[723] Addasa kho bhagava ayasmantam mahakappinam duratova
agacchantam disvana bhikkhu amantesi passatha no tumhe bhikkhave
etam bhikkhum agacchantam odatam tanukam tunganasikanti . evam bhante.
Eso kho bhikkhave bhikkhu mahiddhiko mahanubhavo na ca sa samapatti
sulabharupa ya tena bhikkhuna asamapannapubba yassa catthaya
kulaputta sammadeva agarasma anagariyam pabbajanti tadanuttaram
Brahmacariyapariyosanam dittheva dhamme sayam abhinna sacchikatva
upasampajja viharatiti.
[724] Idamavoca bhagava idam vatvana sugato athaparam
etadavoca sattha
khattiyo settho janetasmim ye gottapatisarino
vijjacaranasampanno so settho devamanuse
diva tapati adicco rattimabhati candima
sannaddho khattiyo tapati jhayi tapati brahmano
atha sabbamahorattam 1- buddho tapati tejasati. Ekadasamam.
[725] Evamme sutam ekam samayam bhagava savatthiyam viharati
jetavane anathapindikassa arame . atha kho dve bhikkhu sahayaka
ayasmato mahakappinassa saddhiviharino 2- yena bhagava tenupasankamimsu
upasankamitva 3-.
[726] Addasa kho bhagava te bhikkhu duratova agacchante
disvana bhikkhu amantesi passatha no tumhe bhikkhave ete dve
bhikkhu sahayake agacchante mahakappinassa saddhiviharinoti . evam
bhante . ete kho bhikkhave bhikkhu mahiddhika mahanubhava na
ca sa samapatti sulabharupa ya tehi bhikkhuhi asamapannapubba
yassa catthaya kulaputta sammadeva agarasma anagariyam pabbajanti
tadanuttaram brahmacariyapariyosanam dittheva dhamme sayam abhinna
@Footnote: 1 Ma. Yu. sabbamahorattim . 2 Yu. saddhiviharika . 3 Ma. Yu. ayam patho natthi.
Sacchikatva upasampajja viharantiti.
[727] Idamavoca bhagava idam vatvana sugato athaparam
etadavoca sattha
sahaya vatime bhikkhu cirarattam samenika 1-
sameti nesam saddhammo dhamme buddhappavedite
suvinita kappinena dhamme ariyappavedite
dharenti antimam deham jetva maram savahananti 2-. Dvadasamam.
Bhikkhusamyuttam navamam samattam.
Tassuddanam
kolito upatisso ca ghato capi pavuccati
navo sujato bhaddi ca visakhanando tisso ca
theranamo ca kappino sahayena ca dvadasati.
Nidanavaggassa samyuttako
tassa uddanam
abhisamayadhatusamyuttam 3- anamataggena kassapam
sakkararahulalakkhano- pammabhikkhuno nidano 4-
dutiyo tena pavuccatiti.
Nidanavaggasamyuttam samattam.
@Footnote: 1 Ma. Yu. sametika . 2 Ma. savahininti . 3 Ma. Yu. nidanabhisamayadhatu.
@4 Ma. Yu. sakkararahulalakkhano opamma bhikkhuna vaggo.
The Pali Tipitaka in Roman Character Volume 16 page 330-332.
https://84000.org/tipitaka/read/roman_item.php?book=16&item=723&items=5
Classified by [Item Number] :-
http://84000.org/tipitaka/read/roman_item.php?book=16&item=723&items=5&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=16&item=723&items=5
Compare with The Royal Version of Thai Tipitaka :-
https://84000.org/tipitaka/read/byitem.php?book=16&item=723&items=5
Study Atthakatha :-
https://84000.org/tipitaka/attha/attha.php?b=16&i=723
Contents of The Tipitaka Volume 16
https://84000.org/tipitaka/read/?index_16
https://84000.org/tipitaka/english/?index_16
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
