paliTIPITAKA Volume 25 - Sutta Pitaka 17

[355] |355.850| ² Tam mam padhanapahitattam nadim neranjarampati viparakkamma jhayantam yogakkhemassa pattiya |355.851| namuci karunam vacam bhasamano upagami kiso tvamasi dubbanno santike maranam tava. |355.852| Sahassabhago maranassa ekamso tava jivitam jivato ^1- jivitam seyyo jivam punnani kahasi. |355.853| Carato ca te brahmacariyam aggihutanca juhato pahutam ciyate punnam kim padhanena kahasi. |355.854| Duggo maggo padhanaya dukkaro durabhisambhavo ima gatha bhanam maro attha buddhassa santike. |355.855| Tam tathavadinam maram bhagava etadabravi pamattabandhu papima yenatthena idhagato |355.856| anumattopi ^2- punnena attho mayham na vijjati yesanca attho punnena te maro vattumarahati. |355.857| Atthi saddha tapo ^3- viriyam panna ca mama vijjati evam mam pahitattampi kim jivamanupucchasi. |355.858| Nadinampi sotani ayam vato visosaye @Footnote: ¹ Ma. Yu. jiva bho. ² Yu. anumattenapi. ³ Ma. tatha. Yu. tato.

--------------------------------------------------------------------------------------------- page409.

Kinca me pahitattassa lohitam nupasussaye. |355.859| Lohite sussamanamhi pittam semhanca sussati mamsesu khiyamanesu bhiyyo cittam pasidati bhiyyo sati ca panna ca samadhi mama titthati. |355.860| Tassa mevam viharato pattassuttamavedanam kame ^1- napekkhate cittam passa sattassa suddhatam. |355.861| Kama te pathama sena dutiyarati vuccati tatiya khuppipasa te catutthi tanha pavuccati |355.862| pancamam thinamiddhante chattha bhiru pavuccati sattami ^2- vicikiccha te makkho thambho te atthamo |355.863| labho siloko sakkaro miccha laddho ca yo yaso yo cattanam samukkamse pare ca avajanati |355.864| esa namuci te sena kanhassabhippaharini na nam asuro jinati jetva ca labhate sukham. |355.865| Esa munjam parihare dhiratthu mama ^3- jivitam sangame me matam seyyo yance jive parajito. |355.866| Pagalha ettha na dissanti eke samanabrahmana tanca maggam na jananti yena gacchanti subbata. |355.867| Samanta dhajinim disva yuttam maram savahanam yuddhaya paccugacchami ma mam thana acavayi. @Footnote: ¹ Ma. Yu. kamesu . ² Po. sattama . ³ Yu. idha.

--------------------------------------------------------------------------------------------- page410.

|355.868| Yante tam nappasahati senam loko sadevako tante pannaya vecchami ^1- amam pakkamva ^2- amhana. |355.869| Vasim ^3- karitva sankappam satinca supatitthitam rattha rattham vicarissam savake vinayam puthu. |355.870| Te appamatta pahitatta mama sasanakaraka akamassa te gamissanti yattha gantva na socare. |355.871| Satta vassani bhagavantam anubandhim padapadam otaram nadhigacchissam sambuddhassa sirimato. |355.872| Medavannamva pasanam vayaso anupariyaga apettha mudum vindema api assadana siya. |355.873| Aladdha tattha assadam vayasetto apakkami kakova selam asajja nibbijjapema gotamam. |355.874| Tassa sokaparetassa vina kaccha abhassatha tato so dummano yakkho tatthevantaradhayathati. Padhanasuttam dutiyam. ----------- Suttanipate tatiyassa mahavaggassa tatiyam subhasitasuttam

The Pali Tipitaka in Roman Character Volume 25 page 408-410. https://84000.org/tipitaka/read/roman_item.php?book=25&item=355&items=1&pagebreak=1&modeTY=2&mode=bracket Classified by content :- https://84000.org/tipitaka/read/roman_item.php?book=25&item=355&items=1&pagebreak=1&modeTY=2 Compare with The Pali Tipitaka in Thai Character :- https://84000.org/tipitaka/read/pali_item.php?book=25&item=355&items=1&pagebreak=1&modeTY=2&mode=bracket Compare with The Royal Version of Thai Tipitaka :- https://84000.org/tipitaka/read/byitem.php?book=25&item=355&items=1&pagebreak=1&modeTY=2&mode=bracket Study Atthakatha :- https://84000.org/tipitaka/attha/attha.php?b=25&i=355 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25