|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 15 : PALI ROMAN Sutta Pitaka Vol 7 : Sutta. Saṃ. Sa.
|
|
Pancamam pabbatopamasuttam [411] Savatthinidanam . atha kho raja pasenadikosalo divadivassa yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho rajanam pasenadikosalam bhagava etadavoca handa kuto nu tvam maharaja agacchasi divadivassati . yani tani bhante rannam khattiyanam muddhavasittanam issariyamadamattanam kamagedhapariyutthitanam janapadatthavariyappattanam mahantam pathavimandalam abhivijiya ajjhavasantanam rajakaraniyani bhavanti tesvaham 2- etarahi ussukkam apannoti. [412] Tam kim mannasi maharaja idha te puriso agaccheyya puratthimaya disaya saddhayiko paccayiko so tam upasankamitva evam vadeyya yagghe maharaja janeyya 3- aham agacchami puratthimaya disaya tatthaddasam mahantam pabbatam abbhasamam sabbe pane nippothento 4- agacchati yante maharaja karaniyam tam karohiti . Atha dutiyo puriso agaccheyya dakkhinaya disaya .pe. atha tatiyo puriso agaccheyya pacchimaya disaya .pe. atha catuttho puriso agaccheyya uttaraya disaya saddhayiko paccayiko so @Footnote: 1 Po. Ma. Yu. gajjitam. 2 Ma. tesu khvaham. 3 Ma. Yu. janeyyasi. 4 Si. Yu. @nipuphotento. Ma. nipphothenuto.--------------------------------------------------------------------------------------------- page147.
Tam upasankamitva evam vadeyya yagghe maharaja janeyya 1- aham agacchami uttaraya disaya tatthaddasam mahantam pabbatam abbhasamam sabbe pane nippothento agacchati yante maharaja karaniyam tam karohiti . evarupe te maharaja mahati mahabbhaye samuppanne darune manussakkhaye 2- dullabhe manussatte kimassa karaniyanti . Evarupe me bhante mahati mahabbhaye samuppanne darune manussakkhaye dullabhe manussatte kimassa karaniyam annatra dhammacariyaya annatra samacariyaya annatra kusalakiriyaya annatra punnakiriyayati. [413] Arocemi kho te maharaja pativedemi kho te maharaja adhivattati kho tam maharaja jaramaranam adhivattamane ca te maharaja jaramarane kimassa karaniyanti . adhivattamane ca me bhante jaramarane kimassa karaniyam annatra dhammacariyaya annatra samacariyaya annatra kusalakiriyaya annatra punnakiriyaya yani tani bhante rannam khattiyanam muddhavasittanam issariyamadamattanam kamagedhapariyutthitanam janapadatthavariyappattanam mahantam pathavimandalam abhivijiya ajjhavasantanam hatthiyuddhani bhavanti tesampi bhante hatthiyuddhanam natthi gati natthi visayo adhivattamane jaramarane yanipi tani bhante rannam khattiyanam muddhavasittanam .pe. ajjhavasantanam assayuddhani bhavanti .pe. rathayuddhani @Footnote: 1 Ma. Yu. janeyyasi. 2 Ma. manussakaye.--------------------------------------------------------------------------------------------- page148.
Bhavanti .pe. pattiyuddhani bhavanti tesampi bhante pattiyuddhanam natthi gati natthi visayo adhivattamane jaramarane santi kho pana bhante imasmim rajakule mantino mahamatta ye pahonti agate paccatthike mantehi bhedayitum tesampi bhante mantayuddhanam natthi gati natthi visayo adhivattamane jaramarane samvijjati kho pana bhante imasmim rajakule pahutam hirannasuvannam bhumigatanceva vehasatthanca yena mayam pahoma agate paccatthike dhanena upalapetum tesampi bhante dhanayuddhanam natthi gati natthi visayo adhivattamane jaramarane adhivattamane ca me bhante jaramarane kimassa karaniyam annatra dhammacariyaya annatra samacariyaya annatra kusalakiriyaya annatra punnakiriyayati. [414] Evametam maharaja evametam adhivattamane ca te jaramarane kimassa karaniyam annatra dhammacariyaya annatra samacariyaya annatra kusalakiriyaya annatra punnakiriyayati. [415] Idamavoca bhagava .pe. Sattha yathapi sela vipula nabham ahacca pabbata samanta anupariyeyyum nippothenta 1- catuddisa evam jara ca maccu ca adhivattanti panino khattiye brahmane vesse sudde candalapukkuse @Footnote: 1 Po. Ma. Yu. nippothenuto.--------------------------------------------------------------------------------------------- page149.
Na kinci 1- parivajjeti sabbamevabhimaddati na tattha hatthinam bhumi na rathanam na pattiya na capi mantayuddhena sakka jetum dhanena va tasma hi pandito poso sampassam atthamattano buddhe dhamme ca sanghe ca dhiro saddham nivesaye yo dhammacari 2- kayena vacaya uda cetasa idheva nam pasamsanti pecca sagge pamodatiti. Kosalasamyuttam samattam. Tassuddanam puggalo ayyika loko issattham pabbatopamam 3- desitam buddhasetthena imam kosalapancakam. ---------------- @Footnote: 1 kancitipi pathena bhavitabbam. 2 Ma. yo dhammam cari kayena. 3 Ma. pabbatupama.The Pali Tipitaka in Roman Character Volume 15 page 146-149. https://84000.org/tipitaka/read/roman_item.php?book=15&item=411&items=5&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=15&item=411&items=5&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=15&item=411&items=5&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=15&item=411&items=5&pagebreak=1&modeTY=2 Study Atthakatha :- https://84000.org/tipitaka/attha/attha.php?b=15&i=411 Contents of The Tipitaka Volume 15 https://84000.org/tipitaka/read/?index_15 https://84000.org/tipitaka/english/?index_15
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]