บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[752] Tandim mayam hasam khiddam methunam vippajahe savibhusanti tanditi ya tandi tandiyana tandiyitattam tandimanattam 1- alasiyam alasayana alasayitattam ayam 2- vuccati tandi . Mayati 2- maya vuccati vancanika cariya . idhekacco kayena duccaritam caritva vacaya duccaritam caritva manasa duccaritam caritva tassa paticchadanahetu papikam iccham pahadati 3- ma mam jannati icchati ma mam jannati sankappeti ma mam jannati vacam bhasati ma mam jannati kayena parakkamati . ya evarupa maya mayavita accasara vancana nikati nikirana niharana pariharana guhana pariguhana chadana paricchadana anuttanikammam anavikammam vocchadana papakiriya ayam vuccati maya . hasanti idhekacco ativelam dantavidamsakam hasati. Vuttam hetam bhagavata kumarakamidam bhikkhave ariyassa vinaye yadidam ativelam dantavidamsakam hasitanti. {752.1} Khiddati dve khidda kayika ca khidda vacasika ca khidda. {752.2} Katama kayika khidda . hatthihipi kilanti assehipi kilanti rathehipi kilanti dhanuhipi kilanti atthapadehipi kilanti dasapadehipi kilanti akasehipi kilanti pariharapathehipi kilanti santikayapi @Footnote: 1 Ma. tandimanakata. 2 Ma. ime patha na dissanti. 3 Ma. Yu. panidahati. Kilanti khalikayapi kilanti ghatikayapi kilanti salakahatthenapi kilanti akkhenapi kilanti pankacirenapi kilanti vankakenapi kilanti mokkhacikayapi kilanti cingulakenapi kilanti pattalhakenapi kilanti rathakenapi kilanti dhanukenapi kilanti akkharikayapi kilanti manesikayapi kilanti yathavajjenapi kilanti ayam kayika khidda. {752.3} Katama vacasika khidda . mukhabheriyam mukhalambadam mukhadendimakam 1- mukhavalimakam mukhabherulakam mukhadaddarikam natikam lasam 2- gitam davakammam ayam vacasika khidda. {752.4} Methunadhammo nama yo so asaddhammo gamadhammo vasaladhammo dutthullo odakantiko rahasso dvayadvayasamapatti . Kimkarana vuccati methunadhammo . ubhinnam rattanam sarattanam avassutanam pariyutthitanam pariyadinnacittanam ubhinnam sadisanam dhammoti tamkarana vuccati methunadhammo . yatha ubho kalahakaraka [3]- ubho bhandanakaraka ubho bhassakaraka ubho vivadakaraka ubho adhikaranakaraka ubho vadino ubho sallapaka methunakati vuccanti evameva ubhinnam rattanam sarattanam avassutanam pariyutthitanam pariyadinnacittanam ubhinnam sadisanam dhammoti tamkarana vuccati methunadhammo. {752.5} Vibhusati dve vibhusa atthi agariyassa vibhusa atthi pabbajitassa vibhusa. {752.6} Katama agariyassa vibhusa. Kesa ca massu ca mala ca @Footnote: 1 Ma. mukhabherikam mukhalambaram mukhabindimakam. 2 Ma. natakam lapam. 3 Ma. methunakati @vuccanti. Gandha ca vilepana ca abharana ca pilandhana ca vatthanca pasadhananca vetthananca ucchadanam parimaddanam nhapanam sambahanam adasam anjanam malavilepanam mukhacunnakam mukhalepam hatthabandham vasikkhabandham 1- dandam naliyam khaggam chattam citra upahana unhisam mani valavijani odatani vatthani digharassani 2- iti va ayam agariyassa vibhusa. {752.7} Katama pabbajitassa vibhusa. Civaramandana pattamandana [3]- imassa va putikayassa bahiranam parikkharanam mandana vibhusana kelana parikelana gedhikata gedhitattam capalana 4- capalyam ayam pabbajitassa vibhusa. {752.8} Tandim mayam hasam khiddam methunam vippajahe savibhusanti tandinca mayanca hasanca khiddanca methunadhammanca savibhusam saparivaram saparibhandam saparikkharam pajaheyya vinodeyya byantikareyya anabhavangameyyati tandim mayam hasam khiddam methunam vippajahe savibhusam. Tenaha bhagava niddam na bahulikareyya jagariyam bhajeyya atapi tandim mayam hasam khiddam methunam vippajahe savibhusanti.The Pali Tipitaka in Roman Character Volume 29 page 458-460. https://84000.org/tipitaka/read/roman_item.php?book=29&item=752&items=1 Classified by [Item Number] :- http://84000.org/tipitaka/read/roman_item.php?book=29&item=752&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=29&item=752&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=29&item=752&items=1 Study Atthakatha :- https://84000.org/tipitaka/attha/attha.php?b=29&i=752 Contents of The Tipitaka Volume 29 https://84000.org/tipitaka/read/?index_29 https://84000.org/tipitaka/english/?index_29
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]