|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
|
|
[216] 12 Ekam samayam bhagava savatthiyam viharati jetavane anathapindikassa arame . athakho ayasma sariputto pubbanhasamayam nivasetva--------------------------------------------------------------------------------------------- page392.
Pattacivaramadaya savatthim pindaya pavisi athakho ayasmato sariputtassa etadahosi atippago kho tava savatthiyam pindaya caritum yannunaham yena annatitthiyanam paribbajakanam aramo tenupasankameyyanti athakho ayasma sariputto yena annatitthiyanam paribbajakanam aramo tenupasankami upasankamitva tehi annatitthiyehi paribbajakehi saddhim sammodi sammodaniyam katham saraniyam vitisaretva ekamantam nisidi . tena kho pana samayena tesam annatitthiyanam paribbajakanam sannisinnanam sannipatitanam ayamantarakatha udapadi yo hi koci avuso saupadiseso kalam karoti sabbo so aparimutto niraya aparimutto tiracchanayoniya aparimutto pittivisaya aparimutto apayaduggativinipatati. {216.1} Athakho ayasma sariputto tesam annatitthiyanam paribbajakanam bhasitam neva abhinandi nappatikkosi anabhinanditva appatikkositva utthayasana pakkami bhagavato santike etassa bhasitassa attham ajanissamiti athakho ayasma sariputto savatthiyam pindaya caritva pacchabhattam pindapatapatikkanto yena bhagava tenupasankami upasankamitva bhagavantam abhivadetva ekamantam nisidi ekamantam nisinno kho ayasma sariputto bhagavantam etadavoca idhaham bhante pubbanhasamayam nivasetva pattacivaramadaya savatthim pindaya pavisim tassa mayham bhante etadahosi atippago kho tava--------------------------------------------------------------------------------------------- page393.
Savatthiyam pindaya caritum yannunaham yena annatitthiyanam paribbajakanam aramo tenupasankameyyanti athakhoham bhante yena annatitthiyanam paribbajakanam aramo tenupasankamim upasankamitva tehi annatitthiyehi paribbajakehi saddhim sammodim sammodaniyam katham saraniyam vitisaretva ekamantam nisidim tena kho pana samayena tesam annatitthiyanam paribbajakanam sannisinnanam sannipatitanam ayamantarakatha udapadi yo hi koci avuso saupadiseso kalam karoti sabbo so aparimutto niraya aparimutto tiracchanayoniya aparimutto pittivisaya aparimutto apayaduggativinipatati athakhoham bhante tesam annatitthiyanam paribbajakanam bhasitam neva abhinandim nappatikkosim anabhinanditva appatikkositva utthayasana pakkamim bhagavato santike etassa bhasitassa attham ajanissamiti. {216.2} Keci 1- sariputta annatitthiya paribbajaka bala abyatta keci 1- saupadisesam va saupadisesoti janissanti anupadisesam va anupadisesoti janissanti navayime sariputta puggala saupadisesa kalam kurumana parimutta niraya parimutta tiracchanayoniya parimutta pittivisaya parimutta apayaduggativinipata. Katame nava. {216.3} Idha sariputta ekacco puggalo silesu paripurikari 2- hoti samadhismim paripurikari pannaya mattasokari so pancannam orambhagiyanam samyojananam parikkhaya antaraparinibbayi hoti ayam @Footnote: 1 Ma. ke ca. evamuparipi . 2 Ma. paripurakari. evamuparipi.--------------------------------------------------------------------------------------------- page394.
Sariputta pathamo puggalo saupadiseso kalam kurumano parimutto niraya parimutto tiracchanayoniya parimutto pittivisaya parimutto apayaduggativinipata. {216.4} Puna caparam sariputta idhekacco puggalo silesu paripurikari hoti samadhismim paripurikari pannaya mattasokari so pancannam orambhagiyanam samyojananam parikkhaya upahaccaparinibbayi hoti asankharaparinibbayi hoti sasankharaparinibbayi hoti uddhamsoto hoti akanitthagami ayam sariputta pancamo puggalo saupadiseso kalam kurumano parimutto niraya parimutto tiracchanayoniya parimutto pittivisaya parimutto apayaduggativinipata. {216.5} Puna caparam sariputta idhekacco puggalo silesu paripurikari hoti samadhismim mattasokari pannaya mattasokari so tinnam samyojananam parikkhaya ragadosamohanam tanutta sakadagami hoti sakideva imam lokam agantva dukkhassantam karoti ayam sariputta chattho puggalo saupadiseso kalam kurumano parimutto niraya .pe. Parimutto apayaduggativinipata. {216.6} Puna caparam sariputta idhekacco puggalo silesu paripurikari hoti samadhismim mattasokari pannaya mattasokari so tinnam samyojananam parikkhaya ekabiji hoti ekamyeva manusakam bhavam nibbattetva dukkhassantam karoti ayam sariputta sattamo puggalo--------------------------------------------------------------------------------------------- page395.
Saupadiseso kalam kurumano parimutto niraya .pe. parimutto apayaduggativinipata. {216.7} Puna caparam sariputta idhekacco puggalo silesu paripurikari hoti samadhismim mattasokari pannaya mattasokari so tinnam samyojananam parikkhaya kolamkolo hoti dve va tini va kulani sandhavitva samsaritva dukkhassantam karoti ayam sariputta atthamo puggalo saupadiseso kalam kurumano parimutto niraya .pe. Parimutto apayaduggativinipata. {216.8} Puna caparam sariputta idhekacco puggalo silesu paripurikari hoti samadhismim mattasokari pannaya mattasokari so tinnam samyojananam parikkhaya sattakkhattumparamo hoti sattakkhattumparamam deve ca manusse ca sandhavitva samsaritva dukkhassantam karoti ayam sariputta navamo puggalo saupadiseso kalam kurumano parimutto niraya parimutto tiracchanayoniya parimutto pittivisaya parimutto apayaduggativinipata keci sariputta annatitthiya paribbajaka bala abyatta keci saupadisesam va saupadisesoti janissanti anupadisesam va anupadisesoti janissanti ime kho sariputta nava puggala saupadisesa kalam kurumana parimutta niraya parimutta tiracchanayoniya parimutta pittivisaya parimutta apayaduggativinipata na tavayam sariputta dhammapariyayo patibhasi bhikkhunam bhikkhuninam upasakanam upasikanam tam--------------------------------------------------------------------------------------------- page396.
Kissa hetu mayimam dhammapariyayam sutva pamadam aharimsuti api ca maya yo 1- panhadhippayena bhasitoti.The Pali Tipitaka in Roman Character Volume 23 page 391-396. https://84000.org/tipitaka/read/roman_item.php?book=23&item=216&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=23&item=216&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=23&item=216&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=216&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=23&i=216 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]