|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ThaiVersion PaliThai PaliRoman |
TIPITAKA Volume 23 : PALI ROMAN Sutta Pitaka Vol 15 : Sutta. Aṅ. (4): sattaka-aṭṭhaka-navakanipātā
|
|
[217] 13 Athakho ayasma mahakotthito 2- yenayasma sariputto tenupasankami upasankamitva ayasmata sariputtena saddhim sammodi sammodaniyam katham saraniyam vitisaretva ekamantam nisidi ekamantam nisinno kho ayasma mahakotthito ayasmantam sariputtam etadavoca kinnu kho avuso sariputta yam kammam ditthadhammavedaniyam tam me kammam samparayavedaniyam hotuti etassa atthaya bhagavati brahmacariyam vussatiti. No hidam avuso. {217.1} Kim panavuso sariputta yam kammam samparayavedaniyam tam me kammam ditthadhammavedaniyam hotuti etassa atthaya bhagavati brahmacariyam vussatiti . no hidam avuso . kinnu kho avuso sariputta yam kammam sukhavedaniyam tam me kammam dukkhavedaniyam hotuti etassa atthaya bhagavati brahmacariyam vussatiti . no hidam avuso kim panavuso sariputta yam kammam dukkhavedaniyam tam me kammam sukhavedaniyam hotuti etassa atthaya bhagavati brahmacariyam vussatiti . no hidam avuso . kinnukho avuso sariputta yam kammam paripakkavedaniyam tam me kammam aparipakkavedaniyam hotuti etassa atthaya bhagavati brahmacariyam vussatiti . no hidam avuso . kim panavuso sariputta yam kammam aparipakkavedaniyam tam me kammam paripakkavedaniyam hotuti etassa atthaya bhagavati brahmacariyam vussatiti . @Footnote: 1 Ma. sariputta dhammapariyayo . 2 Ma. mahakotthiko.--------------------------------------------------------------------------------------------- page397.
No hidam avuso . kinnu kho avuso sariputta yam kammam bahuvedaniyam tam me kammam appavedaniyam hotuti etassa atthaya bhagavati brahmacariyam vussatiti . no hidam avuso . kim panavuso sariputta yam kammam appavedaniyam tam me kammam bahuvedaniyam hotuti etassa atthaya bhagavati brahmacariyam vussatiti . no hidam avuso . Kinnu kho avuso sariputta yam kammam vedaniyam tam me kammam avedaniyam hotuti etassa atthaya bhagavati brahmacariyam vussatiti . no hidam avuso . kim panavuso sariputta yam kammam avedaniyam tam me kammam vedaniyam hotuti etassa atthaya bhagavati brahmacariyam vussatiti . No hidam avuso. {217.2} Kinnu kho avuso sariputta yam kammam ditthadhammavedaniyam tam me kammam samparayavedaniyam hotuti etassa atthaya bhagavati brahmacariyam vussatiti iti puttho samano no hidam avusoti vadesi kim panavuso sariputta yam kammam samparayavedaniyam tam me kammam ditthadhammavedaniyam hotuti etassa atthaya bhagavati brahmacariyam vussatiti iti puttho samano no hidam avusoti vadesi kinnu kho avuso sariputta yam kammam sukhavedaniyam tam me kammam dukkhavedaniyam hotuti etassa atthaya bhagavati brahmacariyam vussatiti iti puttho samano no hidam avusoti vadesi kim panavuso sariputta yam kammam dukkhavedaniyam tam me kammam sukhavedaniyam hotuti etassa atthaya bhagavati brahmacariyam vussatiti--------------------------------------------------------------------------------------------- page398.
Iti puttho samano no hidam avusoti vadesi kinnu kho avuso sariputta yam kammam paripakkavedaniyam tam me kammam aparipakkavedaniyam hotuti etassa atthaya bhagavati brahmacariyam vussatiti iti puttho samano no hidam avusoti vadesi kim panavuso sariputta yam kammam aparipakkavedaniyam tam me kammam paripakkavedaniyam hotuti etassa atthaya bhagavati brahmacariyam vussatiti iti puttho samano no hidam avusoti vadesi kinnu kho avuso sariputta yam kammam bahuvedaniyam tam me kammam appavedaniyam hotuti etassa atthaya bhagavati brahmacariyam vussatiti iti puttho samano no hidam avusoti vadesi {217.3} kim panavuso sariputta yam kammam appavedaniyam tam me kammam bahuvedaniyam hotuti etassa atthaya bhagavati brahmacariyam vussatiti iti puttho samano no hidam avusoti vadesi kinnu kho avuso sariputta yam kammam vedaniyam tam me kammam avedaniyam hotuti etassa atthaya bhagavati brahmacariyam vussatiti iti puttho samano no hidam avuso vadesi kim panavuso sariputta yam kammam avedaniyam tam me kammam vedaniyam hotuti etassa atthaya bhagavati brahmacariyam vussatiti iti puttho samano no hidam avusoti vadesi atha kimattham carahavuso bhagavati brahmacariyam vussatiti. {217.4} Yam khossa 1- avuso annatam adittham appattam asacchikatam anabhisametam tassa nanaya dassanaya pattiya sacchikiriyaya abhisamayaya @Footnote: 1 Ma. khvassa. evamuparipi.--------------------------------------------------------------------------------------------- page399.
Bhagavati brahmacariyam vussati 1- [2]- idam dukkhanti khossa avuso ayam dukkhasamudayoti khossa avuso ayam dukkhanirodhoti khossa avuso ayam dukkhanirodhagamini patipadati khossa avuso annatam adittham appattam asacchikatam anabhisametam tassa nanaya dassanaya pattiya sacchikiriyaya abhisamayaya bhagavati brahmacariyam vussati idam khossa avuso annatam adittham appattam asacchikatam anabhisametam tassa nanaya dassanaya pattiya sacchikiriyaya abhisamathaya bhagavati brahmacariyam vussatiti.The Pali Tipitaka in Roman Character Volume 23 page 396-399. https://84000.org/tipitaka/read/roman_item.php?book=23&item=217&items=1&pagebreak=1&modeTY=2 Classified by [Item Number] :- http://84000.org/tipitaka/read/roman_item.php?book=23&item=217&items=1&pagebreak=1&modeTY=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=23&item=217&items=1&pagebreak=1&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=23&item=217&items=1&pagebreak=1&modeTY=2 Study Atthakatha :- https://84000.org/tipitaka/attha/attha.php?b=23&i=217 Contents of The Tipitaka Volume 23 https://84000.org/tipitaka/read/?index_23 https://84000.org/tipitaka/english/?index_23
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]