paliTIPITAKA Volume 25 - Sutta Pitaka 17

[63] ⁹ Evamme sutaṃ . ekaṃ samayaṃ bhagavā sāvatthiyaṃ viharati pubbārāme migāramātu pāsāde . tena kho pana samayena visākhāya migāramātuyā kocideva attho raññe pasenadimhi kosale paṭibaddho ^5- hoti . taṃ rājā pasenadi kosalo na yathādhippāyaṃ @Footnote: ¹ Po. Ma. Yu. sabbañca bhikkhusaṅghaṃ . ² Ma. Yu. te . ³ aṭṭhakathāyaṃ @lohitakumbhiyā iti pāṭho. Ma. lohitakumbhiyaṃ . ⁴ Ma. Yu. iccheyyāmahaṃ. @⁵ paṭibandhotipi pāṭho. Tīreti . atha kho visākhā migāramātā divādivasseva ^1- yena bhagavā tenupasaṅkami upasaṅkamitvā bhagavantaṃ abhivādetvā ekamantaṃ nisīdi . ekamantaṃ nisinnaṃ kho visākhaṃ migāramātaraṃ bhagavā etadavoca handa kuto nu tvaṃ visākhe āgacchasi divādivassāti . idha me bhante kocideva attho raññe pasenadimhi kosale paṭibaddho hoti . taṃ rājā pasenadi kosalo na yathādhippāyaṃ tīretīti . Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi sabbaṃ paravasaṃ dukkhaṃ sabbaṃ issariyaṃ sukhaṃ sādhāraṇe vihaññanti yogā hi duratikkamāti. Navamaṃ. [64] ¹⁰ Evamme sutaṃ . ekaṃ samayaṃ bhagavā anupiyāyaṃ viharati ambavane . tena kho pana samayena āyasmā bhaddiyo kāḷigodhāya putto araññagatopi rukkhamūlagatopi suññāgāragatopi abhikkhaṇaṃ udānaṃ udānesi aho sukhaṃ aho sukhanti . assosuṃ kho sambahulā bhikkhū āyasmato bhaddiyassa kāḷigodhāya puttassa araññagatassapi rukkhamūlagatassapi suññāgāragatassapi abhikkhaṇaṃ udānaṃ udānentassa aho sukhaṃ aho sukhanti . sutvāna tesaṃ etadahosi nissaṃsayaṃ kho āvuso āyasmā bhaddiyo kāḷigodhāya putto anabhirato brahmacariyaṃ carati yaṃsa ^2- pubbe agārikabhūtassa ^3- rajjasukhaṃ so tamanussaramāno araññagatopi rukkhamūlagatopi @Footnote: ¹ Ma. divādivassa. Yu. divādivaseyeva . ² Yu. yassa . ³ Po. Ma. agāriyabhūtassa. Suññāgāragatopi abhikkhaṇaṃ udānaṃ udānesi aho sukhaṃ aho sukhanti . atha kho sambahulā bhikkhū yena bhagavā tenupasaṅkamiṃsu upasaṅkamitvā bhagavantaṃ abhivādetvā ekamantaṃ nisīdiṃsu . ekamantaṃ nisinnā kho te bhikkhū bhagavantaṃ etadavocuṃ āyasmā bhante bhaddiyo kāḷigodhāya putto araññagatopi rukkhamūlagatopi suññāgāragatopi abhikkhaṇaṃ udānaṃ udānesi aho sukhaṃ aho sukhanti nissaṃsayaṃ kho bhaddiyo kāḷigodhāya putto anabhirato .pe. Aho sukhanti.

The Pali Tipitaka in Roman Character Volume 25 page 98-100. https://84000.org/tipitaka/read/roman_item.php?book=25&item=63&items=2 Classified by [Item Number] :- http://84000.org/tipitaka/read/roman_item.php?book=25&item=63&items=2&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=25&item=63&items=2 Compare with The Royal Version of Thai Tipitaka :- https://84000.org/tipitaka/read/byitem.php?book=25&item=63&items=2 Study Atthakatha :- https://84000.org/tipitaka/attha/attha.php?b=25&i=63 Contents of The Tipitaka Volume 25 https://84000.org/tipitaka/read/?index_25 https://84000.org/tipitaka/english/?index_25