paliTIPITAKA Volume 27 - Sutta Pitaka 19

⁷ Indriyajātakaṃ [1171] Yo indriyānaṃ kāmena vasaṃ nārada gacchati so pariccajjubho loke jīvantopi ^3- visussati. [1172] Sukhassānantaraṃ dukkhaṃ dukkhassānantaraṃ sukhaṃ sopi patto sukhadukkhaṃ pāṭikaṅkha varaṃ sukhaṃ. @Footnote: ¹ Sī. Ma. isinā satto . ² Sī. Ma. patvapariyāyaṃ . ³ Ma. jīvantova. [1173] Kicchakāle kicchasaho yo kicchaṃ nātivattati sa kicchantaṃ sukhaṃ dhīro yogaṃ samadhigacchati. [1174] Na heva kāmānaṃ kāmā nānatthā natthakāraṇā na katañca niraṅkatvā dhammā cavitumarahasi. [1175] Dakkhaṃ gahapataṃ ^1- sādhu saṃvibhajjañca bhojanaṃ ahāso atthalābhesu atthabyāpatti abyatho. [1176] Ettāvatetaṃ paṇḍiccaṃ asito ^2- devilo bravi nayito kiñci pāpiyo ^[3]- indriyānaṃ vasaṃ vaje. [1177] Amittānaṃva hatthatthaṃ sīvi pappoti māmiva kammaṃ vijjañca dakkheyyaṃ vivāhaṃ sīlamaddavaṃ ete ca yase hāpetvā nibbatto sehi kammehi. [1178] Sohaṃ sahassajīnova abandhu aparāyano ariyadhammā apakkanto yathā peto tathevahaṃ. [1179] Sukhakāme dukkhāpetvā āpannosmi padaṃ imaṃ so sukhaṃ nādhigacchāmi ṭhito ^4- bhāṇumahimivāti ^5-. Indriyajātakaṃ sattamaṃ. ----------

The Pali Tipitaka in Roman Character Volume 27 page 247-248. https://84000.org/tipitaka/read/roman_item.php?book=27&item=1171&items=9 Classified by [Item Number] :- http://84000.org/tipitaka/read/roman_item.php?book=27&item=1171&items=9&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=27&item=1171&items=9 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=1171&items=9 Study Atthakatha :- https://84000.org/tipitaka/attha/attha.php?b=27&i=1171 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27