paliTIPITAKA Volume 16 - Sutta Pitaka 8

[716] Ekam samayam bhagava rajagahe viharati veluvane kalandakanivape. Tena kho pana samayena annataro bhikkhu theranamako ekavihari ceva hoti ekaviharassa ca vannavadi . so eko gamam pindaya pavisati eko patikkamati eko raho nisidati eko cankamam adhitthati . atha kho sambahula bhikkhu yena bhagava @Footnote: ¹ Ma. Yu. assa. Tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum idha bhante annataro bhikkhu theranamako ekavihari ekaviharassa ca vannavaditi. [717] Atha kho bhagava annataram bhikkhum amantesi ehi tvam bhikkhu mama vacanena theram bhikkhum amantehi sattha tam avuso theram ^1- amantetiti . Evam bhanteti kho so bhikkhu bhagavato patissunitva yenayasma thero tenupasankami upasankamitva ayasmantam theram etadavoca sattha tam avuso theram ^1- amantetiti . Evamavusoti kho ayasma thero tassa bhikkhuno patissunitva yena bhagava tenupasankami upasankamitva bhagavantam abhivadetva ekamantam nisidi. [718] Ekamantam nisinnam kho ayasmantam theram bhagava etadavoca saccam kira tvam thera ekavihari ekaviharassa ca vannavaditi . Evam bhante . yathakatham pana tvam thera ekavihari ekaviharassa ca vannavaditi . idhaham bhante eko gamam pindaya pavisami eko patikkamami eko raho nisidami eko cankamam adhitthami evam khvaham bhante ekavihari ekaviharassa ca vannavaditi.

The Pali Tipitaka in Roman Character Volume 16 page 328-329. https://84000.org/tipitaka/read/roman_item.php?book=16&item=716&items=3 Classified by [Item Number] :- http://84000.org/tipitaka/read/roman_item.php?book=16&item=716&items=3&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=16&item=716&items=3 Compare with The Royal Version of Thai Tipitaka :- https://84000.org/tipitaka/read/byitem.php?book=16&item=716&items=3 Study Atthakatha :- https://84000.org/tipitaka/attha/attha.php?b=16&i=716 Contents of The Tipitaka Volume 16 https://84000.org/tipitaka/read/?index_16 https://84000.org/tipitaka/english/?index_16