paliTIPITAKA Volume 17 - Sutta Pitaka 9

[253] Atha kho bhagava parittam nakhasikhayam pamsum aropetva tam bhikkhum etadavoca ettakampi kho bhikkhu rupam natthi niccam dhuvam sassatam aviparinamadhammam sassatisamam tatheva thassati . ettakampi ce ^2- bhikkhu rupam abhavissa niccam dhuvam sassatam aviparinamadhammam na yidam brahmacariyavaso pannayetha sammadukkhakkhayaya . yasma ca kho bhikkhu ettakampi rupam natthi niccam dhuvam sassatam aviparinamadhammam tasma brahmacariyavaso pannayati sammadukkhakkhayaya . ettakapi kho bhikkhu vedana natthi nicca dhuva sassata aviparinamadhamma @Footnote: ¹ Po. itisaddo na dissati . ² Ma. Yu. cepi. Sassatisamam tatheva thassati. {253.1} Ettakapi ce bhikkhu vedana abhavissa nicca dhuva sassata aviparinamadhamma na yidam brahmacariyavaso pannayetha sammadukkhakkhayaya . yasma ca kho bhikkhu ettakapi vedana natthi nicca dhuva sassata aviparinamadhamma tasma brahmacariyavaso pannayati sammadukkhakkhayaya. {253.2} Ettakapi kho bhikkhu sanna .pe. ettakapi kho bhikkhu sankhara natthi nicca dhuva sassata aviparinamadhamma sassatisamam tatheva thassanti . ettaka cepi bhikkhu sankhara abhavissamsu nicca dhuva sassata aviparinamadhamma na yidam brahmacariyavaso pannayetha sammadukkhakkhayaya . yasma ca kho bhikkhu ettakapi sankhara natthi nicca dhuva sassata aviparinamadhamma tasma brahmacariyavaso pannayati sammadukkhakkhayaya. {253.3} Ettakampi kho bhikkhu vinnanam natthi niccam dhuvam sassatam aviparinamadhammam sassatisamam tatheva thassati . ettakam cepi bhikkhu vinnanam abhavissa niccam dhuvam sassatam aviparinamadhammam na yidam brahmacariyavaso pannayetha sammadukkhakkhayaya . yasma ca kho bhikkhu ettakampi vinnanam natthi niccam dhuvam sassatam aviparinamadhammam tasma brahmacariyavaso pannayati sammadukkhakkhayaya.

The Pali Tipitaka in Roman Character Volume 17 page 179-180. https://84000.org/tipitaka/read/roman_item.php?book=17&item=253&items=1 Classified by [Item Number] :- http://84000.org/tipitaka/read/roman_item.php?book=17&item=253&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=17&item=253&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=17&item=253&items=1 Study Atthakatha :- https://84000.org/tipitaka/attha/attha.php?b=17&i=253 Contents of The Tipitaka Volume 17 https://84000.org/tipitaka/read/?index_17 https://84000.org/tipitaka/english/?index_17