Suttantapitake khuddakanikayassa mahaniddeso
--------------
namo tassa bhagavato arahato sammasambuddhassa.
Atthakavaggiko
pathamo kamasuttaniddeso
[1] Kamam kamayamanassa tassa ce tam samijjhati
addha pitimano hoti laddha macco yadicchati.
[2] Kamam kamayamanassati kamati uddanato dve kama
vatthukama ca kilesakama ca.
{2.1} Katame vatthukama . manapika rupa manapika sadda
manapika gandha manapika rasa manapika photthabba attharana
papurana 1- dasidasa ajelaka kukkutasukara hatthigavassavalava
khettam vatthu hirannam suvannam gamanigamarajadhaniyo ratthanca
janapado ca koso 2- ca kotthagaranca yankinci rajaniyavatthu
vatthukama . apica atita kama anagata kama paccuppanna
kama ajjhatta kama bahiddha kama ajjhattabahiddha kama
hina kama majjhima kama panita kama apayika kama
manusika kama dibba kama paccupatthita kama nimmita
kama paranimmita kama pariggahita kama apariggahita kama
@Footnote: 1 Ma. pavurana . 2 Ma. kottho.
Mamayita kama amamayita kama sabbepi kamavacara dhamma
sabbepi rupavacara dhamma sabbepi arupavacara dhamma tanhavatthuka
tanharammana kamaniyatthena rajaniyatthena madaniyatthena kama ime
vuccanti vatthukama.
{2.2} Katame kilesakama. Chando kamo rago kamo chandarago
kamo sankappo kamo rago kamo sankapparago kamo yo
kamesu kamacchando kamarago kamanandi kamatanha kamasneho
kamaparilaho kamamuccha kamajjhosanam kamogho kamayogo
kamupadanam kamacchandanivaranam
addasam kama te mulam sankappa kama jayasi
na tam sankappayissami evam kama na hehisi 1-.
Ime vuccanti kilesakama . kamam kamayamanassati kamam 2-
kamayamanassa icchamanassa sadiyamanassa patthayamanassa
pihayamanassa abhijappamanassati kamam kamayamanassa.
[3] Tassa ce tam samijjhatiti tassa ceti tassa khattiyassa va
brahmanassa va vessassa va suddassa va gahatthassa va
pabbajitassa va devassa va manussassa va . tanti vatthukama
vuccanti manapika rupa manapika sadda manapika gandha
manapika rasa manapika photthabba . samijjhatiti ijjhati
samijjhati labhati patilabhati adhigacchati vindatiti tassa ce tam samijjhati.
@Footnote: 1 Ma. Yu. na hohisiti . 2 Ma. ayam patho natthi.
[4] Addha pitimano hotiti addhati ekamsavacanam nissamsayavacanam
nikkankhavacanam advejjhavacanam advelhakavacanam niyogavacanam apannakavacanam
avatthapanavacanametam addhati . pititi ya pancakamagunapatisannutta
piti pamujjam amodana pamodana haso pahaso vitti tutthi odagyam 1-
attamanata [2]- abhipuranata 3- cittassa . manoti yam cittam mano
manasam hadayam pandaram mano manayatanam manindriyam vinnanam
vinnanakkhandho tajja manovinnanadhatu ayam vuccati mano .
Ayam mano imaya pitiya sahagato hoti sahajato samsattho sampayutto
ekuppado ekanirodho ekavatthuko ekarammano . pitimano
hotiti 4- tutthamano hatthamano pahatthamano attamano udaggamano
samuditamano 5- hotiti addha pitimano hoti.
[5] Laddha macco yadicchatiti laddhati laddha 6- labhitva
patilabhitva adhigantva vinditva . maccoti satto naro manavo
poso puggalo jivo jatu 7- jantu indagu 8- manujo. Yadicchatiti yam
icchati yam sadiyati yam pattheti yam piheti yam abhijappati rupam va saddam
va gandham va rasam va photthabbam vati laddha macco yadicchati .
Tenaha bhagava
kamam kamayamanassa tassa ce tam samijjhati
addha pitimano hoti laddha macco yadicchatiti.
@Footnote: 1 Ma. Yu. odagayam. 2 Yu. cittassa. 3 Ma. abhipharanata. 4 Ma. Yu.
@itisaddo na dissati. 5 Ma. Yu. muditamano pamoditamano. 6 Ma. ayam patho
@natthi. 7 Ma. jagu. Yu. jagu. 8 hindagutipi patho.
[6] Tassa ce kamayamanassa 1- chandajatassa jantuno
te kama parihayanti sallaviddhova ruppati.
[7] Tassa ce kamayamanassati tassa ceti tassa khattiyassa va
brahmanassa va vessassa va suddassa va gahatthassa va pabbajitassa
va devassa va manussassa va . kamayamanassati kamayamanassa
icchamanassa sadiyamanassa patthayamanassa pihayamanassa
abhijappamanassa . athava kamatanhaya yayati niyyati vuyhati
samhariyati . yatha hatthiyanena va assayanena va goyanena va
ajayanena va mendakayanena va otthayanena va kharayanena va
yayati niyyati vuyhati samhariyati evameva kamatanhaya yayati
niyyati vuyhati samhariyatiti tassa ce kamayamanassa.
[8] Chandajatassa jantunoti chandoti yo kamesu kamacchando
kamarago kamanandi kamatanha kamasneho kamaparilaho kamamuccha
kamajjhosanam kamogho kamayogo kamupadanam kamacchandanivaranam
tassa so kamacchando jato hoti sanjato nibbatto abhinibbatto
patubhuto . jantunoti sattassa narassa manavassa posassa puggalassa
jivassa jatussa jantussa indagussa manujassati chandajatassa jantuno.
[9] Te kama parihayanatiti te va kama parihayanti
@Footnote: 1 Yu. kamayanassa.
So va kamehi parihayati.
Katham te kama parihayanti. Tassa titthantasseva te bhoge rajano
va haranti cora va haranti aggi va dahati udakam va vahati appiya va
dayada haranti nihitam va nadhigacchati 1- duppayutta va kammanta
bhijjanti 2- kule va kulajjhapako 3- uppajjati yo te bhoge vikirati
vidhameti viddhamseti aniccatayeva atthami evam te kama hayanti
parihayanti pariddhamsenti pariccajanti 4- antaradhayanti vippalujjanti.
{9.1} Katham so kamehi parihayati. Titthanteva te bhoga so
cavati marati antaradhayati vippalujjati evam so kamehi hayati
parihayati pariddhamseti pariccajati antaradhayati vippalujjati.
Cora haranti rajano aggi dahati nassati
atho antena jahati sariram sapariggaham
etadannaya medhavi bhunjetha ca dadetha ca
datva ca bhutva ca yathanubhavam
anindito saggamupeti thananti.
Te kama parihayanti.
[10] Sallaviddhova ruppatiti yatha ayomayena va sallena viddho
atthimayena va sallena dantamayena va sallena visanamayena
@Footnote: 1 Yu. nihitatthana va vigacchati. 2 Yu. bhanjanti. 3 kulangarotipi patho.
@4 Ma. Yu. paripatanti.
Va sallena katthamayena va sallena viddho ruppati kuppati ghattiyati
piliyati byadhito domanassito hoti evameva vatthukamanam
viparinamannathabhava uppajjanti sokaparidevadukkhadomanassupayasa
so kamasallena 1- viddho ruppati kuppati ghattiyati piliyati byadhito
domanassito hotiti sallaviddhova ruppati. Tenaha bhagava
tassa ce kamayamanassa chandajatassa jantuno
te kama parihayanti sallaviddhova ruppatiti.
[11] Yo kame parivajjeti sappasseva pada siro
somam visattikam loke sato samativattati.
[12] Yo kame parivajjetiti yoti yo yadiso yathayutto yathavihito
yathapakaro yanthanappatto yamdhammasamannagato khattiyo va brahmano
va vesso va suddo va gahattho va pabbajito va devo va manusso
va . kame parivajjetiti kamati uddanato dve kama vatthukama
ca kilesakama ca .pe. ime vuccanti vatthukama .pe. Ime vuccanti
kilesakama . kame parivajjetiti dvihi karanehi kame parivajjeti
vikkhambhanato va samucchedato va.
{12.1} Katham vikkhambhanato kame parivajjeti . Atthikankalupama
kama appassadatthenati passanto vikkhambhanato kame parivajjeti
@Footnote: 1 Ma. Yu. kamasallena ca sokasallena ca.
Mamsapesupama kama bahusadharanatthenati passanto vikkhambhanato
kame parivajjeti tinukkupama kama anudahanatthenati passanto
vikkhambhanato kame parivajjeti angarakasupama kama mahaparilahatthenati
passanto vikkhambhanato kame parivajjeti supinakupama kama
ittarapaccupatthanatthenati passanto vikkhambhanato kame parivajjeti
yacitakupama kama tavakalikatthenati passanto vikkhambhanato kame
parivajjeti rukkhaphalupama kama sambhanjanaparibhanjanatthenati passanto
vikkhambhanato kame parivajjeti asisunupama kama adhikantanatthenati 1-
passanto vikkhambhanato kame parivajjeti sattisulupama kama
vinivijjhanatthenati passanto vikkhambhanato kame parivajjeti
sappasirupama kama sappatibhayatthenati passanto vikkhambhanato
kame parivajjeti aggikkhandhupama kama mahaggitapanatthenati 2-
passanto vikkhambhanato kame parivajjeti.
{12.2} Buddhanussatim bhaventopi vikkhambhanato kame parivajjeti
dhammanussatim bhaventopi sanghanussatim bhaventopi silanussatim
bhaventopi caganussatim bhaventopi devatanussatim bhaventopi
anapanassatim bhaventopi marananussatim bhaventopi kayagatasatim
bhaventopi upasamanussatim bhaventopi vikkhambhanato
kame parivajjeti . pathamam jhanam bhaventopi vikkhambhanato
@Footnote: 1 Po. Ma. Yu. adhikuttanatthenati . 2 Ma. Yu. mahabhitapanatthenati.
Kame parivajjeti dutiyam jhanam bhaventopi tatiyam jhanam bhaventopi
catuttham jhanam bhaventopi akasanancayatanasamapattim bhaventopi
vinnanancayatanasamapattim bhaventopi akincannayatanasamapattim
bhaventopi nevasannanasannayatanasamapattim bhaventopi
vikkhambhanato kame parivajjeti. Evam vikkhambhanato kame parivajjeti.
{12.3} Katham samucchedato kame parivajjeti . Sotapattimaggam
bhaventopi apayagamaniye kame samucchedato parivajjeti sakadagamimaggam
bhaventopi olarike kame samucchedato parivajjeti anagamimaggam
bhaventopi anusahagate kame samucchedato parivajjeti arahattamaggam
bhaventopi sabbena sabbam sabbatha sabbam asesam nissesam samucchedato
kame parivajjeti. Evam samucchedato kame parivajjetiti yo kame parivajjeti.
[13] Sappasseva pada siroti sappo vuccati ahi . Kenatthena
sappo . samsappanto gacchatiti sappo . bhujanto gacchatiti bhujago .
Urena gacchatiti urago . pannasiro gacchatiti pannago . sirena
supatiti sirisapo . vile sayatiti vilasayo 1- . guhayam setiti
guhasayo . dadha tassa avudhoti dadhavudho . visam tassa
ghoranti ghoraviso . jivha tassa duvidhati dujivha . dvihi
@Footnote: 1 vilasayotipi patho.
Jivhahi rasam sayatiti dirasannu 1- . yatha puriso jivitukamo
amaritukamo sukhakamo dukkhapatikulo padena sappasiram vajjeyya
vivajjeyya parivajjeyya abhinivajjeyya evameva sukhakamo dukkhapatikulo
kame vajjeyya vivajjeyya parivajjeyya abhinivajjeyyati
sappasseva pada siro.
[14] Somam visattikam loke sato samativattatiti soti yo kame
parivajjeti . visattika vuccati tanha yo rago sarago anunayo
anurodho nandi nandirago cittassa sarago iccha muccha ajjhosanam
gedho paligedho sango 2- panko eja maya janika sanjanani sibbini
jalini sarita visattika suttam visata ayuhani 3- dutiya panidhi
bhavanetti vanam vanatho santhavo sneho apekkha patibandha asa asimsana
asimsitattam rupasa saddasa gandhasa rasasa photthabbasa
labhasa dhanasa puttasa jivitasa jappa pajappa abhijappa
jappa 4- jappana jappitattam loluppa loluppayana loluppayitattam
pucchancikata 5- sadhukamyata adhammarago visamalobho nikanti
nikamana patthana pihana sampatthana kamatanha bhavatanha
vibhavatanha rupatanha arupatanha nirodhatanha rupatanha
saddatanha gandhatanha rasatanha photthabbatanha dhammatanha
@Footnote: 1 Po. Ma. Yu. dvirasannu. 2 sattotipi patho. 3 Ma. ayuhini. 4 Ma. Yu.
@ayam patho natthi. 5 Ma. Yu. mucchancikata.
Ogho yogo gantho upadanam avaranam nivaranam chadanam bandhanam
upakkileso anusayo pariyutthanam lata veviccham dukkhamulam dukkhanidanam 1-
dukkhappabhavo marapaso marabalisam maravisayo tanhanadi tanhajalam
tanhagaddalam 2- tanhasamuddo abhijjha lobho akusalamulam.
{14.1} Visattikati kenatthena visattika. Visatati visattika.
Visalati visattika . visatati visattika . visakkatiti visattika .
Visamharatiti visattika . visamvadikati visattika . visamulati visattika.
Visaphalati visattika . visaparibhogati visattika . visala va pana
sa rupe tanha sadde gandhe rase photthabbe kule gane avase
labhe yase pasamsaya sukhe civare pindapate senasane gilanapaccaya-
bhesajjaparikkhare kamadhatuya rupadhatuya arupadhatuya kamabhave
rupabhave arupabhave sannabhave asannabhave nevasannanasannabhave
ekavokarabhave catuvokarabhave pancavokarabhave atite anagate paccuppanne
ditthasutamutavinnatabbesu dhammesu visata vitthatati visattika.
{14.2} Loketi apayaloke manussaloke devaloke khandhaloke
dhatuloke ayatanaloke.
{14.3} Satoti catuhi karanehi sato kaye kayanupassanasatipatthanam
@Footnote: 1 dukkhanidhanantipi patho . 2 Ma. Yu. tanhagaddulam.
Bhavento sato vedanasu citte dhammesu dhammanupassanasatipatthanam
bhavento sato.
{14.4} Aparehipi catuhi karanehi sato asatiparivajjanaya sato
satikaraniyanam 1- dhammanam katatta sato satipatipakkhanam 2- dhammanam
hatatta sato satinimittanam dhammanam appamutthatta 3- sato.
{14.5} Aparehipi catuhi karanehi sato satiya samannagatatta sato
satiya vasitatta sato satiya pagunnataya sato satiya apaccorohanataya
sato.
{14.6} Aparehipi catuhi karanehi sato satatta sato santatta
sato samitatta sato santadhammasamannagatatta sato . buddhanussatiya
sato dhammanussatiya sato sanghanussatiya sato silanussatiya sato
caganussatiya sato devatanussatiya sato anapanassatiya
sato marananussatiya sato kayagatasatiya sato upasamanussatiya
sato . ya sati anussati patissati sati saranata dharanata apilapanata
assammussanata sati satindriyam satibalam sammasati satisambojjhango
ekayanamaggo ayam vuccati sati . imaya satiya upeto hoti samupeto
upagato samupagato upapanno samupapanno samannagato so vuccati sato.
{14.7} Somam visattikam loke sato samativattatiti ya 4- loke
visattika imam loke visattikam sato tarati uttarati patarati samatikkamati
vitivattatiti somam visattikam loke sato samativattati. Tenaha bhagava
@Footnote: 1 Po. Yu. satikaraniyananca. 2 Ma. satiparipandhanam. 3 Ma. asammutthatta.
@4 Ma. loke va sa visattika loke va tam visattikam ....
Yo kame parivajjeti sappasseva pada siro
somam visattikam loke sato samativattatiti.
[15] Khettam vatthum hirannam va gavassam dasaporisam
thiyo bandhu puthu kame yo naro anugijjhati.
[16] Khettam vatthum hirannam vati khettanti salikkhettam vihikkhettam
muggakkhettam masakkhettam yavakkhettam godhumakkhettam tilakkhettam .
Vatthunti gharavatthu kotthavatthu purevatthu pacchavatthu aramavatthu
viharavatthu . hirannanti hirannam vuccati kahapanoti khettam vatthum
hirannam va.
[17] Gavassam dasaporisanti gavanti gavo 1- vuccanti. Assati
pasukadayo vuccanti . dasati cattaro dasa antojatako daso
dhanakkitako daso samam va dasaviyam 2- upeti akamako 3- va dasaviyam 4-
upeti.
Amaya dasapi bhavanti heke
dhanena kitapi bhavanti dasa
samanca eke upayanti dasam 5-
bhayapanunnapi bhavanti dasa 6-.
Porisanti tayo purisa bhajaka kammakara upajivinoti gavassam dasaporisam.
[18] Thiyo bandhu puthu kameti thiyoti itthipariggaho vuccati .
@Footnote: 1 Ma. gava. 2 Ma. dasabyam. 3 Po. karamako. 4 Ma. Yu. dasavisayam.
@5 Ma. dasayam. 6 Ma. dasati.
Bandhuti cattaro bandhu natibandhavapi bandhu gottabandhavapi
bandhu mantabandhavapi bandhu sippabandhavapi bandhu . puthu kameti
bahu kame . ete puthu kama manapika rupa .pe. manapika
photthabbati thiyo bandhu puthu kame.
[19] Yo naro anugijjhatiti yoti yo yadiso yathayutto
yathavihito yathapakaro yanthanappatto yamdhammasamannagato
khattiyo va brahmano va vesso va suddo va gahattho va
pabbajito va devo va manusso va . naroti satto naro manavo
poso puggalo jivo jatu jantu indagu manujo . anugijjhatiti
kilesakamena vatthukamesu gijjhati anugijjhati paligijjhati
palibajjhatiti yo naro anugijjhati. Tenaha bhagava
khettam vatthum hirannam va gavassam dasaporisam
thiyo bandhu puthu kame yo naro anugijjhatiti.
[20] Abala nam baliyanti maddante nam parissaya
tato nam dukkhamanveti navam bhinnamivodakam.
[21] Abala nam baliyantiti abalati abala kilesa dubbala
appabala appathamaka hina nihina parihina omaka lamaka jatukka
paritta . te kilesa tam puggalam sahanti parisahanti abhibhavanti
ajjhottharanti pariyadiyanti maddantiti evampi abala nam
baliyanti . athava abalam puggalam dubbalam appabalam appathamakam
Hinam nihinam parihinam omakam lamakam jatukkam parittam yassa natthi saddhabalam
viriyabalam satibalam samadhibalam pannabalam hiribalam ottappabalam
te kilesa tam puggalam sahanti parisahanti abhibhavanti ajjhottharanti
pariyadiyanti maddantiti evampi abala nam baliyanti.
[22] Maddante nam parissayati parissayati 1- dve parissaya
pakataparissaya ca paticchannaparissaya ca.
{22.1} Katame pakataparissaya . Siha byaggha dipi acchataraccha
koka gomahisa hatthi ahi vicchika satapadi cora va assu manava
katakamma va akatakamma va cakkhurogo sotarogo ghanarogo
jivharogo kayarogo sisarogo kannarogo mukharogo dantarogo
kaso saso pinaso daho 2- jaro kucchirogo muccha pakkhandika
sula visucika kuttham gando kilaso soso apamaro daddu kandu
kacchu rakhasa vitacchika lohitam pittam madhumeho amsa pilaka bhagandala
pittasamutthana abadha semhasamutthana abadha vatasamutthana
abadha sannipatika abadha utuparinamaja abadha visamapariharaja
abadha opakkamika abadha kammavipakaja abadha sitam unham
jighaccha pipasa uccaro passavo damsamakasavatatapasirimsapasamphassa
iti va ime vuccanti pakataparissaya.
{22.2} Katame paticchannaparissaya. Kayaduccaritam vaciduccaritam manoduccaritam
@Footnote: 1 Po. Ma. Yu. ime patha natthi. 2 Ma. sabbatka dahoti dissati.
Kamacchandanivaranam byapadanivaranam thinamiddhanivaranam uddhaccakukkuccanivaranam
vicikicchanivaranam rago doso moho kodho upanaho makkho palaso
issa macchariyam maya satheyyam thambho sarambho mano atimano mado
pamado sabbe kilesa sabbe duccarita sabbe daratha sabbe parilaha
sabbe santapa sabbakusalabhisankhara ime vuccanti paticchannaparissaya.
{22.3} Parissayati kenatthena parissaya. Parisahantiti parissaya.
Parihanaya samvattantiti parissaya. Tatrasayati parissaya.
{22.4} Katham parisahantiti parissaya. Te parissaya tam puggalam sahanti
parisahanti abhibhavanti ajjhottharanti pariyadiyanti maddanti . evam
parisahantiti parissaya.
{22.5} Katham parihanaya samvattantiti parissaya . Te parissaya
kusalanam dhammanam parihanaya antarayaya samvattanti . katamesam
kusalanam dhammanam . sammapatipadaya anulomapatipadaya apaccanikapatipadaya
anvatthapatipadaya dhammanudhammapatipadaya silesu paripurikaritaya
indriyesu guttadvarataya bhojane mattannutaya jagariyanuyogassa
satisampajannassa catunnam satipatthananam bhavananuyogassa
catunnam sammappadhananam bhavananuyogassa catunnam iddhippadanam
bhavananuyogassa pancannam indriyanam bhavananuyogassa
pancannam balanam bhavananuyogassa sattannam bojjhanganam
Bhavananuyogassa ariyassa atthangikassa maggassa bhavananuyogassa
imesam kusalanam dhammanam parihanaya antarayaya samvattanti . evam
parihanaya samvattantiti parissaya.
{22.6} Katham tatrasayati parissaya. Tatthete papaka akusala
dhamma uppajjanti attabhavasannissaya . yatha bile bilasaya pana
sayanti dake dakasaya pana sayanti vane vanasaya pana sayanti rukkhe
rukkhasaya pana sayanti evameva tatthete papaka akusala dhamma
uppajjanti attabhavasannissayati evampi tatrasayati parissaya.
{22.7} Vuttam hetam bhagavata santevasiko bhikkhave bhikkhu sacariyako
dukkham na phasu viharati kathanca bhikkhave bhikkhu santevasiko sacariyako
dukkham na phasu viharati idha bhikkhave bhikkhuno cakkhuna rupam disva uppajjanti [1]-
papaka akusala dhamma sarasankappa sannojaniya tyassa anto
vasanti anvassavanti papaka akusala dhammati tasma santevasikoti
vuccati te nam samudacaranti 2- papaka akusala dhammati tasma
sacariyakoti vuccati puna caparam bhikkhave bhikkhuno sotena saddam sutva
ghanena gandham ghayitva jivhaya rasam sayitva kayena photthabbam
phusitva manasa dhammam vinnaya uppajjanti [3]- papaka akusala
dhamma sarasankappa sannojaniya tyassa anto vasanti anvassavanti
@Footnote: 1-3 Ma. ye . 2 Ma. samudacaranti nam.
Papaka akusala dhammati tasma santevasikoti vuccati te nam
samudacaranti papaka akusala dhammati tasma sacariyakoti vuccati
evam kho bhikkhave bhikkhu santevasiko sacariyako dukkham na phasu viharatiti.
Evampi tatrasayati parissaya.
{22.8} Vuttam hetam bhagavata tayome bhikkhave antaramala
antaraamitta antarasapatta antaravadhaka antarapaccatthika
katame tayo lobho bhikkhave antaramalo 1- antaraamitto antarasapatto
antaravadhako antarapaccatthiko doso bhikkhave antaramalo 2-
antaraamitto antarasapatto antaravadhako antarapaccatthiko
moho bhikkhave antaramalo 3- antaraamitto antarasapatto
antaravadhako antarapaccatthiko ime kho bhikkhave tayo antaramala
antaraamitta antarasapatta antaravadhaka antarapaccatthikati.
Anatthajanano lobho lobho cittappakopano
bhayamantarato jatam tam jano navabujjhati
luddho attham na janati luddho dhammam na passati
andhatamam tada hoti yam lobho sahate naram
anatthajanano doso doso cittappakopano
bhayamantarato jatam tam jano navabujjhati
kuddho attham na janati kuddho dhammam na passati
@Footnote:1-2-3 Ma. Yu. antaramalam. sabbattha idisameva.
Andhatamam tada hoti yam kodho 1- sahate naram
anatthajanano moho moho cittappakopano
bhayamantarato jatam tam jano navabujjhati
mulho attham na janati mulho dhammam na passati
andhatamam tada hoti yam moho sahate naranti.
Evampi tatrasayati parissaya.
{22.9} Vuttam hetam bhagavata tayo kho maharaja purisassa dhamma
ajjhattam uppajjamana uppajjanti ahitaya dukkhaya aphasuviharaya
katame tayo lobho kho maharaja purisassa dhammo ajjhattam uppajjamano
uppajjati ahitaya dukkhaya aphasuviharaya doso kho maharaja purisassa
dhammo ajjhattam uppajjamano uppajjati ahitaya dukkhaya aphasuviharaya
moho kho maharaja purisassa dhammo ajjhattam uppajjamano uppajjati
ahitaya dukkhaya aphasuviharaya ime kho maharaja tayo purisassa dhamma
ajjhattam uppajjamana uppajjanti ahitaya dukkhaya aphasuviharayati.
Lobho doso ca moho ca purisam papacetasam
himsanti attasambhuta tacasaramva samphalanti.
Evampi tatrasayati parissaya.
@Footnote: 1 Ma. doso.
{22.10} Vuttam hetam bhagavata
rago ca doso ca itonidana
arati rati lomahamso ito jato
ito samutthaya manovitakka
kumaraka dhankamivossajjantiti.
Evampi tatrasayati parissaya.
{22.11} Maddante nam parissayati te parissaya tam puggalam sahanti
parisahanti abhibhavanti ajjhottharanti pariyadiyanti maddantiti maddante
nam parissaya.
[23] Tato nam dukkhamanvetiti [1]- tato tato parissayato tam puggalam
dukkham anveti anugacchati anvayikam hoti jatidukkham anveti anugacchati
anvayikam hoti jaradukkham anveti anugacchati anvayikam hoti byadhidukkham
anveti anugacchati anvayikam hoti maranadukkham anveti anugacchati
anvayikam hoti sokaparidevadukkhadomanassupayasadukkham anveti
anugacchati anvayikam hoti nerayikadukkham tiracchanayonikadukkham
pittivisayikadukkham anveti anugacchati anvayikam hoti manusakadukkham
gabbhokkantimulakadukkham gabbhe thitimulakadukkham gabbhavutthana-
mulakadukkham jatassupanibandhikadukkham 2- jatassaparadheyyakadukkham
attupakkamadukkham parupakkamadukkham anveti anugacchati anvayikam
hoti dukkhadukkham anveti anugacchati anvayikam hoti sankharadukkham
@Footnote: 1 Ma. Yu. tatoti . 2 Ma. jatassupanibandhakam dukkham.
Viparinamadukkham cakkhurogo sotarogo ghanarogo jivharogo kayarogo
sisarogo kannarogo mukharogo dantarogo kaso saso pinaso daho
jaro kucchirogo muccha pakkhandika sula 1- visucika kuttham gando
kilaso soso apamaro daddu kandu kacchu rakhasa vitacchika lohitam
pittam madhumeho amsa pilaka bhagandala pittasamutthana abadha
semhasamutthana abadha vatasamutthana abadha sannipatika
abadha utuparinamaja abadha visamapariharaja abadha opakkamika
abadha kammavipakaja abadha sitam unham jighaccha pipasa uccaro
passavo damsamakasavatatapasirimsapasamphassadukkham matumaranadukkham
pitumaranadukkham bhatumaranadukkham bhaginimaranadukkham puttamaranadukkham
dhitumaranadukkham natibyasanadukkham bhogabyasanadukkham rogabyasanadukkham
silabyasanadukkham ditthibyasanadukkham anveti anugacchati anvayikam hotiti
tato nam dukkhamanveti.
[24] Navam bhinnamivodakanti yatha bhinnam navam udakam 2- anvayikam 3-
tato tato udakam anveti anugacchati anvayikam hoti puratopi udakam anveti
anugacchati anvayikam hoti pacchatopi hetthatopi passatopi udakam anveti
anugacchati anvayikam hoti evameva tato tato parissayato tam puggalam dukkham
anveti anugacchati anvayikam hoti jatidukkham anveti anugacchati anvayikam
hoti .pe. ditthibyasanadukkham anveti anugacchati anvayikam hotiti
@Footnote: 1 Ma. Yu. sula.. 2 Ma. dakamesi tato tato .... 3 Yu. anvayikanti pathapadam
@natthi.
Navam bhinnamivodakam. Tenaha bhagava
abala nam baliyanti maddante nam parissaya
tato nam dukkhamanveti navam bhinnamivodakanti.
[25] Tasma jantu sada sato kamani parivajjaye
te pahaya tare ogham navam sitvava paragu.
[26] Tasma jantu sada satoti tasmati tasma tamkarana tamhetu
tappaccaya tamnidana 1- etam adinavam sampassamano kamesuti
tasma . jantuti satto naro manavo poso puggalo jivo jatu
jantu indagu manujo . sadati sada sabbada sabbakalam niccakalam
dhuvakalam satatam samitam abbokinnam pokhanupokham 2- udakummikajatam
avici santati sahitam phusitam 3- purebhattam pacchabhattam purimayamam majjhimayamam
pacchimayamam kale junhe vasse hemante gimhe purime vayokhandhe
majjhime vayokhandhe pacchime vayokhandhe . satoti catuhi karanehi
sato kaye kayanupassanasatipatthanam bhavento sato vedanasu
citte dhammesu dhammanupassanasatipatthanam bhavento sato .
Aparehipi 4- catuhi karanehi sato .pe. so vuccati satoti tasma
jantu sada sato.
[27] Kamani parivajjayeti kamaniti uddanato dve kama
vatthukama ca kilesakama ca .pe. ime vuccanti vatthukama .pe.
@Footnote: 1 tamnidanantipi patho. 2 Ma. Yu. ponkhanuponkham. 3 Ma. phassitam. Po. Yu.
@phussitam. ito param evam natabbam. 4 ma pisaddo natthi.
Ime vuccanti kilesakama . kamani parivajjayeti dvihi karanehi
kame parivajjeyya vikkhambhanato va samucchedato va. Katham vikkhambhanato
kame parivajjeyya . atthikankalupama kama appassadatthenati
passanto vikkhambhanato kame parivajjeyya mamsapesupama kama
bahusadharanatthenati passanto vikkhambhanato kame parivajjeyya
tinukkupama kama anudahanatthenati passanto vikkhambhanato kame
parivajjeyya .pe. nevasannanasannayatanasamapattim bhaventopi 1-
vikkhambhanato kame parivajjeyya . evam vikkhambhanato kame parivajjeyya
.pe. Evam samucchedato kame parivajjeyyati kamani parivajjaye.
[28] Te pahaya tare oghanti teti vatthukame parijanitva kilesakame
pahaya pajahitva vinoditva byantikaritva anabhavangamitva
kamacchandanivaranam pahaya pajahitva vinoditva byantikaritva
anabhavangamitva byapadanivaranam thinamiddhanivaranam uddhaccakukkucca-
nivaranam vicikicchanivaranam pahaya pajahitva vinoditva byantikaritva
anabhavangamitva kamogham bhavogham ditthogham avijjogham tareyya uttareyya
patareyya samatikkameyya vitivatteyyati te pahaya tare ogham.
[29] Navam sitvava paraguti yatha garukam navam bharikam udakam
sincitva 2- osincitva chaddetva lahukaya navaya khippam lahum
@Footnote: 1 Ma. pisaddo natthi . 2 Ma. Yu. sitva.
Appakasireneva param gaccheyya evameva vatthukame parijanitva
kilesakame pahaya pajahitva vinoditva byantikaritva anabhavangamitva
kamacchandanivaranam byapadanivaranam thinamiddhanivaranam uddhacca-
kukkuccanivaranam vicikicchanivaranam pahaya pajahitva vinoditva
byantikaritva anabhavangamitva khippam lahum appakasireneva param
gaccheyya . param vuccati amatam nibbanam yo so sabbasankharasamatho
sabbupadhipatinissaggo tanhakkhayo virago nirodho nibbanam param
gaccheyya param adhigaccheyya param phuseyya param sacchikareyya .
Paraguti yopi param gantukamo sopi paragu yopi param gacchati sopi
paragu yopi param gato sopi paragu.
{29.1} Vuttam hetam bhagavata tinno paragato thale titthati
brahmanoti . brahmanoti kho bhikkhave arahato etam adhivacanam so
abhinnaparagu parinnaparagu pahanaparagu bhavanaparagu
sacchikiriyaparagu samapattiparagu abhinnaparagu sabbadhammanam
parinnaparagu sabbadukkhanam pahanaparagu sabbakilesanam bhavanaparagu
catunnam ariyamagganam sacchikiriyaparagu nirodhassa samapattiparagu
sabbasamapattinam so vasippatto paramippatto ariyasmim silasmim
vasippatto paramippatto ariyasmim samadhismim vasippatto
paramippatto ariyaya pannaya vasippatto paramippatto ariyaya
vimuttiya so paragato parappatto antagato antappatto
Kotigato kotippatto pariyantagato pariyantappatto vosanagato
vosanappatto tanagato tanappatto lenagato lenappatto
saranagato saranappatto abhayagato abhayappatto accutagato
accutappatto amatagato amatappatto nibbanagato nibbanappatto
so vutthavaso cinnacarano gataddho gatadiso gatakotiko
palitabrahmacariyo uttamaditthippatto bhavitamaggo pahinakileso
patividdhakuppo sacchikatanirodho dukkham tassa parinnatam samudayo
pahino maggo bhavito nirodho sacchikato abhinneyyam abhinnatam
parinneyyam parinnatam pahatabbam pahinam bhavetabbam bhavitam
sacchikatabbam sacchikatam
{29.2} so ukkhittapaligho sankinnaparikkho abbulhesiko
niraggalo ariyo pannaddhajo pannabharo visannutto pancangavippahino
chalangasamannagato ekarakkho caturapasseno panunnapaccekasacco
samavayasatthesano anavilasankappo passaddhakayasankharo suvimuttacitto
suvimuttapanno kevali vusitava uttamapuriso paramapuriso paramappattippatto
{29.3} so neva acinati 1- na apacinati apacinitva thito neva
pajahati na upadiyati pajahitva thito neva visineti 2- na ussineti visinetva
thito neva vidhupeti na sandhupeti vidhupetva thito asekkhena silakkhandhena
samannagatatta thito asekkhena samadhikkhandhena asekkhena pannakkhandhena
asekkhena vimuttikkhandhena asekkhena vimuttinanadassanakkhandhena
@Footnote: 1 Po. neva acinnati na apacinati apaviditva. Ma. nevacinati. 2 Ma. neva
@samsibbati.
Samannagatatta thito saccam patipadayitva thito evam 1- samatikkamitva
thito kilesaggim pariyadayitva thito aparigamanataya thito kutam 2- samadaya
thito muttipatisevanataya thito mettaya parisuddhiya thito karunaya
muditaya upekkhaya parisuddhiya thito accantaparisuddhiya thito
akammannataya 3- parisuddhiya thito vimuttatta thito santusitatta
thito khandhapariyante thito dhatupariyante thito ayatanapariyante thito
gatipariyante thito upapattipariyante thito patisandhipariyante thito
bhavapariyante thito samsarapariyante thito vattapariyante thito antimabhave
thito antimasamussaye thito antimadehadharo araha.
Tassayam pacchimako bhavo carimoyam samussayo
jatimaranasamsaro natthi tassa punabbhavoti.
Navam sitvava paragu. Tenaha bhagava
tasma jantu sada sato kamani parivajjaye
te pahaya tare ogham navam sitvava paraguti.
Pathamo kamasuttaniddeso nitthito.
--------------
@Footnote: 1 Ma. Yu. ejam. 2 Ma. Yu. katam. 3 Ma. akamyataya.
Dutiyo guhatthakasuttaniddeso
[30] Satto guhayam bahunabhichanno
tittham naro mohanasmim pagalho
dure viveka hi tathavidho so
kama hi loke na hi suppahaya.
[31] Satto guhayam bahunabhichannoti sattoti hi kho vuttam. Apica
guha tava vattabba . guha vuccati kayo. Kayoti va guhati va
dehoti va sandehoti va navati va rathoti va dhajoti va vammikoti
va niddhanti va nagaranti va kutiti va gandoti va kumbhoti 1- va [2]-
kayassetam adhivacanam . satto guhayanti guhayam satto visatto asatto
laggo laggito palibuddho . yatha bhittikhile va nagadante va bhandam
sattam visattam asattam laggam laggitam palibuddham evameva guhayam satto
visatto asatto laggo laggito palibuddho.
{31.1} Vuttam hetam bhagavata rupe kho [3]- yo chando yo
rago ya nandi ya tanha ye upayupadana cetaso
adhitthanabhinivesanusaya tatrasatto 4- tasma sattoti
vuccatiti . sattoti lagganadhivacananti satto guhayam . Bahunabhichannoti
bahukehi kilesehi channo ragena channo dosena channo mohena
@Footnote: 1 Yu. kummo. 2 Po. Ma. Yu. nagoti va. 3 Ma. Yu. radha-iti atthi.
@4 Ma. Yu. tatra satto tatra visatto.
Channo kodhena channo upanahena channo makkhena channo palasena
channo issaya channo macchariyena channo mayaya channo satheyyena
channo thambhena channo sarambhena channo manena channo atimanena
channo madena channo pamadena channo sabbakilesehi sabbaduccaritehi
sabbadarathehi sabbaparilahehi sabbasantapehi sabbakusalabhisankharehi
channo ucchanno avuto nivuto ophuto 1- pihito paticchanno
patikujjitoti satto guhayam bahunabhichanno.
[32] Tittham naro mohanasmim pagalhoti tittham naroti titthanto naro
ratto ragavasena titthati duttho dosavasena titthati mulho mohavasena
titthati vinibandho manavasena titthati paramattho ditthivasena titthati
vikkhepagato uddhaccavasena titthati anitthangato vicikicchavasena titthati
thamagato anusayavasena titthatiti 2- evampi tittham naro.
{32.1} Vuttam hetam bhagavata santi bhikkhave cakkhuvinneyya rupa
ittha kanta manapa piyarupa kamupasanhita rajaniya tance
bhikkhu abhinandati abhivadati ajjhosaya titthati santi bhikkhave
sotavinneyya sadda ghanavinneyya gandha jivhavinneyya
rasa kayavinneyya photthabba manovinneyya dhamma ittha
kanta manapa piyarupa kamupasanhita rajaniya tance bhikkhu
abhinandati abhivadati ajjhosaya titthatiti. Evampi tittham naro.
@Footnote: 1 Ma. Yu. ovuto. 2 Ma. itisaddo natthi.
{32.2} Vuttam hetam bhagavata rupupayam 1- va bhikkhave vinnanam
titthamanam titthati ruparammanam rupappatittham nandupasevanam 2- vuddhim
virulhim vepullam apajjati vedanupayam va bhikkhave sannupayam va
bhikkhave sankharupayam va bhikkhave vinnanam titthamanam titthati
sankhararammanam sankharappatittham nandupasevanam vuddhim virulhim
vepullam apajjatiti. Evampi tittham naro.
{32.3} Vuttam 3- hetam bhagavata kavalinkare ce bhikkhave ahare
atthi rago atthi nandi atthi tanha patitthitam tattha vinnanam virulham
yattha patitthitam vinnanam virulham atthi tattha namarupassavakkanti
yattha atthi namarupassavakkanti atthi tattha sankharanam vuddhi yattha
atthi sankharanam vuddhi atthi tattha ayatim punabbhavabhinibbatti yattha
atthi ayatim punabbhavabhinibbatti atthi tattha ayatim jatijaramaranam
yattha atthi ayatim jatijaramaranam sasokantam bhikkhave sarajam saupayasanti
vadami 4-.
{32.4} Phasse ce bhikkhave ahare manosancetanaya ce bhikkhave
ahare vinnane ce bhikkhave ahare atthi rago atthi nandi atthi
tanha patitthitam tattha vinnanam virulham yattha patitthitam vinnanam
virulham atthi tattha namarupassavakkanti yattha atthi namarupassavakkanti
atthi tattha sankharanam vuddhi yattha atthi sankharanam vuddhi atthi tattha
ayatim punabbhavabhinibbatti yattha atthi ayatim punabbhavabhinibbatti
@Footnote: 1 Ma. Yu. rupupayam .. sankharupayam. sabbattha idisameva. 2 Ma. nandupasecanam.
@3 Ma. Yu. vuttampi hetam. 4 Po. Ma. vadamiti evampi tittham naro. sabbattha
@idisameva.
Bhinibbatti atthi tattha ayatim jatijaramaranam yattha atthi ayatim
jatijaramaranam sasokantam bhikkhave sarajam saupayasanti vadamiti .
Evampi tittham naro.
{32.5} Mohanasmim pagalhoti mohana vuccanti panca kamaguna
cakkhuvinneyya rupa ittha kanta manapa piyarupa kamupasanhita
rajaniya sotavinneyya sadda ghanavinneyya gandha jivhavinneyya
rasa kayavinneyya photthabba ittha kanta manapa piyarupa
kamupasanhita rajaniya . kimkarana mohana vuccanti panca kamaguna.
Yebhuyyena devamanussa pancasu kamagunesu muyhanti sammuyhanti
sampamuyhanti mulha sammulha sampamulha avijjaya andhikata avuta
nivuta ophuta pihita paticchanna patikujjita tamkarana mohana
vuccanti panca kamaguna . mohanasmim pagalhoti mohanasmim pagalho
ogalho ajjhogalho nimuggoti tittham naro mohanasmim pagalho.
[33] Dure viveka hi tathavidho soti vivekati tayo viveka kayaviveko
cittaviveko upadhiviveko.
{33.1} Katamo kayaviveko . idha bhikkhu vivittam senasanam bhajati
arannam rukkhamulam pabbatam kandaram giriguham susanam vanapattham abbhokasam
palalapunjam kayena ca vivitto viharati so eko gacchati eko
titthati eko nisidati eko seyyam kappeti eko gamam
Pindaya pavisati eko patikkamati eko raho nisidati eko cankamam
adhitthati eko carati viharati iriyati vattati paleti yapeti yapeti
ayam kayaviveko.
{33.2} Katamo cittaviveko . Pathamam jhanam samapannassa nivaranehi
cittam vivittam hoti dutiyam jhanam samapannassa vitakkavicarehi cittam
vivittam hoti tatiyam jhanam samapannassa pitiya cittam vivittam hoti catuttham
jhanam samapannassa sukhadukkhehi cittam vivittam hoti akasanancayatanam
samapannassa rupasannaya patighasannaya nanattasannaya cittam
vivittam hoti vinnanancayatanam samapannassa akasanancayatana-
sannaya cittam vivittam hoti akincannayatanam samapannassa
vinnanancayatanasannaya cittam vivittam hoti nevasannanasannayatanam
samapannassa akincannayatanasannaya cittam vivittam hoti
sotapannassa sakkayaditthiya vicikicchaya silabbattaparamasa
ditthanusaya vicikicchanusaya tadekatthehi ca kilesehi cittam vivittam
hoti sakadagamissa olarika kamaragasannojana patighasannojana
olarika kamaraganusaya patighanusaya tadekatthehi ca kilesehi
cittam vivittam hoti anagamissa anusahagata kamaragasannojana
patighasannojana anusahagata kamaraganusaya patighanusaya
tadekatthehi ca kilesehi cittam vivittam hoti arahato ruparaga aruparaga
mana uddhacca avijjaya mananusaya bhavaraganusaya avijjanusaya
Tadekatthehi ca kilesehi bahiddha ca sabbanimittehi cittam vivittam
hoti ayam cittaviveko.
{33.3} Katamo upadhiviveko. Upadhi vuccanti kilesa ca khandha ca
abhisankhara ca . upadhiviveko vuccati amatam nibbanam yo so 1-
sabbasankharasamatho sabbupadhipatinissaggo tanhakkhayo virago
nirodho nibbanam ayam upadhiviveko.
{33.4} Kayaviveko ca vupakatthakayanam 2- nekkhammabhiratanam
cittaviveko ca parisuddhacittanam paramavodanappattanam upadhiviveko ca
nirupadhinam puggalanam visankharagatanam.
{33.5} Dure viveka hiti yo so evam guhayam satto evam bahukehi
kilesehi channo evam mohanasmim pagalho so kayavivekapi dure
cittavivekapi dure upadhivivekapi dure vidure suvidure na santike na
samanta anasanne anupakatthe 3- . tathavidhoti tathavidho 4-
tadiso tassanthito tappakaro tappatibhago yo so mohanasmim
pagalhoti dure viveka hi tathavidho so.
[34] Kama hi loke na hi suppahayati kamati uddanato
dve kama vatthukama ca kilesakama ca.
{34.1} Katame vatthukama . manapika rupa manapika sadda
manapika gandha manapika rasa manapika photthabba attharana papurana
dasidasa ajelaka kukkutasukara hatthigavassavalava khettam vatthu
@Footnote: 1 Po. Ma. ayam patho natthi. 2 Ma. vivekatthakayanam. 3 Po. navakatthe.
@Ma. vivekatthe. 4 Po. Ma. ayam patho natthi.
Hirannam suvannam gamanigamarajadhaniyo ratthanca janapado ca koso
ca kotthagaranca yankinci rajaniyavatthu vatthukama . apica atita
kama anagata kama paccuppanna kama ajjhatta kama
bahiddha kama ajjhattabahiddha kama hina kama majjhima
kama panita kama apayika kama manusika kama dibba
kama paccupatthita kama nimmita kama paranimmita kama
pariggahita kama apariggahita kama mamayita kama amamayita
kama sabbepi kamavacara dhamma sabbepi rupavacara dhamma
sabbepi arupavacara dhamma tanhavatthuka tanharammana
kamaniyatthena rajaniyatthena madaniyatthena kama ime vuccanti
vatthukama.
{34.2} Katame kilesakama. Chando kamo rago kamo chandarago
kamo sankappo kamo rago kamo sankapparago kamo yo kamesu
kamacchando kamarago kamanandi kamatanha kamasneho
kamaparilaho kamamuccha kamajjhosanam kamogho kamayogo
kamupadanam kamacchandanivaranam
addasam kama te mulam sankappa kama jayasi
na tam sankappayissami evam kama na hehisi.
Ime vuccanti kilesakama . loketi apayaloke manussaloke
devaloke khandhaloke dhatuloke ayatanaloke . kama hi loke
Na hi suppahayati kama hi loke duppahaya duccaja duppariccaja
dunnimmadaya [1]- dubbinivedhaya duttara duppatara dussamatikkama
dubbitivattati 2- kama hi loke na hi suppahaya. Tenaha bhagava
satto guhayam bahunabhichanno
tittham naro mohanasmim pagalho
dure viveka hi tathavidho so
kama hi loke na hi suppahayati.
[35] Icchanidana bhavasatabaddha 3-
te duppamunca na hi annamokkha
paccha pure vapi apekkhamana
imeva kame purimeva jappam.
[36] Icchanidana bhavasatabaddhati icchati vuccati tanha
yo rago sarago anunayo anurodho nandi nandirago cittassa
sarago iccha muccha ajjhosanam gedho paligedho sango panko
eja maya janika sanjanani sibbini jalini sarita visattika
suttam visata ayuhani dutiya panidhi bhavanetti vanam vanatho
santhavo sneho apekkha patibandha 4- asa asimsana
asimsitattam rupasa saddasa gandhasa rasasa photthabbasa
labhasa dhanasa puttasa jivitasa jappa pajappa
@Footnote: 1 Ma. dunnivethaya. Yu. dunnivedhaya. 2 Ma. dubbinivattati. 3 katthaci
@potthake bhavasatabandhati patho dissati. 4 Po. Ma. patibandhu. Yu. patibandho.
Abhijappa jappa jappana jappitattam loluppa loluppayana
loluppayitattam pucchancikata 1- sadhukamyata adhammarago
visamalobho nikanti nikamana patthana pihana sampatthana
kamatanha bhavatanha vibhavatanha rupatanha arupatanha
nirodhatanha rupatanha saddatanha gandhatanha rasatanha
photthabbatanha dhammatanha ogho yogo gantho upadanam avaranam
nivaranam chadanam bandhanam upakkileso anusayo pariyutthanam lata veviccham
dukkhamulam dukkhanidanam dukkhappabhavo marapaso marabalisam maravisayo
tanhanadi tanhajalam tanhagaddulam tanhasamuddo abhijjha
lobho akusalamulam . icchanidanati icchanidana 2- icchahetuka
icchapaccaya icchakarana icchapabhavati icchanidana.
{36.1} Bhavasatabaddhati ekam bhavasatam sukha vedana . Dve
bhavasatani sukha ca vedana itthanca vatthu . tini bhavasatani
yobbannam arogyam jivitam . cattari bhavasatani labho yaso
pasamsa sukham . panca bhavasatani manapika rupa manapika sadda
manapika gandha manapika rasa manapika photthabba . cha
bhavasatani cakkhusampada sotasampada ghanasampada jivhasampada
kayasampada manosampada . bhavasatabaddhati sukhaya vedanaya baddha
itthasmim vatthusmim baddha yobbanne baddha arogye baddha
jivite baddha labhe baddha yase baddha pasamsaya baddha sukhe
@Footnote: 1 Po. muncikata. Ma. pucchanchikata. Yu. mucchanchikata. 2 Ma. icchanidanaka.
Baddha manapikesu rupesu baddha saddesu gandhesu rasesu manapikesu
photthabbesu baddha cakkhusampadaya baddha sotasampadaya
ghanasampadaya jivhasampadaya kayasampadaya manosampadaya
baddha vinibaddha abaddha lagga laggita palibuddhati icchanidana
bhavasatabaddha.
[37] Te duppamunca na hi annamokkhati te va bhavasatavatthu
duppamunca satta va etto dummocaya.
{37.1} Katham te bhavasatavatthu duppamunca. Sukha vedana dummunca
ittham vatthu dummuncam yobbannam dummuncam arogyam dummuncam
jivitam dummuncam labho dummunco yaso dummunco pasamsa dummunca
sukham dummuncam manapika rupa dummunca manapika sadda gandha
rasa photthabba dummunca cakkhusampada dummunca sotasampada
ghanasampada jivhasampada kayasampada manosampada dummunca
duppamunca dummocaya duppamocaya dunnimmadaya dubbinivedhaya
duttara duppatara dussamatikkama dubbitivatta . evante bhavasatavatthu
duppamunca.
{37.2} Katham satta etto dummocaya . sukhaya vedanaya
satta dummocaya itthasma vatthusma dummocaya yobbanna
dummocaya arogya dummocaya jivita dummocaya labha
dummocaya yasa dummocaya pasamsaya dummocaya sukha
Dummocaya manapikehi rupehi dummocaya manapikehi saddehi
gandhehi rasehi photthabbehi dummocaya cakkhusampadaya dummocaya
sotasampadaya ghanasampadaya jivhasampadaya kayasampadaya
manosampadaya dummocaya duppamocaya duruddhara dussamuddhara
dubbutthapana 1- dussamutthapana . evam satta etto
dummocayati te duppamunca.
{37.3} Na hi annamokkhati te attana palipapalipanna na
sakkonti param palipapalipannam uddharitum . vuttam hetam bhagavata so vata
cunda attana palipapalipanno param palipapalipannam uddharissatiti
netam thanam vijjati so vata cunda attana adanto avinito aparinibbuto
param damessati vinessati parinibbapessatiti netam thanam vijjatiti .
Evam na hi annamokkha . athava natthanno koci mocetum 2- te
yadi mucceyyum sakena thamena sakena balena sakena viriyena sakena
parakkamena sakena purisathamena sakena purisabalena sakena purisaviriyena
sakena purisaparakkamena attana sammapatipadam anulomapatipadam
apaccanikapatipadam anvatthapatipadam dhammanudhammapatipadam patipajjamana
mucceyyunti. Evampi na hi annamokkha.
{37.4} Vuttam hetam bhagavata
naham samissami pamocanaya
kathamkathim dhotaka kanci loke
@Footnote: 1 Ma. dubbutthapaya dussamutthapaya dunnivethaya dubbinivethaya duttara duppatara
@dussamatikkama dubbinivatta. 2 Ma. Yu. moceta.
Dhammanca settham abhijanamano
evam tuvam oghamimam taresiti.
Evampi na hi annamokkha.
{37.5} Vuttam hetam bhagavata
attana pakatam papam attana sankilissati
attana akatam papam attanava visujjhati
suddhi asuddhi paccattam nanno annam visodhayeti.
Evampi na hi annamokkha . vuttam hetam bhagavata evameva kho
brahmana titthateva nibbanam titthati nibbanagamimaggo titthamaham
samadapeta atha ca pana mama savaka maya evam ovadiyamana evam
anusasiyamana appekacce accantanittham nibbanam aradhenti
ekacce naradhenti ettha kyaham brahmana karomi maggakkhayi
brahmana tathagato maggam buddho acikkhati attana patipajjamana
mucceyyunti . evampi na hi annamokkhati te duppamunca na hi
annamokkha.
[38] Paccha pure vapi apekkhamanati paccha vuccati anagatam
pure vuccati atitam . apica atitam upadaya anagatanca paccuppannanca
paccha anagatam upadaya atitanca paccuppannanca pure.
{38.1} Katham pure apekkham karoti. Evamrupo ahosim atitamaddhananti
tattha nandim samanvagameti 1- evamvedano ahosim evamsanno ahosim
@Footnote: 1 Po. Ma. samannaneti. sabbattha idisameva.
Evamsankharo ahosim evamvinnano ahosim atitamaddhananti tattha
nandim samanvagameti . evampi pure apekkham karoti. Athava iti me
cakkhu ahosi atitamaddhanam iti rupati tattha chandaragapatibaddham
hoti vinnanam chandaragapatibaddhatta vinnanassa tadabhinandati
tadabhinandanto evampi pure apekkham karoti . iti me sotam ahosi
atitamaddhanam iti saddati . iti me ghanam ahosi atitamaddhanam
iti gandhati . iti me jivha ahosi atitamaddhanam iti rasati .
Iti me kayo ahosi atitamaddhanam iti photthabbati . iti me
mano ahosi atitamaddhanam iti dhammati tattha chandaragapatibaddham
hoti vinnanam chandaragapatibaddhatta vinnanassa tadabhinandati
tadabhinandanto evampi pure apekkham karoti . athava yanissa 1-
tani pubbe matugamena saddhim hasitalapitakilitani tadassadeti tam
nikameti tena ca vittim apajjati. Evampi pure apekkham karoti.
{38.2} Katham paccha apekkham karoti. Evamrupo siyam anagatamaddhananti
tattha nandim samanvagameti evamvedano siyam evamsanno siyam evamsankharo
siyam evamvinnano siyam anagatamaddhananti tattha nandim samanvagameti .
Evampi paccha apekkham karoti. Athava iti me cakkhu siya anagatamaddhanam
iti rupati appatiladdhassa patilabhaya cittam panidahati cetaso panidhana-
paccaya tadabhinandati tadabhinandanto evampi paccha apekkham karoti .
@Footnote: 1 Yu. yanassu.
Iti me sotam siya anagatamaddhanam iti saddati. Iti me ghanam siya
anagatamaddhanam iti gandhati . iti me jivha siya anagatamaddhanam
iti rasati . iti me kayo siya anagatamaddhanam iti photthabbati.
Iti me mano siya anagatamaddhanam iti dhammati appatiladdhassa
patilabhaya cittam panidahati cetaso panidhanapaccaya tadabhinandati
tadabhinandanto evampi paccha apekkham karoti . athava iminaham silena
va vattena va tapena va brahmacariyena va devo va bhavissami
devannataro vati appatiladdhassa patilabhaya cittam panidahati
cetaso panidhanapaccaya tadabhinandati tadabhinandanto evampi paccha
apekkham karotiti paccha pure vapi apekkhamana.
[39] Imeva kame purimeva jappanti imeva kameti paccuppanne
panca kamagune icchanta sadiyanta patthayanta pihayanta
abhijappanta . purimeva jappanti atite panca kamagune jappanta
pajappanta abhijappantati imeva kame purimeva jappam. Tenaha bhagava
icchanidana bhavasatabaddha
te duppamunca na hi annamokkha
paccha pure vapi apekkhamana
imeva kame purimeva jappanti.
[40] Kamesu giddha pasuta pamulha
avadaniya te visame nivittha
dukkhupanita paridevayanti
kimsu bhavissama ito cutase.
[41] Kamesu giddha pasuta pamulhati kamati uddanato dve
kama vatthukama ca kilesakama ca .pe. ime vuccanti vatthukama
.pe. ime vuccanti kilesakama . gedho vuccati tanha yo rago
sarago .pe. abhijjha lobho akusalamulam . Kilesakamena vatthukamesu
ratta giddha gadhita mucchita ajjhopanna 1- lagga laggita
palibuddhati kamesu giddha . pasutati yepi kame esanti gavesanti
pariyesanti taccarita tabbahula taggaruka tanninna tappona
tappabbhara tadadhimutta tadadhipateyya tepi kamappasuta.
{41.1} Yepi tanhavasena rupe esanti gavesanti pariyesanti
sadde gandhe rase photthabbe esanti gavesanti pariyesanti taccarita
tabbahula taggaruka tanninna tappona tappabbhara tadadhimutta
tadadhipateyya tepi kamappasuta . yepi tanhavasena rupe patilabhanti
sadde gandhe rase photthabbe patilabhanti taccarita tabbahula
taggaruka tanninna tappona tappabbhara tadadhimutta
tadadhipateyya tepi kamappasuta . yepi tanhavasena rupe
@Footnote: 1 ajjhosannatipi patho.
Paribhunjanti sadde gandhe rase photthabbe paribhunjanti taccarita
tabbahula taggaruka tanninna tappona tappabbhara tadadhimutta
tadadhipateyya tepi kamappasuta . yatha kalahakarako kalahappasuto
kammakarako kammappasuto gocare caranto gocarappasuto jhayi
jhanappasuto evameva yepi kame esanti gavesanti pariyesanti
taccarita tabbahula taggaruka tanninna tappona tappabbhara
tadadhimutta tadadhipateyya tepi kamappasuta . yepi tanhavasena
rupe esanti gavesanti pariyesanti sadde gandhe rase photthabbe
esanti gavesanti pariyesanti taccarita tabbahula taggaruka
tanninna tappona tappabbhara tadadhimutta tadadhipateyya
tepi kamappasuta.
{41.2} Yepi tanhavasena rupe patilabhanti sadde gandhe rase
photthabbe patilabhanti taccarita tabbahula taggaruka tanninna
tappona tappabbhara tadadhimutta tadadhipateyya tepi kamappasuta .
Yepi tanhavasena rupe paribhunjanti sadde gandhe rase photthabbe
paribhunjanti taccarita tabbahula taggaruka tanninna tappona
tappabbhara tadadhimutta tadadhipateyya tepi kamappasuta.
{41.3} Pamulhati yebhuyyena devamanussa pancasu kamagunesu muyhanti
sammuyhanti 1- sampamuyhanti mulha sammulha sampamulha avijjaya andhikata 2-
@Footnote: 1 Po. pamuyhanti. 2 andhigatatipi patho.
Avuta nivuta ophuta pihita paticchanna patikujjitati kamesu giddha
pasuta pamulha.
[42] Avadaniya te visame nivitthati avadaniyati avangacchantitipi 1-
avadaniya . maccharinopi vuccanti avadaniya. Buddhanam buddhasavakanam 2-
vacanam byappatham desanam anusitthim nadiyantiti avadaniya.
{42.1} Katham avangacchantiti avadaniya. Avangacchantiti nirayam gacchanti
tiracchanayonim gacchanti pittivisayam gacchantiti evam avangacchantiti avadaniya.
{42.2} Katham maccharino vuccanti avadaniya . Panca macchariyani
avasamacchariyam kulamacchariyam labhamacchariyam vannamacchariyam dhammamacchariyam
yam evarupam macchariyam maccharayana maccharayitattam veviccham kadariyam katukancakata
aggahitattam cittassa idam vuccati macchariyam . Apica khandhamacchariyampi macchariyam
dhatumacchariyampi macchariyam ayatanamacchariyampi macchariyam gaho idam vuccati
macchariyam . imina macchariyena avadannutaya samannagata jana pamatta
evam maccharino vuccanti avadaniya.
{42.3} Katham buddhanam buddhasavakanam vacanam byappatham desanam anusitthim
nadiyantiti avadaniya . buddhanam buddhasavakanam vacanam byappatham
desanam anusitthim nadiyanti na sussusanti na sotam odahanti na
@Footnote: 1 Ma. avagacchantitipi. 2 Po. Ma. savakanam.
Anna cittam upatthapenti anassava avacanakara patilomavuttino
anneneva mukham karonti evam buddhanam buddhasavakanam vacanam byappatham
desanam anusitthim nadiyantiti avadaniya.
{42.4} Te visame nivitthati visame kayakamme nivittha visame
vacikamme nivittha visame manokamme nivittha visame panatipate
nivittha visame adinnadane nivittha visame kamesu micchacare
nivittha visame musavade nivittha visamaya pisunaya vacaya nivittha
visamaya pharusaya vacaya nivittha visame samphappalape nivittha
visamaya abhijjhaya nivittha visame byapade nivittha visamaya
micchaditthiya nivittha visamesu sankharesu nivittha visamesu pancasu
kamagunesu nivittha visamesu pancasu nivaranesu nivittha visamaya
cetanaya visamaya patthanaya visamaya panidhiya nivittha patitthita
allina upagata ajjhosita adhimutta lagga laggita palibuddhati
avadaniya te visame nivittha.
[43] Dukkhupanita paridevayantiti dukkhupanitati dukkhupanita
dukkhappatta dukkhasampatta dukkhupagata marappatta marasampatta
marupagata maranappatta maranasampatta maranupagatati dukkhupanita .
Paridevayantiti lapanti lalapanti socanti kilamanti paridevanti
urattalim kandanti sammoham apajjantiti dukkhupanita paridevayanti.
The Pali Tipitaka in Roman Character Volume 29 page 1-43.
https://84000.org/tipitaka/read/roman_item.php?book=29&item=1&items=43
Classified by [Item Number] :-
http://84000.org/tipitaka/read/roman_item.php?book=29&item=1&items=43&mode=bracket
Compare with The Pali Tipitaka in Thai Character :-
https://84000.org/tipitaka/read/pali_item.php?book=29&item=1&items=43
Compare with The Royal Version of Thai Tipitaka :-
https://84000.org/tipitaka/read/byitem.php?book=29&item=1&items=43
Study Atthakatha :-
https://84000.org/tipitaka/attha/attha.php?b=29&i=1
Contents of The Tipitaka Volume 29
https://84000.org/tipitaka/read/?index_29
https://84000.org/tipitaka/english/?index_29
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]
