ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā
                                 Theragathaya cattalisanipato
     [398] |398.1049| 1 Na ganena purakkhato care   vimano hoti samadhi dullabho
                          nanajanasangaho dukkho   iti disvana ganam na rocaye.
    |398.1050| Na kulani upabbaje muni   vimano hoti samadhi dullabho
                    so ussuko rasanugiddho   attham rincati yo sukhadhivaho 1-.
   |398.1051| Pankoti hi nam avedayum      yayam vandanapujana kulesu
                    sukhumam sallam duraccayam 2-    sakkaro kapurisena dujjaho.
    |398.1052| Senasanamha oruyha     nagaram pindaya pavisim.
                          Bhunjantam purisam kutthim       sakkaccantam upatthahim.
    |398.1053| So me 3- pakkena hatthena  alopam upanamayi
                          alopam pakkhipantassa     anguli cettha 4- chijjati 5-.
    |398.1054| Kuddamulanca nissaya     alopantam abhunjisam
                         bhunjamane ca bhutte va    jeguccham me na vijjati.
    |398.1055| Uttitthapindo aharo  putimuttanca osatham 6-
                          senasanam rukkhamulam           pamsukulanca civaram
                          yassete abhisambhutva     sa ve catuddiso naro.
    |398.1056| Yattha eke vihannanti    aruhanta 7- siluccayam
                     tattha 8- buddhassa dayado   sampajano patissato
@Footnote: 1 Ma. Yu. sukhavaho .   2 Yu. durubbaham .   3 Yu. tam .  4 Yu. pettha.
@5 Yu. chijjatha .  6 Yu. osadham .  7 Yu. aruhanto .  8 Yu. tassa.
                          Iddhibalenupatthaddho       kassapo abhiruhati.
     |398.1057| Pindapatapatikkanto    selamaruyha kassapo
                          jhayati anupadano       pahinabhayabheravo.
    |398.1058| Pindapatapatikkanto     selamaruyha kassapo
                          jhayati anupadano       dayhamanesu nibbuto.
    |398.1059| Pindapatapatikkanto     selamaruyha kassapo
                          jhayati anupadano       katakicco anasavo.
    |398.1060| Karerimalavitata            bhumibhaga manorama
                          kunjarabhiruda ramma      te sela ramayanti mam.
    |398.1061| Nilabbhavanna rucira       varisita sucindhara
                          indagopakasanchanna     te sela ramayanti mam.
    |398.1062| Nilabbhakutasadisa            kutagaravarupama
                          varanabhiruda ramma       te sela ramayanti mam.
    |398.1063| Abhivuttha rammatala         naga isibhi 1- sevita
                          abbhunnadita sikhibhi 2-   te sela ramayanti mam.
    |398.1064| Alam jhayitukamassa         pahitattassa me sato
                          alam me atthakamassa       pahitattassa bhikkhuno
    |398.1065| alam me phasukamassa       pahitattassa sikkhato 3-
                          alam me yogakamassa        pahitattassa tadino.
      |398.786| Ummapupphena samana     gaganavabbhachadita
@Footnote: 1 Ma. Yu. isibhi .   2 Ma. Yu. sikhihi .   3 Ma. Yu. bhikkhato.
                          Nanadijaganakinna    te sela ramayanti mam.
    |398.1067| Anakinna gahatthehi     migasanghanisevita
                          nanadijaganakinna    te sela ramayanti mam.
    |398.1068| Acchodika puthusila         gonangulamigayuta
                          ambusevalasanchanna    te sela ramayanti mam.
    |398.1069| Na pancangikena turiyena    rati me hoti tadisi
                          yatha ekaggacittassa       samma dhammam vipassato.
    |398.1070| Kammam bahukam na karaye      parivajjeyya janam na uyyame
                    so ussuko rasanugiddho  attham rincati yo sukhadhivaho 1-.
    |398.1071| Kammam bahukam na karaye      parivajjeyya anatthametam 2-
                    kicchati kayo kilamati       dukkhito so samatham na vindati.
    |398.1072| Otthapahatamattena         attanampi na passati
                        patthaddhati 3- carati         aham seyyoti mannati.
    |398.1073| Aseyyo seyyasamanam      balo mannati attanam
                          na tam vinnu pasamsanti       patthaddhamanasam naram.
    |398.1074| Yo ca seyyohamasmiti       naham seyyoti va puna 4-
                          hinoham sadiso vati          vidhasu na vikampati.
    |398.1075| Pannavantam tathavadim      silesu susamahitam
                          cetosamathamanuyuttam          tam ve 5- vinnu pasamsare.
@Footnote: 1 Ma. sukhavaho .  2 Ma. Yu. anatthaneyyametam .   3 Ma. Yu. patthaddhagivo.
@4 Ma. pana .    5 Ma. Yu. tance.
    |398.1076| Yassa sabrahmacarisu        garavo nupalabbhati
                          araka hoti saddhamma    nabhaso puthuvi 1- yatha.
    |398.1077| Yesanca hiriottappam      sada samma upatthitam
                          virulhabrahmacariya [2]-  tesam khina punabbhava.
    |398.1078| Uddhato capalo bhikkhu        pamsukulena paruto
                          kapiva sihacammena             na so tenupasobhati.
     |398.1079| Anuddhato acapalo          nipako samvutindriyo
                          sobhati pamsukulena             sihova girigabbhare.
    |398.1080| Ete sambahula deva      iddhimanto yasassino
                          dasa devasahassani          sabbe te brahmakayika
    |398.1081| dhammasenapatim dhiram 3-      mahajhayim samahitam
                          sariputtam namassanta      titthanti 4- panjalikata
    |398.1082| namo te parisajanna       namo te purisuttama
                          yassa te nabhijanama      yampi nissaya jhayati.
    |398.1083| Accheram vata buddhanam         gambhiro gocaro sako
                          ye mayam nabhijanama        balavedhi 5- samagata.
    |398.1084| Tam tatha devakayehi         pujitam pujanaraham
                          sariputtam tada disva    kappinassa sitam ahu 6-.
    |398.1085| Yavata buddhakhettamhi    thapayitva mahamunim
                          dhutagune visitthoham          sadiso me na vijjati.
@Footnote: 1 Ma. Yu. puthavi .   2 Ma. te .  3 Ma. viram .  4 Yu. titthanti .  5 Ma. valavedhi.
@6 Ma. ahu.
    |398.1086| Paricinno maya sattha    katam buddhassa sasanam
                          ohito garuko bharo        bhavanetti samuhata 1-.
     |398.1087| Na civare na sayane            bhojane nupalippati
                          gotamo anappameyyo     mulalipuppham 2- vimalamva
                          ambuna nikkhammaninno  tibhavabhinissato.
    |398.1088| Satipatthanagivo so         saddhahattho mahamuni
                          pannasiso mahanani  sada carati nibbutoti.
                                            Mahakassapo thero.
                                                   Uddanam
                         cattalisanipatamhi          mahakassapasavhayo
                         ekova thero gathayo        cattalisa duvepi cati.
                                      Cattalisanipato samatto.
                                                ---------------



             The Pali Tipitaka in Roman Character Volume 26 page 409-413. http://84000.org/tipitaka/read/roman_item.php?book=26&item=398&items=1              Classified by [Item Number] :- http://84000.org/tipitaka/read/roman_item.php?book=26&item=398&items=1&mode=bracket              Compare with The Pali Tipitaka in Thai Character :- http://84000.org/tipitaka/read/pali_item.php?book=26&item=398&items=1              Compare with The Royal Version of Thai Tipitaka :- http://84000.org/tipitaka/read/byitem.php?book=26&item=398&items=1              Study Atthakatha :- http://84000.org/tipitaka/attha/attha.php?b=26&i=398              Contents of The Tipitaka Volume 26 http://84000.org/tipitaka/read/?index_26

First itemPrevious itemแสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com