[253] 6 Vuttam hetam bhagavata vuttamarahatati me sutam
tayome bhikkhave puggala santo samvijjamana lokasmim katame tayo
@Footnote: 1 Ma. Yu. casaddo natthi.
Avutthikasamo padesavassi sabbatthabhivassi.
1 Kathanca bhikkhave puggalo avutthikasamo hoti idha bhikkhave
ekacco puggalo sabbesanneva na data hoti samanabrahmana-
kapanaddhikavanibbakayacakanam annam panam vattham yanam malagandham vilepanam
seyyavasatham padipeyyam evam kho bhikkhave puggalo avutthikasamo hoti.
2 Kathanca bhikkhave puggalo padesavassi hoti idha bhikkhave ekacco
puggalo ekaccanam data hoti ekaccanam na data [1]-
samanabrahmanakapanaddhikavanibbakayacakanam annam panam vattham
yanam malagandham vilepanam seyyavasatham padipeyyam evam kho bhikkhave
puggalo padesavassi hoti.
3 Kathanca bhikkhave puggalo sabbatthabhivassi hoti idha bhikkhave
ekacco puggalo sabbesam 2- deti samanabrahmanakapanaddhika-
vanibbakayacakanam annam panam vattham yanam malagandham vilepanam
seyyavasatham padipeyyam evam kho bhikkhave [3]- sabbatthabhivassi
hoti . ime kho bhikkhave tayo puggalo santo samvijjamana
lokasminti. Etamattham bhagava avoca. Tatthetam iti vuccati
na samane na brahmane na 4- kapanaddhike na vanibbake
laddhana samvibhajeti 5- annapananca bhojanam
tam ve avutthikasamoti ahu nam purisadhamam.
@Footnote: 1 Ma. Yu. hoti. 2 sabbesamva. 3 Ma. Yu. puggalo. 4 na kapanaddhikavanibbake.
@5 Po. samvibhajati.
Ekaccanam na dadati ekaccanam pavecchati
tam ve padesavassiti ahu medhavino jana.
Subhikkhavaco puriso sabbabhutanukampako
amodamano pakireti detha dethati bhasati
yathapi megho thanayitva gajjayitva pavassati
thalam ninnanca pureti abhisandanto ca 1- varina
evameva idhekacco puggalo hoti tadiso
dhammena samharitvana utthanadhigatam dhanam
tappeti annapanena samma patte vanibbaketi.
Ayampi attho vutto bhagavata iti me sutanti. Chattham.
The Pali Tipitaka in Roman Character Volume 25 page 280-282.
https://84000.org/tipitaka/read/roman_item.php?book=25&item=253&items=1
Classified by [Item Number] :-
http://84000.org/tipitaka/read/roman_item.php?book=25&item=253&items=1&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=25&item=253&items=1
Compare with The Royal Version of Thai Tipitaka :-
https://84000.org/tipitaka/read/byitem.php?book=25&item=253&items=1
Study Atthakatha :-
https://84000.org/tipitaka/attha/attha.php?b=25&i=253
Contents of The Tipitaka Volume 25
https://84000.org/tipitaka/read/?index_25
https://84000.org/tipitaka/english/?index_25
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
