paliTIPITAKA Volume 27 - Sutta Pitaka 19

⁵ Dabbapupphajātakaṃ ^1- [997] Anutīracārī bhaddante sahāyamanudhāva maṃ mahā me gahito maccho so maṃ harati vegasā. [998] Gambhīracārī bhaddante daḷhaṃ gaṇhāhi thāmasā ahaṃ taṃ uddharissāmi supaṇṇo uragammiva ^2-. [999] Vivādo no samuppanno dabbapuppha suṇohi me @Footnote: ¹ Ma. dabbhapuppha .... evamuparipi . ² Ma. uragāmiva. Samehi medhagaṃ ^1- samma vivādo vūpasammatu ^2-. [1000] Dhammaṭṭhohaṃ pure āsiṃ bahuaṭṭaṃva tīritaṃ ^3- samemi medhagaṃ ^1- samma vivādo vūpasammatu ^2-. [1001] Anutīracārī naṅguṭṭhaṃ sīsaṃ gambhīracārino accāyaṃ ^4- majjhimokhaṇḍo dhammaṭṭhassa bhavissati. [1002] Ciraṃpi bhakkho abhavissa sace na vivademase asīsakaṃ anaṅguṭṭhaṃ sigālo harati rohitaṃ. [1003] Yathāpi rājā nandeyya rajjaṃ laddhāna khattiyo evāhamajja nandāmi disvā puṇṇamukhaṃ patiṃ. [1004] Kathannu thalajo santo udake macchaṃ parāmasi puṭṭho me samma akkhāhi kathaṃ adhigataṃ tayā. [1005] Vivādena kisā honti vivādena dhanakkhayā jinā uddā vivādena bhuñja māyāvi rohitaṃ. [1006] Evameva manussesu vivādo yattha jāyati. Dhammaṭṭhaṃ paṭidhāvanti so hi nesaṃ vināyako dhanāpi tattha jīyanti rājakoso pavaḍḍhatīti. Dabbapupphajātakaṃ pañcamaṃ. ---------

The Pali Tipitaka in Roman Character Volume 27 page 215-216. https://84000.org/tipitaka/read/roman_item.php?book=27&item=997&items=10 Classified by [Item Number] :- http://84000.org/tipitaka/read/roman_item.php?book=27&item=997&items=10&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=27&item=997&items=10 Compare with The Royal Version of Thai Tipitaka :- https://84000.org/tipitaka/read/byitem.php?book=27&item=997&items=10 Study Atthakatha :- https://84000.org/tipitaka/attha/attha.php?b=27&i=997 Contents of The Tipitaka Volume 27 https://84000.org/tipitaka/read/?index_27 https://84000.org/tipitaka/english/?index_27