บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
Pattavaggassa dutiyasikkhapadam [102] Tena samayena buddho bhagava savatthiyam viharati jetavane anathapindikassa arame . tena kho pana samayena sambahula bhikkhuniyo gamakavase vassam vuttha savatthim agamamsu vattasampanna iriyapathasampanna duccola 1- lukhacivara . upasaka ta bhikkhuniyo passitva ima bhikkhuniyo vattasampanna iriyapathasampanna duccola lukhacivara ima bhikkhuniyo acchinna bhavissantiti bhikkhunisanghassa akalacivaram adamsu. {102.1} Thullananda bhikkhuni amhakam kathinam atthatam kalacivaranti adhitthahitva bhajapesi . upasaka ta bhikkhuniyo passitva etadavocum apayyahi civaram laddhanti . na mayam avuso civaram labhama ayya thullananda amhakam kathinam atthatam kalacivaranti adhitthahitva bhajapesiti . upasaka ujjhayanti khiyanti vipacenti katham hi nama ayya thullananda akalacivaram kalacivaranti adhitthahitva bhajapessatiti . assosum kho bhikkhuniyo tesam upasakanam ujjhayantanam khiyantanam vipacentanam . ya ta bhikkhuniyo appiccha .pe. ta ujjhayanti khiyanti vipacenti katham hi nama ayya thullananda akalacivaram kalacivaranti adhitthahitva bhajapessatiti . athakho ta bhikkhuniyo bhikkhunam etamattham arocesum . bhikkhu bhagavato etamattham arocesum .pe. saccam kira @Footnote: 1 Ma. duccola evam. sabbattha natabbam. Bhikkhave thullananda bhikkhuni akalacivaram kalacivaranti adhitthahitva bhajapetiti 1- . saccam bhagavati . vigarahi buddho bhagava katham hi nama bhikkhave thullananda bhikkhuni akalacivaram kalacivaranti adhitthahitva bhajapessati netam bhikkhave appasannanam va pasadaya .pe. Evanca pana bhikkhave bhikkhuniyo imam sikkhapadam uddisantu {102.2} ya pana bhikkhuni akalacivaram kalacivaranti adhitthahitva bhajapeyya nissaggiyam pacittiyanti.The Pali Tipitaka in Roman Character Volume 3 page 68-69. https://84000.org/tipitaka/read/roman_item.php?book=3&item=102&items=1 Classified by [Item Number] :- http://84000.org/tipitaka/read/roman_item.php?book=3&item=102&items=1&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=3&item=102&items=1 Compare with The Royal Version of Thai Tipitaka :- https://84000.org/tipitaka/read/byitem.php?book=3&item=102&items=1 Study Atthakatha :- https://84000.org/tipitaka/attha/attha.php?b=3&i=102 Contents of The Tipitaka Volume 3 https://84000.org/tipitaka/read/?index_3 https://84000.org/tipitaka/english/?index_3
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]