|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 21 : PALI ROMAN Sutta Pitaka Vol 13 : Sutta. Aṅ. (2): catukkanipāto
|
|
Dutiyapannasako punnabhisandavaggo pathamo [51] Cattarome bhikkhave punnabhisanda kusalabhisanda sukhassahara sovaggika sukhavipaka saggasamvattanika itthaya kantaya manapaya hitaya sukhaya samvattanti katame cattaro yassa bhikkhave bhikkhu civaram paribhunjamano appamanam cetosamadhim upasampajja viharati appamano tassa punnabhisando kusalabhisando sukhassaharo sovaggiko sukhavipako saggasamvattaniko itthaya kantaya manapaya hitaya sukhaya samvattati yassa bhikkhave bhikkhu pindapatam paribhunjamano ... Yassa bhikkhave bhikkhu senasanam paribhunjamano ... yassa bhikkhave bhikkhu gilanapaccayabhesajjaparikkharam paribhunjamano appamanam cetosamadhim upasampajja viharati appamano tassa punnabhisando kusalabhisando sukhassaharo sovaggiko sukhavipako saggasamvattaniko itthaya kantaya manapaya hitaya sukhaya samvattati ime kho bhikkhave cattaro punnabhisanda kusalabhisanda sukhassahara sovaggika sukhavipaka saggasamvattanika itthaya kantaya manapaya hitaya sukhaya samvattanti. {51.1} Imehi ca pana bhikkhave catuhi punnabhisandehi kusalabhisandehi samannagatassa ariyasavakassa na sukaram punnassa pamanam gahetum 1- ettako punnabhisando kusalabhisando sukhassaharo sovaggiko sukhavipako @Footnote: 1 Po. ganetum.--------------------------------------------------------------------------------------------- page72.
Saggasamvattaniko itthaya kantaya manapaya hitaya sukhaya samvattatiti athakho asankheyyo appameyyo mahapunnakkhandhotveva sankham 1- gacchati seyyathapi bhikkhave mahasamudde na sukaram udakassa pamanam gahetum 2- ettakani udakalhakaniti va ettakani udakalhakasataniti va ettakani udakalhakasahassaniti va ettakani udakalhaka- satasahassaniti va athakho asankheyyo appameyyo mahaudakak- khandhotveva sankham gacchati {51.2} evameva kho bhikkhave imehi catuhi punnabhisandehi kusalabhisandehi samannagatassa ariyasavakassa na sukaram punnassa pamanam gahetum ettako punnabhisando kusalabhisando sukhassaharo sovaggiko sukhavipako saggasamvattaniko itthaya kantaya manapaya hitaya sukhaya samvattatiti athakho asankheyyo appameyyo mahapunnakkhandhotveva sankham gacchatiti. Mahodadhim aparimitam mahasaram bahubheravam ratanagananamalayam 3- najjo yatha macchaganasanghasevita 4- puthu savanti upayanti sagaram. Evam naram annadapanavatthadam seyyanisajjattharanassa dayakam punnassa dhara upayanti panditam najjo yatha varivahava sagaranti. @Footnote: 1 Po. Ma. sankhyam . 2 Po. ganetum . 3 Ma. ratanavaranamalayam. @4 Ma. Yu. naraganasanghasevita.The Pali Tipitaka in Roman Character Volume 21 page 71-72. https://84000.org/tipitaka/read/roman_item.php?book=21&item=51&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=21&item=51&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=21&item=51&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=21&item=51&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=21&i=51 Contents of The Tipitaka Volume 21 https://84000.org/tipitaka/read/?index_21 https://84000.org/tipitaka/english/?index_21
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]