[1234] |1234.1| Atho ubho aroga te deva matapita mama
@Footnote: 1 Ma. puttanam . 2 ima dve gatha atthakathapotthakeyeva dissanti.
@3 Ma. bhandena.
Atho unchena yapenti atho mulaphala bahu.
|1234.2| Atho damsa makasa ca appameva sirimsapa
vane valamigakinne himsa nesam na vijjati.
|1234.3| Khanantalukalambani vilanitakkalani ca
kolam bhallatakam belam 1- sa no ahacca posati.
|1234.4| Yanceva sa aharati vanamulaphalahariya
tam no sabbe samagantva rattim bhunjama no diva.
|1234.5| Amma ca no kisa pandu aharanti dumapphalam
vatatapena sukhumali padumam hatthagatammiva.
|1234.6| Ammaya patanukesa vicarantya brahavane
vane valamigakinne khaggadipinisevite.
|1234.7| Kesesu jatam bandhitva kacche jallamadharayi
(dharento brahmanavannam asadancamasanjatam 2-)
cammavasi chama seti jatavedam namassati.
[1235] Putta piya manussanam lokasmim upapajjisum
na hi nunamhakam ayyassa putte sineho ajayatha.
[1236] |1236.1| Dukkatanca hi no pota 3- bhunahaccam katam maya
yoham sivinam vacana pabbajesim adusakam.
|1236.2| Yam me kinci idha atthi dhanam dhannanca vijjati
@Footnote: 1 Ma. bellam . 2 idam atthakathapotthakeyeva dissati . 3 Ma. putta.
Etu vessantaro raja siviratthe pasasatu.
[1237] Na deva mayham vacana ehiti sivisuttamo
sayameva devo gantvana sinca bhogehi atrajam.
[1238] |1238.1| Tato senapatim raja sanjayo ajjhabhasatha
atthi assa ratha patti sena sannahayantu nam
negama ca mam anventu brahmana ca purohita
|1238.2| tato satthi sahassani yodhino carudassana
khippamayantu sannaddha nanavannehilankata.
|1238.3| Nilavatthadharaneke 1- pitaneke nivasita
anne lohitaunhisa suddhaneke nivasita
khippamayantu sannaddha nanavannehilankata.
|1238.4| Himava yatha gandharo pabbato gandhamadano
nanarukkhehi sanchanno mahabhutaganalayo.
|1238.5| Osadhehi ca dibbehi disa bhati pavati ca
khippamayantu sannaddha disa bhantu pavantu ca.
|1238.6| Tato nagasahassani yojayantu catuddasa
suvannakacche matange hemakappanivasase 2-.
|1238.7| Arulhe 3- gamaniyebhi tomarankusapanibhi
khippamayantu sannaddha hatthikkhandhehi dassita.
|1238.8| Tato assasahassani yojayantu catuddasa
@Footnote: 1 Si. Yu. nilavannadharaneke . 2 Ma. suvannakaccha matanga hemakappanavasasa.
@3 Ma. arulha. aparampi idisameva.
Ajaniyeva 1- jatiya sindhave sighavahane 2-.
|1238.9| Arulhe gamaniyebhi indiyacapadharibhi
khippamayantu sannaddha assapitthe alankata.
|1238.10| Tato rathasahassani yojayantu catuddasa
ayosukatanemiyo suvannacitrapokkhare.
|1238.11| Aropentu dhaje tattha cammani kavacani ca
vipphalentu 3- ca capani dalhadhamma paharino
khippamayantu sannaddha rathesu rathajivino.
[1239] |1239.1| Laja olokiya puppha malagandhavilepana
agghiyani ca titthantu yena maggena ehiti.
|1239.2| Game game satam kumbha merayassa suraya ca
maggamhi patita thantu 4- yena maggena ehiti.
|1239.3| Mamsa puva ca sankulya 5- kummasa macchasamyuta
maggamhi patita thantu yena maggena ehiti.
|1239.4| Sappi telam dadhi khiram kangupittha 6- bahu sura
maggamhi patita thantu yena maggena ehiti.
|1239.5| Alarika ca suda ca natanattakagayino
panissara kumbhathuniyo muddika 7- sokajjhayika.
|1239.6| Ahannantu sabbavina bheriyo dindimani ca
@Footnote: 1 Ma. ajaniyava . 2 Ma. sindhava sighavahana . 3 Ma. vippalentu.
@4 Ma. patititthantu. ito param idisameva . 5 Ma. mamsa puva sankuliyo.
@6 Ma. kangubija. 7 Ma. mandaka.
Kharamukhani dhamantu 1- nadantu ekapokkhara
|1239.7| mudinga pandava sankha godha parivadantika 2-
dindimani ca hannantu kutumba dindimani 3- ca.
[1240] |1240.1| Sa sena mahati asi uyyutta sivivahini
jalina magganayena vankam payasi pabbatam.
|1240.2| Koncam nadati matango kunjaro satthihayano
kacchaya bajjhamanaya koncam nadati varano.
|1240.3| Ajaniya hasiyanti 4- nemighoso ajayatha
nabham rajo achadesi uyyutta sivivahini.
|1240.4| Sa sena mahati asi uyyutta hariharini
jalina magganayena vankam payasi pabbatam.
|1240.5| Te pavimsu braharannam bahusakham mahodakam 5-
puppharukkhehi sanchannam phalarukkhehi cubhayam.
|1240.6| Tattha vindussara vaggu nanavanna bahu dija
kujantamupakujanti utusampupphite dume.
|1240.7| Te gantva dighamaddhanam ahorattanamaccaye
padesantam upaganchum yattha vessantaro ahu.
Maharajapabbam nama.
[1241] |1241.1| Tesam sutvana nigghosam bhito vessantaro ahu
pabbatam abhiruhitva bhito senam udikkhati.
@Footnote: 1 Ma. dhamentu. Si.Yu. vadantu. 2 Ma. parivadentika . 3 Ma. kutumpadindimani ca.
@4 Si. Yu. ahissimsu . 5 Yu. bahudijam.
|1241.2| Ingha maddi nisamehi nigghoso yadiso vane
ajaniya hasiyanti dhajagganeva dissare.
|1241.3| Ime nuna arannamhi migasanghani luddaka
vagurahi parikkhippa sobbhe 1- patetva tavade
vikkosamana tippahi hanti nesam varam varam.
|1241.4| Tatha mayam adusaka aranne avaruddhaka
amittahatthatthagata 2- passa dubbalaghatakam.
[1242] Amitta nappasaheyyum aggiva udakannave
tadeva tvam vicintehi api sotthi ito siya.
[1243] Tato vessantaro raja orohitvana pabbata
nisidi pannasalayam dalham katvana manasam.
[1244] |1244.1| Nivattayitvana ratham vutthapetvana seniyo
ekam aranne viharantam pita puttam upagami.
|1244.2| Hatthikkhandhato oruyha ekamso panjalikato
parikinno 3- amaccehi puttam sincitupagami
|1244.3| tatthaddasa kumaram so rammarupam samahitam
nisinnam pannasalayam jhayantam akutobhayam.
[1245] |1245.1| Tanca disvana ayantam pitaram puttagiddhinam
vessantaro ca maddi ca paccuggantva avandisum.
|1245.2| Maddi ca sirasa pade sassurassabhivadayi
@Footnote: 1 Ma. sobbham . 2 Ma. amittahatthattam gata . 3 Si. Yu. parikhitto.
Maddi ahanhi te deva pade vandami te husa 1-
tesu tattha palisajja panina parimajjatha.
[1246] |1246.1| Kacci vo kusalam putta kacci putta anamayam
kacci unchena yapetha kacci mulaphala bahu.
|1246.2| Kacci damsa makasa ca appameva sirimsapa
vane valamigakinne kacci himsa na vijjati.
[1247] |1247.1| Atthi no jivika deva sa ca yadisikidisa
kasira jivika homa unchacariyaya jivitam.
|1247.2| Aniddhinam maharaja dametyassamva 2- sarathi
tyamha aniddhika danta asamiddhi dameti no.
|1247.3| Api no kisani mamsani pitu matu adassana
avaruddhanam maharaja aranne jivisokinam.
[1248] |1248.1| Yepi te sivisetthassa dayadappattamanasa
jali kanhajina cubho brahmanassa vasanuga
accayikassa luddassa yo ne gavova sumbhati.
|1248.2| Te rajaputtiya putte yadi janatha samsatha
pariyapunatha no khippam sappadatthamva manavam.
[1249] Ete 3- kumara nikkita jali kanhajina cubho
brahmanassa dhanam datva putta ma bhayi assasa.
[1250] Kacci nu tata kusalam kacci tata anamayam
@Footnote: 1 Ma. sunha . 2 Ma. dametassamva . 3 Ma. ubho.
Kacci nu tata me matu cakkhu na parihayati.
[1251] Kusalanceva me putta atho putta anamayam
atho ca putta te matu cakkhu na parihayati.
[1252] Kacci arogam yoggante kacci vahati vahanam
kacci phito janapado kacci vutthi na chijjati.
[1253] Atho arogam yoggamme atho vahati vahanam
atho phito janapado atho vutthi na chijjati.
[1254] |1254.1| Iccevam mantayantanam mata nesam adissatha
rajaputti giridvare pattika anupahana.
|1254.2| Tanca disvana ayantim mataram puttagiddhinim
vessantaro ca maddi ca paccuggantva avandisum.
|1254.3| Maddi ca sirasa pade sassuya abhivadayi
maddi ahanhi te ayye pade vandami te husa.
[1255] |1255.1| Maddinca puttaka disva durato sotthimagata
kandanta abhidhavimsu vaccha balava mataram.
|1255.2| Maddi ca puttake disva durato sotthimagate
varuniva pavedhenti thanadharabhisincatha.
[1256] |1256.1| Samagatana natinam mahaghoso ajayatha
pabbata samanadimsu mahi akampita ahu
vutthidharam pavattento devo pavassi tavade.
|1256.2| Atha vessantaro raja natihi samagacchatha
nattaro sunisa putto raja devi ca ekato.
|1256.3| Yada samagata asum tadasi lomahamsanam
panjalika tassa yacanti rodanta bherave vane.
|1256.4| Vessantaranca maddinca sabbe rattha samagata
tvam nosi issaro raja rajjam karetha no ubho.
Chakkhattiyapabbam nama.
[1257] Dhammena rajjam karentam rattha pabbajayittha mam
tvanca janapada ceva negama ca samagata.
[1258] Dukkatanca hi no putta bhunahaccam katam maya
yoham sivinam vacana pabbajesim adusakam.
[1259] Yenakenaci vannena pitu dukkham udabbahe
matuya bhaginiyapi api panehi attano.
(nhanakalo maharaja rajojallam pavahaya 1-)
[1260] Tato vessantaro raja rajojallam pavahayi
rajojallam pavahetva sankham vannam adharayi. 2-
[1261] |1261.1| Sisanhato sucivattho sabbabharanabhusito
paccayam nagamaruyha khaggam bandhi parantapam.
@Footnote: 1 katthaci potthake dissati . 3 katthaci potthake evam dissati sabbam vattam
@cajetvana rajavesamadharayi.
|1261.2| Tato satthi sahassani yodhino carudassana
sahajata parikarimsu 1- nandayanta rathesabham.
|1261.3| Tato maddimpi nhapesum sivikanna samagata
vessantaro tam paletu jali kanhajina cubho
athopi tam maharaja sanjayo abhirakkhatu.
[1262] |1262.1| Idanca paccayam laddha pubbe kilesamattano 2-
anandiyam acarimsu ramaniye giribbaje.
|1262.2| Idanca paccayam laddha pubbe kilesamattano 3-
anandacitta sumana putte sangamma lakkhana.
|1262.3| Idanca paccayam laddha pubbe kilesamattano 4-
anandacitta patita saha puttehi lakkhana.
[1263] |1263.1| Ekabhatti 5- pure asim niccam thandilasayini
iti metam vatam asi tumham kama hi puttaka.
|1263.2| Tam me vatam samiddhajja tumhe sangamma puttaka
matujampi tam paletu pitujampi ca puttaka
athopi tam maharaja sanjayo abhirakkhatu.
|1263.3| Yankincitthi katam punnam mayhanceva pitucca te
sabbena tena kusalena ajaro tvam 6- amaro bhava.
[1264] |1264.1| Kappasikanca koseyyam khomakodumbarani ca
@Footnote: 1 Ma. pakirimsu. 2-3-4 Ma. sallekhamattano. 5 ekabhattatipi. 6 Ma. ayam patho natthi.
Sassu sunhaya pahesi yehi maddi asobhatha.
|1264.2| Tato khomanca kayuram giveyyam ratanamayam
sassu sunhaya pahesi yehi maddi asobhatha.
|1264.3| Tato khomanca kayuram angadam manimekhalam
sassu sunhaya pahesi yehi maddi asobhatha.
|1264.4| Unnatam mukhaphullanca nanaratte ca maniye 1-
sassu sunhaya pahesi yehi maddi asobhatha.
|1264.5| Uggatthanam gingamakam mekhalam patipadukam 2-
sassu sunhaya pahesi yehi maddi asobhatha.
|1264.6| Suttanca suttavajjanca upanijjhaya seyyasi
asobhatha rajaputti devakannava nandane.
|1264.7| Sisanhata sucivattha sabbabharanabhusita
asobhatha rajaputti tavatimsava acchara.
|1264.8| Kadaliva vatacchupita jata cittalatavane
dantavaranasampanna rajaputti asobhatha.
|1264.9| Sakuni manusiniva jata cittappatta pati
nigrodhapakkabimbotthi rajaputti asobhatha.
[1265] |1265.1| Tassa ca nagamanesum nativuddhamva kunjaram
sattikkhamam sarakkhamam isadantam urulhavam.
|1265.2| Sa maddi nagamaruhi nativuddhamva kunjaram
@Footnote: 1 Ma. manike . 2 Ma. patipadakam. Yu. palipadakam.
Sattikkhamam sarakkhamam isadantam urulhavam.
[1266] |1266.1| Sabbamhi tam arannamhi yavantettha miga ahu
vessantarassa tejena nannamannam vihethayum.
|1266.2| Sabbamhi tam arannamhi yavantettha dija ahu
vessantarassa tejena nannamannam vihethayum.
|1266.3| Sabbamhi tam arannamhi yavantettha miga ahu
ekajjham sannipatimsu
vessantare payatamhi sivinam ratthavaddhane.
|1266.4| Sabbamhi tam arannamhi yavantettha dija ahu
ekajjham sannipatimsu
vessantare payatamhi sivinam ratthavaddhane.
|1266.5| Sabbamhi tam arannamhi yavantettha miga ahu
nassa manjuni kujimsu
vessantare payatamhi sivinam ratthavaddhane.
|1266.6| Sabbamhi tam arannamhi yavantettha dija ahu
nassa manjuni kujimsu
vessantare payatamhi sivinam ratthavaddhane.
[1267] |1267.1| Patiyatto rajamaggo vicitto pupphasanthato
vasi vessantaro raja 1- yattha yava 2- jetuttara.
|1267.2| Tato satthi sahassani yodhino carudassana
@Footnote: 1 Ma. yattha . 2 Ma. yava tava.
Samanta parikarimsu
vessantare payatamhi sivinam ratthavaddhane.
|1267.3| Orodha ca kumara ca vesiyana ca brahmana
samanta parikarimsu
vessantare payatamhi sivinam ratthavaddhane.
|1267.4| Hattharoha anikattha rathika pattikaraka
samanta parikarimsu
vessantare payatamhi sivinam ratthavaddhane.
|1267.5| Samagata janapada negama ca samagata
samanta parikarimsu
vessantare payatamhi sivinam ratthavaddhane.
|1267.6| Karotiya cammadhara indihattha suvammika 1-
purato patipajjimsu
vessantare payatamhi sivinam ratthavaddhane.
[1268] |1268.1| Te pavimsu 2- puram rammam bahupakaratoranam 3-
upetam annapanehi naccagitehi cubhayam.
|1268.2| Vitta janapada asum negama ca samagata
anuppatte kumaramhi sivinam ratthavaddhane.
|1268.3| Celukkhepo pavattittha 4- agate dhanadayake
nandippavesi 5- nagare bandhana mokkho aghosatha.
@Footnote: 1 Ma. illihattha. Si. Yu. khaggahattha . 2 Ma. pavisum . 3 Ma. mahapakara-.
@4 Ma. avattittha . 5 Ma. nandim pavesi.
[1269] |1269.1| Jatarupamayam vassam devo pavassi tavade
vessantare pavitthamhi sivinam ratthavaddhane.
|1269.2| Tato vessantaro raja danam datvana khattiyo
kayassa bheda sappanno saggam so upapajjathati.
Nagarakandam nama.
Mahavessantarajatakam dasamam.
Mahanipatam nitthitam
The Pali Tipitaka in Roman Character Volume 28 page 440-453.
https://84000.org/tipitaka/read/roman_item.php?book=28&item=1234&items=36
Classified by [Item Number] :-
http://84000.org/tipitaka/read/roman_item.php?book=28&item=1234&items=36&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=28&item=1234&items=36
Compare with The Royal Version of Thai Tipitaka :-
https://84000.org/tipitaka/read/byitem.php?book=28&item=1234&items=36
Study Atthakatha :-
https://84000.org/tipitaka/attha/attha.php?b=28&i=1234
Contents of The Tipitaka Volume 28
https://84000.org/tipitaka/read/?index_28
https://84000.org/tipitaka/english/?index_28
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
