ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 ThaiVersion   PaliThai   PaliRoman 
First itemPrevious itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter
TIPITAKA Volume 26 : PALI ROMAN Sutta Pitaka Vol 18 : Sutta. Khu. vimāna-petavatthu thera-therīgāthā

page494.

Therigathaya cattalisanipato [473] |473.401| 1 Nagaramhi kusumaname pataliputtamhi pathaviya mande sakyakulakulinayo dve bhikkhuniyo gunavatiyo. |473.402| Isidasi tattha eka dutiya bodhiti silasampanna ca jhanajjhayanaratayo bahussutayo dhutakilesayo. |473.403| Ta pindaya caritvana 1- bhattattham kariya dhotapattayo rahitamhi sukhanisinna ima gira abbhavadesum 2-. |473.404| Pasadikasi ayye isidasi vayopi te aparihino kim disvana valikam 3- athasi nekkhammamanuyutta. |473.405| Evamanuyunjiyamana sa rahite dhammadesanakusala isidasi idam vacanamabravi 4- suna bodhi yathamhi pabbajita. Ito param visajjanakatha 5- |473.406| ujjeniya puravare mayham pita silasamvuto setthi tassamhi eka dhita 6- piya manapa dayita ca. |473.407| Atha me saketato varako agacchi uttamakulino setthi pahutaratano tassa mam sunham adasi tato. |473.408| Sassuya sassurassa ca sayam patam panamamupagamma sirasa karomi pade vandami yathamhi anusittha. @Footnote: 1 Ma. Yu. caritva. 2 Ma. Yu. abbhudiresum. 3 Ma. byalikam. 4 Po. Ma. isidasi @vacanamabravi. 5 Yu. idam pathattayam na dissati. 6 Ma. ekadhita.

--------------------------------------------------------------------------------------------- page495.

|473.409| Ya mayham samikassa bhaginiyo bhatuno parijano va 1- tam ekavarakampi disva ubbigga asanam demi. |473.410| Annena ca panena ca khajjena ca yanca tattha sannihitam chademi upanayami ca demi yam yassa patirupam. |473.411| Kalena utthahitva 2- patigharam samupagamim ummaradhotahatthapada 3- panjalika samikamupemiham 3-. |473.412| Koccham pasadam anjananca adasakanca ganhitva parikammakarika viya sayameva patim vibhusemi. |473.413| Sayameva odanam sadhayami sayameva bhajanam dhovim 4- matava ekaputtakam tatha bhattaram paricarami |473.414| evam mam bhattikatam anuttaram karikam tam nihatamanam utthayikam analasam silavatim dussate bhatta. |473.415| So mataranca pitaranca bhanati apucchaham gamissami isidasiya na saha vaccham ekagareham saha vatthum. |473.416| Ma evam putta avaca isidasi pandita paribyattaya utthayika analasa kim tuyham na rocate putta. |473.417| Na ca me himsati kinci na caham isidasiya saha vaccham dessava me alam me apucchaham gamissami. |473.418| Tassa vacanam sunitva sassu sassuro ca mam apucchimsu kissa taya aparaddham bhana katam vissattha yathabhutam. @Footnote: 1 Yu. vasaddo natthi. 2 Ma. upatthahitva gharam samupagamami. 3 Ma. ummaredhovanti @hatthapade pancalika samikamupemi. 4 Ma. dhovanti.

--------------------------------------------------------------------------------------------- page496.

|473.419| Napiham aparajjham kinci napi himseva 1- na ganami dubbacanam kim sakka katuye yam mam videssate bhatta. |473.420| Te mam pitu gharam pati nayimsu vimana dukkhena adhibhuta puttamanurakkhamana jinamhase rupinim lacchim 2-. |473.421| Atha mam adasi tato addhassa gharamhi dutiyakulikassa tato upaddhasunkena yena mam vindatha setthi. |473.422| Tassapi gharamhi masam avasim atha sopi mam paticchati 3- dasiva upatthahantim adusikam silasampannam. |473.423| Bhikkhaya ca vicarantam damakam dantam me pita bhanati so 4- sihi me jamata nikkhipa pontinca ghatikanca. |473.424| Sopi vasitva pakkham atha tatam bhanati dehi me pontim ghatikanca kapallakanca 5- punapi bhikkham carissami. |473.425| Atha nam bhanati tato amma sabbo ca me natiganavaggo kinte na kirati idha bhana khippam yante karihiti. |473.426| Evam bhanito bhanati yadi me atta sakkoti alam mayham isidasiya na saha vaccham ekaghareham saha vatthum. |473.427| Vissajjito gato so ahampi ekakini vicintemi apucchitvana gacchami maritum va pabbajitum 6-. |473.428| Atha ayya jinadatta agacchi gocaraya caramana @Footnote: 1 Ma. napi himsemi na bhanami. 2 Ma. lakkhim. 3 Ma. paticcharati. 4 Ma. hohisi. @5 Ma. Yu. mallakanca. 6 Ma. Yu. apucchituna gaccham marituye pabbajissam va.

--------------------------------------------------------------------------------------------- page497.

Tatakulam vinayadhari bahussuta silasampanna. |473.429| Tam disvana amhakam utthayasanam tassa pannapayim nisinnaya ca pade vanditva bhojanamadasim. |473.430| Annapanena 1- khajjena ca yanca tattha sannihitam santappayitvana 2- avacam ayye icchami pabbajitum. |473.431| Atha mam bhanati tato idheva puttike 3- carahi tam 4- dhammam annena ca panena ca santappaya 5- samane dvijati ca. |473.432| Athaham bhanami tatam rodanti anjalim panametva anujanahi 6- mam tata maya pakatam kammam tam nijjaressami. |473.433| Atha mam bhanati tato papuna bodhinca aggadhammanca nibbananca labhassu yam sacchikari dvipadasettho. |473.434| Matapitu abhivadayitva sabbanca natiganavaggam sattaham pabbajita tisso vijja aphussayim 7-. |473.435| Janami attano satta jatiyo yassa yam phalam vipako tam tava acikkhissam tam ekamana nisamehi |473.436| nagaramhi erakakacche suvannakaro aham pahutadhano yobbanamadena matto so paradaram aseviham. |473.437| Soham tato cavitva nirayamhi apaccisam ciram pakko tato ca utthahitva makkatiya kucchimokkamim. @Footnote: 1 Ma. Yu. annena ca panena ca khajjena ca. 2 Ma. Yu. santappayitva. @3 Yu. puttaka. 4 Ma. tvam dhammam. 5 Ma. tappaya. 6 Yu. papam hi maya @ pakatam. 7 Yu. aphassayim.

--------------------------------------------------------------------------------------------- page498.

|473.438| Sattaham jatakammam 1- mahakapi yuthapo nillacchesi tassetam kammaphalam yathapi gantvana paradaram. |473.439| Soham tato cavitva kalam karitva sindhavaranne kanaya ca khanjaya ca elakiya kucchimokkamim. |473.440| Dvadasavassani aham nillacchito darake parivahitva kiminavatto akallo yathapi gantvana paradaram. |473.441| Soham tato cavitva govanijakassa gaviya jato vaccho lakhatambo nillacchito dvadase mase. |473.442| Te puna 2- nangalamaham sakatam ca dharayami andhovatto akallo yathapi gantvana paradaram. |473.443| Soham tato cavitva vithiya dasiya ghare jato neva mahila na puriso yathapi gantvana paradaram. |473.444| Timsativassamhi mato sakatikakulamhi darika jata kapanamhi appabhoge dhanikapurisapatabahulamhi. |473.445| Tam mam tato satthavaho ussannaya vipulaya vaddhiya okaddhati vilapantim acchinditva kulagharassa 3-. |473.446| Atha solasame vasse disvana 4- mam pattayobbanam kannam oruddhatassa putto giridaso nama namena. |473.447| Tassapi anna bhariya silavati gunavati yasavati ca @Footnote: 1 Ma. sattahajatakam mam. 2 Ma. vodhuna. 3 Ma. kulagharasma. 4 Ma. disva.

--------------------------------------------------------------------------------------------- page499.

Anuratta bhattaram tassaham viddesanamakasim. |473.448| Tassetam kammaphalam yam mam apakirituna gacchanti dasiva upatthahantim tassapi anto kato mayati. Isidasi. Cattalisanipato samatto. -------------


             The Pali Tipitaka in Roman Character Volume 26 page 494-499. https://84000.org/tipitaka/read/roman_item.php?book=26&item=473&items=1&pagebreak=1&modeTY=2              Classified by [Item Number] :- http://84000.org/tipitaka/read/roman_item.php?book=26&item=473&items=1&pagebreak=1&modeTY=2&mode=bracket              Compare with The Pali Tipitaka in Thai Character :- https://84000.org/tipitaka/read/pali_item.php?book=26&item=473&items=1&pagebreak=1&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=26&item=473&items=1&pagebreak=1&modeTY=2              Study Atthakatha :- https://84000.org/tipitaka/attha/attha.php?b=26&i=473              Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26

First itemPrevious itemไม่แสดงหมายเลขหน้า
ในกรณี :- 
   บรรทัดแรกของแต่ละหน้าNext itemLast item chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]