paliTIPITAKA Volume 22 - Sutta Pitaka 14

[9] Pancahi bhikkhave dhammehi samannagato bhikkhu agaravo appatisso cavati nappatitthati saddhamme katamehi pancahi assaddho bhikkhave bhikkhu agaravo appatisso cavati nappatitthati saddhamme ahiriko bhikkhave bhikkhu agaravo appatisso cavati nappatitthati saddhamme anottappi bhikkhave bhikkhu agaravo appatisso cavati nappatitthati saddhamme kusito bhikkhave bhikkhu agaravo appatisso cavati nappatitthati saddhamme duppanno bhikkhave bhikkhu agaravo appatisso cavati nappatitthati saddhamme imehi kho bhikkhave pancahi dhammehi samannagato bhikkhu agaravo appatisso cavati nappatitthati saddhamme. {9.1} Pancahi bhikkhave dhammehi samannagato bhikkhu sagaravo sappatisso na cavati patitthati saddhamme katamehi pancahi saddho bhikkhave bhikkhu sagaravo sappatisso na cavati patitthati saddhamme hirima bhikkhave bhikkhu sagaravo sappatisso na cavati patitthati saddhamme ottappi bhikkhave bhikkhu sagaravo Sappatisso na cavati patitthati saddhamme araddhaviriyo bhikkhave bhikkhu sagaravo sappatisso na cavati patitthati saddhamme pannava bhikkhave bhikkhu sagaravo sappatisso na cavati patitthati saddhamme imehi kho bhikkhave pancahi dhammehi samannagato bhikkhu sagaravo sappatisso na cavati patitthati saddhammeti. [10] Pancahi bhikkhave dhammehi samannagato bhikkhu agaravo appatisso abhabbo imasmim dhammavinaye vuddhim ^1- virulhim vepullam apajjitum katamehi pancahi assaddho bhikkhave bhikkhu agaravo appatisso abhabbo imasmim dhammavinaye vuddhim virulhim vepullam apajjitum ahiriko bhikkhave bhikkhu ... Anottappi bhikkhave bhikkhu ... Kusito bhikkhave bhikkhu ... Duppanno bhikkhave bhikkhu agaravo appatisso abhabbo imasmim dhammavinaye vuddhim virulhim vepullam apajjitum imehi kho bhikkhave pancahi dhammehi samannagato bhikkhu agaravo appatisso abhabbo imasmim dhammavinaye vuddhim virulhim vepullam apajjitum. {10.1} Pancahi bhikkhave dhammehi samannagato bhikkhu sagaravo sappatisso bhabbo imasmim dhammavinaye vuddhim virulhim vepullam apajjitum katamehi pancahi saddho bhikkhave bhikkhu sagaravo sappatisso bhabbo imasmim dhammavinaye vuddhim virulhim vepullam apajjitum hirima bhikkhave bhikkhu ... ottappi bhikkhave bhikkhu ... Araddhaviriyo bhikkhave bhikkhu ... pannava bhikkhave bhikkhu sagaravo sappatisso bhabbo imasmim dhammavinaye vuddhim virulhim vepullam apajjitum imehi kho @Footnote: ¹ Po. Ma. Yu. vuddhim. sabbattha idisameva. Bhikkhave pancahi dhammehi samannagato bhikkhu sagaravo sappatisso bhabbo imasmim dhammavinaye vuddhim virulhim vepullam apajjitunti. Sekhabalavaggo pathamo. Tassuddanam sankhittam vitthatam dukkham ^1- bhatam sikkhaya pancamam samapatti ca kamesu cavana dve agaravati. ---------- Balavaggo dutiyo [11] Pubbaham bhikkhave ananussutesu dhammesu abhinnavosana- paramippatto patijanami pancimani bhikkhave tathagatassa tathagatabalani yehi balehi samannagato tathagato asabhanthanam patijanati parisasu sihanadam nadati brahmacakkam pavatteti katamani panca saddhabalam hiribalam ottappabalam viriyabalam pannabalam imani kho bhikkhave panca tathagatassa tathagatabalani yehi balehi samannagato tathagato asabhanthanam patijanati parisasu sihanadam nadati brahmacakkam pavattetiti. [12] Pancimani bhikkhave sekhabalani katamani panca saddhabalam hiribalam ottappabalam viriyabalam pannabalam imani kho bhikkhave panca sekhabalani imesam kho bhikkhave pancannam sekhabalanam etam aggam etam sangahikam etam sanghataniyam yadidam pannabalam seyyathapi @Footnote: ¹ Ma. dukkha. Bhikkhave kutagarassa etam aggam etam sangahikam etam sanghataniyam yadidam kutam evameva kho bhikkhave imesam pancannam sekhabalanam etam aggam etam sangahikam etam sanghataniyam yadidam pannabalam tasma tiha bhikkhave evam sikkhitabbam saddhabalena samannagata bhavissama sekhabalena hiribalena ... Ottappabalena ... Viriyabalena ... Pannabalena samannagata bhavissama sekhabalenati evam hi vo bhikkhave sikkhitabbanti. [13] Pancimani bhikkhave balani katamani panca saddhabalam viriyabalam satibalam samadhibalam pannabalam imani kho bhikkhave panca balaniti. [14] Pancimani bhikkhave balani katamani panca saddhabalam viriyabalam satibalam samadhibalam pannabalam katamanca bhikkhave saddhabalam idha bhikkhave ariyasavako saddho hoti saddahati tathagatassa bodhim itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati idam vuccati bhikkhave saddhabalam . katamanca bhikkhave viriyabalam idha bhikkhave ariyasavako araddhaviriyo viharati akusalanam dhammanam pahanaya kusalanam dhammanam upasampadaya thamava dalhaparakkamo anikkhittadhuro kusalesu dhammesu idam vuccati bhikkhave viriyabalam. Katamanca Bhikkhave satibalam idha bhikkhave ariyasavako satima hoti paramena satinepakkena samannagato cirakatampi cirabhasitampi sarita anussarita idam vuccati bhikkhave satibalam . katamanca bhikkhave samadhibalam idha bhikkhave ariyasavako vivicceva kamehi vivicca akusalehi dhammehi savitakkam savicaram vivekajam pitisukham pathamam jhanam upasampajja viharati vitakkavicaranam vupasama ajjhattam sampasadanam cetaso ekodibhavam avitakkam avicaram samadhijam pitisukham dutiyam jhanam upasampajja viharati pitiya ca viraga upekkhako ca viharati sato ca sampajano sukhanca kayena patisamvedeti yantam ariya acikkhanti upekkhako satima sukhavihariti tatiyam jhanam upasampajja viharati sukhassa ca pahana dukkhassa ca pahana pubbeva somanassadomanassanam atthangama adukkhamasukham upekkhasatiparisuddhim catuttham jhanam upasampajja viharati idam vuccati bhikkhave samadhibalam . katamanca bhikkhave pannabalam idha bhikkhave ariyasavako pannava hoti udayatthagaminiya pannaya samannagato ariyaya nibbedhikaya sammadukkhakkhayagaminiya idam vuccati bhikkhave pannabalam. Imani kho bhikkhave panca balaniti. [15] Pancimani bhikkhave balani katamani panca saddhabalam viriyabalam satibalam samadhibalam pannabalam kattha ca bhikkhave saddhabalam datthabbam catusu sotapattiyangesu ettha saddhabalam datthabbam . Kattha ca bhikkhave viriyabalam datthabbam catusu sammappadhanesu ettha Viriyabalam datthabbam kattha ca bhikkhave satibalam datthabbam catusu satipatthanesu ettha satibalam datthabbam . kattha ca bhikkhave samadhibalam datthabbam catusu jhanesu ettha samadhibalam datthabbam . kattha ca bhikkhave pannabalam datthabbam catusu ariyasaccesu ettha pannabalam datthabbam. Imani kho bhikkhave panca balaniti. [16] Pancimani bhikkhave balani katamani panca saddhabalam viriyabalam satibalam samadhibalam pannabalam . imani kho bhikkhave panca balani . imesam kho bhikkhave pancannam balanam etam aggam etam sangahikam etam sanghataniyam yadidam pannabalam . seyyathapi bhikkhave kutagarassa etam aggam etam sangahikam etam sanghataniyam yadidam kutam evameva kho bhikkhave imesam pancannam balanam etam aggam etam sangahikam etam sanghataniyam yadidam pannabalanti.

The Pali Tipitaka in Roman Character Volume 22 page 8-13. https://84000.org/tipitaka/read/roman_item.php?book=22&item=9&items=8 Classified by [Item Number] :- http://84000.org/tipitaka/read/roman_item.php?book=22&item=9&items=8&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=22&item=9&items=8 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=9&items=8 Study Atthakatha :- https://84000.org/tipitaka/attha/attha.php?b=22&i=9 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22