บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[92] Athakho anathapindiko gahapati yena bhagava tenupasankami upasankamitva bhagavantam abhivadetva ekamantam nisidi . ekamantam nisinnam kho anathapindikam gahapatim bhagava etadavoca yato kho gahapati ariyasavakassa panca bhayani verani vupasantani honti catuhi [1]- sotapattiyangehi samannagato hoti ariyo cassa nayo pannaya sudittho hoti suppatividdho so akankhamano attanava attanam byakareyya khinanirayomhi khinatiracchanayoni khinapittivisayo khinapayaduggativinipato sotapannohamasmi avinipatadhammo niyato sambodhiparayanoti. {92.1} Katamani panca bhayani verani vupasantani honti yam gahapati panatipati panatipatapaccaya ditthadhammikampi bhayam veram pasavati samparayikampi bhayam veram pasavati cetasikampi dukkham domanassam patisamvedeti panatipata pativirato neva ditthadhammikam 2- bhayam veram pasavati na samparayikam bhayam veram pasavati na cetasikam dukkham domanassam patisamvedeti panatipata pativiratassa evantam bhayam veram vupasantam @Footnote: 1 Ma. casaddo dissati. 2 Ma. sabbatthavaresu ditthadhammikampi ... @samparayikampi ... cetasikampi. Hoti yam gahapati adinnadayi ... Kamesu micchacari ... Musavadi ... Suramerayamajjapamadatthayi suramerayamajjapamadatthanapaccaya ditthadhammikampi bhayam veram pasavati samparayikampi bhayam veram pasavati cetasikampi dukkham domanassam patisamvedeti suramerayamajjapamadatthana pativirato neva ditthadhammikam bhayam veram pasavati na samparayikam bhayam veram pasavati na cetasikam dukkham domanassam patisamvedeti suramerayamajjapamadatthana pativiratassa evantam bhayam veram vupasantam hoti imani panca bhayani verani vupasantani honti. {92.2} Katamehi catuhi sotapattiyangehi samannagato hoti idha gahapati ariyasavako buddhe aveccappasadena samannagato hoti itipi so bhagava araham sammasambuddho vijjacaranasampanno sugato lokavidu anuttaro purisadammasarathi sattha devamanussanam buddho bhagavati dhamme aveccappasadena samannagato hoti svakkhato bhagavata dhammo sanditthiko akaliko ehipassiko opanayiko paccattam veditabbo vinnuhiti sanghe aveccappasadena samannagato hoti supatipanno bhagavato savakasangho ujupatipanno bhagavato savakasangho nayapatipanno bhagavato savakasangho samicipatipanno bhagavato savakasangho yadidam cattari purisayugani attha purisapuggala esa bhagavato savakasangho ahuneyyo pahuneyyo dakkhineyyo anjalikaraniyo anuttaram punnakkhettam lokassati ariyakantehi silehi samannagato hoti akhandehi acchiddehi asabalehi akammasehi bhujjissehi vinnupasatthehi Aparamatthehi samadhisamvattanikehi imehi catuhi sotapattiyangehi samannagato hoti. {92.3} Katamo cassa ariyo nayo pannaya sudittho hoti suppatividdho idha gahapati ariyasavako iti patisancikkhati iti imasmim sati idam hoti imassuppada idam uppajjati imasmim asati idam na hoti imassa nirodha idam nirujjhati yadidam avijjapaccaya sankhara sankharapaccaya vinnanam vinnanapaccaya namarupam namarupapaccaya salayatanam salatanapaccaya phasso phassapaccaya vedana vedanapaccaya tanha tanhapaccaya upadanam upadanapaccaya bhavo bhavapaccaya jati jatipaccaya jaramaranam sokaparidevadukkhadomanassupayasa sambhavanti evametassa kevalassa dukkhakkhandhassa samudayo hoti avijjaya tveva asesaviraganirodha sankharanirodho sankharanirodha vinnananirodho vinnananirodha namarupanirodho namarupanirodha salayatananirodho salayatananirodha phassanirodho phassanirodha vedananirodho vedananirodha tanhanirodho tanhanirodha upadananirodho upadananirodha bhavanirodho bhavanirodha jatinirodho jatinirodha jaramaranam sokaparidevadukkhadomanassupayasa nirujjhanti evametassa kevalassa dukkhakkhandhassa nirodho hoti ayancassa ariyo nayo pannaya sudittho hoti suppatividdho . yato kho gahapati ariyasavakassa imani panca bhayani verani vupasantani honti imehi catuhi sotapattiyangehi samannagato hoti ayancassa ariyo Nayo pannaya sudittho hoti suppatividdho so akankhamano attanava attanam byakareyya khinanirayomhi khinatiracchanayoni khinapittivisayo khinapayaduggativinipato sotapannohamasmi avinipatadhammo niyato sambodhiparayanoti.The Pali Tipitaka in Roman Character Volume 24 page 195-198. https://84000.org/tipitaka/read/roman_item.php?book=24&item=92&items=1 Classified by [Item Number] :- http://84000.org/tipitaka/read/roman_item.php?book=24&item=92&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=24&item=92&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=24&item=92&items=1 Study Atthakatha :- https://84000.org/tipitaka/attha/attha.php?b=24&i=92 Contents of The Tipitaka Volume 24 https://84000.org/tipitaka/read/?index_24 https://84000.org/tipitaka/english/?index_24
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]