. [862] Kathancananda sekho hoti patipado . idhananda bhikkhuno cakkhuna rupam disva uppajjati manapam uppajjati amanapam uppajjati manapamanapam . so tena uppannena manapena uppannena amanapena uppannena manapamanapena attiyati harayati jigucchati . Sotena saddam sutva ... ghanena gandham ghayitva ... Jivhaya rasam sayitva ... kayena photthabbam phusitva ... manasa dhammam vinnaya uppajjati manapam uppajjati amanapam uppajjati manapamanapam . So tena uppannena manapena uppannena amanapena uppannena manapamanapena attiyati harayati jigucchati . evam 1- kho ananda sekho hoti patipado. [863] Kathancananda ariyo hoti bhavitindriyo . idhananda bhikkhuno cakkhuna rupam disva uppajjati manapam uppajjati amanapam uppajjati manapamanapam . so sace akankhati patikkule appatikkulasanni vihareyyanti appatikkulasanni tattha viharati . sace akankhati appatikkule patikkulasanni vihareyyanti patikkulasanni tattha viharati . sace akankhati patikkule ca appatikkule ca appatikkulasanni @Footnote: 1 Yu. evameva kho.--------------------------------------------------------------------------------------------- page547.
Vihareyyanti appatikkulasanni tattha viharati . sace akankhati appatikkule ca patikkule ca patikkulasanni vihareyyanti patikkulasanni tattha viharati . sace akankhati patikkulanca appatikkulanca tadubhayam abhinivajjetva upekkhako vihareyyam sato sampajanoti upekkhako tattha viharati sato sampajano. [864] Puna caparam ananda bhikkhuno sotena saddam sutva ... Ghanena gandham ghayitva ... Jivhaya rasam sayitva ... Kayena photthabbam phusitva ... manasa dhammam vinnaya uppajjati manapam uppajjati amanapam uppajjati manapamanapam . so sace akankhati patikkule appatikkulasanni vihareyyanti appatikkulasanni tattha viharati . Sace akankhati appatikkule patikkulasanni vihareyyanti patikkulasanni tattha viharati . sace akankhati patikkule ca appatikkule ca appatikkulasanni vihareyyanti appatikkulasanni tattha viharati . sace akankhati appatikkule ca patikkule ca patikkulasanni vihareyyanti patikkulasanni tattha viharati . sace akankhati patikkulanca appatikkulanca tadubhayam 1- abhinivajjetva upekkhako vihareyyam sato sampajanoti upekkhako tattha viharati sato sampajano. Evam kho ananda ariyo hoti bhavitindriyo. [865] Iti kho ananda desita maya ariyassa vinaye anuttara indriyabhavana desito sekho patipado desito ariyo bhavitindriyo @Footnote: 1 Ma. tadubhayampi.--------------------------------------------------------------------------------------------- page548.
Yam 1- ananda satthara karaniyam savakanam hitesina anukampakena anukampam upadaya katam vo tam maya etani ananda rukkhamulani etani sunnagarani jhayathananda ma pamadattha ma paccha vippatisarino ahuvattha ayam vo amhakam anusasaniti. Idamavoca bhagava attamano ayasma anando bhagavato bhasitam abhinanditi. Indriyabhavanasuttam nitthitam dasamam. Salayatanavaggo pancamo. -------- Tassuddanam anathapindiko channo punno nandakarahulo chachakkam salayatanikam nagaravindeyya suddhiko indriyabhavana capi vaggo ottarapancamo. Uparipannasakam nitthitam. --------- @Footnote: 1 Po. Ma. Yu. yam kho.The Pali Tipitaka in Roman Character Volume 14 page 536-548. https://84000.org/tipitaka/read/roman_item.php?book=14&item=843&items=23&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=14&item=843&items=23&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=14&item=843&items=23&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=14&item=843&items=23&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=14&i=843 Contents of The Tipitaka Volume 14 https://84000.org/tipitaka/read/?index_14 https://84000.org/tipitaka/english/?index_14
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]