paliTIPITAKA Volume 18 - Sutta Pitaka 10

Suttantapitake samyuttanikayassa catuttho bhago ------- salayatanavaggo namo tassa bhagavato arahato sammasambuddhassa. Aniccavaggo pathamo [1] Evamme sutam ekam samayam bhagava savatthiyam viharati jetavane anathapindikassa arame . tatra kho bhagava bhikkhu amantesi bhikkhavoti. Bhadanteti te bhikkhu bhagavato paccassosum. {1.1} Bhagava etadavoca cakkhum bhikkhave aniccam yadaniccam tam dukkham yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . sotam aniccam yadaniccam .pe. ghanam aniccam yadaniccam .pe. jivha anicca yadaniccam tam dukkham yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam. {1.2} Kayo anicco yadaniccam .pe. mano anicco yadaniccam tam dukkham yam dukkham tadanatta yadanatta tam netam mama nesohamasmi na meso attati evametam yathabhutam Sammappannaya datthabbam. {1.3} Evam passam bhikkhave sutava ariyasavako cakkhusmimpi nibbindati sotasmimpi nibbindati ghanasmimpi nibbindati jivhayapi nibbindati kayasmimpi nibbindati manasmimpi nibbindati nibbindam virajjati viraga vimuccati . vimuttasmim vimuttamiti ^1- nanam hoti . khina jati vusitam brahmacariyam katam karaniyam naparam itthattayati pajanatiti. Pathamam. [2] Cakkhum bhikkhave dukkham yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . sotam dukkham .pe. ghanam dukkham . Jivha dukkha . kayo dukkho . mano dukkho yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . evam passam .pe. naparam itthattayati pajanatiti. Dutiyam. [3] Cakkhum bhikkhave anatta yadanatta tam netam mama nesohamasmi na meso attati evametam yathabhutam sammappannaya datthabbam . Sotam anatta .pe. ghanam anatta . jivha anatta . Kayo anatta . mano anatta yadanatta tam netam mama nesohamasmi na meso attati evametam yathabhutam sammappannaya datthabbam . Evam passam .pe. Naparam itthattayati pajanatiti. Tatiyam. @Footnote: ¹ vimuttamhitipi patho. [4] Rupa bhikkhave anicca yadaniccam tam dukkham yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . sadda gandha rasa photthabba dhamma anicca yadaniccam tam dukkham yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . evam passam bhikkhave sutava ariyasavako rupesupi nibbindati saddesupi nibbindati gandhesupi nibbindati rasesupi nibbindati photthabbesupi nibbindati dhammesupi nibbindati nibbindam virajjati viraga vimuccati . vimuttasmim vimuttamiti nanam hoti . khina jati vusitam brahmacariyam katam karaniyam naparam itthattayati pajanatiti. Catuttham. [5] Rupa bhikkhave dukkha yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . sadda gandha rasa photthabba dhamma dukkha yam dukkham tadanatta yadanatta tam netam mama nesohamasmi na meso attati evametam yathabhutam sammappannaya datthabbam . Evam passam .pe. Naparam itthattayati pajanatiti. Pancamam. [6] Rupa bhikkhave anatta yadanatta tam netam mama nesohamasmi na meso attati evametam yathabhutam sammappannaya datthabbam . Sadda gandha rasa photthabba dhamma anatta yadanatta Tam netam mama nesohamasmi na meso attati evametam yathabhutam sammappannaya datthabbam . evam passam .pe. naparam itthattayati pajanatiti. Chattham. [7] Cakkhum bhikkhave aniccam atitanagatam ko pana vado paccuppannassa . evam passam bhikkhave sutava ariyasavako atitasmim cakkhusmim anapekkho hoti anagatam cakkhum nabhinandati paccuppannassa cakkhussa nibbidaya viragaya nirodhaya patipanno hoti . sotam aniccam . ghanam aniccam . jivha anicca atitanagata ko pana vado paccuppannaya . evam passam bhikkhave sutava ariyasavako atitaya jivhaya anapekkho hoti anagatam jivham nabhinandati paccuppannaya jivhaya nibbidaya viragaya nirodhaya patipanno hoti . kayo anicco .pe. mano anicco atitanagato ko pana vado paccuppannassa . evam passam bhikkhave sutava ariyasavako atitasmim manasmim anapekkho hoti anagatam manam nabhinandati paccuppannassa manassa nibbidaya viragaya nirodhaya patipanno hotiti. Sattamam. [8] Cakkhum bhikkhave dukkham atitanagatam ko pana vado paccuppannassa . evam passam bhikkhave sutava ariyasavako atitasmim cakkhusmim anapekkho hoti anagatam cakkhum nabhinandati paccuppannassa cakkhussa nibbidaya viragaya nirodhaya patipanno hoti .pe. Jivha dukkha atitanagata ko pana vado paccuppannaya . Evam passam bhikkhave sutava ariyasavako atitaya jivhaya anapekkho hoti anagatam jivham nabhinandati paccuppannaya jivhaya nibbidaya viragaya nirodhaya patipanno hoti . kayo dukkho .pe. Mano dukkho atitanagato ko pana vado paccuppannassa . Evam passam bhikkhave sutava ariyasavako atitasmim manasmim anapekkho hoti anagatam manam nabhinandati paccuppannassa manassa nibbidaya viragaya nirodhaya patipanno hotiti. Atthamam. [9] Cakkhum bhikkhave anatta atitanagatam ko pana vado paccuppannassa . evam passam bhikkhave sutava ariyasavako atitasmim cakkhusmim anapekkho hoti anagatam cakkhum nabhinandati paccuppannassa cakkhussa nibbidaya viragaya nirodhaya patipanno hoti .pe. Jivha anatta atitanagata ko pana vado paccuppannaya . Evam passam bhikkhave sutava ariyasavako atitaya jivhaya anapekkho hoti anagatam jivham nabhinandati paccuppannaya jivhaya nibbidaya viragaya nirodhaya patipanno hoti . kayo anatta .pe. mano anatta atitanagato ko pana vado paccuppannassa . evam passam bhikkhave sutava ariyasavako atitasmim manasmim anapekkho hoti anagatam manam nabhinandati paccuppannassa manassa nibbidaya viragaya nirodhaya patipanno hotiti. Navamam. [10] Rupa bhikkhave anicca atitanagata ko pana vado paccuppannanam . evam passam bhikkhave sutava ariyasavako atitesu rupesu anapekkho hoti anagate rupe nabhinandati paccuppannanam rupanam nibbidaya viragaya nirodhaya patipanno hoti . sadda gandha rasa photthabba dhamma anicca atitanagata ko pana vado paccuppannanam . evam passam bhikkhave sutava ariyasavako atitesu dhammesu anapekkho hoti anagate dhamme nabhinandati paccuppannanam dhammanam nibbidaya viragaya nirodhaya patipanno hotiti. Dasamam. [11] Rupa bhikkhave dukkha atitanagata ko pana vado paccuppannanam . evam passam bhikkhave sutava ariyasavako atitesu rupesu anapekkho hoti anagate rupe nabhinandati paccuppannanam rupanam nibbidaya viragaya nirodhaya patipanno hoti .pe. Ekadasamam. [12] Rupa bhikkhave anatta atitanagata ko pana vado paccuppannanam . evam passam bhikkhave sutava ariyasavako atitesu rupesu anapekkho hoti anagate rupe nabhinandati paccuppannanam rupanam nibbidaya viragaya nirodhaya patipanno hoti . sadda gandha rasa photthabba dhamma anatta atitanagata ko pana vado paccuppannanam . evam passam Bhikkhave sutava ariyasavako atitesu dhammesu anapekkho hoti anagate dhamme nabhinandati paccuppannanam dhammanam nibbidaya viragaya nirodhaya patipanno hotiti. Dvadasamam. Aniccavaggo pathamo. Tassuddanam aniccam dukkham anatta ca tayo ajjhattabahira yadaniccena tayo vutta te te ajjhattabahirati. ------------ Yamakavaggo dutiyo [13] Pubbe ^1- me bhikkhave sambodhaya ^2- anabhisambuddhassa bodhisattasseva sato etadahosi ko nu kho cakkhussa assado ko adinavo kim nissaranam ko sotassa .pe. ko ghanassa . Ko jivhaya . ko kayassa . ko manassa assado ko adinavo kim nissarananti . tassa mayham bhikkhave etadahosi yam kho cakkhum paticca uppajjati sukham somanassam ayam cakkhussa assado yam cakkhum aniccam dukkham viparinamadhammam ayam cakkhussa adinavo yo cakkhusmim chandaragavinayo chandaragappahanam idam cakkhussa nissaranam .pe. yam jivham paticca uppajjati sukham somanassam ayam jivhaya assado ya ^3- jivha anicca dukkha viparinamadhamma ayam jivhaya adinavo yo jivhaya chandaragavinayo chandaragappahanam idam jivhaya nissaranam .pe. yam manam paticca uppajjati sukham somanassam ayam manassa assado yo ^4- mano anicco dukkho viparinamadhammo ayam manassa adinavo yo manasmim chandaragavinayo chandaragappahanam idam manassa nissaranam. {13.1} Yavakivancaham bhikkhave imesam channam ajjhattikanam ayatananam evam assadanca assadato adinavanca adinavato nissarananca nissaranato yathabhutam nabbhannasim . Neva tavaham bhikkhave sadevake loke samarake @Footnote: ¹ Ma. pubbeva . ² Ma. Yu. sambodha. evamuparipi. 3-4 Ma. Yu. yam. Sabrahmake sassamanabrahmaniya pajaya sadevamanussaya anuttaram sammasambodhim abhisambuddhoti paccannasim . yato ca khoham bhikkhave imesam channam ajjhattikanam ayatananam evam assadanca assadato adinavanca adinavato nissarananca nissaranato yathabhutam abbhannasim . athaham bhikkhave sadevake loke samarake sabrahmake sassamanabrahmaniya pajaya sadevamanussaya anuttaram sammasambodhim abhisambuddhoti paccannasim . nananca pana me dassanam udapadi akuppa me vimutti ^1- ayamantima jati natthidani punabbhavoti. Pathamam. [14] Pubbe me bhikkhave sambodhaya anabhisambuddhassa bodhisattasseva sato etadahosi ko nu kho rupanam assado ko adinavo kim nissaranam ko saddanam .pe. ko gandhanam .pe. Ko rasanam . ko photthabbanam . ko dhammanam assado ko adinavo kim nissarananti . tassa mayham bhikkhave etadahosi yam kho rupe paticca uppajjati sukham somanassam ayam rupanam assado yam rupa anicca dukkha viparinamadhamma ayam rupanam adinavo yo rupesu chandaragavinayo chandaragappahanam idam rupanam nissaranam . Yam sadde gandhe rase photthabbe yam dhamme paticca uppajjati sukham somanassam ayam dhammanam assado yam dhamma anicca dukkha @Footnote: ¹ Yu. cetovimutti. evamuparipi. Viparinamadhamma ayam dhammanam adinavo yo dhammesu chandaragavinayo chandaragappahanam idam dhammanam nissaranam. {14.1} Yavakivancaham bhikkhave imesam channam bahiranam ayatananam evam assadanca assadato adinavanca adinavato nissarananca nissaranato yathabhutam nabbhannasim . neva tavaham bhikkhave sadevake loke samarake sabrahmake sassamanabrahmaniya pajaya sadevamanussaya anuttaram sammasambodhim abhisambuddhoti paccannasim . yato ca khoham bhikkhave imesam channam bahiranam ayatananam evam assadanca assadato adinavanca adinavato nissarananca nissaranato yathabhutam abbhannasim . athaham bhikkhave sadevake loke samarake sabrahmake sassamanabrahmaniya pajaya sadevamanussaya anuttaram sammasambodhim abhisambuddhoti paccannasim . nananca pana me dassanam udapadi akuppa me vimutti ayamantima jati natthidani punabbhavoti. Dutiyam. [15] Cakkhussaham bhikkhave assadapariyesanam acarim yo cakkhussa assado tadajjhagamam yavata cakkhussa assado pannaya me eso sudittho cakkhussaham bhikkhave adinavapariyesanam acarim yo cakkhussa adinavo tadajjhagamam yavata cakkhussa adinavo pannaya me eso ^1- sudittho cakkhussaham bhikkhave nissaranapariyesanam acarim yam cakkhussa nissaranam tadajjhagamam yavata cakkhussa @Footnote: ¹ Ma. Yu. so. evamuparipi. Nissaranam pannaya me etam ^1- sudittham . sotassaham bhikkhave . Ghanassaham bhikkhave . jivhayaham bhikkhave assadapariyesanam acarim yo jivhaya assado tadajjhagamam yavata jivhaya assado pannaya me eso sudittho jivhayaham bhikkhave adinavapariyesanam acarim yo jivhaya adinavo tadajjhagamam yavata jivhaya adinavo pannaya me eso sudittho jivhayaham bhikkhave nissaranapariyesanam acarim yam jivhaya nissaranam tadajjhagamam yavata jivhaya nissaranam pannaya me etam sudittham .pe. manassaham bhikkhave assadapariyesanam acarim yo manassa assado tadajjhagamam yavata manassa assado pannaya me eso sudittho manassaham bhikkhave adinavapariyesanam acarim yo manassa adinavo tadajjhagamam yavata manassa adinavo pannaya me eso sudittho manassaham bhikkhave nissaranapariyesanam acarim yam manassa nissaranam tadajjhagamam yavata manassa nissaranam pannaya me etam sudittham. {15.1} Yavakivancaham bhikkhave imesam channam ajjhattikanam ayatananam assadanca assadato adinavanca adinavato nissarananca nissaranato yathabhutam nabbhannasim .pe. abbhannasim . Nananca pana me dassanam udapadi akuppa me vimutti ayamantima jati natthidani punabbhavoti. Tatiyam. [16] Rupanaham bhikkhave assadapariyesanam acarim yo rupanam @Footnote: ¹ Ma. Yu. tam. evamuparipi. Assado tadajjhagamam yavata rupanam assado pannaya me eso sudittho rupanaham bhikkhave adinavapariyesanam acarim yo rupanam adinavo tadajjhagamam yavata rupanam adinavo pannaya me eso sudittho rupanaham bhikkhave nissaranapariyesanam acarim yam rupanam nissaranam tadajjhagamam yavata rupanam nissaranam pannaya me etam sudittham . saddanaham bhikkhave . gandhanaham bhikkhave . Rasanaham bhikkhave . photthabbanaham bhikkhave . dhammanaham bhikkhave assadapariyesanam acarim yo dhammanam assado tadajjhagamam yavata dhammanam assado pannaya me eso sudittho dhammanaham bhikkhave adinavapariyesanam acarim yo dhammanam adinavo tadajjhagamam yavata dhammanam adinavo pannaya me eso sudittho dhammanaham bhikkhave nissaranapariyesanam acarim yam dhammanam nissaranam tadajjhagamam yavata dhammanam nissaranam pannaya me etam sudittham. {16.1} Yavakivancaham bhikkhave imesam channam bahiranam ayatananam assadanca assadato adinavanca adinavato nissarananca nissaranato yathabhutam nabbhannasim .pe. abbhannasim ^1- . Nananca pana me dassanam udapadi akuppa me vimutti ayamantima jati natthidani punabbhavoti. Catuttham.

The Pali Tipitaka in Roman Character Volume 18 page 1-12. https://84000.org/tipitaka/read/roman_item.php?book=18&item=1&items=16 Classified by [Item Number] :- http://84000.org/tipitaka/read/roman_item.php?book=18&item=1&items=16&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=18&item=1&items=16 Compare with The Royal Version of Thai Tipitaka :- https://84000.org/tipitaka/read/byitem.php?book=18&item=1&items=16 Study Atthakatha :- https://84000.org/tipitaka/attha/attha.php?b=18&i=1 Contents of The Tipitaka Volume 18 https://84000.org/tipitaka/read/?index_18 https://84000.org/tipitaka/english/?index_18